කොරෝනා මර්දන මෙහෙයුමෙහි නිරතව සිටියදීම මාධ්ය ඇමතූ සුදර්ශනී ප්රනාන්දුපුල්ලේ රාජ්ය ඇමැතිවරිය දානපතියන්ගෙන් ඉල්ලා සිටියේ “හැකි පමණින් ළඟම ඇති රෝහලට උදව් උපකාර, පරිත්යාග කරන” ලෙසය. එය එක් අතකින් දිනෙන් දින ඇවිළී යමින් මහා ගිනි ජාලාවක් බවට පත්ව තිබෙන කොරෝනා ගෝලීය වසංගතයේ හොර බිරම් බව කියාපෑමකි. අනිත් අතට අප රටෙහි ආර්ථික තත්ත්වය සිතුවමකට නැගීමකි.
අප රට නිදහස ලබා හැත්තෑ දෙවසරකි. මෙම වසර හැත්තෑ දෙක දෙස ආපසු හැරී බැලීමේදී දක්නට ලැබෙන ප්රගති වාර්තාව එතරම් යහපත් නැත යන්න අවිවාදිත සත්යයකි. අපට මෙයට වඩා ආර්ථික සශ්රීකත්වයක් හා සංවර්ධනයක් අත්පත් කරගත හැකිව තිබූ බව යථාර්ථය වේ. එහෙත් ඒ වෙනුවට නිර්මාණය වී තිබෙන්නේ උපනූපන් පරම්පරාවන් ද ලෝකයට ණය කළ පරාධීන හා පරපෝෂිත ආර්ථිකයක් සහිත රටකි. ඛේදනීය ඇත්ත එයය.
රටට මෙම විනම්බෑසිය අත්වූයේ ඇයි ද යන්න විමසීමේදී මෙරට දේශපාලනඥයන් දෙසට ඇඟිල්ල දිගුවීම විමතියක් නොවේ. හොරකම, වංචාව, දූෂණය යනු දේශපාලනය යන වචනයට සමාන වචනයක් ලෙස හඳුනාගත හැකි තරමට මේවා එකිනෙකට සම්බන්ධ වී තිබේ. ඒ බව ඔප්පු කෙරෙන සිදුවීම් ඕනෑවටත් වැඩියෙන් වාර්තා වී තිබේ. දේශපාලනඥයා යනු චෞර කප්පිත්තෙකු ලෙස හඳුනා ගැනීමට පහසු ඉඩක් වෙන් වී තිබෙන්නේ ඒ අනුවය.
මහජන දේපොළ, රාජ්ය දේපොළ, සඟ සතු දේපොළ ලෙස ඇදහූ ජනතාවක්, නිලධාරි තන්ත්රයක් දේශපාලන සංස්කෘතියක් මෙරට තිබිණි. සඟ සතු දේපොළ භුක්ති විඳීම, හොරකම් කිරීම පෙරේතයන්, පියාචයන් ලෙස අවීචි මහා නරකාදියෙහි ඉපදීමට හේතුවක් වන්නා සේම මහජන දේපොළ, රාජ්ය දේපොළ හොරකම් කිරීම, අවභාවිත කිරීම එම ප්රතිඵලයම අත්වීමට හේතුවකැයි ඉපැරැන්නෝ සිතූහ.
අසූචි ගොඩට වැටුණු ශතය ද දිව ගා ගන්නා තරමට ආධ්යාත්මයෙන් පිරිහුණු සංකීර්ණ සමාජයක ඉපැරැණි සමාජගත ආදර්ශ, පුරුෂාර්ථ හරසුන් නීච තත්ත්වයට පත් වී තිබේ. ඒ තුළ හැකිතාක් සමාජ දේපොළ සොරකම් කරන, ඒවා අවභාවිත කරන සමාජයක් නිර්මාණය වී තිබේ. සොරකම සාඩම්බර පදක්කමක්ව පැළඳීම ජයග්රහනයකැයි සිතන නරුමවාදී සමාජයක රැකගත හැකි කිසිවක් නොමැති බව පසක් වන්නේ ‘සුදු කරපටි වංචනිකයෝ’ යන යෙදුම ද භාෂාව තුළ වැඩි වශයෙන් භාවිතයට පැමිණ තිබෙන හෙයිනි.
