2024 නොවැම්බර් මස 25 වන සඳුදා
2024 නොවැම්බර් මස 25 වන සඳුදා
ශ්‍රී ලංකා නිදහස් පක්‍ෂය තුළ සැබෑ ශ්‍රී ලංකා කාරයන්ට තැනක් නොවීය. විවිධ හේතුමත ශ්‍රී ලංකා නිදහස් පක්‍ෂයට එක්වූ පිටස්තරයන්ට විශේෂ සැලකිලි ලැබිණි. වඩාත් වැදගත් ඇමතිධුර හිමි වූයේද පිටස්තරයන්ටය. මේ සම්බන්ධයෙන් පක්‍ෂයේ ජ්‍යෙෂ්ඨයන් තුළ මෙන්ම පිටස්තරයන් තුළ රළ ගසන විරෝධයක් තිබිණි.
රාජපක්‍ෂවරුන් ශ්‍රී ලංකා නිදහස් පක්‍ෂය පාලනය කරනු ලැබුවේ ඔවුන්ටම අනන්‍ය ආකාරයටය. රාජපක්ෂ ක‍්‍රමයටය. ඒ ක‍්‍රමය තුළ සෑම දිස්ති‍්‍රක්කයකටම බණ්ඩාරනායකවරුන්්ට හිතෛෂී ශ්‍රී ලංකා කාරයන්ට එරෙහිව ප‍්‍රතිවාදියකු නිර්මාණය කරනු ලැබීය.
අනුරාධපුරයේ බර්ටි පේ‍්‍රමලාල් දිසානායක අරටු බැහැපු ශ්‍රී ලංකා කාරයෙකි. ඒ අරටු බැහැපු ශ්‍රී ලංකා කාරයාට එරෙහිව චන්ද්‍රසේන සොහොයුරන් යොදා ගැනීමට රාජපක්‍ෂවරු කටයුතු කළහ. මාතලේ දිස්ති‍්‍රක්කයේ ජනක බණ්ඩාර තෙන්නකෝන්ට එරෙහිව ලක්‍ෂමන් වසන්ත පෙරේරා යොදා ගැනුණි. මහනුවර දිස්ති‍්‍රක්කයේ මහින්දානන්ද අලූත්ගමගේට එරෙහිව කෙහෙළිය රඹුක්වැල්ල යොදා ගැනුණි. මොනරාගල දිස්ති‍්‍රක්කයේ විජිත් විජිතමුනි සොයිසා, සුමේධා පී ජයසේන හා ජගත් පුෂ්පකුමාර මුහුණට මුහුණ නොබලා දේශපාලනය කරන තත්ත්වයක් නිර්මාණය විය. මීගමුවේ සරත් කුමාර ගුණරත්න හා ලංසා අතර ගැටුම අතිශයින්ම තීරණාත්මක විය. ජොන්ස්ටන් ප‍්‍රනාන්දු කුරුණෑගල දිස්ති‍්‍රක්කයේ බර අඩි තබා ඇවිද ගියේ ශ්‍රී ලංකා කාරයන් යට කරගෙනය. එජාපයේ සිට යළිත් ශ්‍රී ලංකා නිදහස් පක්‍ෂයට එක්වූ බන්දුල ගුණවර්ධන සැබෑ ශ්‍රී ලංකාකාරයන් සමඟ ප‍්‍රසිද්ධියේ සටනට ආවේය. රාජිත සේනාරත්න හා රෝහිත අබේගුණවර්ධන අතර සටන කළුතර දිස්ති‍්‍රක්කයම උණුසුම් කළේය.
සෑම දිස්ති‍්‍රක්කයකම ඒ ආකාරයට ශ්‍රී ලංකා නිදහස් පක්‍ෂයේ නායකයන් අතරත් සන්ධානයේ සාමාජික පක්‍ෂ අතරත් ගැටුම් ඇවිළී යමින් තිබිණි. මෙම තත්්ත්වය සමහන් කිරීමට පක්‍ෂ නායකත්වය කිසිදු උත්සාහයක් නොගත්තේය. ඒ තුළ ඇත්ත ශ්‍රී ලංකා කාරයන්ට ඇතිවුණ හැඟීම වූයේ තමන් පක්‍ෂය තුළ කොන්වී ඇති බවය. තමන්ට පක්‍ෂය තුළ අනාගතයක් නැති බවය. ඒ තුළ ඔවුහු මහත් කලකිරීමට පත්ව සිටියහ.
