IMG-LOGO

2024 සැප්තැම්බර් මස 22 වන ඉරිදා


රාජ්‍ය සමාගම්වලින් ගසාකෑම නවත්වනු

රාජ්‍ය සමාගම් අධික පාඩු ලැබීම රටේ ආර්ථිකයට දරාගත නොහැකි විශාල බරකි. මෙවැනි පාඩු ලැබීම්වලට අවසානයේ කර ගසන්නේ ආණ්ඩුව හෝ දේශපාලන බලාධිකාරිය හෝ නොවේ. මෙරට බදු ගෙවන පොදු මහජනතාවය. තමන් මිලදී ගන්නා අල ගෙඩියේ ලූනු ගෙඩියේ සිට ඔවුහු වක්‍රාකාරයෙන් මේ බරට කර ගසති. එසේම තමන් ගෙවන බදු රාජ්‍ය සමාගම් පාඩු පියවීමට යොදවාගැනීම හරහා ඍජු ලෙස ඔවුහු මුදල් සූරා ගැනීමට ලක්වෙති.

රාජ්‍ය සමාගමක් වන ලංකා මිනරල් සෑන්ඩ්ස් ආයතනය මගින් ප්‍රදානය කෙරුණු ඉල්මනයිට් ඛනිජ වැලි මෙට්‍රික් ටොන් 85,000ක් අලෙවි කිරීමේ ටෙන්ඩරය යට පවතින අණ්ඩරයද ඉහත ආකාරයේ පාඩු ලැබීම්වලට කදිම උදාහරණයකි. කෝප් කමිටුවේ සභාපති මහාචාර්ය චරිත හේරත් මහතාගේ ප්‍රධානත්වයෙන් පසුගියදා පැවැති රැස්වීමේදී අදාළ ගනුදෙනුව පිළිබඳ වහාම විමර්ශනයක් පවත්වා ඒ පිළිබඳ වාර්තාවක් ලබාදෙන්නැයි කර්මාන්ත අමාත්‍යාංශයේ ලේකම් අනූෂ පැල්පිට මහතාට දැනුම් දී තිබිණි. මේ විමර්ශනය අනුව හෙළිවන තොරතුරු කෝප් කමිටුවේ පරිහරණයට පමණක් සීමා නොකර එය ජනගත කිරීමද අවශ්‍යය. තම බදු මුදල් මකර කටට යන හැටි දැනගැනීමට මහජනතාවටද අයිතියක් ඇති බැවිනි.

රජයට රුපියල් කෝටි 30ක අධික පාඩුවක් සිදුවන ආකාරයට අදාළ ටෙන්ඩරය ප්‍රදානය කර ඇති බව කෝප් කමිටුවේ අදහස වී තිබේ. ඉල්මනයිට් ඛනිජ වැලි මෙට්‍රික් ටොන් එකකට අමෙරිකානු ඩොලර් 147ක මිලක් ඉදිරිපත් කළ ගැනුම්කරු තෝරා නොගෙන ටොන් එකකට ඩොලර් 165ක ඉහළ මිලක් ඉදිරිපත් කළ ගැනුම්කරුවකුට ටෙන්ඩරය ප්‍රදානය කිරීම හරහා මේ පාඩුව සිදුවී ඇතැයි කෝප් කමිටුව කියයි. ටෙන්ඩරය ලැබී ඇත්තේ ලැයිස්තුවේ තුන්වැනි ඉල්ලු‍ම්කරුට බවද සඳහන්ය. අමාත්‍ය මණ්ඩලය විසින් පත්කරන ලද ටෙන්ඩර් අනුකමිටුවකින් මෙම විකිණීමට අදාළ අනුමැතිය ලබා දී ඇතැයි මිනරල් සෑන්ඩ්ස් ආයතන නිලධාරීන් ප්‍රකාශ කර තිබුණද කෝප් කමිටු සාමාජිකයන් ප්‍රකාශ කර තිබුණේ ආයතනයේ නිලධාරීන් අමාත්‍ය මණ්ඩලය පවා නොමග යැවීමට කටයුතු කර ඇති බවකි.

රාජ්‍ය ආයතනයක නිලධාරීන් පිරිසකට අමාත්‍ය මණ්ඩලය පවා නොමග යවමින් රටට කෝටි ගණනින් පාඩු කළ හැකි තත්ත්වයක් පවතී නම් එය වහාම වෙනස් විය යුතු රටට ඉතාම හානිදායක තත්ත්වයක් බව පෙන්වා දිය යුතුය. පළමු ගැනුම්කරුට නොදී තුන්වැනි ගැනුම්කරුට ටෙන්ඩරය ප්‍රදානය කිරීමට බලපෑ හේතු පැහැදිලි කිරීමට නිලධාරීන් අසමත් නම් එහි යට ඇත්තේ සැකසහිත කුණු ගනුදෙනුවක් බවට විවාදයක් නැත. විශේෂයෙන්ම ගනුදෙනුවට අදාළ කර්මාන්ත අමාත්‍යාංශය භාර ඇමැතිවරයා පවා නොමග යැවීමට සමත් නිලධාරීන් එම අමාත්‍යාංශය තුළ සිටිනවා නම් ඔවුන් කවුදැයි දැන්ම හඳුනාගැනීම අමාත්‍යවරයාගේම යහපතට හේතු වනු ඇත. නැත්නම් ඔවුන් අමාත්‍යවරයා තවදුරටත් නොමග යවමින් රජයට දිගින් දිගටම පාඩු සිදු කරනු ඇත.

