(හිරාන් ප්රියංකර ජයසිංහ)
නිසි මිලක් නොමැතිකමින් නවගත්තේගම මහ අන්දරවැව දොඩම් වගාකරුවෝ අන්ත අසරණ වී සිටිති.
නවගත්තේගම ප්රාදේශීය ලේකම් වසමට අයත් මහ අන්දරවැව ගම්මානයේ පවුල් 100කට ආසන්න ප්රමාණයක් තම ජීවිකාව සරිකර ගැනීමේ අරමුණින් දොඩම් වගාව අරඹා තිබුණද එය මේ වනවිට සිහිනයක් බව ඔවුහු පවසති.
මෙහිදී වගාකරුවන් අතරින් පළමුව අදහස් දැක් වූ මහ අන්දරවැව ඊ. එම්. ගුණරත්න බණ්ඩා පැවසූවේ මෙවැන්නකි.
‘අපේ දොඩම්වලට නියම මිලක් නොමැති නිසා අපි පුදුම විදියට අසරණ වී සිටිනවා. මහ අන්දරවැව දොඩම්වලට නියම ගැනුම්කරුවකු නොමැති නිසා මිලදී ගන්න එන ගැනුම්කරුවන් අපිට දෙන්නේ අඩුම මිලක්. හොඳ ගැනුම්කරුවකු ආවොත් ස්ථාවර සාධාරණ මිලක් ලබාදෙයි කියලා අපි බලාපොරොත්තු වෙනවා’ යැයි ඔහු පවසයි.
දොඩම් වගාකිරීමේ යෙදී සිටින චම්පා දිල්හානි මහත්මිය මෙසේ පැවසුවාය.
‘අපි දොඩම් වගාව සඳහා විශාල වියදමක් දරනවා. මේ පළාතේ පවතින නියගයට ඔරොත්තු දෙන ආකාරයට දිවුල් ගසට දොඩම් ගස බද්ධ කරලායි වගා කරන්නේ. නමුත් රසයේ කිසි අඩුවක් නැහැ. ඵලදාවත් හොඳ මට්ටමක තියෙනවා. ඇතැම් කාලවලදී දොඩම් ගෙඩි ගස් යට කුණු වී යනවා. ඒ තරමට අපේ දොඩම් අස්වැන්නට නිසි මිලක් නැති වෙලා’ යැයි ද ඇය පවසයි.
දොඩම් වගාකරුවකු සහ දොඩම් වෙළදාම් කරන්නෙකු වන ආර්.එම්. ඩිංගිරි බණ්ඩා මහතා දොඩම් තොගයක් අලෙවි කිරීමට රැගෙන යන අතරතුරදී මෙසේ පැවසීය.
‘නවගත්තේගම මහ අන්දරවැව කියන්නේ දොඩම් වගාවට හොඳ ගම්මානයක්. මේ ගම්මානයේ පවුල් 100ක් විතර දොඩම් වගාකරනවා. අක්කරවලින් කිව්වොත් 100කට වැඩිය වගා කරනවා. ඒ තරමට සාර්ථක අන්දමින් දොඩම් වගා කරනවා. නමුත් ඒ සඳහා වෙළඳපොළක් නැහැ. මම දොඩම් වගා කරනවා වගේම අලෙවි කටයුතුත් සිදු කරනවා. ඇතැම් කාලවලදී අපේ දොඩම් මිලදී ගන්න කිසිම පුද්ගලයෙකු එන්නේ නැහැ. නමුත් පිටරටින් එන දොඩම් වලට පුදුම ඉල්ලුමක් තියෙන්නේ. ඒ දොඩම්වල තියෙන රසායනික ද්රව්ය ගැන අපේ මිනිසුන්ට කිසි තැකීමක් නැහැ. පොත්තටයි රහටයි වහවැටිලා වහ කනවා’ යි ඔහු පැවසීය.
ප්රවීණ කවියකු, තීරු ලිපි රචකයකු, නවකතාකරුවකු, කෙටිකතාකරුවකු, මෙන්ම ප්රකට විචාරකයකුද වන බුද්ධදාස ගලප්පත්ති මහතාගේ නවතම කෘති දෙකක් වන සමුදුර අසා සිටී
ජනාධිපති තරගයෙන් රනිල් වික්රමසිංහ මහතා පරාජයට පත්විය. 2022 රට මුහුණදුන් ආර්ථික අර්බුදය අවස්ථාවේදී රට භාර ගැනීමට කිසිවකු නොසිටිය ද ඔහු එම අභියෝගය භාරගෙ
ශ්රී ලංකාව මෙවර ළමා දිනය සමරන්නේ, රට තීරණාත්මක සන්ධිස්ථානයකට එළඹ සිටියදීයි. 9 වැනි විධායක ජනාධිපතිවරයා පත්කර ගත් ජනාධිපතිවරණය සහ පාර් ලිමේන්තුව තෝරා
2024 ජනාධිපතිවරණය සැමගේම අවධානයට ලක්වීමට හේතු ගණනාවක් තිබුණි. රට බංකොලොත් වීමෙන් පසු පැවැත්වූ ප්රථම ජනාධිපතිවරණය වීම ඉන් එක් හේතුවකි. නව ජනාධිපතිවරයක
ලෙබනනයේ ෂියා මුස්ලිම් හිස්බුල්ලා සංවිධානයේ මහ ලේකම්වරයා, එසේත් නැතිනම් නායකයා ෂෙයික් හසන් නසරැල්ලා ඝාතනය කිරීමට ඊශ්රායලය සමත් විය. 64 හැවිරිදි නසරැල
හිටපු අමාත්යවරයකු අභාවප්රාප්ත කුමාර වෙල්ගම මහතාගේ අවසන් කටයුතු අද (30) සවස මතුගම ආදාහනාගාරයේ දී සිදු කෙරේ මේ ලිපිය ඒ නිමිත්තෙනි.
