අරගලකරුවන් අතින් ඝාතනය වූ පාර්ලිමේන්තු මන්ත්රී අමරකීර්ති අතුකෝරළ මහතා වෙනුවෙන් රුපියල් කෝටියක වන්දි මුදලක් ගෙවීමට කැබිනට් මණ්ඩලය තීරණය කළ බව අග්රාමාත්ය දිනේෂ් ගුණවර්ධන මහතා පසුගියදා පාර්ලිමේන්තුවේ දී ප්රකාශ කළේය. එහිදී ඝාතනය වූ මන්ත්රීවරයාගේ ආරක්ෂක නිලධාරියා වෙනුවෙන් ද වන්දි මුදලක් ගෙවීමට නියමිත බව ද සඳහන් විය.
රුපියල් කෝටියකින් මිනිස් ජීවිතයක වටිනාකම තක්සේරු කිරීමට හැකියාවක් නැත. එහෙත් කිසිදු වන්දි මුදලක් නොලැබී යනවාට වඩා කෝටියක මුදලක් හෝ ලබාදීම ඝාතනය වූ මන්ත්රීවරයාගේ බිරිඳටත් දරුවන්ටත් මඳ සැනසීමක් හෝ ලබා දෙනු ඇත. එම පිරිසට තම සැමියා සහ පියා මහමෙරකටත් වඩා වටිනා බව දැනුණත් ඔවුන්ට මේ ලැබීම හෝ අවස්ථාවේ හැටියට සහනයක් බව අපි සිතමු. හැකි නම් පක්ෂයේ මට්ටමින් හෝ තව තවත් එම ඝාතනය වූ මන්ත්රීවරයාගේ පවුලේ දූ දරුවන්ට දිගින් දිගටම ආධාර ලබාදීමේ වැඩපිළිවෙළක් හෝ ක්රියාත්මක කළ හැකි නම් එය වඩාත් ප්රතිඵලදායක වනු ඇත. වසර 05ක පාර්ලිමේන්තු කාලසීමාව අවසන් කිරීමට පෙර ඔහුගේ මරණය සිදුවූ බැවින් අතුකෝරාළ මන්ත්රීවරයාට විශ්රාම වැටුපකට හිමිකමක් ද නැත.
මිනිස් ජීවිතයක වටිනාකම තුට්ටුවකට මායිම් නොකළ ප්රචණ්ඩකාරී පිරිසකගේ මාරාවේශ වූ ක්රියා හේතුවෙන් මෙසේ අමරකීර්ති අතුකෝරාළ මන්ත්රීවරයා ඝාතනය වීම මහත් ඛේදවාචකයකි. අරගලයට කවර ආකාරයක දායකත්වයක් දැරූ පිරිසක් අතින් මේ මිනීමැරුම සිදුවී දැයි අපි නොදනිමු. කවුරුන් මේ සඳහා වගකිවයුතු වුවත් මෙවැනි අපරාධයක් කිසිදු රටක සිදුවිය යුතු නැත. පණ බේරා ගැනීමට දිවයන පුද්ගලයකු හඹා ගොස් ඔහුට පහර දී ම්ලේච්ඡ ලෙස ඝාතනය කළ හැක්කේ මිනීමරු මනසකින් ක්රියා කරන අපරාධකරුවන්ට පමණි. මේ සිද්ධිය වූ පසුගිය මැයි මස 09 වැනිදා එවැනි සිත් පිත් නැති අපරාධකරුවෝ සිය ගණනින් වීදි බැස සිටියහ. නිවෙස්, වාහන ඇතුළු කෝටි සංඛ්යාත දේපළ එදින රාත්රියේ වැනසී ගියේ එම අපරාධකරුවන් අතිනි. මේ සිද්ධි ශිෂ්ට සම්පන්න රටක සිදුවිය යුතු නැත. අනාගතයේ දී වුවද එවැනි තත්ත්වයකට රට මුහුණ දිය යුතු නැත.