අදාළ ගනුදෙනුව සිදුවී ඇත්තේ 2020 වසරේ ඔක්තෝබර් මාසයේ වුවද මේ වනතුරු එම ඉල්මනයිට් තොගය පුල්මුඩේ නිධියේ ගබඩා කර තිබෙන බවද මුදල් ගෙවා ඇත්තේ මෙට්‍රික් ටොන් හැටපන් දාහකට පමණක් බවටද හෙළි වී තිබිණි. ඒ අනුව තවත් මෙට්‍රික් ටොන් විසිදාහකට මුදල් අයකර ගැනීමටද නියමිතව තිබේ. එසේම ඉල්මනයිට් අපනයනකරුවන්ගේ තොග පැටවීම සඳහා මිනරල් සෑන්ඩ්ස් ආයතන සේවක පිරිස් යොදවාගැනීම සම්බන්ධයෙන්ද කෝප් කමිටුව අවධානය යොමුකර තිබිණි. මේ සියලු‍ අක්‍රමිකතා රාජ්‍ය සමාගමක සිදුවන විට ඒ පිළිබඳව විෂය භාර අමාත්‍යවරයා නොදැන සිටීම ඔහුගේ කාර්යක්ෂමභාවය ද ප්‍රශ්න කිරීමට ලක් කරයි.

රාජ්‍ය ආයතන ලාභදායී ලෙස පවත්වාගෙන යාමට අසමත් වන නිලධාරීන් සම්බන්ධයෙන් දැනට වඩා තදින් සොයා බැලීමට විධිමත් සැලැස්මක් තිබීම අවශ්‍ය බව මෙම සිද්ධිය මගින් දැඩිව පෙන්වා දී තිබේ. කෙසේ වුවද රාජ්‍ය ආයතන පාලනය කිරීම සඳහා යොදවාගනු ලබන්නේ ඒ සඳහා සුදුසුකම් ඇති ව්‍යාපාරික ක්ෂේත්‍රයේ දක්ෂයන් නොව දේශපාලන පත්වීම් ලබන නිලධාරීන් පිරිසක් වීම මෙවැනි අක්‍රමිකතාවලට දොර හැරදීමක් බවද මෙහිදී පෙන්වා දිය යුතුය. ආයතනවල සභාපතිවරුන් ඇතුළු අධ්‍යක්ෂ මණ්ඩල සාමාජිකයන්ද ඔවුන් විසින් ආයතනයට අනුයුක්ත කරනු ලබන නිලධාරීන් එක් පිරිසකි. ආයතනයේ ස්ථිරව රැකියාව කරන නිලධාරීන් තවත් පිරිසකි. මේ අය අතුරින් අමාත්‍ය මණ්ඩලය පවා නොමග යැවීමට කටයුතු කළේ කුමන නිලධාරීන් පිරිසදැයි හඳුනා ගැනීමටද කෝප් කමිටුවේ අවධානය යොමුවිය යුතු යැයි අපි සිතමු.

රටට විශාල ආදායම් උපයා දෙන ආයතනද මෙලෙස පාඩු සිදුවන ආකාරයෙන් කටයුතු කිරීම රටේ අවාසනාවක්ද ජනතාවගේ අවාසනාවක්ද කියා අපි නොදනිමු. එහෙත් මෙවැනි සැකසහිත ගනුදෙනුවල වගකීම් නිලධාරීන් මත පමණක් පටවා දේශපාලන අධිකාරියට නිදහස් විය නොහැකි බව අපගේ විශ්වාසයයි.

(***)



අදහස් (1)

රාජ්‍ය සමාගම්වලින් ගසාකෑම නවත්වනු

විපරමා Thursday, 01 April 2021 08:29 AM

රටේ ඉහළම තැන පටන් පහලට යනකම්ම ඉන්නේ හොර දුෂිතයෝ ,එහෙව් රට ගැන කවර කතාද .

:       0       5

ඔබේ අදහස් එවන්න

විශේෂාංග

ජනපතිවරණ ඉතිහාසයේ එදා - අද වෙනස
2024 සැප්තැම්බර් මස 21 497 0

මීට පෙර ලිපියක අප සඳහන් කළ ආකාරයට අද පැවැත්වෙන ශ්‍රී ලංකාවේ නව වැනි ජනාධිපතිවරණය මෙතෙක් පැවැත්වුණු ජනාධිපතිවරණ අටටම වඩා කරුණු ගණනාවකින් වෙනස්ය.