දැන උගත් නිලධාරි පැළැන්තිය තුළින් ද වැඩි මනක් ආදර්ශ බලාපොරොත්තු විය නොහැකි තරමට සමාජය ගිලා බැස තිබේ. රාජකාරියට අදාළව තමන්ට ලැබෙන පහසුකම අවභාවිත කරන නිලධාරීන් කොපමණ පිරිසක් මෙම සමාජය තුළ සිටීද? යම් ආයතනයක සභාපති වැනි වගකිවයුතු තනතුරක් දරන්නේ නම් එම ආයතනය සතුව ඇති සියලු දේපොළ තමන්ගේ පෞද්ගලික බූදලයකැයි සිතා කටයුතු කරන්නන් පිළිබඳ ඕනෑ තරම් පුවත් වාර්තා වී තිබේ.
තමාට හිමි නිල රියට අමතරව ආයතනය සතු වාහන ද තම පෞද්ගලික කටයුතු සඳහා යොදා ගැනීම සුලභය. දරුවන් පාසල් යන්නේත්, නිවෙසේ සුරතලයට ඇති කරන සුනඛයා අසනීප වූ විට වෛද්යවරයා ළඟට යන්නේත්, නිවෙසේ මෙහෙකරු හෝ මෙහෙකාරිය පොළට යන්නේත් ආයතනයේ වාහනයෙන්මය. රියැදුරු ද ආයතනයේමය. ඉන්ධන ද ආයතනයෙන්මය. ආයතනයේ වාහනයකින් තබා ඔහුට නිල බලයෙන් හිමිව ඇති වාහනය ද ඒ සඳහා යෙදවිය නොහැකිය. මන්ද ඔහුට වාහනය ලබාදී තිබෙන්නේ බල්ලන් නාවන්නට රැගෙන යාමට නොව රාජකාරි කටයුතු සඳහා පමණක් වන හෙයිනි.
ආධ්යාත්මය උගුළුවා දැමූ විට ඕනෑම අපරාධයක් කළ හැකිය. එය සාධාරණීකරණය ද කළ හැකිය. ‘යහපාලනය’ වැනි සංකල්පවලට සමාජයේ පතුල බිඳගෙන ඉල්ලුමක් නිර්මාණය වූයේ ද එහෙයිනි. මහජනයාගේ අපේක්ෂාව යහපත් පාලනයකි. යහපත් රාජ්ය සේවයකි. එහෙත් ඒවා අරුත් සුන් නීච වාගාලාප බවට පත්වීම ඛේදවාචකයකි.
ජනාධිපති ගෝඨාභය රාජපක්ෂ මහතා නිල නිවෙස පාවිච්චි නොකරයි. පෞද්ගලික නිවෙසේ සිටම රාජකාරි කරයි. ජනාධිපති කාර්ය මණ්ඩලය හරි අඩකටත් වඩා අඩු කළ බව සඳහන්ය. පරිවාර රථ ද නැත. කවර මානයෙන් බැලුවද මේවා බලගතු ආදර්ශ වේ. මෙම ආදර්ශ බිමටද කාන්දු වන්නේ නම් “ළඟම ඇති රෝහල්වලට උපකාර කරන්නැයි” අනාගතයේ බිහිවන සෞඛ්ය මැති ඇමැතිවරුන්ට ඉල්ලා සිටීමට සිදු නොවෙනු ඇත.
(***)
ලෙබනනයේ ෂියා මුස්ලිම් හිස්බුල්ලා සංවිධානයේ මහ ලේකම්වරයා, එසේත් නැතිනම් නායකයා ෂෙයික් හසන් නසරැල්ලා ඝාතනය කිරීමට ඊශ්රායලය සමත් විය. 64 හැවිරිදි නසරැල
හිටපු අමාත්යවරයකු අභාවප්රාප්ත කුමාර වෙල්ගම මහතාගේ අවසන් කටයුතු අද (30) සවස මතුගම ආදාහනාගාරයේ දී සිදු කෙරේ මේ ලිපිය ඒ නිමිත්තෙනි.
