එක දිගට ඇද හැළුණු සිරිපොද වැස්සත් එකිනෙකා නොපෙනෙ පරිසරය වෙලාගත් හිමදුම් වැටියත් නොවැම්බර් පළමු වැනි දා අලූයම අවදිවීමට අලස වුවද ¦ දිනයේ ඇති වටිනාකම හඳූනන මැදිවියේ මිනිසුන්ගෙන් පැරීසියේ මං මාවත් පිරී ඉතිරී ගියේය. මලගිය ඇත්තෝ සිහිපත් කිරීම එදිනට යෙදී තිබූ විශේෂ දිනය වුයේය.
මිහිදන් වූ ඔවුන් සිහි කිරීම එදින විශේෂයයි . එදා වැසි දිනයකි. උදේ සිට ඇද හැළුණු සිරිපොද මිහිකත තෙත් කළේය. එයින් පණ ලැබූ මිහිදන් වුවෝ ආශිර්වාද අතැතිව සක්මනේ යෙදෙන තම ×ාතියාගේ ආශිර්වාද ලබා ගනිමින් මිහිකත තුළ සැතපුණාහ.
එදින පැරීසියේ සුසානභූමි විවිධ වර්ණ මල් වලින් සුවඳවත් විය. මුළු සුසාන භූමියම මල්යායකි. මල්වැටි අතරින් අහසට එක්වුණු ස්මාරක අතරින් ආශිර්වාද ඇතැති ඥාතියෝ සක්මනට එකතුවී මුළු සුසානයම කළ ගුණ දක්වන්නවුන්ගෙන් පිරී ගියේය.
තම ඥාතියාගේ සොහොන් කොත් ඉදිරියේ මල් බඳුන් තබමින් ආශිර්වාද කරන මැදිවියේ පිරිස් මෙහොතක් නිහඬව තම ආචාරය පුදකරති.
සුසාන භූමියක් නොවු එවැනි බිමක් පැරීසියේ ජීවත් වෙමින් මෙලොවෙන් සමුගත් ශ්රී ලාංකිකයන් වෙනුවෙන්ද පිළියෙළ කොට තිබුණේය.
පැරීසියේ ශ්රී ලාංකික ක්රිස්තියානි එකමුතුවට අනුබද්ධ පැරීසියේ උස්කා ක්රිකට් ක්රිඩා සමාජයේ මෙහෙයවීමෙන් ශාකි ජයවර්ධන මහතා සංවිධානය කළ එම පිංකමේ මියගිය ලාංකිකයන් 80 කගේ පමන ඡායාරූප ප්රදර්ශනයට තබා බෞද්ධ හා කතෝලික ආගමික වත් පිළිවෙත් සිදුකොට ඔවුන් සදහා පිං අනුමෝදන් කැරිණි. පැරීසියේ සමාධි බෞද්ධ මධ්යස්ථානයේ විහාරාධිපති තලංගල්ලේ සුමංගල හිමි මහරගම ජාතික අධ්යාපන ආයතනයේ කථීකාචාර්ය උඩුගම සුදස්සි හිමි, වැල්ලව පුදනාපිටිය රජමහ විහාරයේ විහාරාධිපති කුරුනෑගල චන්ද්රවංශ හිමි යන හිමිවරු, සමග කතෝලික සභාව මෙහෙයවන මහනුවර දොන් බොස්කෝ කාර්මික අධ්යයන ආයතනයේ අධ්යක්ෂක සුනිල් පෙරේරා පියතුමා අදාල ආගමික කටයුතු සිදුකළේය.
ප්රංශයේ ශ්රී ලංකා සංස්කෘතික සංවිධානයේ හිටපු සභාපති, පැරීසියේ ‘ග්රාමසේවක‘ ලෙස හුරතල් නමින් අමතන පුෂ්පසිරි ද අල්විස් , ප්රංශයේ ශ්රී ලාංකිකයන්ගේ සංවිධානයේ නිර්මාතෘ හා හිටපු සභාපති රන්ජන් බණ්ඩාර , ප්රංශ ලංකා සුභසාධන සංවිධානයේ සභාපති සනත් මුතුනමගොන්නගේ , එහි උප සභාපති හේවින්ද විජේරත්න එක්සත් ජාතික පක්ෂයේ යුරෝපා සංවිධානයට අනුබද්ධිත ප්රංශයේ එක්සත් ජාතික පක්ෂ ශාඛාවේ සභාපති රොහාන් දයාදර , එහි විධායක කමිටු සමාඡික සමන් මහදුරගේ මහතා ප්රංශයේ › ලංකා අධ්යාපනික හා සංස්කෘතික කේන්ද්රයේ හිටපු සභාපති ලෙස්ලි පෝල් , ප්රංශයේ සිංහල සංස්කෘතික සංවිධානයේ හිටපු භාණ්ඩාගාරික ජයන්ති පීරිස්, ,පැරීසියේ කලාකරු චිත්ර ශිල්පී රංජිත් විමලනාත මහත්වරු ද එහි වූහ.
තම සොහොයුරා නැවතත් නොඑන අවසාන ගමනට නිදියහන් ගතව සිටි මොහොතක සොම විඳදරා ගනිමින් මෙම පිංකමට දැඩි කැපවීමකින් කටයුතු කල රංඡිත්, ශාකි ජයවර්ධන සොහොයුරෝ ද, ඔවුන්ගේ බිරින්දැවරුන් ආහ.