ජනාධිපති සොහොයුරා බැසිල් රාජපක්ෂ පක්‍ෂයේ ප්රධාන තීරකයා බවට පත්විය. සියල්ල සිදු වූයේ බැසිල් රාජපක්‍ෂට ඇවැසි ලෙසය. ජ්‍යෙෂ්ඨ ඇමැතිවරයකු ජනාධිපතිවරයාට යම් ප‍්‍රශ්නයක් ඉදිරිපත් කළ විට ”ඒක බැසිල් එක්ක කතා කරගන්න” යනුවෙන් පිළිතුරු ලැබිණි. බැසිල් සමඟ එබඳු ප‍්‍රශ්නයක් කතා කිරීම තමන්ට තරම් නොවන බව තේරුම් ගන්නා ඇමැතිවරු හැරී යති. මෙම පරිසරය තුළ ශ්‍රී ලංකාකාරයන් අවලංගු කාසි බවට පත් විය. පක්‍ෂ අභ්‍යන්තරයේ මහා අසහනයක් කිසිවකුට හෝ නොදැනෙන පරිදි වර්ධනය වෙමින් ආවේ එසේය.
මංගල, රුවන්, තුසිත ඇතුළු කණ්ඩායමට මෙම තත්ත්වය රහසක් නොවීය. මෙම තත්ත්වය මනාලෙස කළමනාකරණය කළ හැකි බවද ඔවුහු දැන සිටියහ.
දිනය 201
3 වසරේ සැප්තැම්බර් 27 වැනිදාය. ශ්‍රී ලංකා නිදහස් පක්‍ෂය අභ්‍යන්තරයේ පුපුරු ගසමින් තිබූ අසහනය වාං දැමීම ආරම්භ වූයේ එදිනය.
ශ්‍රී ලංකා නිදහස් පක්‍ෂයේ රජරට නායකයා ලෙස අබිසෙස් ලද ශ්‍රී ලංකා නිදහස් පක්‍ෂයේ පතාක යෝධයකු වූ බර්ටි පේ‍්‍රමලාල් දිසානායක මිය ගියේ එදිනය. ඒ මරණය ශ්‍රී ලංකා නිදහස් පක්‍ෂයේ උරුමය සහිත ඇත්ත ශ්‍රී ලංකා කාරයන් කම්පනයට පත් කිරීමට යමක් සිදුවීමක් විය. එයට බලපෑ ප්රධාන සාධකය වූයේ බර්ටි පේ‍්‍රමලාල්ට රාජපක්‍ෂවරුන්ගෙන් කුඩම්මාගේ සැලකිල්ල ලැබුණේ යැයි මතයක් ඔවුන් තුළ තිබීමය.
බර්ටි පේ‍්‍රමලාල්ගේ මරණයට පෙර පැවති උතුරු මැද පළාත් සභා මැතිවරණයෙන් එක්සත් ජනතා නිදහස් සන්ධානය ජයග‍්‍රහණය කළ අතර මහ ඇමති ධුරය හිමි වූයේ එස්.එම්. රංජිත්ටය. ඔහු එවකට ඇමැතිවරයකුව සිටි එස්.එම්. චන්ද්‍රසේනගේ සොහොයුරාය. එස්.එම්. චන්ද්‍රසේන දේශපාලනයට රැුගෙන එන්නේ බර්ටි පේ‍්‍රමලාල්ය. එහෙත් පසු කාලයේදී මේ දෙදෙනා බලවත් ලෙස විරසක වූහ. එම පළාත් සභා මැතිවරණයේදී ද එම විරසකය නග්න ලෙස ප‍්‍රදර්ශනය විය.
බර්ටි පේ‍්‍රමලාල් උතුරු මැද පළාත් සභාවේ හිටපු මහ ඇමැතිවරයාය. එයට අමතරව පැරණිතම ශ්‍රී ලංකාකාරයකු ලෙස ජාතික නායකයකුගේ ප‍්‍රතිරූපයක් ඔහුට තිබිණි. මෙම සාධක මත ඔහුට යළිත් මහ ඇමැති ධුරය ලබා දෙන ලෙස විශාල හඬක් මතුව ආවේය. එහෙත් බර්ටි පේ‍්‍රමලාල්ට එය නොලැබුණි. මනාප ලැයිස්තුවේ අංක එකට පැමිණි එස්.එම්. රංජිත්ට මහ ඇමැතිධුරය හිමි විය.
මනාප ලැයිස්තුවේ අංක එකට පැමිණීම නැමැති සාධකයට යටත්ව මහ ඇමැතිවරයා තේරීම සන්ධාන ප්රතිපත්තිය ලෙස ප‍්‍රකාශයට පත් කෙරිණි. එමෙන්ම පළාත් සභා මැතිවරණයකදී මහ ඇමැති අපේක්‍ෂකයා කලින් නම් නොකරන බවට ද සන්ධානය ප‍්‍රකාශයට පත් කළේය.
එහෙත් මෙම ප‍්‍රතිපත්ති දෙකටම වැඩි කලක් ආයුෂ තිබුණේ නැත.
