සසුනඹර පොබ කළ අති ශෝභමාන සංඝ පීතෘවරයාණන් වහන්සේ නමක ලෙස දෙස් විදෙස් පතළ මහා කීර්ති කදම්බයෙන් අනූන බස්නාහිර පළාතේ ප්රධාන සංඝ නායක, කොළඹ ගංගාරාම විහාරාධිපති අතිපූජ්ය ගල්බොඩ ඥානිස්සර නාහිමිපාණන් වහන්සේ අපවත් වී වදාළහ. කල්ප කාලාන්තරයක් නොමියෙන නොමැකෙන අමිල මෙහෙවරක්, රට දැය සසුන වෙනුවෙන් ඉටු කළ වචනයේ පරිසමාප්ත අර්ථයෙන්ම සංඝ පීතෘවරයාණන් වහන්සේ නමක වූ උන්වහන්සේට ‘‘අජරාමර නිවන් සුවය ලැබේවා’’යි ලංකාදීපයේ අපි ප්රාර්ථනා කරමු.
ඓතිහාසික දක්ෂිණ දේශයේ මාතර පුරවරයේ ගල්බොඩ නම් නිසංසල සුන්දර ගමක 1943 දෙසැම්බර් මස 14 වැනිදා ගල්බොඩ කම්කානම්ගේ දොන් කරුණාරත්න නමින් මෙලොව එළිය දුටු පුත් කුමරා රට දැය සමය සසුන වෙනුවෙන්ම උපත ලද බව උන්වහන්සේගේ චරිතාපදානයෙන්ම පැහැදිලිය.
හික්කඩුව, ශ්රී සුමංගල සඟ පරපුරේ බෙන්තර වාචිස්සර දෙවුන්දර රතනජෝති නාහිමිපාණන්ගේ ආචාර්ය උපාධ්යයායෙන් කොළඹ ගංගාරාමයේදී ගල්බොඩ ඥානිස්සර නමින් උතුම් පැවිදි දිවියට පත් වනවිට උන්වහන්සේගේ වයස අවුරුදු 9ක් පමණ විය. එතැන් පටන් ‘‘පොඩි හාමුදුරුවෝ’’ වූ උන්වහන්සේ අපවත්වනතුරුම රටට පොඩි හාමුදුරුවෝම වූහ.
පොඩි හාමුදුරුවෝ උජුපටිපන්න වූහ. ඤාය පටිපන්න වූහ. සාමිචි පටිපන්න වූහ. කරන දේ කියන කියන දේ කරන ගුණෙන් පිරිපුන් වූහ. වරද දුටු තැන කවර තරාතිරමක අයකු වුවද ඔහුට ඒ මොහොතේම පෙන්වා දෙන කඩිසර බවින් අනූන පොඩි හාමුදුරුවෝ බොදුනු - නොබුදුනු ජනී ජනයාගේ ගෞරවාදරයට පාත්ර වූයේ එකී සකල ගුණාංගවලින් උන්වහන්සේ සමලංකෘත වූ හෙයිනි.
කොළඹ හුණුපිටිය ප්රදේශය එදවස මංපහරන්නන්ගේ පාරාදීසයකි. පොඩි හාමුදුරුවන්ගේ ඉලක්කය වූයේ එම ප්රදේශය වාසයට සුදුසු රමණීය බිමක් කිරීමටය. වඩාත් දුෂ්කරතා හා අභියෝග මැද කෙතරම් විශිෂ්ට අන්දමින් උන්වහන්සේ එම ඉලක්කය සපුරා ගත්තේද යන්න අද ඉඳුරාම ප්රත්යක්ෂය. හුණුපිටිය ගංගාරාමය යනු අද දෙස් විදෙස් සකල බෞද්ධ මධ්යස්ථානයකි. මෙරටට පැමිණෙන සංචාරකයන්ගේ අද එක් අරමුණක් වන්නේ ගංගාරාමය වැඳ පුදා ගැනීමය.
