දැරියන් දෙදෙනාගේ දිවි බේරාගත් යුද හමුදා සාමාජිකයින් පිරිස. |
මාතර නගරය මැදින් ගලා බසින සුන්දර නිල්වලා ගංකොමළිය කාගේත් සිත් ගත්තකි. මහානාම පාලම මතින් ගමන් කරන ඕනෑම කෙනෙකු ගඟ දෙස බලන්නේ එහි සිටින කිඹුලන් බැලීමටය. ඊට අමතරව ඔරු පාරුද පාලම යටින් ගමන් කරන අයුරු දැක ගතහැකිය.
දිනය ඉකුත් 24 වැනිදාය. වේලාව උදෑසන 11.00 පමණ විය. මහානාම පාලම මතින් ගමන් කළ සියලූ දෙනාටම දැක ගත හැකි වූයේ කුඩා දැරියන් දෙදෙනෙකු නිල්වලා ගඟ මැද ගිලෙමින් සිටින අයුරුය.
ගෙඟ් සිටිනා කිඹුලියගේ පැටියා මිනී නොකන බවට ප්රසිද්ධ ජන කවියක් තිබුණද ඒ කිසිවකුත් දැරියන් බේරා ගැනීමට ගඟට නොපැන්නේ මිනීමරු කිඹුලන් නිල්වලා ගෙඟ් සිටින බව හොඳින් දන්නා නිසාය. ඔවුන් සියලූදෙනාට කළ හැකිව තිබුණේ අත් උස්සමින් මහ හඬින් කෑ ගැසීමය.
අනේ දරුවෝ දෙන්නෙක් ගඟට දමලා. බේරා ගන්න කියමින් ඔවුන් මර ලතෝනි දුන්නේ මාතර නගරයම කම්පාවට පත් කරමිනි. තවත් කාන්තාවන් හිසට අත ගසාගෙන ක්ලාන්තය සෑදුනාක් මෙන් ගල් ගැසී බලා සිටියේ එය මහ පොළොව නුහුලන දර්ශනයක් නිසාය.
ජනතාවගේ කෑ ගැසීම ඒ අසළ පිහිටි යුද හමුදා කඳවුරේ නිලධාරීන්ටද ඇසුණි. ක්ෂණයකින් යුද හමුදා සාමාජිකයින් සිව් දෙනෙකු නිල්වලාවට පැන්නේ රැුස්ව සිටි පිරිස මවිතයට පත් කරමිනි. ඔවුන් වහා ගඟ මැදට පිහිනා ගොස් දැරියන් දෙදෙනා දෑත්වලින් අල්ලා ගෙන ගොඩට රැුගෙන ආවේ මහානාම පාලම මත සිටි පිරිසේ දෑස්වලට කඳුළු එක් කරමිනි.
යුද හමුදා කඳවුරේ සිටි සෙසු සාමාජිකයෝ පිරිස බේරාගත් දැරියන් දෙදෙනා ඉක්මනින් මාතර මහරෝහල වෙතයැවීමට ක්රියා කළහ. ඒ ආකාරයට දිවි බේරාගැනීමට සමත් වූයේ රත්මලේ ප්රදේශයේ පදිංචි සිව්හැවිරිදි සහ දෙහැවිරිදි කුඩා අක්ක නගෝ දෙදෙනෙකි.
රැස්වූ පිරිසෙන් කොටසක් |
ඔවුන් ගඟට විසි කළ පියා මාතර නගරය දෙසට දුව ගිය බව සිද්ධිය ඇසින් දුටුවෝ පවසති. කෙසේ වෙතත් සිය ජීවිත ගැන නොසිතා දෙවිවරුන් මෙන් එම දැරියන්ගේ ජීවිත බේරා ගැනීමට ක්රියා කළෝ ශ්රී ලංකා යුද හමුදාවේ 3 වැනි ගැමුණු හේවා බළඇණියේ ලාන්ස් කෝප්රල් එස්.එස්. මානගේ, සාමාන්ය සෙබළුන්වන කේ.එල්.ඒ.සී. මධුශංක, ද සිල්වා හා 10 වැනි ඉංජිනේරු සේවා රෙජිමේන්තුවේ ඉංජිනේරු සෙබළ පුෂ්පකුමාර යන මහත්වරුය.
