වැලිකතර මරුකතරක්දැයි සිතෙන තරමට ලැබෙන ප්රවෘත්ති බිහිසුනුය. එමෙන්ම ජුගුප්සාජනකය. සිය වසකින් මෙපිට පැමිණි ලෝක වසංගතයක මරණීය බියකරු අත්දැකීම් ලබා තිබියදීත් මනුෂ්යත්වයේ අසරණකම සමග සූදු ක්රීඩාවේ යෙදීමට යමකුට හැකිනම් ඔහු මනුෂ්යයකුම විය නොහැකිය. එහෙයින් මිනිස් වෙස් ගත් එබඳු තිරිසනුන් වෙනුවෙන් මෙම තීරුව යළිත් වෙන් කිරීමට සිදුවී තිබේ.
අප පුවත්පත ඉකුත් දා වාර්තා කළ ප්රවෘත්තියකින් කියැවුණේ කාන්තාවන්, ඩුබායි, ඕමානය සහ අබුඩාබිය යන රාජ්ය වෙත සංචාරක වීසා මත රැගෙන ගොස් එරට ධන කුවේරයන් ඇතුළු විවිධ පුද්ගලයන්ට රුපියල් ලක්ෂ ගණනින් අලෙවිකරමින් මිනිස් ජාවාරමේ නිරත වූ බව කියන ප්රධාන තැරැව්කරුවකු සහ ඔහුගේ ජාවාරම්වල දේශීය නියෝජිතයකු අත්අඩංගුවට ගෙන අධිකරණයට ඉදිරිපත් කිරීමෙන් පසු රිමාන්ඩ් බාරයට පත්කර ඇති බවය.
මෙම මිනිස් ජාවාරම් හා ඔහුගේ දේශීය නියෝජිතයා අත්අඩංගුවට පත්වීමේ සිදුවීම් දාමය තුළ විශේෂ අවධානයට ලක් කළ යුතු කාරණාවක් තිබේ. මැද පෙරදිග එසේ අතවරවලට වදබන්ධනවලට ලක්වන කාන්තාවන් තමන් මුහුණ දී සිටින අභාග්ය සම්පන්න ඉරණම සම්බන්ධයෙන් විදේශ සේවා නියුක්ති කාර්යාංශය දැනුවත් කර තිබේ. අනතුරුව සිද්ධිය පැමිණිල්ලක් ලෙස අපරාධ පරීක්ෂණ දෙපාර්තමේන්තුවට ලැබී තිබේ.
අපරාධ පරීක්ෂණ දෙපාර්තමේන්තුවේ කාන්තාවන් වෙළඳාම, ජාවාරම් විමර්ශන කොට්ඨාසය එම රටවල්වලට ගොස් එම වින්දිත කාන්තාවන් හමුවී සාක්ෂි රැස් කරගෙන තිබේ. ඒ අනුව ජාවාරමේ මහ මොළකරු මෙරටට පැමිණෙන විට කටුනායක ගුවන් තොටුපොළේ දී අත්අඩංගුවට ගෙන ඇත. ජාවාරමාගේ දේශීය නියෝජිතයා අත්අඩංගුවට පත්ව ඇත්තේ ඉන් අනතුරුවය.
ලිංගික හිංසන, අතවර සම්බන්ධයෙන් පැමිණිලි කිරීමට වින්දිත කාන්තාවන් මැලිකමක් දක්වන බව පොදු පිළිගැනීමය. එහෙයින් බොහෝ සිදුවීම් කාලයේ වැලිතලාවෙන් වැසී යයි. ජාවාරමුන්ට අවශ්ය පිටුබලය ලැබෙන්නේ ද ඒ අවසරයෙනි. සිදුවීම් පැමිණිලි ලෙස ඉදිරිපත් නොවනවිට අපරාධකරුවන්ට නිරුපද්රිතව පැවතීමේ හැකියාවක් ද තිබේ. එහෙත් තමන්ට සිදුවූ අසාධාරණය අයුක්තිය හා නිගරුව සම්බන්ධයෙන් නිර්භයව එළියට පැමිණ අවශ්ය තැන්වලට පැමිණිලි කරන්නේනම් තමන්ට යුක්තිය සාධාරණත්වය ඉටු කරගත හැකි බව මෙම සිදුවීමෙන් පැහැදිලි වේ.
යුනිසෙෆ් අලුත්ම වාර්තාවක සඳහන් වන්නේ මෙරට දරුවන් 56000ක් උග්ර මන්දපෝෂණයෙන් පෙළෙන බවය. වයස අවුරුදු 5ට අඩු දරුවන්ට වහා ප්රතිකාර අවශ්ය බව ද එම සංවිධානය අවධාරණය කර ඇත. රටට ඩොලර් වැසි වැටී රට බත බුලතින් සරු සාර වී දරුවන්ට බඩ පිරෙන්න යමක් කන්න දිය හැකි යුගයක් උදාවන තුරු අම්මලාට බලා සිටිය නොහැක. අකාරුණික හා දුෂ්කර කොන්දේසිවලට යටත්ව දහදුක් විඳිමින් ඔවුන් මැදපෙරදිග බලා යන්නේ දරුවන්ගේ වේලෙන් වේලට අලුත්වන බඩගින්න නිවාදැමීමට ඇති ඒකාන්ත මාර්ගය එය යැයි ඒ අම්මලා කල්පනා කරන නිසාය. ඒ මනුෂ්ය වේදනාවත්, මනුෂ්යත්වයේ අසරණකමත් ජාවාරම්කරුවෝ හොඳින් හඳුනති. අනා තැබූ පිටි ගුලි මෙන් තමන්ට අවශ්ය පරිදි ඒ අම්මලා හැඩ කපා ගැනීමට ජාවාරම්කරුවන් සමත් වන්නේ ඒ අනුවය.