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
නවගත්තේගම දොඩම් වගාකරුවෝ අතරමං
sarath Friday, 19 October 2018 08:19 AM
එකතුවෙලා කොළඹට ගෙනෙන්න මේ දොඩම් වීදුරුවක් 100 -250 යනකල් යනවා. ගෙඩියට සාධාරණ ගානක් දෙන්න බැරි මොකද?
casmir Friday, 19 October 2018 10:07 AM
මේ රටේ 15 % රාජ්ය නිලධාරීන් , දිසපති කාර්යලවලට අනුයුක්ත කරලා ඉන්න සංවර්ධන නිලධාරීන් මොනවද කරන්නේ . මේ රට දියුණු කරන්ඩ ඕනනම් කෘෂිකර්මාන්තය දියුණු කරන්ඩම ඕන . මේ මෝඩ දේශපාලකයන්ටයි සහ රාජ්ය නිලදරීන්ටයි මේක තේරුම්ගන්ඩ බැහැ. ලංකාවේ මිනිස්සු දේශපාලකයෝ 8000 නඩත්තු කරනවා එත් මුන්ගෙන් වැඩක් නැහැ .
Dayan Friday, 19 October 2018 01:13 PM
මේවා ගැන සොයලා බලලා කටයුතු කරන්න තමයි මන්ත්රීවරු සහ ආණ්ඩු පත්කරන්නේ... ඔවුන් මේවා බල්න්නේ නෑ. හම්බ කරගන්නේ කොහොමද කියලයි හැම වෙලාවේම බලන්නේ...
ධනුෂ්ක Friday, 19 October 2018 03:15 PM
මේ මගේ ගමට අල්ලපුගම. අපෙත් තියනවා අක්කර තුනක පැනි දොඩම් වගාවක්... ගෙඩියක මිල රුපියල් පහක් විතර වෙන්නේ කිලෝඑකක් රුපියල් පනහක්වත් නෑ. හැබැයි පෙරේදා කොළඹ සුපිරි වෙළඳසල්වල කිලෝ එක රුපියල් 350යි. ගොවියට වැඩකුත් නෑ පාරිභෝගිකයට සහනයකුත් නෑ. මේකට අනිවාර්යයෙන් අපේ මිනිස්සු එක්ක එකතුවෙලා පියවරක් ගන්නවා. අතරමැදියන් අතට පත්නොකර කෙලින්ම අදාල අායතන වෙතටම දොඩම ලබාදීමට... මා පිලිබඳ අායතන කිහිපයක් සමගම කතා කළා... යහපත් පිළිතුරු ලැබුණා... හැබැයි මෙය මගේ ලාභය උදෙසා නොව අපි සියලු දෙනාගේ ලාභය උදෙසා. වැඩේ පටන් ගන්නයි ටිකක් අමාරු..
tommySaturday, 20 October 2018 01:28 PM
ගොවීන් සංවිධානය කර, හැමදාමත් පරිබෝගිකයා සුර කෑ අතරමැදියා අභිබවා යන්නට ඔබ දරන තැත ප්රශංසනීයයි. නමුත් කිසි දිනක අපේම ඡන්දෙන් පත්වුණු දේශපාලකයින්ගෙන් නම් කිසිම උදව්වක් බලාපොරුත්තු වෙන්ට එපා. ඒ අය හැමදාමත් අතරමැදියාගේ අල්ලසට යටයි. දඹුල්ලට එළවලු ගෙනෙන ගොවියන් හට තවමත් සංවිධානය වීමට නොහැකි වීම කණගාටුවට කරුණක්.
