හෙට එන්න යනුවෙන් විල් අරාබි බසින් හ`ඩ නගා කීවේය.

‘‘ඔහු මැරුණා. ඔබ ඔහුට වෙඩි තැබුවා. උඹලා ඔහු මරා දැමුවා’’ යනුවෙන් ඇය විල්ට පැවසුවාය.

‘‘ ඇහුනද ? ඇය කියනවා ඔහු මැරුණා කියා. ’’ ඇය පැවසූ දෙය විල් මාර්ක් හට කීවේය.

ඒ සමග ම මාර්ක් දොර අසළට දිව ගියේය. එය විවෘත කළ හෙතෙම දණ ගසාගෙන ඇතුළත නිරීක්ෂණය කළේය. මාර්ක් දුටුවේ නිදනකාමරයේ දොරටුව දෙසට වැතිරී සිටින පුද්ගලයකුගේ දෙපයකි. ඔහු හොඳින් නිරීක්ෂණය කිරීමේ හැකියාවක් ද විල්ට නැත. මේ පෙනෙන තරමින් වැටී සිටින තැනැත්තා ජීවතුන් අතර සිටින්නේ ද නැද්ද යන්න ගැන ස්ථිර නිගමනයකට එළැඹීමට ද හැකියාවක් නැත. කාන්තාව විශ්වාස කිරීමට ද මාර්ක් හෝ වෙනත් කිසිවෙකුත් කැමති නැත.

විල්ගේ සංඥාවට අනුව එම කාමරයට ඇතුළු වූ මාර්ක් බිම වැතිරී සිටින පුද්ගලයාගේ සිරුරට තවත් වෙඩි උණ්ඩ කිහිපයක් ඇතුළු කැර ඔහු මියගිය බව තහවුරු කැර ගත්තේය.

මියගොස් සිටියේ අල් තුවායින් බව පැහැදිලිය. ඔහුගේ සිරුර පසෙකින් ඒකේ 47 වර්ගයේ ස්වයංකී‍්‍රය ගිනි අවියක් හා පිස්තෝලයක් බිම වැටී තිබිණි. එම අවි ඈතට විසිවී යන ආකාරයෙන් පයින් ගැසූ මාර්ක් කාමරය වැඩිදුරටත් නිරීක්ෂණය කළේය.

කාමරය මැද විශාල ප‍්‍රමාණයේ ඇඳක් තබා තිබූ අතර  බිත්තියට ලං වන්නට දරුවන් සඳහා තවත් කුඩා ඇඳක් තබා තිබිණි. තවත් පැත්තකින් වූයේ කුඩා මුලූතැන් ගෙයකි. වෙඩි ප‍්‍රහාර වලින් මේ මුළුතැන්ගෙට දැඩි හානි සිදුව ඇත. හාත්පස සියල්ල පොඩි පට්ටම් වී තිබිණි. රාක්ක සුණු විසුණු වී ඇත. මුලූතැන් ගේ තබා තිබූ වියළි ආහාර වර්ග හතර අත විසිවී ගොසිනි. බිත්ති වලට අල්වා තිබූ එතරම් වටිනාකමක් නොමැති බාල වර්ගයේ ටයිල් ද සිදුරු වී කැඞී ඇත.
ගේ ඇතුළත අල්තුවායින්ගේ සිරුරෙන් ගලාගිය රුධිරයෙන් හා ජලයෙන් කාමරයේ ගෙබිම නැහැවී තිබේ. මේ නිසා බිම ලිස්සන සුළු විය. කාමරය ඇතුළත ආරක්ෂිත බව තහවුරුකැර ගත් මාර්ක් ඇතුළු කණ්ඩායම හැකි ඉක්මණින් ඉන් පිටවූහ.

