2024 නොවැම්බර් මස 24 වන ඉරිදා
2024 නොවැම්බර් මස 24 වන ඉරිදා
නිවාස සංවර්ධන අධිකාරියට අයත් නාරාහේන්පිට කාර්යාලයට අවස්ථා ගණනාවක් ගියද සිය අවශ්‍යතාව ඉටුකර ගැනීමට නොහැකි වූ කාන්තාවක විසින් කරන ලද පැමිණිල්ලක් මත ජනාධිපති ගෝඨාභය රාජපක්ෂ මහතා පෙරේදා එම කාර්යාලයේ හදිසි නිරීක්ෂණ චාරිකාවක නිරත වූ බව අප පුවත්පත ඊයේ වාර්තා කළේය.
පෙර රජදවසේ රජවරුන් වෙස් වළාගෙන මහජනයා අතර ගැවසුණු බව සඳහන්ය. එම ගැවසීමේ අරමුණ මහජනයාගේ ප්‍රශ්න ගැටලු හඳුනාගැනීම නොව රට්ටු තමන් ගැන කියන කතා සෘජුවම අසා දැන ගැනීමට විය හැකිය. කෙසේ වෙතත් ජනාධිපති ගෝඨාභය රාජපක්ෂ මහතාගේ හදිසි නිරීක්ෂණ චාරිකා අතිශයින්ම වැදගත්ය. මන්ද යත් රටක සංවර්ධන ක්‍රියාන්විතයේදී ඉහළ සිට පහළට සිදුවන සන්නිවේදනය මෙන්ම පහළ සිට ඉහළට සිදුවන සන්නිවේදනයද අතිශයින් ප්‍රයෝජනවත් වන හෙයිනි. විශේෂයෙන්ම අප වැනි රටක සමාජයේ බිම් මට්ටමේ ඇත්ත හඬ ඉහළට සන්නිවේදනය වීම දුර්ලභය. එනිසාම රටේ පාලකයාට රට පිළිබඳව නියම පින්තූරය දැකීමට අවස්ථා නොලැබේ. ජනාධිපතිවරයාගේ හදිසි නිරීක්ෂණ චාරිකා වැදගත් වන්නේ එහෙයිනි.
ප්‍රමාණවත් තරම් කාර්ය මණ්ඩලයක් නොමැති බව කියමින් නිවාස සංවර්ධන අධිකාරියට අයත් නාරාහේන්පිට කාර්යාලයේ නිලධාරීන් සිය රාජකාරී අවශ්‍යතාව ඉටුකිරීමට අපොහොසත් වූ බවට කාන්තාවක ජනාධිපතිවරයාට පැමිණිලි කළ බව එම ප්‍රවෘත්තියේ සඳහන්ය. ජනාධිපතිවරයා එම කාර්යාලයේ සිටි නිලධාරීන්ගෙන් ප්‍රශ්න කර සිටියේ ‘ඔයගොල්ලෝ මොනවද මේ කරන්නේ’ යනුවෙනි. එම නිලධාරීන් අමතමින් ජනාධිපතිවරයා ප්‍රකාශ කර තිබෙන්නේ ‘දැන් අද මෙතැනට ආවම එළවලා ඊයෙත් ඇවිල්ලා. අදත් ඇවිල්ලා. එක් කෙනෙක් නොවෙයි දෙන්නෙක්. ඇයි ඔයගොල්ලෝ මිනිස්සු එහෙම එළවන්නේ’ යනුවෙනි.