3 වැනි ගැමුණු හේවා බලඇණියේ නිලධාරී අණදෙන එම්.කේ. තුෂාර හා මාතර දිස්ත්රික් ආපදා කළමනාකරණ මධ්යස්ථානයේ අධ්යක්ෂක මේජර් සමන් බාලසූරිය යන මහත්වරුන් ඔවුන්ට සිය ප්රශංසාව පළකර සිටියේ කිසිත් නොතේරෙන දැරියන් දෙදෙනෙකුගේ ජීවිත බේරාගැනීමට ක්රියා කළ නිසාය.
කෙසේ වෙතත් දැරියන් දෙදෙනා ගඟට විසි කළ සැකකාර පියා කරණවෑමියකු ලෙස රැුකියාව කරන්නෙකි. ඔහුට හා බිරිඳට අවුරුදු 12 ක් වයසැති පුතෙකුද සිටී.
මීට මාස තුනකට පමණ ඉහතදී බිරිය ශාස්ත්රයක් ඇසීම සඳහා බතීගම ප්රදේශයේ යකදුරෙකු හමුවීමට ගියාය. ඒ ශාස්ත්රයට කියැවුණේ තමන් පදිංචි නිවසට කොඩිවිනයක් කර තිබෙන බවයි.
ඒ අනුව තමන්ගේ දියුණුවද ප්රමාද වන නිසා පුද පුජාවක් පවත්වා කොඩිවිනය ඉවත් කරමුයි ඇය සිය සැමියාට කීවාය. සැමියා ගුරුකම් පිළිබඳව එතරම් විශ්වාසයක් නොතිබූ අයෙකි. සිය බිරිඳගේ ඉල්ලීමට ඔහු ඉඩ දුන්නේය.
ක්රමයෙන් යකදුරා එම නිවසට යාමට හා ඒමටද පටන් ගත්තේය. ඒ නිසා සැමියාගේ සිත තුළ බිරිඳ පිළිබඳ සැකයක්ද ඇතිවී තිබුණි. වෙනදා ඉඳහිට මත්පැන් පානය කරන ඔහු දිනපතා මත්පැන් පානය කර නිවසට පැමිණෙන්නට පටන් ගත්තේය. ඊට අමතරව බිරිඳට ගුටිබැට දෙන්නට ද පටන් ගන්නා ලදී.
ඒ වනතෙක් ඒ පවුල ඉතා සතුටින් සාමයෙන් සිටියේය. අවුරුදු 18 වූ විගස එම තැනැත්තිය ඔහු තම බිරිඳ කරගෙන තිබුණේ පේ්රම සම්බන්ධතාවයක් මතයි. ඔහු බිරිඳට මෙන්ම සිය දරු දෙදෙනාටද පණමෙන් ආදරය කළේය. සැලකුවේය.
එහෙත් ඔවුන්ගේ පුංචි කැදැල්ල යුද පිටියක් බවට පත් කළේ කපුවෙකු නිවසට යාමට හා ඒමට පටන් ගැනීමත් සමගය. සිය සැමියාගෙන් සිදුවන ගුටිබැට එන්න එන්නම වැඩිවූ නිසා බිරිඳ ඉකුත් 21 වැනි දින රාත්රී දික්වැල්ල පොලිසිය වෙත ගොස් සැමියාට විරුද්ධව පැමිණිල්ලක් කළාය.
පවුල් ආරවුලක් සම්බන්ධයෙන් එම දෙදෙනාගෙන් දික්වැල්ල පොලිසියේ පොතේ සටහන් වු පළමු පැමිණිල්ල එය විය. පැමිණිල්ල විභාග කිරීම සඳහා එම දෙදෙනාටම ඉකුත් 24 වැනි දින දික්වැල්ල පොලිසිය වෙත පැමිණෙන ලෙස දැනුම් දී තිබුණි.
කිසිදාක තමාට විරුද්ධව පැමිණිල්ලක් නොදැමූ සිය බිරිඳ ඒ ආකාරයට ක්රියා කිරීම පිළිබඳව සැමියා තුළ දැඩි කළකිරීමක් ඇති වී තිබුණි. ඒ නිසා ඔහු ඊට පෙර දිනද බිරිඳ සමග රණ්ඩු කළේය.
