IMG-LOGO

2025 අප්‍රේල් මස 04 වන සිකුරාදා


මධ්‍යම අධිවේගයේ බාල්කයක් කඩාවැටුණේ කාගේ වරදින්ද?

අතරමග නවතා දමා තිබෙන කොළඹ-මහනුවර මධ්‍යම අධිවේගී  මාර්ගයේ දැවැන්ත කොන්ක්‍රීට් බාල්කයක් කඩා වැටීමේ පුවත අධිවේගී මාර්ගවල ගමනා ගමනයේ යෙදෙන ඕනෑම කෙනකුට සැක බිය දනවන සිද්ධියකි. මොනම අධිවේගී මාර්ගයක වුවද මේ ආකාරයට කොන්ක්‍රීට් බාල්ක කඩා වැටීමට කිසිදු ඉඩක් තිබිය නොහැක. එසේ කඩා වැටෙන බාල්ක අධිවේගී මාර්ග භාවිත කරන සියලු දෙනාට ලබා දෙන්නේ  ප්‍රබල අනතුරු ඇඟවීමේ සංඥාවක් වීම ද වැළැක්විය නොහැක.

මෙරට දැනට ඉදිවෙමින් පවතින එකම අධිවේගී මාර්ගය කොළඹ මහනුවර අධිවේගී මාර්ගයයි. මෙය ආරම්භ කෙරුණේ හිටපු ජනපති මහින්ද රාජපක්ෂ මහතා විසින් 2014 දෙසැම්බර් 14 වැනිදාය. එය නිම කිරීමට සැලසුම් කර තිබුණේ 2018 වසරේදීය. ජනාධිපතිවරණයක් අත ළඟ තිබියදී මුල්ගල තැබූ එය බැලූ බැල්මට රටේ අවශ්‍යතාවට මුල්තැන දීමට වඩා දේශපාලන අවශ්‍යතාවට මුල්තැන දීමක් නිසා සැලසුම් කළ පරිදි ව්‍යාපෘතිය නිම කෙරුණේ නැත. අපේ රටේ මෙවැනි බොහොමයක් දේශපාලනික ව්‍යාපෘති මුහුණ දුන් ඉරණමට  ගොදුරුවීමෙන් 2015 දී බලයට පැමිණි ආණ්ඩුව මෙම අධිවේගී මාර්ගය අලුතින් නම් කර එවකට අග්‍රාමාත්‍යධුරය හෙබවූ වත්මන් ජනාධිපති රනිල් වික්‍රමසිංහ මහතා විසින් 2017 පෙබරවාරියේදී යළිත් මුල්ගල් තබා වැඩ ආරම්භ කරනු ලැබීය. 2022 වසරේ ජනවාරි මාසය වනවිට එහි දෙවැනි පියවරද අවසන්  කර  මීරිගම සිට කුරුණෑගල දක්වා මහජනතාව සඳහා විවෘත කෙරිණි.

මධ්‍යම අධිවේගයේ ඉතිහාසය එසේ කෙටියෙන් සඳහන් කළේ කොන්ක්‍රීට් බාල්ක කඩා වැටීමේ සිද්ධිය සම්බන්ධයෙන් යම්කිසි අදහසක් ඇතිකර ගැනීමට පහසුවීම සඳහාය. මෙසේ කඩා වැටී ඇත්තේ මධ්‍යම අධිවේගයේ කණු මගින් දිවෙන මාර්ග කොටසක් බවත් මාර්ගය ඉදිකිරීම් අතරමග දී මෙසේ කොටස් කඩා වැටෙන්නේ නම් ඉදිකර අවසන් කිරීමෙන් පසුව එහි ගමන් කිරීම කොතරම් අනතුරුදායක විය හැකිදැයි ජනතාව ප්‍රශ්න කරන බවත් මේ සිද්ධිය සම්බන්ධයෙන් අපගේ ලංකාදීප පුවත්පත පළ කර තිබූ වාර්තා වේ සඳහන් විය.

