නැනෝ තාක්ෂණය අනාගත පරම්පරාවේ භාවිතය වනු ඇත. අලුත් පැති සමාජ ආර්ථික පරිවර්තනයකට හේතු වී තිබේ. නැනෝ තාක්ෂණයෙන් නිපදවන ලද යූරියා පළමු වරට ඉන්දියාවේ ගුජරාට් ප්රාන්තයේ භාවිත කර ඇත. භවනගර් ප්රදේශයේ ගොවිපොළකට නැනෝ නයිට්රජන් පොහොර ඩ්රෝන යාත්රා මගින් විසුරුවාහැරීම සිදුකෙරිණි. එරට ප්රාන්තවලින් තෝරාගත් ගොවීහු තිස් හතර දෙනෙක් මෙම අවස්ථාවට සහභාගී කරගනු ලැබූහ. පද්ම ශ්රී ඉන්දීය ජාතික සම්මාන දිනාගත් ගොවියෝ ද ඒ අතර සිටියහ. නැනෝ තාක්ෂණික පොහොර භාවිතය ගැන මතය ඉන්දියාව පුරා පැතිරවීමට මෙම මොහොත උපයෝගී කරගත හැකිවනු ඇතැයි සැලකේ.
නැනෝ අංශු ස්වාභාවිකව හා කෘත්රිමව පවතී. එය අනාවරණය කරගන්නේ 1950 ගණන්වල දී ය.
නැනෝ අංශුවක විශාලත්වය මීටරයකින් බිලියනයකින් එක් කොටසකි. එහෙත් එය ශක්තිමත් හා සැහැල්ලුය. ද්රව්ය පිලිස්සීමේ දී හා මුහුදු ඛාදනය වැනි අවස්ථාවල නැනෝ අංශු ස්වභාවිකව නිරීක්ෂණය කර ඇත. විද්යාගාරවල නිපදවන නැනෝ අංශු ඉංජිනේරු ශිල්පීය නැනෝ අංශු ලෙස හඳුන්වන වන අතර ඒවා නොයෙක් රසායනික මෙවලම් සමග මිශ්ර කිරීමෙන් උසස් ප්රතිඵල අත්පත් කරගන්නට හැකියාව ලැබී ඇත. යූරියා සමග මිශ්ර කරන නැනෝ අංශු නයිට්රජන් අවශ්යතාව සඳහා ඉතාම ප්රයෝජනවත් බව සොයා ගෙන තිබේ. දැනට ඉන්දියාව කරන පර් යේෂණ අනුව නැනෝ යූරියා පමණක් නොව නැනෝ සින්ක් හා නැනෝ කොපර් යන අංශු මාත්ර දියර පොහොර ද නිපදවා ඇති බව දැක්වෙයි. මෙම පොහොර ක්ෂේත්රයට යෙදූ පසු ශාකයට අවශ්ය පරිදි සෙමෙන්, ක්රමයෙන් නිදහස් කරන අතර එය පොහොර වැඩි වශයෙන් පසට එකතු වී අපතේ යෑම අවම කරන බව ක්ෂේත්ර පර් යේෂණ තහවුරු කර තිබේ.
ඉන්දියන් වාර්තා දක්වන පරිදි නැනෝ පොහොර යෙදීමෙන් පිරිවැය සියයට පනහකින් අඩුවන අතර අස්වැන්න සියයට 15-30 අතර ප්රමාණයකින් වර්ධනය වෙයි. යූරියා පමණක් නොව අනෙක් පොහොර ද අවශ්ය පමණට ගොවියන්ට ලබාදීම කෙරෙහි අවධානය යොමු කිරීම කෘෂිකර්ම බලධාරීන්ගේ වගකීමකි. සාමාන්ය යූරියා පොහොරවලට සාපේක්ෂව නැනෝ පොහොර පරිසරයට හිතකර බව අවධානයට ගත යුතු කාරණයකි. සාමාන්යයෙන් මිලි ලීටර් 500 ක බෝතලයක් පොහොර කිලෝ ග්රෑම් පන්සියයක ප්රමාණයක් සඳහා සෑහෙන අතර ධාරිතාව, මිල, හැසිරවීමේ පහසුව, පසට උරාගන්නා ක්රමවේදය සහ පරිසර ආරක්ෂාව සම්බන්ධයෙන් ඉහළම ප්රතිඵල දක්වන බව සඳහන් කළ යුතු වැදගත් කාරණා වශයෙන් පර් යේෂකයෝ දක්වති.