රාජ්‍ය ආයතනයකට ගොස් රස්තියාදු නොවුණ එකම පුරවැසියකු හෝ මේ රටේ සිටිය නොහැක. බොහෝ රටවල රාජ්‍ය ආයතන සමග සිදු කරන ගනුදෙනු නිවෙස තුළම සිට ‘ඔන්ලයින්’ ක්‍රමයට සිදු කළ හැකි වුවත් අප රටේ ඒ සඳහා සති ගණන් ඇතැම් විට මාස ගණන් බඩ ගෑ යුතුය. රාජ්‍ය ආයතනයක සේවකයකු වෙනත් රාජ්‍ය ආයතනයකින් තම අවශ්‍යතාව ඉටුකර ගැනීමට මෙසේ ‘බඩගෑම’ මගින් එම සේවකයාගෙන් රාජකාරි අවශ්‍යතා සපුරා ගැනීමට පැමිණෙන ජනතාවටද රස්තියාදු වීමට සිදුවේ. මුළු රාජ්‍ය අංශයම අකාර්යක්ෂම සේවාවක් බවට පත්වී තිබෙන්නේ එසේය. එහෙත් තවමත් දහස් ගණනින් රාජ්‍ය සේවයට බඳවා ගනී. රැකියාවට ගිය සැණින් ඔවුන් ගණන් හදා බලන්නේ අමතර දීමනා අතිකාල දීමනා සහ වරප්‍රසාද ගැන මිස වගකීම් ගැන නොවේ.
ඉහත රස්තියාදුව නිසාම රාජ්‍ය ආයතනයකින් අවශ්‍යතාවක් ඉටුකර ගැනීමට යන පුද්ගලයකු එම ආයතනයේ දන්නා හඳුනන කෙනෙකු සිටීදැයි විමසා බලයි. එසේ නොමැතිනම් කීයක් හෝ අත මිට මොළවා තම අවශ්‍යතාව ඉටුකර ගැනීමට පෙළඹේ. මහජනයාට සේවා සපයන ආයතනයක ක්‍රියාකාරිත්වය එසේ වූ විට රටට අත්වන ඉරණම වටහා ගැනීම අසීරු නැත.
ජනාධිපතිවරයා සිදු කළ නිරීක්ෂණ චාරිකාවේදී ආබාධිත පුද්ගලයකුගේ අවනඩුවකටද සවන් දුන්නේය. එම ආබාධිතයා පැමිණ සිටියේ රෝද පුටුවකිනි. ඔහු ජනාධිපතිවරයාට ප්‍රකාශ කර සිටියේ ‘දවස් ගණනක් රස්තියාදු වෙනවා. මෙතැන ඔප්පු ප්‍රශ්නයක් තියෙන්නේ. පොලියත් ලක්ෂ එකහමාරක් ගෙවලා තියෙනවා. මේ අඩුපාඩුව හදලා දෙන්න ජනාධිපතිතුමා කරුණාකරලා. මම උදේ ඉඳලා මේ ඇවිත් ඉන්නේ.’
ආබාධිතයකු සම්බන්ධයෙන් විශේෂ සැලකිල්ලක් දැක්වීම මනුෂ්‍යත්වයට අයිති කාරණාවකි. එහෙත් බොහෝ රාජ්‍ය ආයතනවල එම මනුෂ්‍යත්වයද නැත. බොහෝ රාජ්‍ය සේවකයන්ට රාජ්‍ය අංශය යනු පැය අටක වැඩ දිනයකි. එහෙත් ඔවුන්ගෙන් බොහෝ විට සිදු නොවන්නේද ‘වැඩ’ පමණි. ඒ සම්බන්ධයෙන් රාජ්‍ය සේවකයා වද නොවෙයි. මන්දයත් මාසික වැටුප කලට වෙලාවට ඔහුගේ අතට පත්වන හෙයිනි.
අවංකව මෙන්ම කාර්යක්ෂමවද කැපවීමෙන් කටයුතු කරන රාජ්‍ය සේවකයෝ බහුතරයක් සිටිති. එහෙත් අශිෂ්ට සුළුතරය නිසා මුළුමහත් රාජ්‍ය අංශයම නිල මැස්සන් පිරි අසූචි වළක් මෙන් පෙනෙන්නට තිබේ. රටේ මහජනයාගේ බදු මුදලින් වැටුප් ලබන රාජ්‍ය සේවකයකුගෙන් එබඳු හැසිරීමක් අපේක්ෂා කළ නොහැකිය. රාජකාරිය දේව කාරියක් මෙන් ඉටුකළ ඉපැරණි සත්පුරුෂ රාජ්‍ය සේවකයන් වනපොත් කිරීම නූතන රාජ්‍ය සේවකයාට වඩාත් වැදගත් වන්නේ එහෙයිනි.