අධිවේගයක් නොව වෙනත් මාර්ගයක් හෝ පාලමක් හෝ වුව ද ඒවා මහජනතාව සඳහා විවෘත කළ යුත්තේ එහි ආරක්ෂාව සහතික කිරීමෙන් පසුව පමණි. එය අපේ රටේ ඉදිකිරීම් සම්බන්ධයෙන් පමණක් නොව කුමන රටක වුව ද ඉදිකිරීමක් සම්බන්ධයෙන් වුවද පිළිගත් ප්‍රමිතියයි. අධිවේගී මාර්ගයක් වැනි දැවැන්ත ඉදිකිරීම් ව්‍යාපෘතියකදී එම ප්‍රතිමිතිය ඉතා උසස් මට්ටමින් පැවතීම අත්‍යවශ්‍ය කොන්දේසියකි. ප්‍රමිතිය නොමැති නම් එම කොන්දේසිය කඩ වන අතර ඒ සඳහා වගඋත්තරකරුවකු හෝ වගඋත්තරකරුවන් පිරිසක් හෝ සිටිය යුතුය. මහනුවර අධිවේගයේ දැවැන්ත කොන්ක්‍රීට් බාල්කයක් කඩා වැටීම පැහැදිලිවම  පෙන්වා දී ඇත්තේ එය නිසි ප්‍රමිතියට ඉදිකර නොමැති බවය. එයට වගකිව යුත්තේ කවුදැයි සොයා ගැනීම මේ ව්‍යපෘතිය භාරව සිටින ඉංජිනේරුවරුන් ඇතුළු බලධාරීන්ගේ වගකීමක් බවද කිව යුතුය.

මහනුවර අධිවේගයේ අදාළ කොටස් ඉදිකිරීම් භාරව කටයුතු කරන කොන්ත්‍රාත්කාර සමාගම හෝ සමාගම් හෝ කවුදැයි හඳුනා ගැනීම ගැටලුවක් විය නොහැක. කිසියම් ඉදිකිරීමක් අතරමග දී කඩා වැටෙන්නේ නම් එහි වගකීම පැවරෙන්නේ එහි කොන්ත්‍රාත්කාර සමාගමටය. ඔවුන්ගෙන් මේ බරපතළ සිද්ධිය සම්බන්ධයෙන් නිදහසට කරුණු විමසිය යුතුය. එසේ සිදු නොකර සිමෙන්ති බාල්ක කඩා වැටීමේ සිද්ධිය පිළිබඳව කරුණු සෙවීමට විමර්ශන කමිටු පත් කිරීමෙන් ඵලක් නැත. කමිටුවක් පත් කිරීම සිද්ධියක් යට ගැසීමට ගන්නා එක් ක්‍රියා මාර්ගයක් බව මෙරට පහළ බාලාංශ දරුවකුට වුවද සිතීමට හේතුවන කරුණක් සේ පෙනේ. සිද්ධිය අදාළ කොටසේ ඉදිකිරීම් භාරව කටයුතු කරන්නේ මෙරට කොන්ත්‍රාත්කාර සමාගමක්ද නැතහොත් විදේශීය සමාගමක් දැයි අපි නොදනිමු. එහෙත් ආණ්ඩුවේ බලධාරීන් ඒ ගැන නොදැන සිටීමට හේතුවක් නැත.

මෙවැනි දැවැන්ත ව්‍යාපෘති විදෙස් ණය හෝ ආධාර මත ක්‍රියාත්මක වුවත් ඒ මුදලේ සැබෑ අයිතිකරුවන් වන්නේ මෙරට මහජනතාවයි. ආණ්ඩුව පෙනී සිටිය යුත්තේ මහජනතාවගේ අයිතිය රැක දීමට මිස කොන්ත්‍රාත්කරුවන් රැකීමට නොවේ. මේ සිද්ධියට වගකිව යුත්තන් ඉක්මනින් හඳුනාගෙන ඔවුන්ට එරෙහිව නීති මගින් කටයුතු කිරීමටත් අදාළ ඉදිකිරීම්වල ප්‍රමිතිය යළි පරීක්ෂා කර බැලීමටත් අප්‍රමාදව පියවර ගත යුතු බව සඳහන් කරමු.

(***)



අදහස් (6)

මධ්‍යම අධිවේගයේ බාල්කයක් කඩාවැටුණේ කාගේ වරදින්ද?

