අපේ රටේ පාරම්පරික වෙදකම ගැන කතා බහ කරද්දී වෙද පරම්පරා ගණනාවක් විවිධ ලෙඩ රෝග සඳහා ඔවුනොවුන්ගේ වෘත්තීය දක්ෂතා පෙළගස්වා ඇති අතර, මේ අකුරු කෙරෙන සටහනේ ජීවකයා ද කැඩුම් බිඳුම් ප්රතිකාර සම්බන්ධයෙන් සුවිශේෂී දක්ෂතා දැක්වුවෙකි. කැඩුම් බිඳුම් ගැන කතා බහ කරත්ම හොරිවිල කැඩුම් බිඳුම් වෙදකම නිතැතින්ම බොහෝ දෙනෙකුගේ සිත් තුළට ගැනෙනුයේ එහි ප්රතිකාර නිසා සුව වූ රෝගීන් ප්රමාණය අතිවිශාල අගයක් ගන්නා හෙයිනි. පසුගිය වසරේ පමණක් රෝගීන් 15000ක් පමණ තම දෙඅතින් සුව කළ බව මෙම ජීවකයා පවසනුයේ මහත් ආඩම්බරයෙනි. මුඛ පරම්පරාවෙන් පැවත එන මෙම වෙදකමේ 34 වැනි වෙද පරම්පරාවේ සුප්රසිද්ධ වෙදැදුරකු ලෙස නමක් දිනූ වෛද්ය එස්.එම්.කේ. හේරත්හාමි හොරිවිල වෙදමහතාගෙන් කැඩුම් බිඳුම් වෙදකම උගෙන ගුරු සහතිකයක් ලබමින් ආයුර්වේද වෛද්ය සභාවේ ද හොරිවිල වෙද පරපුරේ නියෝජිතයකු ලෙස ලියාපදිංචි වූ ඔහු වෛද්ය ප්රසාදිනී, වෛද්ය අභිමානි, පදවිවලින් පිදුම් ලැබූ වෛද්ය එස්.එම්.එම්. විජේසිංහ වෙදැදුරාණෝය. මේ ඔහු එම වෘත්තියෙහි ආ දිගු ගමන් මග පිළිබඳව ආපසු හැරී බැලීමකි. මුඛ පරම්පාරවෙන් පැවතගෙන එන හොරිවිල කැඩුම් බිඳුම් වෙදකමේ මගේ පියා නියෝජනය කළේ 34 වැනි පරම්පරාවයි. මගේ පියා එස්.එම්.කේ. හේරත්හාමි හොරිවිල වෙද මහතායි. මගේ පියාට අවුරුදු 20ක් වෙද්දී මගේ සීයගෙන් මේ වෙදකම ඉගෙන ගෙන තිබුණා. මගේ පියා ශිරෝමනී, පණ්ඩිත ආයුර්වේද වෛද්ය විශාරද යන ගෞරව නාමවලින් පිදුම් ලැබුවා. මගේ පියාට දරුවො 10 දෙනෙක් හිටියා. පුතුන් අට දෙනයි. දුවලා දෙදෙනයි. එයින් පුත්තු හතර දෙනෙක් තාත්තා ජිවත්ව ඉද්දි වෙදකම කළා. මේ වෙද්දි ඒ අයගෙන් දෙදෙනෙක් මියගිහින්. මගේ සීයා මැරෙන්න පෙර අවසාන දවස්වල රහස් බෙහෙත් වට්ටෝරුවක් මගේ පියාට කියලා තිබුණා. ඒ බෙහෙත් වට්ටෝරු නිසා තමයි හොරිවෙල කැඩුම් බිඳුම් වෙදකම මුළු රටේම ප්රසිද්ධියට පත්වුණේ. කැලණිය වික්රමාරච්චි ආයුර්වේද වෛද්ය පීඨයේ ඞී.එස්.ඒ.සී සහතිකය අරගෙන ආයුර්වේද වෛද්ය සභාවේ සර්වාංග වෛද්යවරයෙක් විදියට අංක 8713 යටතේ ලියාපදිංචි වුණා. පාරම්පරික හොරිවිල වෙද පරපුරේ පියාගෙන් පැවත එන දෙවැනි පරපුර ලෙස ආයුර්වේද වෛද්ය සභාවේ විශේෂඥ වෛද්යවරයෙක් විදියට අංක 6072 යටතේ ලියාපදිංචි වුණා. හොරිවිල විජේසිංහ වෛද්යවරයා රටට දැයට කළ මහඟු සේවාව වෙනුවෙන් ආචාර්ය, දේශමාන්ය, ආයුර්වේද විශාරද, පණ්ඩිත, වෛද්ය අභිමානි, වෛද්ය ප්රසාදිනි, මුළු දිවයිනටම සාමවිනිසුරු යන පදවිවලින් පවා පිදුම් ලැබීය. ඊට අමතරව කැලණිය විශ්වවිද්යාලයේ ආයුර්වේද වෛද්ය පීඨයේ කැඩුම් බිඳුම් කතිකාචාර්යවරයකු