මිනිස් පරිභෝජනයට නුසුදුසු කුකුළු මස් කිලෝ 700 ක ප්රමාණයක් ලොරි රථයකින් රැගෙන යමින් සිටිය දී මහජන සෞඛ්ය පරීක්ෂකවරුන් පිරිසක් මැදිහත්වී අත්අඩංගුවට ගැනීමේ පුවතක් අප පුවත්පත ඉකුත්දා වාර්තා කළේය. වව්නියාව දකුණු මහජන සෞඛ්ය පරීක්ෂකවරුන් මෙම මෙහෙයුම කළ බව ද අප ප්රවෘත්තියෙහි සඳහන්ය.
මිනිසාගේ ආහාර රටාව හා නිරෝගීකම අතර ඇත්තේ අවියෝජනීය බැඳීමකි. අලාභම කර ගන්නා මිනිස් සමාජය සතු පරම භාග්ය නිරෝගිකම බව අවිවාදාත්මක සත්යයකි. බොහෝ ලෙඩ රෝග සම්බන්ධයෙන් වෛද්යවරුන්ගේ ප්රධාන උපදේශය වන්නේ ‘ආහාරවලින් පරිස්සම් වන’ ලෙසය. විද්යාව කොතෙක් ඉහළ දියුණුවක් ලබා තිබුණ ද තවමත් ‘හඳුනා නොගත් රෝග’ යනුවෙන් විශේෂිත රෝග විශේෂයක් තිබෙන බව ද විශේෂයෙන් සිහිපත් කළ යුතුය.
කොරෝනා මාරක වසංගතය මුළු මහත් මානව සමාජයම තම සැහැසි ග්රහණයට ගෙන වසර එක හමාරක් පමණ වේ. පළමුවෙන් චීනයේ වූහාන් නගරයෙන් ඇරැඹුණු කොරෝනා වයිරසය පසුව මහාද්වීප පසු කරමින් දේශසීමා අතික්රමණය කරමින් ලෝකය පුරාම ගියේය. මෙම කොරෝනා වයිරසය කෙසේ උත්පාද වූයේ ද යන්න සම්බන්ධයෙන් තවමත් නිශ්චිත පිළිතුරක් නැත. එකල ප්රබල ලෙස පැතිර ගිය එක් මතයකින් කියවුණේ චීන්නුන්ගේ ආහාර රටාව හා කොරෝනා වයිරසය අතර සමීප සම්බන්ධයක් තිබෙන බවය.
කරුණු කාරණා එපරිදි වන විට මුළු මහත් මානව සමාජයටම ආහාර සම්බන්ධයෙන් විශේෂ අවධානයක් යොමු කිරීමට සිදුව තිබේ. එසේ තිබිය දී අප රටෙන් වාර්තාවන්නේ මිනිස් පරිභෝජනයට නුසුදුසු ආහාර ද්රව්ය මිනිසා අතට පත් කිරීමේ ජාවාරම් බහුලව සිදුවන බවය. වව්නියාව දකුණු ප්රදේශයෙන් වාර්තා වූයේ එයින් එක් කුඩා සිදුවීමක් පමණී.
කොළඹ මීතොටමුල්ල කුණු කන්දට බහාලන කල් ඉකුත් වූ ආහාර ද්රව්ය සෝදා පිරිසුදු කර නැවත වෙළඳපොළට යවන ජාවාරම් තිබෙන බව වාර්තා විය. ඒවා මහා පරිමාණයෙන් සිදුවන ජාවාරම්ය. ඇතැම් ආහාර ද්රව්ය හා පානීය ඇසුරුම්වල ලේබල ගලවා ඉවත්කර අලුත් දින සහිත ලේබල් අලවා නැවත වෙළඳ පොළට යැවීම ද කුප්රකට ජාවාරම්කරුවන්ගේ තවත් ජඩ මාෆියාවකි.
නරක් වූ අල කිලෝ සිය ගණනක් ශුද්ධකර නැවත වෙළඳපොළට යැවීමේ ජාවාරමක් අතටම හසුකර ගැනීමේ පුවතක් ඉකුත් සමයේ වාර්තා විය. මෙබඳු සිදුවීම් බහුලවීම රටේ පැවැත්මට මාරාන්තිකය.