දැල්වෙන පහන් වැටි අද්දර මෙලොව සමුගත් මිතුරන්ගේ ඡායාරූප ප්රදර්ශනය අතීතයේ මිතුරන් සිහි ගන්වා මොහොතකට සිත සන්සුන් කොට මනස අවදි කළේය. පුදපූජා, දන්සැල හා පැරීසියේ යාචකයන්ට දන් දීමෙන් අනතුරුව ලාංකික පිංකම අවසන් වුයේය.
ජෝන් මේරි බවින්සා කියන්නේ එල්ටී.ටී.ඊ. සංවිධානයේ නායකයාව සිටි වේළුපිල්ලේ ප්රභාකරන් දරුකමට හදාගත් දරුවාය. ප්රභාකරන් දරුකමට දරුවකු හදා වඩාගත් බව දැනග
අලුත් ආණ්ඩුවේ ක්රියාකාරිත්වයෙන් පැහැදිලි වන්නේ, ඔවුන් ද 2015 වසරේ යහපාලන ආණ්ඩුව සිය කැමැත්තෙන්ම වැටුණු වළට වැටීම තෝරාගෙන සිටින බවයි. ජනාධිපතිවරයාගේ
ඉරානය ඊශ්රායලයට පහර දුන්නේය. ලොව විශාලතම ෂියා මුස්ලිම් රාජ්යය වන ඉරානයත්, ලොව එකම යුදෙව් රාජ්යය වන ඊශ්රායලයත් පිහිටා ඇත්තේ කිලෝ මීටර් 1,700 ක පමණ දුරක
ජන්දදායකයා මැතිවරණ ක්රියාවලියට සම්බන්ධ වීම ප්රජාතන්ත්රවාදයේ ඉතාමත්ම උසස් ගුණාංගයකි. එය නියෝජන ප්රජාතන්ත්රවාදය ක්රියාත්මක වීමට අත්යවශ්ය ක
ප්රවීණ කවියකු, තීරු ලිපි රචකයකු, නවකතාකරුවකු, කෙටිකතාකරුවකු, මෙන්ම ප්රකට විචාරකයකුද වන බුද්ධදාස ගලප්පත්ති මහතාගේ නවතම කෘති දෙකක් වන සමුදුර අසා සිටී
ජනාධිපති තරගයෙන් රනිල් වික්රමසිංහ මහතා පරාජයට පත්විය. 2022 රට මුහුණදුන් ආර්ථික අර්බුදය අවස්ථාවේදී රට භාර ගැනීමට කිසිවකු නොසිටිය ද ඔහු එම අභියෝගය භාරගෙ
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
පැරිසිය මළවුන් සිහි කරයි
විජිත Wednesday, 13 November 2013 04:35 AM
විජිත ඕස්ට්රේලියාව."පැරීසියේ විසු මෙලොව සමුගත් මිතුර සුනිල් බණ්ඩාරටත් නිවන් සුව පතන්නෙමි!" (අ)
ජයලත් Wednesday, 13 November 2013 10:40 PM
පැරීසියෙ වෙසෙන ජනතාව දැනුවත් කරල මෙම වැඩසටහන කලා නම් හරිම අගෙයි මෙයට වඩා ජනතාවක් ගෙන්න ගන්න තිබුන . (දී)
ධම්මික කැන්ඩි Sunday, 24 November 2013 09:28 AM
අලුත් ලෝකයට යන අපි,පරණ අය මතක් කල යුතුයි .(නදී)
ලලිත් Wednesday, 13 November 2013 11:35 PM
මේවට සෙනග ගෙන්න ගන්නේ කොහොමද ? දන්නෝ දනිති (දී)
සමන් පැරිස් Saturday, 16 November 2013 05:31 PM
ඔය මැරුණු අයගෙත්,සහභාගි වූ අයගේත්, වැඩිය අයගෙත්,දේශනා කරන අයගෙත් ,බහුතරයගේ විසා එක පිටුපස තවත් මැරුණු කෙනෙකුගේ සත්ය කතාවක් ඇත. අන්න ඒ අයත් සිහිකර යමක් කරන්නේ නම් මැනවි (නි)
චම්පා අඹේවෙල පැරිසිය Saturday, 16 November 2013 01:08 AM
පැරිසියේ හැමදාම තියෙන්නේ කන්න තියෙන අයට කන්න දෙන පින්කම්නේ .මේ දුන්නේ කන්න නැති අයට කෑම දෙන පින්කමක් . ඒක නිසා මේකේ පින් වැඩි .ඒවගේම වෙන තැන්වල වගේ පින්කැට එහෙමත් නැහැ .මෙම පින්කමේ වෙනස එයයි . (දී)
රන්ජි පැරිසිය Friday, 15 November 2013 02:38 AM
පැරිසියේ පහන් පුජාවක් හෝ බණ දේශනයක් කිවුවොත් සු ගාලා සෙනග. ජයලත් මල්ලි, පැරිසියේ වැඩ දැක්කම පිස්සු හැදෙනවා මල්ලි මට (නි)
උපුල් Wednesday, 13 November 2013 03:27 PM
සද් ධර්මය අවබෝධය අති අපහසුය. “සද්ධම්මෝ පරම දුල්ලභෝ“. (ස)
නන්දෙ පැරිසිය Thursday, 14 November 2013 04:00 PM
ලලිත් මල්ලි, ලංකාවේ රැස්වීම් වලට බත් මුලයි අරක්කු බෝතලයයි දීල බස් වලින් මිනිසුන් අදිනව වගේ මේවට මිනිසුන් අදින්න ඕනේ නැහැ.හදවත් තියෙන අය ආවම හොඳටම ඇති.මිතුරන් සිහි කිරීමට බැරි අයට වෙන මොනවද ? කරන්න පුළුවන්? (ස)