‘‘ අල්තුවායින් සිටි සී එක කොටස ආරක්ෂිතයි. අපේ ප‍්‍රහාරයෙන් ඔහුු මිය ගියා ’’ මාර්ක් සන්නිවේදන ජාලය ඔස්සේ එම පණිවිඩය විසුරුවා හැරියේය. ඒ සමගම අධෝරක්ත ආලෝකය විහිදුවන පන්දමක් ද මාර්ක් කාමරයට විසි කළේය. ඉන් පසු ඔවුන්ගේ ඉලක්කය ඔසාමා බින්ලාඞ්න් සිටින බවට සැක කරන ප‍්‍රධාන ගොඩනැගිල්ල වෙත ගමන් කිරීමයි.

යානය අනතුරට ලක්වී තවමත් ගතවී ඇත්තේ විනාඩි 10 ක පමණ කාලයකි. එතරම් ඉක්මණින් මෙහෙයුම සිදුවෙමින් පවතී.

විල් සහ මාර්ක් ප‍්‍රධාන පරිශ‍්‍රයට ඇතුළුවන දොර අසළට ළගා වී ඇත. උතුරු දෙසින් ඒ1 යනුවෙන් නම් කැර ඇති දොරට පුපුරන ද්‍රව්‍ය සවිකර අවසානයි යනුවෙන් චාලි සන්නිවේදන ජාලය ඔස්සේ කියනු සියල්ලෝ ම අසා සිටියහ. චාලිට අවශ්‍ය වූයේ ටොම්ගේ විධානය පමණි.

මේ දක්වාම ජේන් සහ ඇගේ විශ්ලේෂණ සියල්ල සියයට සියයක් ම නිවැරදි බවත් ඇමෙරිකාවේ සිට ඇය පකිස්ථානයේ සැගව සිටින ඔසාමා බින්ලාඞ්න්ගේ නිවස ගැන ලබා දුන් තොරතුරු සියල්ල සත්‍යයක් බවත් දොර ජනෙල් ඇගේ ආකෘතියේ පරිදි ම පිහිටා ඇති බවත් මාර්ක් ඇතුළු කණ්ඩායම අවබෝධ කරගෙන තිබිණි. ඔවුන් අවබෝධ කැරගෙන සිටි පරිදිම ප‍්‍රධාන පරිශ‍්‍රය කොටස් දෙකකට බෙදා ඇත. බින්ලාඞ්න් හා ඔහුගේ පවුලේ උදවිය දෙවන හා තෙවැනි මහල් වල වාසය කරන බව පෙනී යයි. සෑම විටම බින්ලාඞ්න් උතුරු පෙදෙසින් ඇතුළු වීම හා පිටවීම සිදුකරන බව කලින් නිරීක්ෂණය කැර තිබිණි.

අල් තුවායින් සොහොයුරන් ඇතුළු වීමට හා පිටවීමට යොදාගෙන ඇත්තේ දකුණු ප‍්‍රදේශයයි. මේ හේතුවෙන් උතුරු දෙසින් ගොඩනැගිල්ලට ඇතුළු වීමට පෙර දකුණු ප‍්‍රදේශය ආරක්ෂිත බව තහවුරු කැරගැනීමට ටොම් ඔහුගේ කණ්ඩායම සමග ඒ දෙසට ගොස් සිටියේය.

ටොම් ඇතුළු එම කණ්ඩායම අදාල ප‍්‍රදේශයට ඇතුළු වෙත්ම සිදුවූයේ ඒකේ 47 ගිනි අවියක් කි‍්‍රයාත්මක වීමයි. මෙය බින්ලාඞ්න් පරිශ‍්‍රයේ සිටි අයකුගේ ප‍්‍රහාරයක් බව පැහැදිලිය. දිගින් දිගටම අවිය කි‍්‍රයාත්මක වෙද්දී වඩාත් විමසිලිමත්ව කටයුතු කළ මෙහෙයුම් කණ්ඩායම ප‍්‍රතිප‍්‍රහාර එල්ල කරන්නට වූහ.
මොහොතකින් ගිනි අවි නිහ`ඩවිය. ඒ වනවිට අබ්රාර් අල් තුවාට් තුවාල ලබා සිටියේය. තුවාල ලැබූ ඔහු යළි නිවෙස ඇතුළට වැදී සැ`ගවුණු බව සන්නිවේදන යන්ත‍්‍රයෙන් මාර්ක්ට අසන්නට ලැබිණි.