24 වැනි දින උදාවිය. ඔවුන්ගේ වැඩි මහල් දරුවා උදෑසනින්ම පාසල වෙත පිටත්ව ගියේය. ”දැරියන් දෙදෙනා පොලිසියට එක්ක ගිහින් රස්තියාදු කරන්න ඕනෑ නැහැ. මම ඒ අය පුංචිලාගේ ගෙදර නවත්තලා පොලිසියට එන්නම්. ඔයා පොලිසිය ඉදිරිපිටට වී ඉන්න” කියමින් සැමියා සිය දියණියන් දෙදෙනා කැටුව නිවසින් පිටත්ව ගොස් ඇත.
ඒ අනුව බිරිඳද සූදානම් වී දික්වැල්ල පොලිසිය අසලට ගොස් සිය සැමියා එන තෙක් බලා සිටියාය. ඇයගේ ඉල්ලීම වූයේ තමාට පහර නොදෙන ලෙසට සිය සැමියාට පොලිසිය මගින් අවවාදයක් කරවීමයි.
මාතර මහ රෝහලේ කාර්ය මණ්ඩලය දැරියන් සුරතල් කරමින්.. |
පැය කිහිපයක් ගත විය. සැමියා පෙනෙන්නට නොවීය. සවස් වනවිට එතැනට පැමිණියේ මාතර කොට්ඨාස ළමා හා කාන්තා කාර්යාංශයේ ස්ථානාධිපතිනි වරුණි කේශලා බෝගහවත්ත මහත්මිය ප්රධාන නිලධාරීන් කණ්ඩායමකි.
”ඔයාද චමිලා කියන්නේ” වරුණි බෝගහවත්ත මහත්මිය විමසන විට ඇය ඒ අසලට පැමිණියාය. ඇය ජීප් රථයට නංවා ගත් පසු වරුණි බෝගහවත්ත මහත්මිය සිදුවූ විපත ඇයට කීවාය.
”අනේ මගේ දරුවෝ දෙන්නා” ඒ බිරිඳ මහ හඬින් හඬා වැළපෙන්නට වූවාය. මගේ සැමියාට මොකද වුණේ කියලත් ඇය විමසුවේය.
ඇය මාතර පොලිසිය වෙත කැඳවාගෙනවිත් ප්රකාශයක් සටහන් කර ගැනීමට පොලිසිය ක්රියා කළේය.
ඉන් අනතුරුව ඇය මාතර මහ රෝහලේ ප්රතිකාර ලබමින් සිටින සිය දියණියන් දෙදෙනා ළඟට ගොස් ඔවුන් බදාගෙන හඬා වැළපුණාය.
කුඩා දැරියන් අම්මේ, තාත්තා කෝ කියා විමසුවාය. එහෙත් ඔහුට සිදුවූයේ කුමක්ද කියා මේ වනතෙක් හෙළිවී නොමැත.
ඔහු සැඟවුණාද ජීවිතයෙන් සමුගත්තාද යන්නවත් හෙළිවී නොමැත. එහෙත් ඒ කුඩා දැරියන් දෙදෙනා තමන් ගඟට විසි කළ පියා එන තෙක් මග බලා සිටින්නේ ඔහුට ඒ තරමටම ආදරය නිසාය.
සැකයක් නිසා සතුටින් සිටි පුංචි කැදැල්ලකට විසිරීයාමට සිදු වූයේ කිසිවකුත් නොසිතූ ආකාරයටය. එහෙත් යුද හමුදා සාමාජිකයින්ට පිංසිද්ධ වන්නට මල් කැකුළුවන් දැරියන් දෙදෙනකුගේ ජීවිත බේරා ගැනීමට හැකි විය.
එම දැරියන් දෙදෙනා ඝාතනය කිරීමට තැත්කිරීමේ වරදට චන්දන නමැති ඒ තාත්තා අත්අඩංගුවට ගැනීමට නියමිතය. ඒ සඳහා විශේෂ පොලිස් කණ්ඩායමක් පත්කර තිබේ.
දකුණු පළාත බාර ජ්යෙෂ්ඨ නියෝජ්ය පොලිස්පති චන්දන වික්රමරත්න මහතාගේ උපදෙස් මත මාතර ජ්යෙෂ්ඨ පොලිස් අධිකාරි දේශබන්දු තෙන්නකෝන්, මාතර කොට්ඨාස ළමා හා කාන්තා කාර්යාංශයේ ස්ථානාධිපතිනිි වැරුණි කේශලා බෝගහවත්ත, සැරයන් 55850 ජී. සුමතිපාල, 5282 චන්ද්රා, කොස්තාපල් 37982 චන්දන යන මහත්ම මහත්මීන් මේ පිළිබඳව වැඩිදුර පරීක්ෂණ මෙහෙයවති.