මෙයට මාසයකට පමණ ඉහතදී නිවාස සංවර්ධන අධිකාරියේ හිඟුරක්ගොඩ කාර්යාලයෙන් වාර්තා වූයේ එම කාර්යාලයේ සේවය කරන එක් නිලධාරියකුගේ මංගල උත්සවයට එම කාර්යාලයේ සේවය කරන සියලුම පිරිස සහභාගි වීමට ගොස් සිටි නිසා ජනතාව ඉමහත් පීඩාවට පත්වූ බවය. එදින එක් නිලධාරිනියක පමණක් එහි සිටි බව වාර්තා වූ අතර ඇයද එහි සිට ඇත්තේ මංගල උත්සවයට ගිය අයකු පැමිණෙනතුරු බවය. නිසි පරිපාලනයක් සිදුවන්නේ නම් මෙබඳු සිදුවීම් විය නොහැකිය. එහෙයින් රාජ්‍ය අංශයේ කඩාවැටීමට රාජ්‍ය සේවකයන් මෙන්ම පරිපාලනයද වගකිව යුතුය. ජනතාව ඉල්ලා සිටින්නේ හෘදය සාක්ෂියක් සහිත රාජ්‍ය සේවයකි.
(***)
මහ මැතිවරණය නිමා වී ඇත. නව පාර්ලිමේන්තුව ද පළමු වතාවට ඊයේ රැස්වූයේය. ජාතික ජන බලවේගයේ දේශපාලන වැඩසටහන විධායකය සහ ව්‍යවස්ථාදායකය යන ක්ෂේත්‍ර දෙකේම ශක්
බ්‍රිතාන්‍ය යටත්විජිත සමයේ සිට මෙරට භාණ්ඩ අපනයනය සිදු වුණි. එදා සිට අද දක්වාම මෙරට ප්රධාන අපනයනික බෝග ලෙස හඳුනාගන්නේ තේ, පොල්, රබර් ය. එහෙත් එම පිළිගැන
ජනාධිපති අනුර කුමාර දිසානායක ප්‍රමුඛ ජාතික ජන බලවේගය මෙවර මහ මැතිවරණයේ දී ජනතාවගෙන් ඉල්ලා සිටියේ ‘පොහොසත් රටක් ලස්සන ජීවිතයක්’ ජනතාවට උරුම කර දීම සඳ
පෙරදිග ධාන්‍යාගාරය යන්න ඇසූ සැණින් කාගේත් මතකයට නැගෙන්නේ මහා පරාක්‍රමබාහු සමයේ අප රට හැදින් වූ නමයි. වචනයේ අර්ථය අනුව ගතහොත් පෙරදිග ලෝකයටම අවශ්‍ය තරම
ජාතික ජන බලවේගයට පාර්ලිමේන්තුවේ තුනෙන් දෙකක් ඉක්මවා යන ආසන 159ක අද්විතීය ජයග්‍රහණයක් ලබා දෙමින් 2024 පාර්ලිමේන්තු මැතිවරණය නිමාවට පත්විය. එහිදී සමඟි ජන බ
ජ.වි.පෙ මූලිකත්වය ගත් මේ 2024 පාර්ලිමේන්තු මැතිවරණයේ ජා.ජ.බ නැතිනම් “මාලිමා” ජයග්‍රහණය සැබවින්ම ඓතිහාසික ජයග්‍රහණයකි. ඔවුන්ගේ දේශපාලනය මා නොපිළිගත්තද, ඔ
2024 නොවැම්බර් මස 05
500
0
වසර විසිපහක විශිෂ්ට ඉතිහාසයක් සහිත BMS කැම්පස් ආයතනය නවෝත්පාදනයන් පෝෂණය කරමින් අනාගත නායකයින් නිර්මාණය කරමින් සහ හැඩගස්වමින් විශිෂ්ට ආයතනයක් බවට මේ ව
2024 ඔක්තෝබර් මස 18
719
0
සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 51 වැනි ශාඛාව කලූතර දිස්ත‍්‍රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප්රධාන අංගයකි. වාහනයක් කරදර වලින් තොරව සිත්සේ භාවිත කර
නාරාහේන්පිටින් පෙන්වූ රාජ්‍ය සේවයේ පිරිහීම
De silva Friday, 25 September 2020 07:18 AM
ඉතාමත් වැදගත් මාතෘකාවක්... අද රාජ්‍ය සේවයේ තේමාව... "ඇවිල්ලා පුළුවන්නම් වැඩේ කරගනින්" රට පස්සට යාමට ප්රධාන හේතුව මේ රජයේ ආයතන වල ඉන්න නූගත් දේශපාලන බත්බැලයින් සහ දේශකයින්ට කඩේ ගිහින් රස්සා ගත්ත නිකමුන්...
