විචිත්ර ධර්ම දේශකයාණන් වහන්සේ නමක වන තලල්ලේ චන්දකිත්ති හිමියන්ගේ පැවිදි දිවියට අදට (25) වසර 36ක් සම්පූර්ණ වේ. මේ ලිපිය ඒ නිමිත්තෙනි.
තලල්ලේ චන්දකිත්ති ස්වාමීන්ද්රයන් වහන්සේ සංසාර පුරුද්ද ප්රකට කරමින් 1988 වර්ෂයේ සැප්තැම්බර් මස 25 වැනිදා උදෑසන 9.45 ට මාතර මැද්දවත්ත සිරි වජිරඤාණ ධර්මායතනයේ බෝධිසත්ව ගුණෝපේත මඩිහේ සිරි පඤ්ඤාසීහ මහානායක ස්වාමීන් වහන්සේ උපාධ්යායව, අම්පිටියේ ශ්රී රාහුල නායක ස්වාමීන් වහන්සේ ආචාර්යව උතුම් පැවිදි බිමට ඇතුළු වූහ. එසේම තලල්ලේ සීලරතන ස්වාමීන් වහන්සේ වැනි යතිවරයන් වහන්සේලාගේ ද ආශ්රය නිශ්රය ලබමින් සුවඳ පතුරවන සඳුන් ගසක් මෙන් තමන් වහන්සේ ද අවට සමාජය ද ගම ද රට ද පමණක් නොව ලොව ද ගුණ සුවඳින් සුවඳවත් කරමින් උතුම් යතිවරයන් වහන්සේ නමක් බවට පත්වූහ.
සම්මා සම්බුද්ධ ශාසනය යනු ගුණවත් උතුමන්ගේ ශාසනයයි. එහි සුවිශේෂී ලක්ෂණය කුරා කුහුඹුවන්ගේ සිට සියලු සත්ත්වයන් කෙරෙහි දක්වන අතිමහත් කරුණාවයි. තලල්ලේ චන්දකිත්ති ස්වාමීන් වහන්සේගේ දහම් ස්වරය ලොවක් තුළ පැතිර යාමට මූලික හේතුවක් වූයේ ද ස්වාමීන් වහන්සේ සතු කාරුණික හදවතයි. බොහෝ දුක් කම්කටොළුවලින් වෙහෙසට පත්ව සිටින වැඩිහිටියන්ට, තරුණ වියේ ආවේග තුළ අසරණව සිටින තරුණ තරුණියන්ට හරි මග සොයන දරුවන්ට ස්වාමීන් වහන්සේ ඉතා සංවේදීය. තමන් වහන්සේගේ දැන උගත්කම්, භාෂාමය ඥානයන්, ගෞරව නාමයන් පසෙකලා ඉදිරියේ සිටින ශ්රාවකයන්ගේ මෙලොව, පරලොව දුක් නැති කිරීමටම දේශනා කෞෂල්ය භාවිතා කිරීම ස්වාමීන් වහන්සේගේ කාරුණික බවේ සංකේතයක් බඳුය. වැරදි වන ස්වභාවයේ මිනිසුන්ට වැරදි පෙන්වීම ඉතා අපහසුය. මන්ද ලොව කිසිවෙක් කිසිවෙකු තමන්ගේ වැරදි පෙන්වනවාට කැමති නොවේ. නමුදු මද සිනහවෙන් මුව සරසාගෙන කරුණාව දයාව පෙරදැරි කරගෙන ස්වාමීන් වහන්සේ ධර්ම අවවාද ලබාදෙන විට අසන්නාට එය දැනෙන්නේ ග්රීස්ම කාලයක ශරීරයට වැටෙන දිය දහරාවක් මෙනි.
