IMG-LOGO

2024 නොවැම්බර් මස 24 වන ඉරිදා


මුළු රටම වැහෙන තැනට කටයුතු කරන්න එපා

‘සෙළවෙන සෑම තැනකටම වෙඩි තබනු’ යන්න කොමාන්ඩෝ පුහුණුවේදී දෙනු ලබන නියෝගයකි. එයින් කියැවෙන්නේ සතුරාට කිසිදු අවස්ථාවක් නොදිය යුතු බවය. සතුරා දෙස සැකයෙන් බැලිය යුතු බවය. සටන් බිමේදී සුරතල්වීමට කිසිවකුට අයිතියක් නැත.

අද මුළු රටම යුද පිටියකි. සෑම පුරවැසියකුටම කොවිඩ් මාරයා සමග සටන් කිරීමට සිදුවී තිබේ. මේ සටනේදී සතුරාට ජය ගැනීමට ඉඩ දිය යුතු නැත. මෙම සටනින් අප අනිවාර්යයෙන්ම ජයග්‍රහණය කළ යුතුය. දෙවසරක අත්දැකීම් ඒ සඳහා ප්‍රමාණවත්ය. අවශ්‍යවන්නේ එම අත්දැකීම් ප්‍රයෝජනයට ගැනීමය.
රජයේ සහ රජය අනුමත පාසල්වල  6-7-8 හා 9 ශ්‍රේණිවල අධ්‍යයන කටයුතු සඳුදා ආරම්භ කරන බව අප පුවත්පත වාර්තා කළේය.

එය ශුභාරංචියකි. එම ශ්‍රේණි ආරම්භ කිරීමත් සමග පාසල්වල සියලුම ශ්‍රේණිවල අධ්‍යයන කටයුතු සම්පූර්ණ වේ. මෙය මුළු මහත් ජාතියම අත්පත් කරගත් අනගිතම ජයග්‍රහණයකි. මෙම ජයග්‍රහණය පාවා නොදිය යුතුය.

පාසල්වල සියලු ශ්‍රේණිවල අධ්‍යයන කටයුතු ආරම්භ කරනු ලබන්නේ කොවිඩ් මාරක වසංගතය මුළුමනින්ම තුරන් වූ පරිසරයක නොවේ. සාමාන්‍යයෙන් දෛනිකව හමුවන ආසාදිතයන්ගේ සංඛ්‍යාව පන්සියය ඉක්මවා යයි. ආසන්න මෑත දිනයකදී එය හත්සීයේ සීමාව ඉක්මවා ගියේය. මෙය යහපත් තත්ත්වයක් නොවේ. අහඹු පීසීආර් පරීක්ෂණ කරන්නේ නම් ආසාදිතයන්ගේ සංඛ්‍යාව මෙයට වඩා ඉහළ මට්ටමකට ගනු ඇත.

අප පුවත්පත වාර්තා කළ පුවතකින් කියැවුණේ හල්දුම්මුල්ල අධ්‍යාපන කොට්ඨාසයේ පාසල් හතරක දූ පුතුන් හා ගුරුමණ්ඩලයේ කිහිප දෙනකුට කොවිඩ් ආසාදිත බව තහවුරු වීමත් සමග එක් විදුහලක් වසා දැමීමට තීරණය කර ඇති බවය. එමෙන්ම අනෙක් විදුහල්වල අදාළ පන්ති නතර කිරීමට පියවර ගෙන ඇති බවය. මේ එක් නිදසුනක් පමණි. එම නිදසුනෙන් අපට රටේ සාමාන්‍ය තත්ත්වය හඳුනාගත හැකිය.
මේ රට ගිලී තිබුණේ කොවිඩ් රතු කලාපයේය. එහෙත් ඉක්මනින් එම මරු කපොල්ල පැන ගැනීමට රටක් වශයෙන් අපට හැකිවිය. එය නියත වශයෙන්ම මෙරට ජනයා තමන් උපන් බිමට ගෙවූ ණයක්ය. තමන්ගේ උපන් බිමට තිළිණ කළ ජයග්‍රහණයක්ය. ඔවුන් වගකීමෙන් නොහැසිරුණේ නම් මේ රට කොවිඩ් වගුරේ පත්ලටම ගිලෙන්නට ඉඩ තිබිණි.