යළි එල්ලවන  ඕනෑම ආකාරයේ ප‍්‍රහාරයකට මුහුණ දීමේ සූදානමින් ටොම් ඇතුළු කණ්ඩායම පරිශ‍්‍රයට ඇතුළු වන්නට වූහ. තුවාල ලැබූ අබ්රාර් බිම වැතිර සිටියි. ඔහුගේ බිරිඳ බුෂ්රා තම සැමියා ආරක්ෂා කරමින් ඔහු ආවරණය කරගෙන සිටින බව සන්නිවේදන යන්ත‍්‍ර මගින් මාර්ක්ට ඇසිණි. ඇය ඉවත් කිරීමට කිසිදු හැකියාවක් නැති බැවින් මෙහෙයුම් කණ්ඩායම දෙදෙනාටම වෙඩි තැබූහ. සැමියා ද සමග ඇය ඔහු මත ම ඇද වැටී මිය ගියාය.

ඔවුන් සිටි පරිශ‍්‍රයේ හ`ඩන ශබ්දයක් උස්ව ඇසේ. ඒ අතර ළමුන් බියපත්ව කෑ ගසන හ`ඩ ද ශ‍්‍රවණය වෙයි. ගැහැණියක් සහ දරුවන් කිහිප දෙනෙක් ඒ පරිශ‍්‍රයේ සිටිති. ඒ සියලූ දෙනා මෙහෙයුම් කණ්ඩායම සිය භාරයට ගනු ලැබීය.

අවසානයේ ටොම්ගේ හ`ඩ සන්නිවේදන ජාලය ඔස්සේ වඩාත් උස්ව නැගී ආයේය.

‘‘ පුපුරන ද්‍රව්‍ය කි‍්‍රයාත්මක කරන්න. ’’ ඔහුගේ විධානය විය.

මේ වනවිට දෙවැනි කණ්ඩායමේ සීල් භටයෝ ප‍්‍රධාන දොරටුව වෙත ල`ගා වෙමින් සිටියහ. උතුරු දොරටුවේ පුපුරන ද්‍රව්‍ය කි‍්‍රයාත්මක කෙරිණි. එය මහ හ`ඩින් පුපුරා ගියේය. විවර වූ දොරින් පළමුව ඇතුළු වූයේ චාලි ය. මාර්ක් ඇතුළු කිහිප දෙනෙක් රාතී‍්‍ර නිරීක්ෂණ උපකරණ මගින් හාත්පස පිරික්සන්නට වූහ. අවට ආරක්ෂිත දැයි තහවුරු කැරගැනීමට ඔවුන්ට අවශ්‍ය වී තිබිණි.

ගොඩනැගිල්ලේ දොරටුව, ජනේල සහ පියගැටපෙළ යන සෑම තැනක ම සිය ස`ගයන්ගේ ලේසර් කිරණ ඒ මේ අත ගමන් කරනු මාර්ක් දුටුවේය. සියල්ලෝම සතුරන් සොයති.  

දෙවැනි මහළේ වෙනත් යකඩ දොරක් අපේ මග හරස් කරමින් තිබේ. මේ දොර පුපුරුවා හැරීම සඳහා චාලි හට නැවතත් පුපුරන ද්‍රව්‍ය ස්ථානගත කරන්නට සිදුව තිබේ. ඔහුගේ එම කාර්යය නිමවන තුරු අවට අනෙක් පිරිස අවට ආරක්ෂාව පිළිබඳ වඩාත් සැළකිලිවත් වූහ.