බොහෝ නගරවල හෝටල්වල ඉතිරිවන වෑංජන නැවත මුළුතැන්ගෙට ගොස් එළවළු රොටි වී පැමිණෙන බව ප්රසිද්ධ රහසකි. කොත්තු රොටි ද එසේමය. කෑම බීමත් ජාවාරම් බවට පත්කර ගන්නා අමන අධම මිනිසුන් සිටින්නේ යැයි හිත හොඳ මිනිස්සු සිතති. එහෙයින් ඔවුහු කිසිදු සැකයකින් තොරව එම ආහාරපාන භුක්ති විඳිති. තමන්ට වැළඳුණ රෝගය කුමක්දැයි නොදැනම මිය යාමේ ශාපලත් ඉරණම නිර්මාණය වන්නේ එසේය.
‘සබ්බේ සත්තා ආහාරට්ඨිතිකා’ යනුවෙන් බුදුපියාණෝ දේශනා කළහ. එයින් කියැවෙන්නේ සෑම සත්වයෙක්ම ආහාරයෙන් ජීවත්වන බවය. ඒ අනුව පැහැදිලි වන්නේ ආහාර යනු ජීවිතය පවත්වා ගෙන යාමට උපකාර වන්නක් බවය. ආහාර නොමැතිවීම කුසගින්නේ මිය යාමට හේතුවකි. ආහාර මිනිසාට අත්යවශ්ය වන්නේ එහෙයිනි.
ආහාර ගත යුත්තේ ජීවිතය පවත්වාගෙන යාමට බව අදහන ජනයා අතරේ ආහාරය පිණිසම ජීවත්වන නරුමයෝ ද සිටිති. මහජනයාට වස විස කවා තම මඩිය තරකර ගැනීමට පෙළඹෙන්නෝ ඔවුහු වෙති. සැබැවින්ම ඔවුහු සමූහ ජන සංහාරයක නියැලෙන්නෝ වෙති. මෙබඳු පාපතරයන් පැවත එන්නේ හිට්ලර්ගේ පරම්පරාවෙනි. නොඑසේ නම් මානව සමාජයෙන් මෙතරම්ම කෲර ලෙස පළිගැනීමට ඔවුන්ට සිත් පහළ නොවනු ඇත.
කොරෝනා මාරාන්තික වයිරසය හමුවේ මතු වූ අලුත් මානයක් ද වේ. එය නම් මෙම වයිරසයට මුහුණ දීමේ දී අපගේ ආහාර රටාව බලවත් සාධකයක් වූ බවය. එය බැහැර කළ නොහැකිය. සැබැවින්ම අප සතුව ඉතා ශක්තිමත් ආහාර රටාවක් තිබේ.
එය ඉතා සෞඛ්ය සම්පන්නය. දීර්ඝායුෂ රැගෙන ඒමට සමත් ජවයක් බලයක් අප ආහාර රටාව සතුය. රුපියල් ශතවලට ගිජු වූ පාපතරයන් මිනිස් පරිභෝජනයට නුසුදුසු ආහාර ද්රව්ය වෙළඳ පොළට එවා එක් අතකින් සෞඛ්ය සම්පන්න අපගේ ආහාර රටාවේ අභිමානය බිඳ දායි. අනෙක් අතින් මුළු ජාතියම රෝගී කරවයි. මෙබඳු පාපතරයන්ට රජකාලයේ දඬුවම් ලබාදිය යුත්තේ එහෙයිනි.
(***)
ලෙබනනයේ ෂියා මුස්ලිම් හිස්බුල්ලා සංවිධානයේ මහ ලේකම්වරයා, එසේත් නැතිනම් නායකයා ෂෙයික් හසන් නසරැල්ලා ඝාතනය කිරීමට ඊශ්රායලය සමත් විය. 64 හැවිරිදි නසරැල
හිටපු අමාත්යවරයකු අභාවප්රාප්ත කුමාර වෙල්ගම මහතාගේ අවසන් කටයුතු අද (30) සවස මතුගම ආදාහනාගාරයේ දී සිදු කෙරේ මේ ලිපිය ඒ නිමිත්තෙනි.