එන්නත්කරණය සාර්ථකව සිදු කළ ලෝකයේ රටවල් 10 අතරට එක්වීමට අප රටට හැකි විය. එන්නත්කරණය සම්බන්ධයෙන් විවිධ ප්‍රවාද ප්‍රචාරය කරමින් සිටියදී පවා එම ජයග්‍රහණය අත්පත් කර ගැනීමට හැකිවීමද විශේෂත්වයකි. එමෙන්ම වයස අවුරුදු 60 ට වැඩි ජ්‍යෙෂ්‍ඨ පුරවැසියන්ට කොවිඩ් මර්දන තුන්වැනි එන්නත එනම් බූස්ටර් එන්නත ලබාදීම අරඹා තිබේ. කොවිඩ් මාරාන්තික වසංගතය හමුවේ දැනට ඇති එකම පිළිසරණ එන්නත පමණකි. ඒ අනුව අප රට කොවිඩ් මාරයාට සාර්ථකව මුහුණ දෙමින් සිටින බව පැහැදිලිය.

කොවිඩ් වසංගතය මුහුද මෙනි. මුහුද වරෙක නිසසලය. එහෙත් එක්වරම මහා ප්‍රචණ්ඩ ලෙස හැසිරීමට පටන් ගනී. පොල් ගස් කරටි අගිසිවලට උඩින් පියාඹන තරමට සුනාමියක් බවට පත්වීමට මුහුදට ගත වෙන්නේ නිමේෂයකි. රළ පසුබැස ගොස් ඇති බව පෙනුණද කොවිඩ් මුහුද කුමන මොහොතේ සුනාමියක් බවට පත්වේද යන්න කිව නොහැකිය. එවැනි තත්ත්වයක් ඇතිවීම වළක්වා ගැනීම අප සියලු දෙනාම ඉදිරිපිට ඇති වගකීම වේ.

කොවිඩ් වසංගතයේ විශේෂත්වයක් තිබේ. එනම් අවශ්‍යනම් එය අපට පාලනය කළ හැකිවීමය. උපරිම සෞඛ්‍යාරක්ෂිත පිළිවෙත්වලට අනුව කටයුතු කරන්නේනම් කොවිඩ් මාරයාට හිස එසවිය නොහැක. දත් විළිස්සාගෙන පොකුරු මවමින් පැමිණි කොවිඩ් මාරයා පරාජය කිරීමට අපට හැකි වූයේ එසේ උපරිම සෞඛ්‍යාරක්ෂිත පිළිවෙත්වලට අනුව කටයුතු කළ හෙයිනි. අවශ්‍යවන්නේ එය තවදුරටත් පවත්වාගෙන යාමය.

පාසල්වල සියලු ශ්‍රේණිවල අධ්‍යයන කටයුතු ආරම්භ කිරීමට හැකියාව ලැබුණද මෙම තත්ත්වය දිගින් දිගටම පවත්වාගෙන යෑම අසීරු අභියෝගයකි. එය අභියෝගයක් වුවත් එයට නිර්භීතව මුහුණ දිය යුතුය. මෙබඳු මාරක වසංගතයක් සම්බන්ධ අත්දැකීම් අපට නොවූවද දෙවසරක් පුරා ප්‍රමාණවත් අත්දැකීම් අපි ලබා ගත්තෙමු. මෙබඳු මාරක වසංගතයක් සමග පරණ පුරුදු ජීවිත රටාවක් ගත කිරීමට නොහැකි බව අප පිළිගත යුතුය. එසේ නම් මෙබඳු පරිසරයක කෙසේ ජීවත්විය යුතුද යන අවබෝධය අප ලබා ගත යුතුය. ඒ සඳහා අලුතෙන් සිතිය යුතුය. නිර්මාණශීලීව සිතිය යුතුය. එසේ නොවුණහොත් පාසල් පමණක් නොව මුළු රටම වසා දැමීමට සිදුවනු ඇත. ඒ මහා පාපකර්මයට දායක නොවී සිටීම සියල්ලන්ම ඉදිරිපිට ඇති වගකීම වේ.

(***)



අදහස් (2)

මුළු රටම වැහෙන තැනට කටයුතු කරන්න එපා

Senarath Sunday, 21 November 2021 12:17 PM

මේක අපේ දේශපාලුවන්ට තේරෙන්නෙත් නැහැ... බහුතරයක් මිනිස්සුන්ට තේරෙන්නෙත් නැහැ.ඔවුන් පුරුදු වෙලා ඉන්නේ බෙල්ල මුලට හිරවුණාම ඒකෙන් ගැලවෙන්න දඟලන එකට... ප්‍රභාකරන් කිව්වා වගේ සති 2න් ඔක්කොම අමතක කරනවා. සියලුම දෙනා හරියට මාස 2ක් ප්‍රවේසම් වෙනවානම් මේක ඉතා හොඳින් පාලනය වෙනවා. ඒ වගේම සංචාරකයෝත් රට ආවාම රටේ ආර්ථිකයත් හොඳ වෙනවා.