සත් පුරුෂ ආශ්රය නිසා ප්රාණඝාතයට යොමුවූ මිනිස්සු ප්රාණඝාතයෙන් වැළකෙති. සොරකමට කාම මිථ්යාචාරයට යොමුවූ මිනිස්සු එම දුසිල් බවින් අත් මිදෙති. බොරුවට පරුෂ වචනයට, කේලමට, වෛරයට, දැඩි ආශාවන්ට ගොදුරු වූ මිනිස්සු එම පාපයන්ගෙන් ද අත් මිදෙති. මිත්යාදෘෂ්ටික අදහස් දැරූවන් සම්මා දිට්ඨික අදහස් ඇති අය බවට පත්වෙති. ස්වාමීන් වහන්සේගේ උතුම් ශාසනික මෙහෙවර තුළින් ප්රාණඝාතාදී පාපයන්ගෙන් අත් මිදුණු ප්රමාණය මෙපමණකැයි ගණනය කළ නොහැක. ඉවසීම, දයාව, කරුණාව, ප්රඥාව, අධිෂ්ඨාන ශක්තිය උපදවා ගත් වැඩි දියුණු කරගත් ප්රමාණයද ගණනය කළ නොහැක, නිවැරදි ගුරු ඇසුර තුළින් දැනුම සමඟ විනයද විනය සමඟ ගුණයද ඇතිව සඳුන් ගසක් සේ සුවඳ පතුරවන ගෞරවනීය ස්වාමීන් වහන්සේ තමන් වහන්සේ වැනි ගුණගරුක ධර්මගරුක ස්වාමීන් වහන්සේලා සම්මා සම්බුද්ධ ශාසනයේ මතු යහපත වෙනුවෙන් ලොවට දායාද කරන්නට ගන්නා උත්සාහය ද කරන කැපවීම් ද අප ගෞරවයෙන් සිහිපත් කළ යුතුමය.
සම්මා සම්බුද්ධ ශාසනය තුළ තරු ලකුණක් වෙමින් රටට ලොවට ගුණ සුවඳ පතුරවමින් වැඩ වාසය කරන අප ගෞරවනීය තලල්ලේ චන්දකිත්ති ස්වාමීන්ද්රයන් වහන්සේට චිරාත් කාලයක් සසුනඹර තුළ වැඩ වසන්නට අවැසි ආයුරාරෝග්යසම්පත්ති ලැබේවායි උතුම් පැවිදි දිවියේ සදානුස්මරණීය දිනයෙහි අප සැවොම එක්ව ප්රාර්ථනා කරමු.
(***)
පුහුල්වැල්ලේ සාරද හිමි
විචිත්ර ධර්ම දේශකයාණන් වහන්සේ නමක වන තලල්ලේ චන්දකිත්ති හිමියන්ගේ පැවිදි දිවියට අදට (25) වසර 36ක් සම්පූර්ණ වේ. මේ ලිපිය ඒ නිමිත්තෙනි.
ජගත් නර්තන කලාව හා සමසුන් ගත හැකි විශිෂ්ට නර්තන කලාවක් බිහිකළ අසහාය බැලරිනාව - වජිරා චිත්රසේන අද (25) ජාතියෙන් සමුගෙන යන්නීය. ඇය පුරා වසර හැටකට අධික කාලය
තවත් වසර පහක කාලසීමාවකට අදාළව නව විධායක විධායක ජනාධිපතිවරයකු ජනතාව විසින් පත් කර ගනු ලැබ අවසන්ය. නව ජනාධිපතිවරයා ප්රමුඛ පාලන තන්ත්රය හමුවේ ඇති ප්ර
ප්රවීණ රංගධරයකු, තිර රචකයකු, ගීත රචකයකු වූ ඩබ්ලිව්. ජයසිරි කලාකරුවාගේ අවසන් කටයුතු අද (24) බොරැල්ල කනත්තේදී සිදුකෙරේ. මේ සටහන ඒ නිමිත්තෙනි.
ගාලු මුවදොර පිටිය පිරෙන්න රැස්වීම්වලට සෙනඟ ගෙනාවත් මෙතෙක් මැතිවරණවල ඡන්ද ගණන් කළ විට ලක්ෂ 04 ට 05 ට වඩා ඡන්ද නොලැබුණු පක්ෂයක් මෙවර ජනාධිපතිවරණය ජය ගැනීම
දිසානායක මුදියන්සේලාගේ රංබණ්ඩා සහ ඔහුගේ බිරිඳවන සීලවතීගේ දෙවැනි දරුවා ලෙස 1968 වසරේ නොවැම්බර් මස 24 වැනිදා ගලේවෙල මකුල්ගස්වෙල මාතෘ නිවාසයේදී ඔහු උපත ලැබ
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
පැවිදි දිවියේ 36 වසර සපුරන තලල්ලේ චන්දකිත්ති හිමියෝ