බාල ඖෂධ ජාවාරම අපේ රටට කාලයක් තිස්සේ මහ පොදු සාධකයකි. එහි ඉතිහාසය බොහෝ ඈතකට ඇදී යයි. ඒ හැම අවස්ථාවකදීම සෞඛ්ය අමාත්යංශයට අරක් ගත් නිලධාරි කණ්ඩායමක් දම්වැලක් සේ බැඳී සිටිමින් මේ ජාවාරම මෙහෙය වූහ. ඒ දූෂිත දම්වැලේ අග කෙළවරේ ඒ කාලවල සිටි සෞඛ්ය කැබිනට් අමාත්යවරුන් සහ රාජ්ය අමාත්යවරුන් සිටි බවට චෝදනා එල්ල වූයේ වරක් දෙවරක් නොවේ. හිටපු සෞඛ්ය ඇමැති කෙහෙළිය රඹුක්වැල්ල මහතාට සිය ධුරය අහිමි වූයේද මෑත කාලයේ සිදු වූ බාල ඖෂධ ජාවාරමේ ඍජු ප්රතිඵලයක් වශයෙනි.
ප්රමිතියෙන් තොර ප්රතිදේහ එන්නත් රජයේ රෝහල්වලට බෙදාහැරීමේ සිද්ධිය සම්බන්ධයෙන් අත්අඩංගුවට ගනු ලැබ සිටින එක් ව්යාපාරිකයකුට එරෙහි නඩු විභාගය මේ දිනවල මාලිගාකන්ද මහේස්ත්රාත් අධිකරණයේදී පැවැත්වෙයි.
අධිකරණයේදී අදාළ සැකකරු වෙනුවෙන් පෙනී සිටින ජනාධිපති නීතිඥ කාලිංග ඉන්ද්රතිස්ස මහතා කළ ප්රකාශයකට මේ දිනවල රටේම අවධානය යොමු වී තිබේ.
අදාළ සිද්ධියේ මහ මොළකරු සිටින්නේ කැබිනට් මණ්ඩලයේ බවත් හැකි නම් ඔහු අත්අඩංගුවට ගෙන පෙන්වන ලෙස තමා අපරාධ පරීක්ෂණ දෙපාර්තමේන්තුවට අභියෝග කරන බවත් එම ප්රකාශයයි. උසාවිය කුමන අන්දමින් අධිකරණ මනස යෙදවූවත් මෙම අපරාධයට සම්බන්ධ පුද්ගලයන් දෙදෙනා පොලිසිය මගින් අත්අඩංගුවට ගෙන නැති බවත් ඔහු කියා තිබිණි.
ආනයන අපනයන ක්ෂේත්රයේ දූෂණ සහ අක්රමිකතාවලදී ඖෂධ සහ වෛද්ය උපකරණවලට සම්බන්ධ ගනුදෙනු ඉතාම බරපතළ වගකීමකට යටත් වෙයි. එය ඍජුවම රෝගීන්ගේ ජීවිත සමඟ සිදුකරන ගනුදෙනුවක් බැවිනි. මෙම නඩුවට අදාළ වන්නේ ඉන්දියානු ණය යෝජනා ක්රමය යටතේ හදිසි මිලදී ගැනීම් ලෙස ඉමියුනෝ ග්ලොබින් නමැති ඖෂධ වෑල්ව් 22,500ක් සැපයීමේ ක්රියාවලියයි. මේ සැක සහිත ගනුදෙනුවට අදාළව සපයා ඇති වෑල්ව්වලට රුපියල් හාරකෝටි හතළිස් ලක්ෂයකට අධික මුදලක් ගෙවා ඇති බවත් මෙය දූෂිත ක්රියාවක් බවට තොරතුරු හෙළිවීමෙන් පසුව ඉතිරි වෑල්ව් අධිකරණ නියෝගයක් මත තහනම් කර ඇති බවත් උසාවියට රහස් පොලිසිය ඉදිරිපත් කළ පැමිණිල්ලේ සඳහන්ය.
මෙය බරපතළ මට්ටමේ දූෂිත ක්රියාවක් බව යළි යළිත් කිව යුතු නැත. ඒ සමඟ කිව යුත්තේ මේ තරම් දූෂිත ක්රියාවක් වෛද්ය සැපයුම්කරුවකුට පමණක් සිදු කළ හැකි යැයි විශ්වාස කරන කිසිවකුත් නැති බවය. ඖෂධ නියාමන අධිකාරිය මගින් ඖෂධ ගෙන්වීමේදී ලබාදිය යුතු සහතිකය මේ සඳහා ලබා දී නැත. එසේ අනුමැතියක් නැතුව ගෙන්වා බෙදාහරින ලද එම ඖෂධ තොගය සඳහා කෝටි ගණනක මුදල් ලබා දී තිබේ.