මාර්ක් ප‍්‍රමුඛ කණ්ඩායමට උතුරු දොරටුව වෙත යාමට ඇත්තේ තුනී ලෑලි වලින් ආවරණය කරන ලද පටු මාර්ගයකිනි. ජීවිතාරක්ෂක කබාය සහ ඇඳුම් එහි තදින් වදින බැවින් ගමන අසීරුය. මාර්ක් ඉදිරියට යද්දී ඔහුට තමන්ට වඩා ඉදිරියෙන් යන දෙදෙනාගේ දෙබස් ඇසෙයි.

‘‘ මට තවමත් විශ්වාස කරන්න බැහැ අපි කඩා වැටුණා කියා. ’’ ඒ වෝල්ට් ගේ හ`ඩයි.
‘‘ මොනවා ! ’’ මොකක් ද ඒ කතාව ? ’’
ජේ එසේ ඇසුවේය.

‘‘ ඔව් අපේ යානය කඩා වැටුණා. ඔබ එළියට ගිහින් බලන්න වටින දෙයක්. ’’ යනුවෙන් වෝල්ට් යළි පිළිතුරු දෙයි.

ජේගේ මුහුණේ ඇදුණු සිනහව අඳුරේ විනිවිද දකින උපකරණ වලින් දකිද්දී අප ට සිනා නොවී සිටිය නොහැකි විය. මොහොතක් තුෂ්නිම්භූතව බලා සිටි ඔහු වහාම ආපසු හැරිණි. ඔහු සියල්ල අමතකකර දමා කඩා වැටුණු යානය බලන්නට යයි. අප පැමිණි යානය කඩා වැටෙන මොහොතේ සිදුවූ දේ කිසිවක් සන්නිවේදන ජාලය ඔස්සේ විකාශය වී නොතිබූ බැවින් ඒ ගැන අනෙක් යානයේ නියමුවන් හැර මෙහෙයුම් කණ්ඩායමේ අන් කිසිවෙකුත් දැන සිටියේ නැත.
ඒ වනවිටත් ටෙඞී සහ ඔහුගේ ස`ගයන් අප පැමිණි යානයේ යන්ත‍්‍ර බොහොමයක් කි‍්‍රයාවිරහිත කරවමින් සිටිණු දක්නට ලැබිණි. ඔවුන්ගේ විශ්වාසය වූයේ බර ඉවත් කර එය නැවත ගුවන්ගත කළ හැකි වනු ඇති බවයි. එතැනට දිව ගිය වහාම සිදුව ඇති අනතුර දුටු ජේ වහාම මෙහෙයුම් මූලස්ථානය අමතා ආධාරක යානය එවන ලෙස දැනුම් දුන්නේය. ආධාරක යානය පැමිණීමේ දී කාලය ඉතිරිකැර ගැනීම අවශ්‍ය බැවින් ඔවුන් පකිස්ථාන හමුදා මූලස්ථානයට ආසන්න ගමන් මාර්ගය තෝරාගත යුතුය.

මේ වනවිට ඒ 1 ගොඩනැගිල්ල ඇතුළේ සිටින චාලි පුපුරණ ද්‍රව්‍ය අටවා තිබිණි. ඔවුන් ඒවා පිපිරවීමට පෙර සිය ජීවිත ආරක්ෂා කරගැනීමට ආවරණය වෙමින් සිටියේය. මහ හ`ඩින් එය පුපුරා ගියේය. ඒ සමගම අප ස`ගයෝ ඉදිරියට ඇදෙන්නට වූහ. මා දොරටුව හරහා ඇතුළුවන විටත් කිහිප දෙනකු ඒ හරහා ගමන් කැර තිබිණි. ඉහළට නැගීමට තිබුණේ සර්පිලාකාර පියගැට පෙළකි. මෙහි බින්ලාඩන්ගේ කවර ආකාරයේ හිතවතකු සිටිය ද ඔහුට තුවක්කුවක් ඇතුළු  ඕනෑම ආකාරයේ ආයුධයක් ගෙන සන්නද්ධ වීමට  ඕනෑවටත් වඩා ඉඩ තිබූ බව ඔවුහු දැන සිටියහ. ඒ නිසාම මේ සර්පිලාකාර පියගැට පෙළ නැග යාම අතිශය භයානක මාරක කාර්යයක් බව ද මෙහෙයුම් කණ්ඩායම දන්නා කරුණකි.