ජෝන් මේරි බවින්සා කියන්නේ එල්ටී.ටී.ඊ. සංවිධානයේ නායකයාව සිටි වේළුපිල්ලේ ප්රභාකරන් දරුකමට හදාගත් දරුවාය. ප්රභාකරන් දරුකමට දරුවකු හදා වඩාගත් බව දැනග
අලුත් ආණ්ඩුවේ ක්රියාකාරිත්වයෙන් පැහැදිලි වන්නේ, ඔවුන් ද 2015 වසරේ යහපාලන ආණ්ඩුව සිය කැමැත්තෙන්ම වැටුණු වළට වැටීම තෝරාගෙන සිටින බවයි. ජනාධිපතිවරයාගේ
ඉරානය ඊශ්රායලයට පහර දුන්නේය. ලොව විශාලතම ෂියා මුස්ලිම් රාජ්යය වන ඉරානයත්, ලොව එකම යුදෙව් රාජ්යය වන ඊශ්රායලයත් පිහිටා ඇත්තේ කිලෝ මීටර් 1,700 ක පමණ දුරක
ජන්දදායකයා මැතිවරණ ක්රියාවලියට සම්බන්ධ වීම ප්රජාතන්ත්රවාදයේ ඉතාමත්ම උසස් ගුණාංගයකි. එය නියෝජන ප්රජාතන්ත්රවාදය ක්රියාත්මක වීමට අත්යවශ්ය ක
ප්රවීණ කවියකු, තීරු ලිපි රචකයකු, නවකතාකරුවකු, කෙටිකතාකරුවකු, මෙන්ම ප්රකට විචාරකයකුද වන බුද්ධදාස ගලප්පත්ති මහතාගේ නවතම කෘති දෙකක් වන සමුදුර අසා සිටී
ජනාධිපති තරගයෙන් රනිල් වික්රමසිංහ මහතා පරාජයට පත්විය. 2022 රට මුහුණදුන් ආර්ථික අර්බුදය අවස්ථාවේදී රට භාර ගැනීමට කිසිවකු නොසිටිය ද ඔහු එම අභියෝගය භාරගෙ
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
නිල්වලාවට දරුවන් බිලිදුන් අපූරු තාත්තා
කුමාරි Monday, 28 April 2014 08:14 PM
මේ ප්රවෘත්තිය විවිධාකාරයෙන් මාධ්ය මගින් දුටුවා. එක තැනක බිරිදගේ නැගණිය ඒ ගෙදර සිට අනියම් සම්බන්දකමක් ගැන සඳහන් වුනා.මම නම් හිතන්නේ හරියටම සිදු වීම පිලිබඳ නොදැන කවුරුත් කියන දේ රටට නොකිය යුතුයි. මොකද ජිවත් වෙන අයට ඒවා බලපානවා. (ස)
දයා අලහකෝන් Monday, 28 April 2014 03:27 PM
රටේ බොහෝමයක මෙවැනි අකටයුතුකම් වලට කපුවන් සම්බන්ධයි. සමාජය තවම පාඩම් ඉගෙනගෙන නැහැ. (ස)
ශ්රීමතී Wednesday, 30 April 2014 08:09 PM
දරුවන් ලංකාවේ දාලා කුවේට් වල දුක් විඳින අපිට මේ වගේ සිදුවීම් දරාගන්න බැහැ. දෙමවුපියන්ගේ වැරදි වලට ඇයි දරුවන්ගේ ජීවිත වලින් පළිගන්නේ? දියණියන් දෙන්නා බේරාගත් හමුදා සහෝදරයන්ට ගොඩක් පින්! (නි)
ලාල් Wednesday, 30 April 2014 01:07 PM
ඇත්තටම මේ ප්රශ්නයට වග කියන්න ඕනේ කවුද (දී)
ශ්රීමතී Wednesday, 30 April 2014 08:33 PM
දෙමවුපියන්ගේ වැරදි වලට ඇයි දරුවන්ගෙන් පළිගන්නේ? (නි)
මාලි Wednesday, 30 April 2014 08:39 PM
අපූරු තාත්තෙක් තමයි... (නි)