චන්දිම Tuesday, 07 May 2024 11:59 AM

මේ කඩාවැටුණු කොටසේ ඉදිකිරීම් කොන්ත්‍රාත්තුව බාර වුනේ දැනට ඉන්න රජයට සම්බන්ධ දේශපාලකයකුට නම් මේ සම්මජ්ජාතියේ ඕක හරි තැනින් හොයන්න පටන් ගන්නේ නැත. එය සිද්ධාන්තයකි . මුලධර්මයකි .වෙනස් නොවන නියතයකි. වසර ගණනාවක සිට කියාත්මක වන සම්මතයකි. වටේ කැරකි කැරකි ඉඳීවි. සමහරවිට මියන් වේයන් කාවුන් වැනි සතුන් ගැන වුණත් හොයලා බලාවි. මේ මුලධර්මය භාවිතා වුණු අවස්ථා රාශියකි. චීන පොහොර නැව, එක්ස්ප්‍රස් පර්ල් නැව, සිනි බදු, සුදුලුනු, පොල්තෙල්, මහා බැංකු බැඳුම්කර සරල උදාහරණ වේ.

:       1       22

sachith Tuesday, 07 May 2024 01:30 PM

මේවා කොමිස් පිට කොමිස් ගහලා හදපු ගෙවල්, පුළුවන්නම් මේවැයි වැඩ කරන්න කම්කරුවන්ට දෙන ඒ කෙනුත් කොමිස් ගහයි අපේ දේශපාලකයෝ... ඉතින් මේ වගේ දේවල් පුදුම වෙන්න දෙවල් නෙමෙයි...

:       1       8

සෙනෙවිරත්න Tuesday, 07 May 2024 02:35 PM

ඕකට වරද සර් අයිසැක් නිව්ටන් මගේ මතයේ හැටියට, එතුමා ගුරුත්වාකර්ශණය සොයාගත්තෙ නැත්නම් ඔය බාල්කය දිරලා කැඩුණත් අහසෙ පාවෙවී තියේවි. කමිටුවේ මතයත් එයම වෙයි.

:       2       20

මල් මාමා Thursday, 09 May 2024 03:26 PM

සුපිරි කොමෙන්ටුව...

:       0       2

සුබ අඅනාගතයේ වැඩකිඩ Friday, 10 May 2024 06:58 AM

මේක කඩාවැටීමට වගකිවයුතු වන්නේ මැතිවරණ අවස්ථාවල ව්‍යාපෘති ආරම්භ කරන දේශපාලුවො හා උන්ගෙ හෙංචයියො තමයි

:       2       2

ජුනයිඩ් නානා Saturday, 11 May 2024 11:34 AM

මේකෙ වැඩ කොරෝනාවෙන් පමාවීමත්, සුළබ ගස දුර්ලභ ලෙස වර නැගූ පරිසරවේදීන් ලෙස ලෝකෙට පෙන්නාගෙන සිටින ත්‍රස්තවාදීන් කල්ලිය සහ සිවුරක් ඔතා ගස මහණ කළ බවට කිවූ ශ්‍රමණවේශධාරි කල්ලියත්, රට බංකොළොත් බවක් පෙන්නා වැඩ නැවැත්වූ දේශපාලුවන් රැළත් මිසක වෙන කවුරු වගකිව යුත්තෝ වෙද්ද?

:       1       4

ඔබේ අදහස් එවන්න

 

 
 

විශේෂාංග

නරේන්ද්‍ර මෝදිගේ ශ්‍රී ලංකා සංචාරය
2025 අප්‍රේල් මස 04 70 1

අනුර කුමාර දිසානායක මහතා, ජනාධිපති ධුරය බාර ගැනීමෙන් පසු, පළමු විදෙස් සංචාරය සඳහා තෝරා ගත්තේ අසල්වැසි ඉන්දියාවය. ඒ අනුව, පසුගිය 2024 දෙසැම්බරයේ, නවදිල්ලි


පොරොන්දුවල අතරමං වූ ආණ්ඩුව
2025 අප්‍රේල් මස 04 107 1

ජනාධිපතිවරයා පළාත් පාලන ඡන්දය ඉලක්කගත කර සිදුකරන ලද කතා කීපයක් අසා සිටි මෙම ලියුම්කරුට හැඟී ගියේ ඔහුගේ හඬ ජවය දැන් දැන් දුර්වල වී ඇති බවයි. එහි විශ්වාස


සහල් මිල පාලනයට වැඩපිළිවෙළක් නැද්ද?
2025 අප්‍රේල් මස 04 33 0

ශ්‍රී ලංකාවේ මෑත කාලයේ සහල් අර්බුදයක් පැන නැගී ඇති අතර, එයට විසඳුම් ලබා දීමට රජය අපොහොසත් වී ඇත. අපේ ප්‍රධාන ආහාරය සහල් වන අතර, තුන් වේල බත් කන ජාතියක් සි