Buddika Friday, 25 September 2020 08:00 AM
මේ සිදුවීම තුළ නොපෙනෙන පැත්තකුත් තියෙනවා. පොලොන්නරුවේත් මේ දේම වුණා. නිවාස අධිකාරිය තුළ පොහොට්ටුවේ වෘත්තීය සමිතියේ මග පෙන්වීම සහ සංවිධානය තුළිනුයි, මේ සිද්ධි දෙකම වුණේ. අවසානයේදී ජනාධිපතිවරයාවත් නොමග යැව්වා. මේ කාර්යාලයට සේවක හිඟයක් තියෙනවා. කොහොම වුණත් රජයේ නිලධාරීන් ජනතා සේවයේනේ. රජයේ බැංකුවකට ගිහින් බලන්න ණයක් ගන්න.. රජයේ බැංකුවල මිනිස්සුන්ගේ මොලය වැඩි නිසාදෝ... ඒ බැංකුවලින් ජනතා සේවයක් බලාපොරොත්තු වෙන්න බැහැ.
සත්‍යපාල Friday, 25 September 2020 08:16 AM
නාරාහේන්පිට විතරක් නෙවෙයි රටේ කොතන බැලුවත් ඔහොම තමයි. හිතවත්කම්වලට, පගාවට වැඩකරන අය තමයි වැඩි හරියක් ඉන්නේ...
රාජේශ් ඛන්නා Friday, 25 September 2020 08:24 AM
මෑත කාලීන තැපැල් ඡන්ද ප්‍රතිඵල වලින් පෙනෙනුයේ 90%වට වඩා පවතින රජයට පක්ෂපාත රාජ්‍ය සේවාවක් තිබෙන බවකි. වෙනත් විදිහකට අර්ථ දැක්වුවහොත් පවතින රජයට පක්ෂපාත පක්ෂ හරහා රැකියා ලැබූවන්ය. එසේ නම් ඇයි මේ?. සුදුසුම අය එළියේ සිටියදී වෙනත් අය රාජ්‍ය සේවාවට බඳවා ගෙනද? අගමැති මහින්ද රාජපක්ෂ නිවාස ඇමති නොවෙයිද?. තමන්ගේ තනතුරට ගැළපෙන වගකිවයුතු වැඩක් හොයාගන්න තවම බැරිවුණාද? එහෙම නැති නම් තමා තනතුරට ගැලපෙන කෙනෙක් නොවන බව නොදැනීම එළියට පැනීමක්ද?
Nalaka Friday, 25 September 2020 09:53 AM
යන්නකෝ විදුලිබල මණ්ඩලයටත් අයදුම්පතක් දාලා ලයිට් ගන්න මාස 6කට බැහැ.
siri Friday, 25 September 2020 12:15 PM
දැන් හාල් කඩ ප්‍රශ්නය විසඳිලාද? ඔය වැඩ ගැන බලන්න ඇමැතිවරුත් ඉන්නවා නේද? එයාලාට බාරදෙන්න බැරිද මේ රස්සාව...?