විශාල පරිමාණයේ අත යට ගනුදෙනුවක් මෙහිදී සිදුවී ඇති බවත් වැඩේ හෙළිවීමට පෙර අදාළ දූෂිතයන් තමන්ගේ කුට්ටිය පවා කඩාගෙන ඇති බවත් මෙයින් පැහැදිලි වෙයි. සෞඛ්ය අමාත්යංශයේ සහ ඊට අනුබද්ධිත අනුශාංගික ආයතනවල රජයේ නිලධාරීන්ගේ සහායක් නොමැතිව මෙවැනි මහා පරිමාණ ගනුදෙනුවක් සිදුවිය නොහැක. එකී ඖෂධය ගෙන්වීමට අදාළ ටෙන්ඩර් පරිපාටියේ සිටම මේ අපරාධයේ කුමන්ත්රණකරුවන් ඊට සම්බන්ධ වී සිටි බව ද නඩුවට අදාළ සැකකරු මේ සමස්ත සිද්ධියේ එක් පුරුකක් පමණක් බව ද පැහැදිලිය.
අපේ රට දූෂණයෙන් සහ වංචාවෙන් ඉහ වහා ගොස් ඇතැයි ජාත්යන්තර මූල්ය අරමුදල ද සිය සමීක්ෂණ වාර්තාවක් මගින් පෙන්වා දී තිබිණි. බාල ඖෂධ ගෙන්වූ සිද්ධිය එයට කදිම උදාහරණයකි. මේ ඖෂධය ඉන්දියාවෙන් ගෙන්වූ බව සඳහන් කෙරුණත් ඊට සම්බන්ධ ඉන්දීය සමාගම ප්රකාශ කර තිබුණේ තමන් එවැනි ඖෂධයක් නිෂ්පාදනය නොකරන බවය. පසුව අනාවරණය වූයේ මෙරටේදී කිසියම් ද්රාවණයක් එම වෑල්ව්වලට පුරවා බෙදාහැර තිබෙන බවය. මෙය කිසිසේත් තනි පුද්ගලයකුට කළ හැකි ක්රියාවක් නොවන බව කුඩා දරුවකුට වුවද තේරුම් ගැනීම දුෂ්කර නැත.
රටේ ක්රියාත්මක අන්ත දූෂිත වළල්ලේ එක් සිද්ධියක් පමණක් වන මෙහි නියම සැකකරුවන් අල්ලා ගන්නා තුරු අධිකරණ ක්රියාමාර්ගය ක්රියාත්මක වීම අවශ්යය. එහෙත් මෙහි මහ මොළකරු කැබිනට්ටුවේ සිටින බවට කරන ප්රකාශය සත්ය නම් මේ පරීක්ෂණ එතැනින් එහාට යන බවට කිසිවකුටත් සහතිකයක් දිය නොහැකි බවත් පෙන්වා දීමට කැමැත්තෙමු.
(***)
අගනුවර පුරෝගාමී කතෝලික පාඨශාලාවක් වන කොළඹ 13, ශාන්ත බෙනදික්ත විද්යාලයේ ‘වාර්ෂික සිංහල සාහිත්ය කලා උළෙල අද (27) පස්වරු 2.30 ට විද්යාලයීය රංග ශාලාවේදී පැවැ
මෙවර කිවිදා දැක්ම ලියන්නේ ජනාධිපතිවරණය නිමාවට පත් වී තිබෙන මොහොතකය. අනුර කුමාර දිසානායක මහතා රටේ ජනාධිපති ධුරයට පත්වීම හරහා ජාතික ජනබලවේගයේ ප්රතිපත
හාරඹ වලව්ව බලපිටියේ පිහිටි වලව් අතරින් පැරැණිතම වලව්වකි. සිංහල, පාළි, සංස්කෘත, ඉංග්රීසී හා ලතින් භාෂා මැනැවින් දැන සිටි ලුවී ද සොයිසා විජයසේකර ජයතිල
මෙවර ජනාධිපතිවරණය මෙරට මැතිවරණ ඉතිහාසයෙහි පැවැති ඉතාම සාමකාමී මැතිවරණයකි. ඒ නිසාම එම සාමකාමී පරිසරය ජාත්යන්තර මැතිවරණ නිරීක්ෂකයන්ගේ ප්රසාදයට ලක්
විචිත්ර ධර්ම දේශකයාණන් වහන්සේ නමක වන තලල්ලේ චන්දකිත්ති හිමියන්ගේ පැවිදි දිවියට අදට (25) වසර 36ක් සම්පූර්ණ වේ. මේ ලිපිය ඒ නිමිත්තෙනි.
ජගත් නර්තන කලාව හා සමසුන් ගත හැකි විශිෂ්ට නර්තන කලාවක් බිහිකළ අසහාය බැලරිනාව - වජිරා චිත්රසේන අද (25) ජාතියෙන් සමුගෙන යන්නීය. ඇය පුරා වසර හැටකට අධික කාලය
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
බාල ඖෂධ ජාවාරමේ මහ මොළකරු අල්ලනු