ආණ්ඩුවලට එරෙහිව ජනතාවගේ නැගිටීම් සිදුවීම රටේ ලෝකයේ දේශපාලනයට අමුත්තක් නොවේ. එවැනි නැගිටීම් සිදුවුව ද ඒවා ප්රචණ්ඩත්වයට නැඹුරු වූ අපරාධකරුවන් අතට පත්වීමට ඉඩ නොතැබීමට ඒවාට නායකත්වය දෙන පිරිසේ වගකීමකි. ආණ්ඩු විරෝධී උද්ඝෝෂණ සහ විරෝධතා ප්රචණ්ඩකාරී තත්ත්වයට පෙරළිය හැකි වුවත් එය පුද්ගලයන් සහ දේශපාලකයන් හඹා යමින් ඔවුන් ඝාතනය කරන තත්ත්වයට පත්වීම මොනම රටක වුවද අරාජික තත්ත්වයට පාර කැපීමකි. එවැනි අරාජික තත්ත්වයට රටක් පත්වීමෙන් පසුව සිදුවිය හැකි බිහිසුණු ප්රතික්රියා අරාබි වසන්තය නම් වූ විරෝධතා ව්යාපාරයෙන් දැකගත හැකි විය. අවසානයේ ඇතැම් රටවලට එය වසන්තයක් නොව වසංගතයක් විය. එය මෙහෙයවූ ඇතැම් නායකයන් ලැබූ ජයග්රහණයක් ද නොවීය. ඒ ඇතැම් රටවල් තවමත් වසන්තයට පෙර තත්ත්වයට වඩා වෙනසක් නැත.
මේ රටේ ආණ්ඩු විරෝධී අරගලවලට සහ කැරලිවලට ඉතිහාසයක් තිබේ. 53 හර්තාලයේ පටන් මේ දක්වා පැවැති අරගල සහ කැරලි අතර 71 කැරැල්ල, 87 කැරැල්ල සහ කැරැල්ලක් ලෙසින් ඇරඹී පසුව සිවිල් යුද්ධයක් දක්වා වර්ධනය වූ එල්.ටී.ටී.ඊ. සටන ඒ අතරින් කැපී පෙනෙයි. මේ සියලු අවස්ථා, ඝාතන සහ සමූහ ඝාතනවලින් පිරී තිබිණි. එහෙත් ආණ්ඩු විරෝධී වැඩවර්ජන, උද්ඝෝෂණ සහ විරෝධතා මිනිස් ජීවිත බිලිගන්නා තත්ත්වයට පත්වූයේ කලාතුරකිනි. ඒවාට නායකත්වය ලබාදුන් පිරිසගේ බලපෑම ඊට හේතු වී යැයි පිළිගත යුතුය.
එසේ වුවද අමරකීර්ති අතුකෝරළ මන්ත්රීවරයාගේ ඝාතනය ඇතුළු නීතිවිරෝධී ප්රචණ්ඩ ක්රියා දක්වා වර්ධනය වූ අරගලයේ ආරම්භය ප්රචණ්ඩකාරී නොවීය. එය රසායනික පොහොර තහනම හේතුවෙන් හටගත් ගොවීන්ගේ විරෝධතාවලින් ඇරඹී පසුව එම තීන්දුවේම ව්යාති රේඛයක් වශයෙන් හටගත් ආර්ථික අර්බුදයේ කොටසක්ද නියෝජනය කළේය. පසුව අරගලය ගෝල්ෆේස් පිටිය දක්වා පැමිණ එහි ස්ථානගත වී සාමකාමී ලෙස සති ගණනක් පැවතිණි. රට පුරාද අරගලයේ ශාඛා පැවතුණත් ඒවාද සාමකාමී විය. ආර්ථික අර්බුදය තවදුරටත් උග්ර වී රටේම පෝලිම් ඇතිවී තෙල් හිඟ වී විදුලිය කැපීම ද දීර්ඝ වනවිට රටම නොසන්සුන් විය.