tikiri Saturday, 20 October 2018 01:15 AM
මේකට හේතුව රට පාලනයෙන් තොර වීමයි. මහන්සි වෙන ගොවියාගෙන් කුණුකොල්ලයට අරගෙන පාරිභෝගිකයාට ගිණි ගානට දෙනවා. අන්තිමට මිනිස්සු ගන්නේ නැතිව පලතුරු කුණු වෙලා යනවා. රටේ කෘෂි කර්මාන්තයට සම්බන්ධ ආයතන කීයක් තියෙනවද ? රටේ හැමතැනම එක කාලෙට එකම දේ වගකරලා අස්වැන්න විසි කරන්නේ නැතිව ගොවියන් සමග සම්බන්ධීකරණයෙන් එක් එක් ප්රදේශ වල විවිධ දේ වගා කලා නම් මෙතරම් පාඩුවක් වෙන එකක් නැහැ. අපේ පැතිවල එළවලු, පලතුරු ගිනි ගණන්, දඹුල්ලේ ඒවා අලින්ට කන්න දමනවා. කිලෝ මීටර් කීයද තියෙන්නේ .
ajith Saturday, 20 October 2018 01:32 AM
දොඩම් යුෂ බෝතල් කරන්න දොඩම් වැඩි කාලෙට.
සෙනෙවි Saturday, 20 October 2018 01:55 AM
දොඩම් ආනයනය තහනම් කරන්න, දේශිය ජනතාවගේ ආකල්ප වෙනස් කරන්න හොඳ බෙදාහැරීමේ ජාලයක් සකසන්න
ලක්ෂ්මන් Saturday, 20 October 2018 02:26 AM
පිට රටින් දොඩම් ගෙනාවම රටට ගොවියන්ට මොනවා වුනත් තීරුබදු ලැබෙනවානේ. පාලකයො හිතන්නේ ඒක පමණයි. ලංකාවේ දොඩම් ඵලදාව ලැබෙන කාලෙටවත් විදේශ විනිමය වැයවෙන දොඩම් ගෙන්වීම නතර කරන්න බැරිද. ගමක් ගානෙ සිටින කෘෂිකර්මය ගැන පර්යේෂණ කරන කණ්ඩායම් මේවාට වගකිව යුතු නැද්ද.
Rohitha Saturday, 20 October 2018 07:02 PM
මහා ලොකුවට සතුන්ගෙන් වෙන හානි වලක්වන්ට සතුන් මරන්න හදනවා එත් තවම බැරිඋන ගොවියන්ගේ අස්වැන්න විකුණා ගන්න ක්රමයක් හදලා දෙන්න .
P.D.Fernando Saturday, 20 October 2018 10:46 PM
මේවා අපනයනය කල හැකිය අපනයන මණ්ඩලයට යන්න මටද උදව් කල හැක............
Rane Sunday, 21 October 2018 12:37 AM
ඔබ ගමම එකතු වෙන්න. වාර්ෂික අස්වැන්න ගණනය කරන්න. ෆූඩ් සිටි වගේ ප්රධාන ගැණුම් කරුවන්ට කතා කරන්න. ඔවුන් අකමැති වෙන එකක් නෑ.
dhammika Sunday, 21 October 2018 03:08 AM
රටට වැඩක් නොකරන හොර දේශපාලකයන් සහ වහල්කම් කරන මෝඩ මිනිස්සු ඉන්නකම් මේවා වෙනස් කරන්න බෑ.
de silva Sunday, 21 October 2018 04:23 AM
ඔච්චර මහන්සිවෙලා වගාකරන දොඩම් පොඩි බට්ට ලොරියක පටවාගෙන නගරයකට ගෙනවිත් ලොරියේම තියාගෙන විකුණගන්න බැරි මොකද ? සාධාරණ මිලක් දුන්නොත් පාරිභෝගිකයෝ ඕව ගන්නේ පොරකකා , විවෘත ආර්ථිකයක් ඇති රටක හැමදේකටම රජයට මැදිහත්විය නොහැක.
Perakum Sunday, 21 October 2018 08:34 AM
අපේ රටේ කෘෂිකර්මය සංවර්ධනය කරන්න කොයිතරම් දේශපාලකයින් රාජ්ය නිලධාරින් ඉන්නවද...? ඒ අයට පුරුදු සනීපෙට සීතල කාමර වලට වෙලා අපේ බදු මුදලින් යැපෙන්නයි පිටරට සංචාර යන්නයි විතරයි. ගොවියාගේ යහපතට මෙතෙක් මොනවද කරලා තියෙන්නෙ...? අඩු ගනනේ පිට රට ගිහින් බලල ඉගෙනගත්තු එක දෙයක් මෙහෙ ක්රියාත්මක කරලා තියනවද..?
Shobha Vidanapathirana Monday, 22 October 2018 05:37 AM
මම අපේ රටේ පැණි දොඩම් අලෙවි කිරීමට තිබෙන කාලයට ෆූඩ් සිටි සහ නාරාහේන්පිට ආර්ථිකයෙන් හැමදාම මිළදී ගන්නවා∙ ඇතැම් කාලවලදී දොඩම් මිලදී ගන්න කිසිම පුද්ගලයෙකු එන්නේ නැත්නම් ගමේම කට්ටිය එකතු වෙලා යම් වැඩපිළිවෙලක් ඇතිකර ගත යුතුයි