නිදහසට පසු යුගය තුළ ශ්රී ලාංකික දේශපාලන ඉතිහාසයේ පළමු වතාවට සාම්ප්රදායික වම හෝ දකුණ හෝ බලයට එන දේශපාලනය වෙනුවට අලුත් බලවේගයක් නිර්මාණය වී තිබේ. ඉකුත
පසුගිය ජනාධිපතිවරණ සමයේදී ඉදිරිපත් වූ ඉතාමත් ප්රබල තර්කය වූයේ 2019 ජනාධිපතිවරණයේ දී සියට 3.16ක ඡන්ද සංඛ්යාවක් ලැබූ ජාතික ජනබලවේගයේ නායක අනුර කුමාර දිස
අගනුවර පුරෝගාමී කතෝලික පාඨශාලාවක් වන කොළඹ 13, ශාන්ත බෙනදික්ත විද්යාලයේ ‘වාර්ෂික සිංහල සාහිත්ය කලා උළෙල අද (27) පස්වරු 2.30 ට විද්යාලයීය රංග ශාලාවේදී පැවැ
මෙවර කිවිදා දැක්ම ලියන්නේ ජනාධිපතිවරණය නිමාවට පත් වී තිබෙන මොහොතකය. අනුර කුමාර දිසානායක මහතා රටේ ජනාධිපති ධුරයට පත්වීම හරහා ජාතික ජනබලවේගයේ ප්රතිපත
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
රාජ්ය ඇමැතිනියගේ ආයාචනයේ යථාර්ථය
Liyanage Monday, 24 May 2021 05:30 AM
ගරු සුදර්ශනී ප්රනාන්දුපුල්ලේ මහත්මිය කියන්නේ ඉතා උනන්දුවෙන්, වගකීමෙන් වැඩ කරන අමාත්යවරියක්... අනිත් අය වගේ නොවේ.
NMMonday, 24 May 2021 03:32 PM
රාජ්ය ඇමැතිණියගේ ආයාචනයේ යථාර්ථය නම් රජයේ නොහැකියාව අසාර්ථක බව සහ මුළුමනින්ම රාජ්ය යාන්ත්රණය ඉහළ සිට පහළට කඩාවැටීමේ ප්රතිඵලය මෙතුමිය විසින් ප්රසිද්ධියේ රටට සහ ලොවට කියා සිටීම වේ.
රන්ජන් Monday, 24 May 2021 06:54 AM
රටේ අධිකරණය ස්වාධීන පද්ධතියක් විය යුතුය. එවැනි රටක ජනපති සොරෙකු වුවත් කම් නැත. ඔහු අනිවාර්යයෙන් රට දියුණුව කරා ගෙනයයි..
vikumMonday, 24 May 2021 10:31 AM
අපේ ජනාධිපතිට නඩු 35 ක් තියෙනවා. නඩු කාරයින් බලාගෙන ඉන්නේ මිනිහා පැරදිලා ගෙදර ගියාම අල්ලලා කූඩුවට දමන්න.
ranjith Monday, 24 May 2021 12:06 PM
රට වහපුවාම දවසකට කෝටි 1400ක් අහිමි වෙනවලු... රට දශක 07කට වැඩි කාලයක් ඇරගෙන ඉඳලා ලෝකෙට ණය වුණා මිසක් වෙන දිණුමක් වුණාද?
Dr. Lakshman Fernando Wednesday, 26 May 2021 06:10 AM
සියලුම පුද්ගලයින් සඳහා විවෘතයි. සමහරක් හැඟීමෙන් පුරෝකථනය කරන්න. කෙසේ වෙතත්, ආචාර්ය සුදර්ශනී ප්රනාන්දු පුල්ලේ මහත්මිය මේ මොහොතේ අවශ්ය දෙයක් යෝජනා කළාය. සුභ පැතුම්!