මෙම ස්ථානයේ බින්ලාඩන්ගේ පුත‍්‍රයා වූ තාලිඞ් වාසය කරනවාය යන්න මෙහෙයුම් කණ්ඩායමේ අදහසයි. උඩුමහලේ අයෙක් යන්තමින් හිස දමා හාත්පස විපරම් කරන ආකාරය ඔවුහු දුටහ. ඔහුගේ මුහුණේ රැුවුලක් නැත. සැකය නිවැරදි විය යුතුය. ඔහු තාලිඞ් විය යුතුය.

වෙඩි හ`ඩින් පසු සියල්ල නිහ`ඩ වූ බැවින් ඔහු කුමක් සිදුවූයේ ද යනුවෙන් විපරම් කරනවා විය යුතුය. මෙහෙයුම් කණ්ඩායම තාලිඞ් කියා ඔහු ඇමතූ විට ඔහු වික්ෂිප්ත වූ බවක් පෙනෙන්නට තිබිණි. තමන්ට නම කියා අමතන ආගන්තුකයන් කවුරුන් ද යන්න ඔහුට වඩාත් කුතුහලය ගෙන දෙන්නක් වන්නට ඇත. හිස ඉවතට යොමු කරමින් අප දෙස බලත්ම ඔහුගේ හිසට නොනවත්වා වෙඩි පහර එල්ලවිය. ඔහුට ජීවත් වීමට තවදුරටත් කිසිදු අවස්ථාවක් නැති බව සක්සුදක් සේ පැහැදිලි කරුණකි.

දෙවන මහළේ ප‍්‍රමාණවත් තරම් සෙබළු සිටි බැවින් ඉහළට ගමන් කිරීමට අවශ්‍ය සංඥාව මාර්ක් විසින් අනෙක් සෙබළුන්ට ලබා දුන්නේ අනෙක් පියවරට අවතීර්ණ වෙමිනි.

පියගැටපෙළ රුධිරයෙන් නැහැවී ඇත. ඒ නිසාම එය ලිස්සන සුළුය. තාලිඞ් ගේ අත වූ ඒකේ 47 අවිය පසෙකින් බිම පතිත වී තිබිණි. එය උණ්ඩ පුරවා සූදානම් කැරගෙන සිටි අවියකි. මේ අවිය භාවිතා කිරීමට ඔහුට අවස්ථාවක් නොවීම ගැන සීල් භටයෝ සතුටු වූහ. ඔහුට ඒ වනවිට ඉතිරිව තිබුණේ ගිනි අවිය මෙහෙයුම් කණ්ඩායමේ සාමාජිකයන් දෙසට එල්ල කැර වෙඩි තැබීම පමණි. නමුත් ඊට අවස්ථාවක් නොලැබුණේ සීල් භටයන්ගේ වාසනාවට මෙනි. ඔහු අවිය කි‍්‍රයාත්මක කළේ නම් නොවරදවාම මෙහෙයුම් කණ්ඩායමේ සාමාජිකයන් කිහිප දෙනකු මිය යාමට හෝ මාරාන්තික තුවාල ලැබීමට ඉඩ තිබිණි.
මාර්ක් පවසන්නේ තමන්ට ලැබී තිබූ තොරතුරු අනුව මේ නිවසේ බින්ලාඩන් ඇතුළුව පිරිමි හතර දෙනකු සිටිය යුතු බවයි. දැන් ඉන් තිදෙනෙක් මියගොස් තිබේ. ඉතිරිව ඇත්තේ බින්ලාඩන් පමණක් විය යුතුය.

මාර්ක් එම අවස්ථාව මෙසේ විස්තර කරයි.