මැද පෙරදිග රැකියාවකට යාමේ විධිමත් පිළිගත් ක්රමවේදයක්, මාර්ග සිතියමක් තිබේ. එහෙත් කැකෑරෙන ආර්ථික අර්බුදය හමුවේ එතෙක් කල් බලා සිටින්නට ඇතැම් අම්මලා අකැමැති වෙති. ජාවාරම්කරුවන් දැල එලන්නේ ඒ අම්මලාටය. කාන්තාවන්ටය. අපේ රටේ පුරවැසියන් කෙළි බඩු බවට පත්කර අරාබිකරයේ සුල්තාන්ලාගේ ඇඟ නහර පිනවන්නට හැකිවීම සම්බන්ධයෙන් සෙසු සෑම පුරවැසියකුම සීමා විරහිතව ලජ්ජාවට පත් විය යුතුය. අරාබිකරයේ ඒ ශාපලත් ඉරණමට ලක්ව සිටින්නේ අපේම අම්මා, සොහොයුරිය, බිරිඳ යැයි සිතීමේ හැකියාවක් සියල්ලන්ම නිර්මාණය කර ගත යුතුය. මෙබඳු පාපතර ම්ලේච්ඡ ක්රියා මැඩපැවැත්විය හැක්කේ එබඳු බලගතු සදාචාර බලයකින් පමණි.
අපට ඇත්තේ නීතියේ පිහිට පිළිසරණ පමණි. එම ක්රියාදාමයට මුදල් බලයෙන් යම් බලපෑමක් ඇති කළ හැකි බව වසන් කළ නොහැකි සත්යයකි. ජාවාරම්කරුවන් බියකින් සැකයකින් තොරව මිනිස් ජාවාරම් හා මාංශ වෙළඳාම්හි නිරතවන්නේ ද එහෙයිනි. එතෙක් අහිංසක අම්මලාගේ කඳුළ සිනාවකට පරිවර්තනය කළ යුතුය. එය කළ හැකි වන්නේ අධිකරණ ක්රියාදාමය හරහා සියලු ජාවාරම්කරුවන් දණ ගැස්සීමෙන් පමණි. එහෙයින් මෙම ක්රියාදාමය දෙස අපි අවධානයෙන් බලා සිටිමු.
පසුගිය ජනාධිපතිවරණ සමයේදී ඉදිරිපත් වූ ඉතාමත් ප්රබල තර්කය වූයේ 2019 ජනාධිපතිවරණයේ දී සියට 3.16ක ඡන්ද සංඛ්යාවක් ලැබූ ජාතික ජනබලවේගයේ නායක අනුර කුමාර දිස
අගනුවර පුරෝගාමී කතෝලික පාඨශාලාවක් වන කොළඹ 13, ශාන්ත බෙනදික්ත විද්යාලයේ ‘වාර්ෂික සිංහල සාහිත්ය කලා උළෙල අද (27) පස්වරු 2.30 ට විද්යාලයීය රංග ශාලාවේදී පැවැ
මෙවර කිවිදා දැක්ම ලියන්නේ ජනාධිපතිවරණය නිමාවට පත් වී තිබෙන මොහොතකය. අනුර කුමාර දිසානායක මහතා රටේ ජනාධිපති ධුරයට පත්වීම හරහා ජාතික ජනබලවේගයේ ප්රතිපත
හාරඹ වලව්ව බලපිටියේ පිහිටි වලව් අතරින් පැරැණිතම වලව්වකි. සිංහල, පාළි, සංස්කෘත, ඉංග්රීසී හා ලතින් භාෂා මැනැවින් දැන සිටි ලුවී ද සොයිසා විජයසේකර ජයතිල
මෙවර ජනාධිපතිවරණය මෙරට මැතිවරණ ඉතිහාසයෙහි පැවැති ඉතාම සාමකාමී මැතිවරණයකි. ඒ නිසාම එම සාමකාමී පරිසරය ජාත්යන්තර මැතිවරණ නිරීක්ෂකයන්ගේ ප්රසාදයට ලක්
විචිත්ර ධර්ම දේශකයාණන් වහන්සේ නමක වන තලල්ලේ චන්දකිත්ති හිමියන්ගේ පැවිදි දිවියට අදට (25) වසර 36ක් සම්පූර්ණ වේ. මේ ලිපිය ඒ නිමිත්තෙනි.
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
මැද පෙරදිගට යවන කාන්තා ගෞරවය රකිනු