BamunuarachchiSunday, 27 September 2020 02:17 PM
එහෙම නොකෙරුණ නිසා තමයි මෙතුමා එතැනට ගියේ...
අප්පුහාමි Friday, 25 September 2020 01:42 PM
පසුගිය දිනක පුවත්පතක තිබුණා විශ්‍රාම වැටුප දිගුකලක් ප්‍රමාදවීම නිසා විශ්‍රාමිකයෙකු දෙපාර්තමේන්තුව භාර අමාත්‍යාංශයේ ලේකම් හමුවී දුක්ගැනවිල්ල ඉදිරිපත් කළාම විශ්‍රාම වැටුප් ලොක්කාට දෙන්න ලිපියක් දුන්නාලු.. විශ්‍රාමිකයා එයත් රැගෙන විශ්‍රාම වැටුප් දෙපාර්තමේන්තුවට ගියාම ගේට්ටුවේ සිටි මුරකාරයා කිව්වලු කෙසේවත් කුමන හේතුවකටවත් ලොක්කා හමුවෙන්න දෙන්න බැහැ කියා එලවා ගත්තලු කියලා. මමත් විශ්‍රාමිකයෙක් එම දෙපාර්තමේන්තුවේත් වැඩකරලා තියෙනවා. නමුත් බිරිඳගේ වැටුප් වරද්දා තිබුණු අවස්ථාවක එය නිවැරදි කිරීමට ගිය වෙලාවේ පිළිගැනීමට කියා සිටි පළිගැනීමේ තරුණිය මට නොසෑහෙන්න බැන්නේ මගේ වයසවත් විශාල පිරිසකුත් සිටිනා බව සතයකටවත් නොසලකාය. මෙම තත්වය මෙම දෙපාර්තමේන්තුවේ හිටපු හොඳම අධ්‍යක්ෂතුමා වන තිලකරත්න මැතිතුමා මාරුවුණාට පසුව පැමිණ සියළුම ලොක්කන් සිදුකළා. ජනාධිපතිතුමා මෙම දෙපාර්තමේන්තුව ගැනත් අවධානය යොමුකරනවා නම් විශ්‍රාමිකයාට මහත්ම සෙතක් වෙනවා.
Perera Friday, 25 September 2020 07:55 PM
හැමදේටම ජනාධිපති සෘජුව සම්බන්ධ වෙන්න ඕනෑනම් ඇමැතිවරු ඉන්නේ අහවල් දේකටද? නිවාස ඇමැතිව අස්කරලා දාන්න.
සංජීව කරැණාදාස - අම්බලන්ගොඩ Saturday, 26 September 2020 12:00 AM
රාජ්‍ය සේවයේ පිරිහීම බලන්න. නාරාහේන්පිට නොවෙයි දකුණු පළාතට එන්න. කෝටි ගණන් පිල්ලි ගහපුවා. එව යටගහපුවා. රජයේ දේපළ අත්පත් කර ගත්තුවා. අම්බලන්ගොඩ තානායම රුපියල් 75,000කට ගිල්ල හැටි. අම්බලන්ගොඩ කලාප අධ්‍යාපන කාර්යාලය විසින් පාලනය කල පාසල් 38 ක් දකුණු පළාත් සභාව විසින් වසා දමපු හැටි. ඒ පාසල් ඉඩම් අත්පත් කර ගත් හැටි.... මියගිය අයටත් ලිත්, උපන් දින සුබපැතුම් යවපු හැටි, ඒ සියල්ල දකුණු පළාත් අභ්‍යන්තර විගණන දෙපාර්තමේන්තුව විසින් වසන් කළහැටි... විනය පරීක්ෂණ කියලා හැමදාම කරපු නාඩගම්.... සැලසුම් කරලා කරන විනය පරීක්ෂණ වලින් වසරකට කෝටි ගණන් ගසා කාපු හැටි.