:       0       0

pakeer Tuesday, 23 November 2021 12:41 AM

මේවා මහා ගොන් කතා. බස් එකකට නැගලා බලන්න හවසට කොහොමද කියලා.

:       0       0

ඔබේ අදහස් එවන්න

විශේෂාංග

මාලිමාවේ ජයෙන් ඔබ්බට
2024 නොවැම්බර් මස 22 703 1

මහ මැතිවරණය නිමා වී ඇත. නව පාර්ලිමේන්තුව ද පළමු වතාවට ඊයේ රැස්වූයේය. ජාතික ජන බලවේගයේ දේශපාලන වැඩසටහන විධායකය සහ ව්‍යවස්ථාදායකය යන ක්ෂේත්‍ර දෙකේම ශක්


එලොව පොල් පෙන්වන පොල් මිලේ රහස
2024 නොවැම්බර් මස 21 1240 0

බ්‍රිතාන්‍ය යටත්විජිත සමයේ සිට මෙරට භාණ්ඩ අපනයනය සිදු වුණි. එදා සිට අද දක්වාම මෙරට ප්‍රධාන අපනයනික බෝග ලෙස හඳුනාගන්නේ තේ, පොල්, රබර් ය. එහෙත් එම පිළිගැන


ජයග්‍රහණ ජනසතුවේ අභියෝග
2024 නොවැම්බර් මස 21 159 0

ජනාධිපති අනුර කුමාර දිසානායක ප්‍රමුඛ ජාතික ජන බලවේගය මෙවර මහ මැතිවරණයේ දී ජනතාවගෙන් ඉල්ලා සිටියේ ‘පොහොසත් රටක් ලස්සන ජීවිතයක්’ ජනතාවට උරුම කර දීම සඳ


පෙරදිග ධාන්‍යාගාරයේ සහල් අර්බුදය
2024 නොවැම්බර් මස 20 399 1

පෙරදිග ධාන්‍යාගාරය යන්න ඇසූ සැණින් කාගේත් මතකයට නැගෙන්නේ මහා පරාක්‍රමබාහු සමයේ අප රට හැදින් වූ නමයි. වචනයේ අර්ථය අනුව ගතහොත් පෙරදිග ලෝකයටම අවශ්‍ය තරම


ආණ්ඩුවට භාරදූර වගකීමක්
2024 නොවැම්බර් මස 19 566 0

ජාතික ජන බලවේගයට පාර්ලිමේන්තුවේ තුනෙන් දෙකක් ඉක්මවා යන ආසන 159ක අද්විතීය ජයග්‍රහණයක් ලබා දෙමින් 2024 පාර්ලිමේන්තු මැතිවරණය නිමාවට පත්විය. එහිදී සමඟි ජන බ


ජයග්‍රහණය අබියස අභියෝගය
2024 නොවැම්බර් මස 18 936 0

ජ.වි.පෙ මූලිකත්වය ගත් මේ 2024 පාර්ලිමේන්තු මැතිවරණයේ ජා.ජ.බ නැතිනම් “මාලිමා” ජයග්‍රහණය සැබවින්ම ඓතිහාසික ජයග්‍රහණයකි. ඔවුන්ගේ දේශපාලනය මා නොපිළිගත්තද, ඔ


මේවාටත් කැමතිවනු ඇති

BMS Campus උසස් අධ්‍යාපනයේ 25 වසරක උරුමයේ රිදී ජුබිලිය සමරයි 2024 නොවැම්බර් මස 05 504 0
BMS Campus උසස් අධ්‍යාපනයේ 25 වසරක උරුමයේ රිදී ජුබිලිය සමරයි

වසර විසිපහක විශිෂ්ට ඉතිහාසයක් සහිත BMS කැම්පස් ආයතනය නවෝත්පාදනයන් පෝෂණය කරමින් අනාගත නායකයින් නිර්මාණය කරමින් සහ හැඩගස්වමින් විශිෂ්ට ආයතනයක් බවට මේ ව

සියපත ෆිනෑන්ස් පීඑල්සී මතුගම ශාඛාව දැන් විවෘතයි 2024 ඔක්තෝබර් මස 18 721 0
සියපත ෆිනෑන්ස් පීඑල්සී මතුගම ශාඛාව දැන් විවෘතයි

සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 51 වැනි ශාඛාව කලූතර දිස්ත‍්‍රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.

දැරිය හැකි මිලක e-Bike මිලදී ගන්න බැරි වෙයිද? 2024 ඔක්තෝබර් මස 10 2021 0
දැරිය හැකි මිලක e-Bike මිලදී ගන්න බැරි වෙයිද?

ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප‍්‍රධාන අංගයකි. වාහනයක් කරදර වලින් තොරව සිත්සේ භාවිත කර

Our Group Site