එසේ වුවද සාමකාමීව පවත්වාගෙන ගිය අරගලයට කඩා වැදී එහි සිටි පිරිසට පොලුවලින් ගසා බරපතළ තුවාල කර කූඩාරම් ගිනි තබා සිදු කළ විනාශය ඉන් පසුව හටගත් ප්රචණ්ඩකාරී තත්ත්වයට මග පෑදුවේය. එසේ නොවන්නට මැයි 09 වැනිදා අමරකීර්ති අතුකෝරළ මන්ත්රීවරයාගේ ඝාතනය සිදුවන්නේ ද නැත. දුරදිග නොබලා එම ප්රහාරය සිදු කිරීමට නායකත්වය දුන් සහ එයට සහභාගි වූ කිසිදු දේශපාලකයකුට එම වගකීමෙන් මිදිය නොහැකි බවද මෙහිදී පෙන්වා දිය යුතුය. පුද්ගලයකු ඝාතනය කිරීමෙන් පසුව ඔහු වෙනුවෙන් කෝටි ගණන් වන්දි ලබාදුන්නත් සිදුවූ පාඩුව පිරිමැසිය නොහැකි බවද ඒ සමඟ කිව යුතුය.
(***)
දිසානායක මුදියන්සේලාගේ රංබණ්ඩා සහ ඔහුගේ බිරිඳවන සීලවතීගේ දෙවැනි දරුවා ලෙස 1968 වසරේ නොවැම්බර් මස 24 වැනිදා ගලේවෙල මකුල්ගස්වෙල මාතෘ නිවාසයේදී ඔහු උපත ලැබ
2024 ජනාධිපතිවරණය ඉතාමත්ම උණුසුම් මෙන්ම තරගකාරීත්වය අතින් ඉහළම ජනාධිපතිවරණයක් වශයෙන් හඳුනාගත හැකිය. මෙකී ජනාධිපතිවරණයට පසුබිම සැකසෙන්නේ රට ආර්ථික වශ
මීට පෙර ලිපියක අප සඳහන් කළ ආකාරයට අද පැවැත්වෙන ශ්රී ලංකාවේ නව වැනි ජනාධිපතිවරණය මෙතෙක් පැවැත්වුණු ජනාධිපතිවරණ අටටම වඩා කරුණු ගණනාවකින් වෙනස්ය.
මාතලේ, නාලන්ද ගෙඩිගේ යනු මෙරට මධ්ය කේන්ද්රය ලෙස සලකනු ලබන ස්ථානයේ පිහිටි පෞරාණික මෙන්ම සුන්දර පරිසර පද්ධතියකින් හෙබි හරි අපූර්වතම ස්ථානකි. නාලන්ද
අඹගහපිටිය වලව්ව හෙවත් සහබන්ධු වලව්ව බලපිටිය මුදලි පෙළපතේ පැරැණිම වලව්වකි. විහාරස්ථානයට පූජා කළ ලංකාවේ මුල්ම වලව්ව ලෙස මෙය සැලකේ. උපසම්පදාව ජනසතු කරම
නීතියේ ආධිපත්යය යනු සියලුම පුද්ගලයන්, ආයතන සහ සංවිධාන නීතියට යටත් බවත් එහි නිර්දේශවලට වගකිව යුතු බවත් සහතික කරන මූලික මූලධර්මයකි. එසේම රටක් පාලනය ව
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
මෙවැනි තිරිසන් ඝාතන මින් මතු ඇති නොවේවා
ganegoda Monday, 31 October 2022 03:03 PM
දේශපාලනයට බැස්සාම ඔව්වාම සාමාන්ය දේවල් කියලා අපි ඉතිහාසය කියලා දීලා තියෙනවනේ... නැතිනම් අදත් ‘‘ජෝර්ජ් කෙනඩි‘‘ ජීවත් වෙනවනේ...!
Nandasena gr Tuesday, 01 November 2022 05:53 AM
දැන් ඔය මන්ත්රීගේ ජීවිතේ සහ අර ගෑස් ටැංකි පුපුරලා මැරිච්ච අය, ගෑස් පෝලිම් වල, තෙල් පෝලිම් වල දවස් ගානක් ඉඳලා මැරිලා ගිය මිනිස්සුන්ගේ ජීවිතවල වටිනාකම් දෙකක්?