IMG-LOGO

2024 සැප්තැම්බර් මස 19 වන බ්‍රහස්පතින්දා


පණපිටින් පොළොව යට වැළලූණු මිනිසෙක්

ලෝකයේ බොහෝ දෙනකු ලෝකයම මවිත කරවන බොහෝ දේ කර ඇත්තේ තම සිත පාලනය කර ගැනීමෙනි. මෙලෙස තම සිත ඒකාග‍්‍ර කර ගෙන විශ්මිත කාර්යයක් කරන්නට එක් පුංචි මිනිසෙකු පසුගියදා සමත් විය. ඔහු මහනුවර උඩහිගුල්වල සියපත්ගම පදිංචි කුලතුංග මුදියන්සේලාගේ හීන්බණ්ඩා නම් 59 හැවිරිදි පුද්ගලයායි. දෙනෝදාහක් ජනතාව බලා සිටිය දී මහ පොළොවේ පැය පහක් පණ පිටින් වැළලී සිට නව වාර්තාවක් පිහිටුවීමට ඔහු සමත් විය. ඔහු මේ ආශ්චර්යය කළේ කෙසේ ද? සැමටම ප‍්‍රශ්නයකි. අපි ඒ පිළිබඳව ඉරිදා ලංකාදීපය වෙනුවෙන් ඔහුගෙන් විමසුවෙමු. මේ ඔහු අපට එය විස්තර කළ අයුරුයි. මම 1970 සිට මුලින්ම කරාටේ ඉගෙන ගත්තා. කරාටේ ක‍්‍රීඩාවෙන් සිත පාලනය කර ගැනීම උගන්වනවා. ඒ අතරතුර යෝගී ව්‍යායාම ක‍්‍රම ප‍්‍රගුණ කළා. යෝගි ව්‍යායාම මගින් සිත මෙන්ම කයත් පාලනය කරනවා. සිත කය දෙකම නම්‍යශීලී වෙනවා. ඒ නම්‍යශීලීත්වයත් සමග මම විවිධ සංදර්ශන පවත්වන්න 1980 සිට පටන් ගත්තා. ඒ සංදර්ශනවලට පොළොව යට වැළලීමත් එක් කළ නමුත් ඒ දවස්වල පැයක පමණ කාලයකට පමණක් එය සීමා වුණා. පසුව  ටික ටික එය වැඩි දියුණු කර ගත්තා. නමුත් අවසන් වරට පැය පහක් වළ තුළ සිටීමට පෙර පසුගිය මැයි මාසයේ දී පැය දෙකහමාරක් පමණ සිටියා. පසුගිය ඉරිදා පස්වරු දෙකට මහනුවර උඩහිගුල්වල සියපත්ගම දී ඔහු පණ පිටින් වැළලූනේ කිසිදු චකිතයකින් තොරවයි. අඩි හයක් දිග අඩි තුනක් පළල හා අඩි තුනක් ගැඹුර වළක් තුළ නිදාගත් මොහු ගේ වළ උඩින් ලෑලි අතුරා ගිනි ගොඩක් ගසනු ලැබීය. ඒ වන විට පොළොව තුළ පණ පිටින් වැළලී සිටි හීන්බණ්ඩා මහතාගේ වළ සැබෑ මිනී වලක ස්වරූපය ගත්තේය. මෙලොව ඉපදුන සියලූ මිනිසුන් කවදා හෝ දිනෙක මේ මහ පොළොව තුළ වැළලීම නිශ්චිත වුවත් ඒ පිළිබඳ අත්දැකීම් ඇත්තේ කිහිප දෙනෙකුට පමණකි. එයින් අද වන විට ශ‍්‍රී ලංකාවේ සිටින අංක එකේ පුද්ගලයා වනුයේ හීන්බණ්ඩා මහතායි. පොළොව යට පණ පිටින් වැළලී සිටිය දී තමන්ට දැනුණු දේ ඔහු අප සමග ප‍්‍රකාශ කළේ මෙසේයි. පොළොව යට වැළලීම මට එතරම් අමුත්තක් නෙවෙයි. නමුත් මෙවර මා පොළොව තුළ සිටි කාලය වැඩියි. ඒ නිසා තරමක් කල්පනා