කොළඹ නවම් මහ පෙරහර ගංගාරාමය සතු සාඩම්බර පළඳනාවකි. එය සංස්කෘතික මහෝත්සවයකි. ගංගාරාම නවම් මහ පෙරහැරට දිගු ඉතිහාසයකි. එහෙත් විවිධ හේතු මත 1963 වසරේ සිට පෙරහර පැවැත්වීම නතර විය. පොඩි හාමුදුරුවෝ ලොකු හාමුදුරුනමක් ලෙස 1979 දී එම පෙරහර නැවත ආරම්භ කළහ. විවිධ විචිත්ර අංගයන්ගෙන් සමන්විත නවම් මහ පෙරහර පොඩි හාමුදුරුවන්ගේ අකම්පිත මනස නොසැලෙන ගුණය හා එඩිතර බව කියාපාන සංකේතයකි.
දැයේ දූ දරුවන්ගේ යහපත වෙනුවෙන් ආරම්භ කළ ශ්රී ජිනරතන කාර්මික විද්යාලයෙන් සිප් සතර ඉගෙන දිවි ගමන සරු කරගත් ලක්ෂ සංඛ්යාත දරු පිරිසක් සිටිති. එහි අනුබද්ධ ශාඛා 30ක් පමණ පවතින හෙයින් රටේ සිව් කොනේ දූ පුතුන්ට ජීවිතය ජය ගැනීමට එය මහරු සම්පතක් වී තිබේ.
තමන් ගත් මගම ගන්නා එඩිතර ශිෂ්ය පරම්පරාවක් නිර්මාණය කිරීමට උන්වහන්සේට හැකිවීම උන්වහන්සේගේ සාර්ථකත්වයට කදිම නිදසුනකි. ගංගාරාමයට පැමිණෙන කවරකු සමග වුවද තරාතිරම් බේදයකින් තොරව සාමිචියේ යෙදෙන උන්වහන්සේගේ නිරහංකාරත්වය උන්වහන්සේට ආභරණයක්ම විය.
රටට, දැයට සමයට, සසුනට නොමියෙන මෙහෙවරක් කර තම මුද්රාව තබා නොවහල් මනසින් දිවි සැරිය නිමා කළ පොඩි හාමුදුරුවන්ට අපි යළිත් නිවන් සුව පතමු.
(***)
මීට පෙර ලිපියක අප සඳහන් කළ ආකාරයට අද පැවැත්වෙන ශ්රී ලංකාවේ නව වැනි ජනාධිපතිවරණය මෙතෙක් පැවැත්වුණු ජනාධිපතිවරණ අටටම වඩා කරුණු ගණනාවකින් වෙනස්ය.
මාතලේ, නාලන්ද ගෙඩිගේ යනු මෙරට මධ්ය කේන්ද්රය ලෙස සලකනු ලබන ස්ථානයේ පිහිටි පෞරාණික මෙන්ම සුන්දර පරිසර පද්ධතියකින් හෙබි හරි අපූර්වතම ස්ථානකි. නාලන්ද
අඹගහපිටිය වලව්ව හෙවත් සහබන්ධු වලව්ව බලපිටිය මුදලි පෙළපතේ පැරැණිම වලව්වකි. විහාරස්ථානයට පූජා කළ ලංකාවේ මුල්ම වලව්ව ලෙස මෙය සැලකේ. උපසම්පදාව ජනසතු කරම
නීතියේ ආධිපත්යය යනු සියලුම පුද්ගලයන්, ආයතන සහ සංවිධාන නීතියට යටත් බවත් එහි නිර්දේශවලට වගකිව යුතු බවත් සහතික කරන මූලික මූලධර්මයකි. එසේම රටක් පාලනය ව
නව වැනි විධායක ජනාධිපතිවරයා තෝරා පත්කර ගැනීම තව දින දෙකකින් සිදුවීමට නියමිත අතර පෙර පරිදිම මෙවර ජනාධිපතිවරණ තුළත් රටට ගැළපෙන ආණ්ඩුක්රම ව්යවස්ථාවක
වික්ටෝරියා රැජිනගේ ප්රියතම සංචාරක නිවහන වූ ඉතාලියේ ‘‘පල්මියෙරි විලා” ඇමෙරිකානු ඩොලර් මිලියන 55 (ශ්රී ලංකා රුපියල් කෝටි 1660 ක් පමණ) ක මුදලකට විකිණීමට තී
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
දැයට සමයට වස්තුවක් වූ අපේ පොඩි හාමුදුරුවෝ