නැනෝ තාක්ෂණ යූරියා පොහොර අත්හදා බැලීමේ ආදර්ශනයක් සඳහා අවස්ථාව ශ්රී ලංකාවට ද ලැබී තිබේ. ඉන්දියන් රජයේ ඉහළ නිලධාරීන් දක්වන පරිදි මෙම සාම්පල් පොහොර ශ්රී ලංකාවේ දී සාර්ථකව අත්හදා බලා ඇත. ලෝකයේ පළමුවරට කරන ලද සොයා ගැනීමක් බව ද පෙන්වා දිය යුතුය. ඉන්දියාව අත්පත් කරගෙන ඇති ප්රතිඵල සලකා ඉන්දීය ගොවි ජනතාව වෙත මෙම නැනෝ පොහොර සැපයීමේ යාන්ත්රණයක් දැන් අරඹා තිබේ. ශ්රී ලංකාව ට ද එහි වාසි අත්පත් කරගැනීමට අවස්ථාවක් ඇත.
රසායනික පොහොර සම්බන්ධ මතවාදයක් දීර්ඝ කාලයක් තිස්සේ රට තුළ පවතී. වස විස නැති ගොවිතැන ගැන ඉහළම අවධානයක් තිබේ. රසායනික පොහොර භාවිතය නතර කිරීම සම්බන්ධ ආන්දෝලනය ද එහි ප්රතිඵලයකි. අනාගත පරපුර නිදුක් නිරෝගී පිරිසක් බවට පත් කරන අධ්යාශයක් ජනාධිපතිවරයා ප්රමුඛ රජයට ඇත. එහි ලා ගන්නා ක්රියාමාර්ග කෙරෙහි සැකයක්, අවිශ්වාසයක් පවතින බව පෙනෙන අතර සම්ප්රදායෙන් පිටට පැන අලුත් ව්යුහයකට ඇතුළුවීම පහසු නැති බව දැක්විය යුතුය. දැනට භාවිතා කරන රසායනික පොහොර හා ඒවායේ ක්රියාකාරීත්වය සම්බන්ධව පැන නැගී ඇති ගැටලු සලකා බලනවිට නැනෝ තාක්ෂණයෙන් නිපදවන පොහොර අඟනා අවස්ථාවක් විය හැකිය.
කෘෂිකර්මයෙහි ප්රබෝධයක් අරමුණු කරගෙන අලුත් අත්දැකීම් සොයා යා යුතුය. පද්ම ශ්රී සම්මානය ලැබූ ඉන්දීය ගොවියෝ නැනෝ පොහොර ගැන දක්වන අදහස් නවීන සන්නිවේදන ක්රමවලින් රටට ලබා ගැනීමට වැඩ පිළිවෙළක් සැකසිය යුතුය. අලුත් ක්රම ගැන ගොවියන් අතර තොරතුරු සන්නිවේදනයට අවස්ථාව ඇතිකිරීම ඉතාම වැදගත්ය.
(***)
මිලින්ද මොරගොඩ
www.milindaprahna.wordpress.com
ලෙබනනයේ ෂියා මුස්ලිම් හිස්බුල්ලා සංවිධානයේ මහ ලේකම්වරයා, එසේත් නැතිනම් නායකයා ෂෙයික් හසන් නසරැල්ලා ඝාතනය කිරීමට ඊශ්රායලය සමත් විය. 64 හැවිරිදි නසරැල
හිටපු අමාත්යවරයකු අභාවප්රාප්ත කුමාර වෙල්ගම මහතාගේ අවසන් කටයුතු අද (30) සවස මතුගම ආදාහනාගාරයේ දී සිදු කෙරේ මේ ලිපිය ඒ නිමිත්තෙනි.
නිදහසට පසු යුගය තුළ ශ්රී ලාංකික දේශපාලන ඉතිහාසයේ පළමු වතාවට සාම්ප්රදායික වම හෝ දකුණ හෝ බලයට එන දේශපාලනය වෙනුවට අලුත් බලවේගයක් නිර්මාණය වී තිබේ. ඉකුත
පසුගිය ජනාධිපතිවරණ සමයේදී ඉදිරිපත් වූ ඉතාමත් ප්රබල තර්කය වූයේ 2019 ජනාධිපතිවරණයේ දී සියට 3.16ක ඡන්ද සංඛ්යාවක් ලැබූ ජාතික ජනබලවේගයේ නායක අනුර කුමාර දිස
අගනුවර පුරෝගාමී කතෝලික පාඨශාලාවක් වන කොළඹ 13, ශාන්ත බෙනදික්ත විද්යාලයේ ‘වාර්ෂික සිංහල සාහිත්ය කලා උළෙල අද (27) පස්වරු 2.30 ට විද්යාලයීය රංග ශාලාවේදී පැවැ
මෙවර කිවිදා දැක්ම ලියන්නේ ජනාධිපතිවරණය නිමාවට පත් වී තිබෙන මොහොතකය. අනුර කුමාර දිසානායක මහතා රටේ ජනාධිපති ධුරයට පත්වීම හරහා ජාතික ජනබලවේගයේ ප්රතිපත
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
වස විස අඩු වගාවට නැනෝ පොහොර
gamaathi Wednesday, 20 October 2021 05:19 PM
ඉන්දියානු වාර්තාවකට අනුව නම් මිලිලීටර් 500ක බෝතලය යූරියා කිලෝග්රෑම් 45ක අවශ්යතාවය සපුරයි.