‘‘ තුන්වැනි තට්ටුවේ කවුරුන් සිටිය ද අප පා තබමින් සිටින්නේ වෙඩි හුවමාරුවක් ඇතිවන ස්ථානයකට බව හොඳින්ම දැන සිටියෙමි. තත්ත්පර කිහිපයක් පමණක් පැවතිය හැකි සටනකදී කිසිදු වරදක් සිදු නොවිය යුතු බව මා හොඳින් ම දන්නා කරුණකි. ඒ මොහොතේ පටන් අපි අවධානය වැඩි කළෙමු. දළ වශයෙන් ගතවූ කාලය විනාඩි 15 ක් පමණ වි තිබිණි. මේ කාලයේදී බින්ලාඩන්ට  ඕනෑතරම් ආයුධ වලින් සන්නද්ධ වීමටත් මරාගෙන මැරෙන කබායක් ඇඳ ගැනීමටත් හැකියාව තිබිණි. ’’

මේ මෙහෙයුම තමන් මෙතෙක් සිදුකළ සියළුම ආකාරයේ මෙහෙයුම් වලට වඩා වෙනස් ස්වභාවයක් ගන්නා බව මාර්ක් පවසයි. සාමාන්‍ය ක‍්‍රමවේදයෙන් බැහරව මෙහිදී ඔවුන්ට ඉදිරියට ගමන් කරන්නට සිදුව තිබේ. මෙහෙයුම පකිස්ථානයේ දී සිදුවෙමින් තිබීම ද එයට නවමු බවක් එක්කිරීමට සමත් වූයේය.
මාර්ක් කාමරයට ඇතුළු වීමට පියවර කිහිපයක් පසුපසින් සිටියේය. ඒ සමගම ඔහුට ඇසුණේ ශබ්ද පාලන උපකරණයක් සහිත තුවක්කුවක සියුම් වෙඩි හ`ඩකි. ඉදිරියෙන්ම ගමන් කළ සීල් සෙබළා තමන්ට ඉදිරියෙන් පෙනුණු පුද්ගලයකුට වෙඩි තබා තිබිණි. මාර්ක් සිටින ස්ථානය අනුව එම තැනැත්තාට වෙඩි වැදුණා ද නැතිද යන්න ස්ථිරවම කිව නොහැකි දෙයක් විය. වෙඩි වැදුණායැයි සැක කළ හැකි ඔහු අඳුරු කුටියේ නොපෙනී ගියේය.

ඉදිරියෙන් සිටි භටයා ආරක්ෂාව තහවුරු කරද්දි අනෙක් පිරිස සෙමෙන් සෙමෙන් දොර වෙත ල`ගා වූහ. ඇතුළු විමට කලබල නොකර ඇතුළත සිටි පුද්ගලයාගේ ප‍්‍රතිකි‍්‍රයාව කුමක් වේ දැයි ඔවුහු බලා සිටින්නට වූහ.

සියල්ල නිහ`ඩව තිබේ. මාර්ක් තම ස`ගයන් සමග ක‍්‍රමයෙන් ඇතුළු වූයේය. ඇඳ අසළ පුද්ගලයෙක් වැතිරී සිටියි. ඔහු අසළ ම කාන්තාවන් දෙදෙනෙක් සිටිති. මේ දෙදෙනාගේම ඇඳුම් පොඩිවී හිස කෙස් ද අවුල් වී තිබිණි. ඔවුන් දක්නට ලැබුණේ ඒ මෙහොතේ නින්දෙන් අවදි වූවන් මෙනි. ඔවුන් දෙදෙනාම හ`ඩා වැටෙමින් අරාබි බසින් කතා කරමින් සිටියෝය. මේ දෙදෙනාගෙන් වඩාත් ලාබාල තැනැතියයැයි සිතිය හැකි කාන්තාව අප දොරෙන් ඇතුළුවනු දුටුවාය.
ඉදිරියෙන් ම සිටි සෙබළාට බැණ වදිමින් ඇය ඔහු වෙත දිව ආවාය. අප අතර අඩි පහක්වත් දුරක් වූයේ නැත. තම ගිනි අවිය ක්ෂණයකින් ඉවතට දැමූ ඔහු කාන්තාවන් දෙදෙනා කාමරයේ මුල්ලකට ඇදගෙන ගියේය.