නිදහසට පසු යුගය තුළ ශ්රී ලාංකික දේශපාලන ඉතිහාසයේ පළමු වතාවට සාම්ප්රදායික වම හෝ දකුණ හෝ බලයට එන දේශපාලනය වෙනුවට අලුත් බලවේගයක් නිර්මාණය වී තිබේ. ඉකුත
පසුගිය ජනාධිපතිවරණ සමයේදී ඉදිරිපත් වූ ඉතාමත් ප්රබල තර්කය වූයේ 2019 ජනාධිපතිවරණයේ දී සියට 3.16ක ඡන්ද සංඛ්යාවක් ලැබූ ජාතික ජනබලවේගයේ නායක අනුර කුමාර දිස
අගනුවර පුරෝගාමී කතෝලික පාඨශාලාවක් වන කොළඹ 13, ශාන්ත බෙනදික්ත විද්යාලයේ ‘වාර්ෂික සිංහල සාහිත්ය කලා උළෙල අද (27) පස්වරු 2.30 ට විද්යාලයීය රංග ශාලාවේදී පැවැ
මෙවර කිවිදා දැක්ම ලියන්නේ ජනාධිපතිවරණය නිමාවට පත් වී තිබෙන මොහොතකය. අනුර කුමාර දිසානායක මහතා රටේ ජනාධිපති ධුරයට පත්වීම හරහා ජාතික ජනබලවේගයේ ප්රතිපත
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
හිතාමතාම ජාතියට වසකවන ජාතිද්රෝහියෝ
Raveendra Saturday, 03 July 2021 01:06 PM
තුට්ටු දෙකේ නිවට හිඟන අවලං බිස්නස් පිළිබඳව කතුවැකිය මගින් කර ඇත්තේ ඉතාමත්ම නිවැරදි විග්රහයකි. මුදල් පමණක්ම ජීවිතය කරගත් හිඟන්නන් බහුල සමාජයක කෙසේ මේවාට තිත තැබිය හැකිද? එසේ තිත තැබිය හැක. කිසිදු බියකින් තොරව මෙවන් ආයතන නම්ගම්, ඡායාරූප සහිතව, ආයතන අයිති කාරයින්ගේ විස්තරද ඇතුළුව, මේවාට සම්බන්ධ සියලුම ඌරන්ගේ සියලු විස්තර ඡායරූප සමඟම එකදිගට ඵලකරන්නේ නම් මේවාට තිත තැබිය හැක..
විපරමා Saturday, 03 July 2021 01:48 PM
බල්ලෝ මරලා හරි කමක් නැහැ සල්ලි හම්බවෙනවා නම්... ඒ ඇති....
gamunuSaturday, 03 July 2021 06:16 PM
කොළඹ මීතොටමුල්ල කුණු කන්දට බහාලන කල් ඉකුත් වූ ආහාර ද්රව්ය සෝදා පිරිසුදු කර නැවත වෙළඳපොළට යවන ජාවාරම්, ආහාර ද්රව්ය හා පානීය ඇසුරුම්වල ලේබල ගලවා ඉවත්කර අලුත් දින සහිත ලේබල් අලවා නැවත වෙළඳ පොළට යැවීම ද කුප්රකට ජාවාරම්කරුවන්ගේ ජඩ මාෆියාව නවතා දැමීමට කළයුතු වන්නේ මෙවැනි දූෂිත ක්රියාවන්ට සම්බන්ධ සියලු දෙනාගේ ඡායාරූප රටට පෙන්නුම් කළයුතු සේම ඔවුන් සම්බන්ධව නීතිය ක්රියාත්මක කිරීම සහ ඔවුන්ගේ ව්යාපාර තහනම් කිරීම වේ. කුමන දේශපාලන සම්බාධක හෝ වෙනත් කිසිඳු පුද්ගලයින්ගේ මැදිහත් වීම තිබේද කියා සොයාබලා ඔවුන්ගේ නම් සහ ඡායාරූපද රටට හෙළිදරව් කිරීම මාධ්යයේ වගකීමකි. මෙවැනි කටයුතු දිගින් දිගටම ක්රියාත්මකව තිබියදී ප්රාදේශීය ලේකම්වරුන්, නගර සභා මන්ත්රීවරු, ප්රදේශයේ මන්ත්රීවරුන්, සෞඛ්ය අංශයන් සහ මහනගර සභා මේ පිළිබඳව කටයුතු නොකිරීම පිළිබඳව වෙනමම පරීක්ෂණයක් කළ යුතුවේ...
Asliya Saturday, 03 July 2021 09:29 PM
නම්ගම් හෙළි කරන්න බැරිද