කරන්න අවශ්‍ය වුණා. නමුත් මම සංවිධායක මණ්ඩලයට කියල තිබුණා මොන හේතුවක් නිසාවත් පැය පහක් ගතවන්න පෙර වළ හාරන්න එපා කියලා. පැය පහට ආසන්න වෙද්දි වළ තුළ ඔක්සිජන් අඩුවීමක් පෙනුණා. ජංගම දුරකථනය පොළොව තුළට ගෙන ගිය ද ඒ සඳහා කිසිදු සංඥාවක් ලැබුණේ නෑ. අනෙක පොළොව මත සිදු වන කිසිදු ශබ්දයක් වළ තුළට ඇහුණේ නෑ. පස්වරු දෙකට වැළලූ හීන්බණ්ඩාව ගොඩට ගත්තේ රාත‍්‍රි හතටයි. ඒ වන විට දහස් ගණනක් ජනතාව එම භූමියට රැුස්ව සිටියහ. පොළොව යට සිට පසුගිය ඉරිදා රාත‍්‍රි හත දක්වා පිහිටුවා තිබූ වාර්තාව පැය තුනයි විනාඩි 39 තත්පර 12ක් ලෙස සටහන්ව තිබේ. එම වාර්තාව බිඳ හෙළීමට හීන්බණ්ඩා සමත් වූයේ පැය පහක් එක දිගටම පොළොව තුළ වැළලී සිටීමෙනි. නව වාර්තාවක් පිහිටවූ හීන්බණ්ඩා මහතාගේ තවත් දස්කම් රැසක් වේ. ඒ අතර ගිනි පෑගීම, යකඩ වළල්ලෙන් රිංගීම, බෝතල් මත ශරීරය සම බර කිරීම, බෙල්ලේ ඉදිරිපස තබා යකඩ කම්බි නැවීම, මිනිසුන් හය දෙනෙකු එකවර එසවීම, යකඩ ඇණ මත නිදාගෙන බර එසවීම, යකඩ වළලූ හතකින් නැගීම සහ බැසීම, පපුව මත වංගෙඩියක් තබා එහි පොල් කෙටීම, පපුව මත කළු ගලක් තබා කුළු ගෙඩියෙන් එය කැඞීම ආදිය මේ අතර ප‍්‍රධාන වේ. මෙම නව වාර්තාව පිහිටුවීමෙන් අනතුරුව හීන්බණ්ඩා මහතා අප සමග කීවේ තමාගේ මීළ`ග අරමුණ නව ගිනස් වාර්තාවක් පිහිටුවීම බවයි. මේ වන විට ලෝක වාර්තාවේ කාලය කොපමණදැයි තමා නොදන්නා බව ද ඔහු කීය. පොළොව යට පණ පිටින් වැළලීම ත‍්‍රාසය සහ භීතිය පිරුණු සිදු වීමකි. එය බලා සිටින්නන්ගේ සිත් කම්පා කරවයි. සියපත්ගම හීන්බණ්ඩා මහතා නව වාර්තාව පිහිටුවන  අවස්ථාවට විශේෂ අධීක්ෂණ මණ්ඩලය ලෙස ගලගෙදර පොලිසියේ නිලධාරීන්, රජයේ නිලධාරීන්, ප‍්‍රභූන් ඇතුළු පිරිසක් එක් වූහ. මෙම වාර්තාව පිහිටු වූ හීන්බණ්ඩා මහතා තරුණ පිරිසගෙන් සහ දරුවන්ගෙන් එක් ඉල්ලීමක් කරයි. එනම් පොළොව යට වැළලීම භයානක දෙයක් බැවින් අත්හදා බැලීමට නොයන ලෙස ඔහු තරයේ ඉල්ලයි. හීන්බණ්ඩා මහතා සිය ජීවන වෘත්තිය ලෙස විවිධ දෑ කළ ද මේ වන වි ත‍්‍රිරෝද රථයකට ඔහුගේ බර භාර දී තිබේ. මේ සියල්ල කළ ඔහු අඩි හතරයි අගල් 11ක් උස පුංචි මිනිසෙකි. වළ තුළ සිටින අවස්ථාවක් වැළලූණු ස්ථානය ගොඩට පැමිණ කතා කරමින්...  