M.G.C.GAMAGE Sunday, 27 September 2020 12:23 AM
රාජ්‍ය ආයතන වල පිරිහීමට වගකියන්න ඕන අසමත් පාලකයෝ. රටක් දුවන්න සිස්ටම් එකක්, ජාතික ප්‍රතිපත්ති පිහිටුවන්න ඕන වගේම රාජ්‍ය සේවය ආණ්ඩුවේ සේවයක් ලෙස නොව ස්වාධීන රාජ්‍ය සේවයක් ලෙස පවත්වාගෙන යා යුතුයි. එසේම පාලකයන් ආදර්ශයක් ලබාදෙන්න ඕන තමනුත් හරියට වැඩකරලා. රටේ කප්පරක් ගැටළු තියෙද්දී අදාළ ආයතන අධීක්ෂණය අදාළ ඇමැතිවරයාට බාරදීලා මෙතුමාට තියෙන්නේ අඩුම ගානේ කහ, පොල්, හාල්, එළවලු වගේ අත්‍යවශ්‍ය ආහාර ද්‍රව්‍ය අඩු මිලට ජනතාවට ලබාදෙන්න ක්‍රමයක් හදන ඒක. වැඩේ හොදයි. නමුත් කළමනාකාරිත්වය කියන්නේ ඕක නෙවෙයි. අනුන් ලවා වැඩ කරවා ගැනීම.
sampath Sunday, 27 September 2020 11:49 AM
ඔබතුමා මේ රටේ තියෙන හැම තැනටම ඔහොම යන්න ගියොත් වෙන වැඩක් කරන්න බැරි වෙනවා. කරන්න තියෙන එකම දේ තමයි මේවට හරිහමන් ආයතන ප්‍රධානීන් පත් කිරීම.
Bamunuarachchi Sunday, 27 September 2020 02:16 PM
උඩ එක මීට අන්තයි. ජනතාවට නිලධාරියෙක් කාර්යාලයේදී හමුවෙන්න බැහැ.
BamunuarachchiTuesday, 29 September 2020 02:01 AM
නාගරික සංවර්ධන අධිකාරිය මීටවඩා අන්තයි.
sampath Monday, 28 September 2020 12:23 PM
නිලධාරී පැළැන්තිය ජනතාවත්, දේශපාලකයිනුත් එක විට ආණ්ඩුව ප්‍රයෝජනය ගෙන ආණ්ඩු මාරුවට පාර කපයි. මේ රට සංවර්ධනය නොවුණු රටක් වූයේ දේශපාලනයට තඩිබාමින් නිලධාරීන් විසින් කරන ලද ක්‍රියාවන්හි ප්‍රතිඵල නිසා බවට මොනවට පැහැදිලි වනු ඇත. කෙසේවෙතත් හැල්මේ දුවන නිලධාරීන් නැතිව නොවේ. එහෙත් සමස්ථය නීතිපොත් අනුව මූල්‍ය රෙගුලාසි සහ පරිපාලන චක්‍රලේඛ පෙන්වා ජාමෙ බේරාගනිමින් සිටි මෙයට කදිම විසඳුම ලබාදුන්නේ ලලිත් සහ ජයවර්ධන ජනාධිපතිවරයාය. එහෙත් එවැන්නක් කිරීමට දැන් සුදුසු කාලය නොවේ. වැඩ නොකරනවාට අමතරව වැඩ කරන්න ඉඩ නොදීමද මේවායේ ලක්ෂණ වී ඇත. නිවාඩු සහ වැටුප් වර්ධක වලින් සේවකයාද චක්‍රලේඛ වලින් මහජනතාවද, සංඛ්‍යාදත්තවලින් දේශපාලකයින් ඇන්දවීම පිළිබඳව මනා පරිචයක් ඔවුන්ට ඇති බව අත්දැකීමෙන්ම දනී..
Daabare Tuesday, 29 September 2020 04:35 AM
පාර්ලිමේන්තුවේ ඉඳලාම හදන්න ඕනේ...