ඉන්දු - ශ්‍රී ලංකා සබඳතා කඩයිම්
2025 අප්‍රේල් මස 04 29 0

ශ්‍රී ලංකාවේ මහකොමසාරිස් සංතෝෂ් ජා මහතා සමඟ ඉන්දීය අග්‍රාමාත්‍ය ශ්‍රී නරේන්ද්‍ර මෝදි මහතාගේ ශ්‍රී ලංකා නිල සංචාරය (2025 අප්‍රේල් 4-6) පිළිබඳව පැවැත් වූ සම


සූර්යබල විදුලියට බාධා ඇයි?
2025 අප්‍රේල් මස 02 884 1

වහලය මත සවිකරන සූර්යබල විදුලි පද්ධති මගින් නිෂ්පාදනය කෙරෙන විදුලිය මිලදී ගැනීමේ දී ‌ලංකා විදුලිබල මණ්ඩලය මෙතෙක් ගෙවන ලද මිල ගණන් විශාල ලෙස පහළ දැමීමට


උ.පෙළ දෙපාරක් ෆේල් වෙලත් පේරාදෙණියට ආවේ නාට්‍යවලට ආශාවෙන්
2025 අප්‍රේල් මස 01 1067 0

සිංහල නාට්‍ය කලාවේ අමරණීය යුගයක් නිර්මාණය කරමින් එහි සන්ධිස්ථානයක් ඇති කළ මහාචාර්ය එදිරිවීර සරච්චන්ද්‍ර මහතාගේ නාට්‍යාවලිය තුළ නිශ්ශංක දිද්දෙනිය න


මේවාටත් කැමතිවනු ඇති

ශ්‍රී පාද අඩවිය පිරිසිදුව තබාගැනීමට සියපත ෆිනෑන්ස් වෙතින් නිර්මාණශීලී විසඳුමක් 2025 අප්‍රේල් මස 04 82 0
ශ්‍රී පාද අඩවිය පිරිසිදුව තබාගැනීමට සියපත ෆිනෑන්ස් වෙතින් නිර්මාණශීලී විසඳුමක්

නව්‍යකරණයෙන් පිරිපුන් හෘද්‍යාංගම මූල්‍ය සේවාවක නියැලෙමින් ශ්‍රී ලාංකිකයන්ගේ විශ්වාසය දිනූ සියපත ෆිනෑන්ස් පීඑල්සී ආයතනික සමාජ සත්කාරක වැඩසටහන් මා

Hello Dada කියලා කියන්නේ Say Prime චැනල් එකෙන් නිෂ්පාදනය වුන පළවෙනි මිනි සීරීස් එක. 2025 මාර්තු මස 31 362 1
Hello Dada කියලා කියන්නේ Say Prime චැනල් එකෙන් නිෂ්පාදනය වුන පළවෙනි මිනි සීරීස් එක.

මිනි සීරීස් කන්සෙප්ට් එකෙන් සීරීස් කිහිපයක්ම නිර්මාණය කරපු අධ්‍යක්ෂකවරයෙක් තමයි ජෝ දිසානායක. Hello Dada අධ්‍යකෂණය සිදු කරන්නේද ඔහු විසින්ම. බොහෝ ජනප්‍රිය

ප්‍රයිම් සමූහය වෙතින් PrimeMax: අවම මූලික ගෙවීමක් සහ ඇදහිය නොහැකි මාසික වාරිකයක් සමගින් දේපළ සඳහා ආයෝජනය කිරීමට අනගි අවස්ථාවක් 2025 මාර්තු මස 21 889 0
ප්‍රයිම් සමූහය වෙතින් PrimeMax: අවම මූලික ගෙවීමක් සහ ඇදහිය නොහැකි මාසික වාරිකයක් සමගින් දේපළ සඳහා ආයෝජනය කිරීමට අනගි අවස්ථාවක්

ප්‍රයිම් සමූහය ශ්‍රී ලංකාවේ දේපළ වෙළඳාම් ක්ෂේත්‍රයේ පෙරළියක් සිදුකරමින් නව ගෙවීම් ක්‍රමවේදයක් හඳුන්වා දීමට පසුගියදා කටයුතු කළේ ය.

Our Group Site