විශ්ව ශක්තිය ගැබ්වූ නාලන්දා ගෙඩිගේ
2024 සැප්තැම්බර් මස 20 1017 0

මාතලේ, නාලන්ද ගෙඩිගේ යනු මෙරට මධ්‍ය කේන්ද්‍රය ලෙස සලකනු ලබන ස්ථානයේ පිහිටි පෞරාණික මෙන්ම සුන්දර පරිසර පද්ධතියකින් හෙබි හරි අපූර්වතම ස්ථානකි. නාලන්ද


සඟසතු කළ මුල්ම වලව්වේ කතාව
2024 සැප්තැම්බර් මස 20 936 0

අඹගහපිටිය වලව්ව හෙවත් සහබන්ධු වලව්ව බලපිටිය මුදලි පෙළපතේ පැරැණිම වලව්වකි. විහාරස්ථානයට පූජා කළ ලංකාවේ මුල්ම වලව්ව ලෙස මෙය සැලකේ. උපසම්පදාව ජනසතු කරම


රටට හානිකර විධායක ජනපති ක්‍රමය
2024 සැප්තැම්බර් මස 20 172 0

නීතියේ ආධිපත්‍යය යනු සියලු‍‍ම පුද්ගලයන්, ආයතන සහ සංවිධාන නීතියට යටත් බවත් එහි නිර්දේශවලට වගකිව යුතු බවත් සහතික කරන මූලික මූලධර්මයකි. එසේම රටක් පාලනය ව


රටට අවශ්‍ය ව්‍යවස්ථා සංශෝධන
2024 සැප්තැම්බර් මස 19 112 1

නව වැනි විධායක ජනාධිපතිවරයා තෝරා පත්කර ගැනීම තව දින දෙකකින් සිදුවීමට නියමිත අතර පෙර පරිදිම මෙවර ජනාධිපතිවරණ තුළත් රටට ගැළපෙන ආණ්ඩුක්‍රම ව්‍යවස්ථාවක


වික්ටෝරියා රැජිනගේ සංචාරක නිවහනේ ඓතිහාසික වෙන්දේසිය
2024 සැප්තැම්බර් මස 18 996 0

වික්ටෝරියා රැජිනගේ ප්‍රියතම සංචාරක නිවහන වූ ඉතාලියේ ‘‘පල්මියෙරි විලා” ඇමෙරිකානු ඩොලර් මිලියන 55 (ශ්‍රී ලංකා රුපියල් කෝටි 1660 ක් පමණ) ක මුදලකට විකිණීමට තී


වැඩි දෙනා කියවූ පුවත්


ප්‍රභූන් පිරිසක් රටින් පිටව යති
2024 සැප්තැම්බර් මස 22 17746 15




මේවාටත් කැමතිවනු ඇති

​​ ජනපතිවරණ උණුසුම අතරේ Munchee Kome වෙතින් ප්‍රතිඵල අනුමාන කර තෑගි දිනා ගැනීමේ අවස්ථාවක් 2024 සැප්තැම්බර් මස 21 88 0
​​ ජනපතිවරණ උණුසුම අතරේ Munchee Kome වෙතින් ප්‍රතිඵල අනුමාන කර තෑගි දිනා ගැනීමේ අවස්ථාවක්

ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්‍රී ලංකාවේ ජනපති වන්නේ කවුරුන්

ශ්‍රී ලංකාව පුනර්ජනනීය බලශක්තියෙන් තිරසර අනාගතයක් කරා රැගෙන යන්නට සූර්ය හා සුළං බලය යොදා ගැනීමේ යෝජනාවක් 2024 සැප්තැම්බර් මස 19 275 0
ශ්‍රී ලංකාව පුනර්ජනනීය බලශක්තියෙන් තිරසර අනාගතයක් කරා රැගෙන යන්නට සූර්ය හා සුළං බලය යොදා ගැනීමේ යෝජනාවක්

ශ්‍රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල

ගැලපෙනම කෙනාට මනාපය දෙන්න අත්වැලක් වෙරිටේ රිසර්ච් වෙතින් ගෝලීය වශයෙනුත් සුවිශේෂී වන වෑයමක් 2024 සැප්තැම්බර් මස 18 143 0
ගැලපෙනම කෙනාට මනාපය දෙන්න අත්වැලක් වෙරිටේ රිසර්ච් වෙතින් ගෝලීය වශයෙනුත් සුවිශේෂී වන වෑයමක්

ශ්‍රී ලංකාවේ ප්‍රථම වරට, ප්‍රධාන ජනාධිපති අපේක්ෂකයින් තිදෙනාගේ ප්‍රතිපත්ති ප්‍රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්‍රීසි, සිංහල ස

Our Group Site