උතුරු මැද පළාත් සභා මැතිවරණයෙන් පසුව පැවැතියේ මධ්‍යම පළාත් සභා මැතිවරණයයි. එහිදී වැඩිම මනාප ගනු ලැබුවේ අගමැති දි.මු. ජයරත්නගේ පුත් අනුරාධ ජයරත්නය. එමෙන්ම අනුරාධ ජයරත්න, දුමින්ද දිසානායකගේ මස්සිනාය. වැඩිම මනාප ගත් අපේක්‍ෂකයාට මහ ඇමැති ධුරය ලබාදෙන බව සන්ධානයේ ප්රතිපත්තිය වූ හෙයින් අනුරාධට මහ ඇමැති ධුරය හිමිවනු ඇති බවට සැකයක් නොවීය. එහෙත් මහ ඇමැති ධුරය හිමි වූයේ හිටපු මහ ඇමැති සරත් ඒකනායකටය. උතුරු මැදදී එක පිළිවෙතකුත් මධ්‍යමදී තවත් පිළිවෙතකුත් කි‍්‍රයාවට නැගුණේ එසේය. උතුරු මැදදී බර්ටි පේ‍්‍රමලාල්ට මහ ඇමැති ධුරය ලබා නොදුන්නේ ඔහු බර්ටි පේ‍්‍රමලාල්වීම නිසා බවට මතයක් ශ්‍රී ලංකා නිදහස් පක්‍ෂ සාමාජිකයන් තුළ ඇති විය.
පළාත් සභා මැතිවරණයකදී මහ ඇමැති අපේක්‍ෂකයා කලින් නම් නොකරන බව කීවද ඌව පළාත් සභා මැතිවරණයේදී මහ ඇමැති අපේක්‍ෂකයා ලෙස ශශින්ද්‍ර රාජපක්ෂ කලින්ම නම් කෙරිණි. ඒ අනුව සියලූ නීතිරීති බර්ටි පේ‍්‍රමලාල් දිසානායක ඉලක්ක කරගෙන බවට සැකයක් නොවීය. මෙම තත්ත්වය ශ්‍රී ලංකා පාක්‍ෂිකයා බලවත් ලෙස කම්පනයට පත් කිරීමට හේතු විය.
ඔය අතරවාරයේදී බර්ටි පේ‍්‍රමලාල් බරපතළ ලෙස රෝගාතුර විය. ඔහු දරුණුලෙස පිළිකා රෝගයට ගොදුරුව සිටියේය. එහෙත් මුල් අවස්ථාවේදී රෝගය කුමක්දැයි හඳුනා ගැනීමට අවස්ථාව නොලැබිණි. සිංගප්පූරුවට මෙන්ම ඇමෙරිකාවට ද රැුගෙන ගොස් බර්ටිට ප‍්‍රතිකාර කිරීමට දුමින්දලා කටයුතු කළහ.
බර්ටි පේ‍්‍රමලාල් ඇමෙරිකාවේ ප‍්‍රතිකාර ගනිමින් සිටියදී ජනාධිපති මහින්ද රාජපක්ෂ මහතා වරක් දුමින්ද ඇමතීය.
”ඇත්තද දුමී... තාත්තා අසනීපවෙලා කියලා කියන්නේ?” ජනාධිපති මහින්ද විමසීය. එහෙත් ඒ වනවිටත් රෝගය හඳුනාගෙන නොතිබිණි. එහෙයින් දුමින්ද කියා සිටියේ එහෙම අසනීපයක් ගැන නොදන්නා බවය.
පසුකාලයේදී රෝගය හඳුනා ගැනුණි. එහෙත් දුමින්දලා ඒ බව කාටවත් කීමට නොගියහ. එයට හේතුව වූයේ බර්ටි පේ‍්‍රමලාල් පියා ඉක්මණින් සුවපත් කර නැවත ඔහු කි‍්‍රයාකාරී දේශපාලනයට රැුගෙන ඒම දුමින්දලාගේ අදහස වූ හෙයිනි. එහෙයින් ඔවුන්ගේ පළමු අවධානය යොමු වූයේ පියා සුවපත් කර ගැනීමය.
ඔය අතරවාරයේදී තවත් බොහෝ අරුම පුදුම දේ සිදුවිය.
ඒ මොනවාද?
ඒ කතා ලබන සතියට...