ඔහු මේ පියවර ගත්තේ කාන්තාවන් දෙදෙනාගෙන් එක් අයකු හෝ මරාගෙන මැරෙන කබායක් හැඳ සිටියේනම් එය පුපුරා යාමෙන් තම කණ්ඩායමේ වැඩි දෙනකු ජීවිතක්ෂයට පත්වීම වැළැක්වීමේ අදහසිනි. ඒ වෙනුවෙන් ඔහු සිය ජීවිතය පරදුවට තැබුවේ කණ්ඩායම් හැ`ගීමෙන් සහ නියම විරයකුගේ ගති ලක්ෂණ ප‍්‍රදර්ශනය කරමිනි.

කාන්තාවන් දෙදෙනා ඉවත්කිරීමත් සමගම මාර්ක් තවත් භටයකු සම`ග කාමරයට ඇතුළු වී පරීක්ෂා කිරීම් ආරම්භ කළේය. ඇඳ අසළ බිම වැතිරී සිටි තැනැත්තා සුදු අත් නැති ටී ෂර්ටයකින් සහ සැහැල්ලූ කලිසමකින් සැරසී සිටියේය. ඔහුගේ හිසේ දකුණු පසින් ඇතුළු වූ වෙඩි උණ්ඩය රුධිරය ද සම`ග මොළයේ කොටස් කිහිපයක් ඉවත්කිරීමට සමත්ව තිබිණි.

එසේ වුවත් ඔහු මෙතෙක් මියගොස් නැත. ඔහුගේ සිරුර තවමත් වෙව්ලයි. මේ තැනැත්තාගේ පපුවට තුවක්කුව එල්ල කළ මාර්ක් උණ්ඩ කිහිපයක් සිරුරට ඇතුළු කරමින් එම තැනැත්තාගේ අවසන් ගමන ඉක්මන් කළේය.

‘‘ මම කාමරයේ තවත් අනතුරු ඇත්දැයි පරීක්ෂා කළෙමි. පසෙකින් දක්නට ලැබුණේ බියෙන් ත‍්‍රස්ත වී අප දෙස බලා සිටින කුඩා දරුවන් තිදෙනෙකි.  කාමරයට පසෙකින් තවත් කුඩා කුටි දෙකක් විය. එකක් නානකාමරයකි. අනෙක කුඩා කාර්යාලයකි. එය අවුල් වී ගොස් ඇත. එහි ආරක්ෂාව තහවුරු වී ඇතැයි දැන ගැනිමෙන් පසු කාන්තාවන් දෙදෙනා හා ළමුන් තිදෙනා එතැනින් ඉවත් කළෙමු. ඔවුන් සන්සුන් කිරීම අපේ අපේක්ෂාව විය. ’’
මේ සමගම ටොම් තෙවැනි මහළට ඇතුළු වූවේය. ඔහු සියල්ල පරීක්ෂා කැර බැලිමෙන් අනතුරුව සන්නිවේදන ජාලය ඔස්සේ කිවේ ‘‘ තෙවැනි මහළ ආරක්ෂිතයි ’’ යනුවෙනි. එය සියල්ලන්ට ම හොඳින් ඇසුණු බව පැහැදිලිය.

විශේෂ ස්තූතිය : සුපුන් අනුරාධ මහතාට

ඔසාමා ඇල්ලූ රහසිගත මෙහෙයුම - 1

ඔසාමා ඇල්ලූ රහසිගත මෙහෙයුම - 2

ඔසාමා ඇල්ලූ රහසිගත මෙහෙයුම - 3

ඔසාමා ඇල්ලූ රහසිගත මෙහෙයුම - 4