අදහස් (0)

පණපිටින් පොළොව යට වැළලූණු මිනිසෙක්

නිත්‍යා Saturday, 12 January 2013 03:46 PM

ඔබේ දස්කම් අගයනවා.ඒ මහතා කියනවා වගේ කවුරුත් මෙය අනාරක්ෂිතව අත්හදා බලන්න යන්න එපා (ස)

:       0       0

ඔබේ අදහස් එවන්න

විශේෂාංග

වික්ටෝරියා රැජිනගේ සංචාරක නිවහනේ ඓතිහාසික වෙන්දේසිය
2024 සැප්තැම්බර් මස 18 328 0

වික්ටෝරියා රැජිනගේ ප්‍රියතම සංචාරක නිවහන වූ ඉතාලියේ ‘‘පල්මියෙරි විලා” ඇමෙරිකානු ඩොලර් මිලියන 55 (ශ්‍රී ලංකා රුපියල් කෝටි 1660 ක් පමණ) ක මුදලකට විකිණීමට තී


ගමන වැරැදුණොත් රට යන්නේ අගාධයට
2024 සැප්තැම්බර් මස 18 118 1

ස්වාධීන ජනාධිපතිධුර අපේක්ෂක රනිල් වික්‍රමසිංහ මහතා සමග කළ සාකච්ඡාවකි මේ.


යල්පැනගිය අතීත කාමයේ සිරවීම නවකතා කරුවාට බාධාවක්
2024 සැප්තැම්බර් මස 17 448 0

ශ්‍රී ලංකා පොත් ප්‍රකාශකයන්ගේ සංගමය සංවිධානය කළ ස්වර්ණපුස්තක සම්මාන උළෙල මෙවරද කොළඹ බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේදී පසුගිය දා


රට වෙනස් මගකට ගත් ජේ.ආර්. චින්තනය
2024 සැප්තැම්බර් මස 17 206 0

හිටපු ජනාධිපති ජේ.ආර්. ජයවර්ධන මහතාගේ 118 වැනි ඡන්ම දිනය අදට (17) යෙදේ. මේ ලිපිය ඒ නිමිත්තෙනි.


ජය පරාජය සමසේ විඳගනිමු
2024 සැප්තැම්බර් මස 17 132 0

මානව වර්ගයාගේ ආරම්භයේ සිටම අපේක්ෂාව වූයේ ජයග්‍රහණයයි. මනුෂ්‍යයන් පමණක් නොව තිරිසන් සතුන් අතර ද තම වර්ගයා අතර මෙන්ම වෙනත් සත්ව කොට්ඨාස සමග ගැටුම් මෙන්


බුදු දහමින් සිරිලක පෝෂණය කළ අනගාරික ධර්මපාල තුමා
2024 සැප්තැම්බර් මස 17 138 0

අනගාරික ධර්මපාලතුමා ජන්ම දිනය අදට (17) යෙදේ. මේ ලිපිය ඒ නිමිත්තෙනි.


මේවාටත් කැමතිවනු ඇති

ගැලපෙනම කෙනාට මනාපය දෙන්න අත්වැලක් වෙරිටේ රිසර්ච් වෙතින් ගෝලීය වශයෙනුත් සුවිශේෂී වන වෑයමක් 2024 සැප්තැම්බර් මස 18 25 0
ගැලපෙනම කෙනාට මනාපය දෙන්න අත්වැලක් වෙරිටේ රිසර්ච් වෙතින් ගෝලීය වශයෙනුත් සුවිශේෂී වන වෑයමක්

ශ්‍රී ලංකාවේ ප්‍රථම වරට, ප්‍රධාන ජනාධිපති අපේක්ෂකයින් තිදෙනාගේ ප්‍රතිපත්ති ප්‍රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්‍රීසි, සිංහල ස

Spa Ceylon, 2024 Green Beauty Awards හීදී සම්මාන 9ක් දිනා ගනී! 2024 සැප්තැම්බර් මස 13 114 0
Spa Ceylon, 2024 Green Beauty Awards හීදී සම්මාන 9ක් දිනා ගනී!

(2024 සැප්තැම්බර් 09) ලොව විශාලතම Luxury Ayurveda Wellness Brand වන Spa Ceylon, අන්තර්ජාතික සම්මාන උළෙලක් වන 2024 Global Green Beauty Awards හිදී ජාත්‍යන්තර වශයෙන් ලොව ඉදිරියෙන්ම සිටින රූපලාවන්‍ය සන්න

මදසරු භාවය 2024 අගෝස්තු මස 15 2163 2
මදසරු භාවය

විවාහ දිවියට එළඹෙන යුවළකගේ බලාපොරොත්තු අතර දරු සුරතල් බැලීම ප්‍රමුඛස්ථානයෙහි ලා ගැනෙන්නක්. නමුත් වත්මන් සමාජ සංස්ථාව තුළ එලෙස දරු පල ලැබීමට නොහැකිව

Our Group Site