මෙවර පාර්ලිමේන්තු මැතිවරණයේ දී ඉතිහාසයේ පළමු වතාවට සිදුවීම් ගණනාවක් දැකගත හැකි විය. ඒවා ජාතික ජන බලවේගය පිහිටු වූ වාර්තා ලෙසද ඇතැමුන් හඳුන්වනු දුටුව
මහ මැතිවරණය නිමා වී ඇත. නව පාර්ලිමේන්තුව ද පළමු වතාවට ඊයේ රැස්වූයේය. ජාතික ජන බලවේගයේ දේශපාලන වැඩසටහන විධායකය සහ ව්‍යවස්ථාදායකය යන ක්ෂේත්‍ර දෙකේම ශක්
බ්‍රිතාන්‍ය යටත්විජිත සමයේ සිට මෙරට භාණ්ඩ අපනයනය සිදු වුණි. එදා සිට අද දක්වාම මෙරට ප්රධාන අපනයනික බෝග ලෙස හඳුනාගන්නේ තේ, පොල්, රබර් ය. එහෙත් එම පිළිගැන
ජනාධිපති අනුර කුමාර දිසානායක ප්‍රමුඛ ජාතික ජන බලවේගය මෙවර මහ මැතිවරණයේ දී ජනතාවගෙන් ඉල්ලා සිටියේ ‘පොහොසත් රටක් ලස්සන ජීවිතයක්’ ජනතාවට උරුම කර දීම සඳ
පෙරදිග ධාන්‍යාගාරය යන්න ඇසූ සැණින් කාගේත් මතකයට නැගෙන්නේ මහා පරාක්‍රමබාහු සමයේ අප රට හැදින් වූ නමයි. වචනයේ අර්ථය අනුව ගතහොත් පෙරදිග ලෝකයටම අවශ්‍ය තරම
ජාතික ජන බලවේගයට පාර්ලිමේන්තුවේ තුනෙන් දෙකක් ඉක්මවා යන ආසන 159ක අද්විතීය ජයග්‍රහණයක් ලබා දෙමින් 2024 පාර්ලිමේන්තු මැතිවරණය නිමාවට පත්විය. එහිදී සමඟි ජන බ
2024 නොවැම්බර් මස 05
515
0
වසර විසිපහක විශිෂ්ට ඉතිහාසයක් සහිත BMS කැම්පස් ආයතනය නවෝත්පාදනයන් පෝෂණය කරමින් අනාගත නායකයින් නිර්මාණය කරමින් සහ හැඩගස්වමින් විශිෂ්ට ආයතනයක් බවට මේ ව
2024 ඔක්තෝබර් මස 18
733
0
සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 51 වැනි ශාඛාව කලූතර දිස්ත‍්‍රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප්රධාන අංගයකි. වාහනයක් කරදර වලින් තොරව සිත්සේ භාවිත කර
පිපිරීමේ ඇරැඹුම
අනුරශාන්ත Friday, 06 February 2015 03:06 AM
ඉතින් මොකටද එහෙනම් රටින් යන්න ගියේ? (නි)
මහින්ද උදයසිරි රත්නායක Sunday, 08 February 2015 05:24 PM
පැරදුනාම පන්න පන්න ගහන එක අපේ ප්රතිපත්තිය. යු එන් පිය පාරාදවුනේ මෙම ප්රතිපත්තිය නිසා බව අමතක නොකරන්න. 76 සිට 94 දක්වා සිද්දි මතක් කරගන්න වටකරගෙන කාලා පහරන එක නරක පුරුද්දක් (නදී)
සූරිය Thursday, 05 February 2015 03:43 AM
කැලණිය ජනතාව සිටියේ දැඩි කනස්සල්ලෙන්. නායකත්වය ගැන කළකිරීමට හේතු වූ මේ වගේ තව ප්‍රශ්න බොහෝ ඇති. තුසිත මහත්මාණෙනි, මේ ගැනත් ඉදිරි ලිපියෙන් පැහැදිලි කිරීමක් කරන්න. (නි)
ද සිල්වා Friday, 06 February 2015 04:26 AM
තව අවරුදු 10 විතර බැසිල් ලංකාවට ඇවිත් කියාවි දේශපාලන පලිගැනීම් නිසා එය ඇමෙරිකාවට පලාගියා කියලා ,(හේ)
චමෝද් Wednesday, 04 February 2015 01:56 PM
හොදයි.(හේ)
චන්ද්‍රා Monday, 09 February 2015 02:14 AM
එතකොට කඩුවෙල පැත්තේ බුද්දදාස, විමල්, මෙර්වින් සිල්වාගේ සහ මාලක ගේ නාටක මේවා කිසි දෙයක් රාජපක්ෂ පාලනය තැකුවේ නැහැ, මිනිස්සුන්ට එපා උනේ මේ හේතු හින්දා. (නදී)
අවංක Monday, 09 February 2015 04:33 AM
බැසිල්ලා වගේ අය අායෙත් අපේ රටේ නොඉපදේවා. (නදී)
සිරිමෙවන් Wednesday, 11 February 2015 12:26 AM
සංසාරෙදිවත් පරණ තිබුණා වගේ යුගයක් නම් ලංකාවට එපා (නි)