ලෙස ද දැනට සේවය කරයි. දැනට වසර 23ක පමණ කාලයක් තිස්සේ වෛද්ය සේවාවේ නියැලෙන මෙම ජිවකයාණෝ කැඩුම් බිඳුම් වලට අමතරව අංශභාගය, කොඳු ඇට පෙළේ හා අස්ථි විකෘතිතා, ආමවාත සංදිශෝත, ස්නායු ආබාධ ආදී රෝගවලට ද ඔහු සතු අත් දුටු ප්රතිකාර බොහෝය. සාමාන්යයෙන් රෝහල්වලින් මොළයේ ගෙඩි ආදියට ශල්යකර්මවලට භාජනය කළ බට මාර්ගයෙන් කෑම බීම පොවන අසාධ්ය රෝගීන් පවා සුව කරන්න මට හැකි වුණා. ඉතා අසාධ්ය තත්ත්වයෙන් මේ අය සුවය ලබා යද්දී හිතට දැනෙන්නේ පුදුම සතුටක්. ඒ වගේම ගැහැණු දරුවො වයස අවුරුදු 13-14 වෙද්දි කොඳු ඇට පෙළේ විකෘතිතාවලටත් බොහෝ සෙයින් ලක්වෙනවා. එහෙම අයත් බොහෝ දෙනෙක් මම මේ වන විට සුව කරලා තිබෙනවා. 2011 අවුරුද්දේ පමණක් රෝගීන් 15000ක් පමණ සුවපත් කරලා තියෙනවා. අද පාරම්පරික කැඩුම් බිඳුම්වලට අවශ්ය බෙහෙත් පැළෑටි හිඟයි. ඒ නිසා අප ඒ වගේ බෙහෙත් වර්ග වවලා තියෙනවා. අපි රෝගියාට අවශ්ය බෙහෙත් වර්ග නිෂ්පාදනය කරනවා. බෙහෙත් බඳින්න අප ළඟ ගෝලයෝ නැහැ. රෝග පරීක්ෂාව, බෙහෙත් බැඳීම ඇතුළු රෝගියාගේ සියලූ කටයුතු සිදුවෙන්නේ අපේ අතින්. මේ කටයුතුවලට මගේ බිරිඳගෙන් ලැබෙන සහායත් අතිවිශාලයි. ඇගේ නම ස්වේතා ලාලනී. ගම අම්බලන්ගොඩ. කැලණිය විශ්වවිද්යාලයේත් වික්රමාරච්චි ආයුර්වේද වෛද්ය පීඨයේත් ඞී.එස්.ඒ.එම්.එස්. ගෞරව සම්මාන සහතික ලබාගෙන අංක 9436 යටතේ ආයුර්වේද වෛද්ය සභාවේ ලියාපදිංචි වූ ඇයත් වෛද්යවරියක්. අපි දෙදෙනාම වසර 20කට අධික කාලයක් රෝගීන් සුවපත් කරනවා. විදේශයන්ගෙන් පවා රෝගීන් අප හමුවෙන්න එනවා. මගේ පුතාත් බෙහෙත් වර්ග නිෂ්පාදනයේදී සහාය වෙනවා. ඔහු ඖෂධ පාඨමාලාවක් හදාරනවා. අපෙන් පස්සේ පුතා මේ කටයුතු ඉදිරියට අරගෙන යයි. දුවත් සිරිමාවෝ බණ්ඩාරනායක බාලිකා විදුහලේ ජීව විද්යා ආංශයෙන් උසස් පෙළ හදාරනවා. අපේ වෛද්ය සායන මහරගම නාවින්න ආයුර්වේද සංස්ථාව ඉදිරිපිට නො. 117, පරණ පාර, නාවින්න, මහරගම. ලිපිනයේ සඳුදා, බදාදා පෙරවරු 8.00 - පස්වරු 8.00 දක්වාත්, නො. 06, හොරිවිල වෙදගෙදර, කුලරත්න හරස් පාර, අම්බලන්ගොඩ යන ලිපිනයේ, බ්රහස්පතින්දා සිට ඉරිදා දක්වා පෙරවරු 9.00 සිට පස්වරු 5.00 දක්වාත් පැවැත්වෙනවා.
ලබන 21 වැනිදා පැවැත්වීමට නියමිත ජනාධිපතිවරණයේ දී උතුරේ ප්රධාන දෙමළ දේශපාලන පක්ෂය ලෙස සැලකෙන ඉලංගයි තමිල් අරසු කච්චි පක්ෂය සමඟි ජන බලවේගයේ නායක සජිත්
බිලී කැම්බල් ඕස්ට්රේලියාවේ, ඇඩිලේඩ් නගරයේ ජීවත් වන අට හැවිරිදි පොඩ්ඩෙකි. දිනක්, බිලී ඔහුගේ මවටත් පියාටත් පැවැසුවේ පෙර ආත්මභවයේ තමන් බ්රිතාන්යයේ ඩ
ජනාධිපතිවරණයට තවත් ඇත්තේ දින 15ක් පමණ කාලයකි. තැපැල් ඡන්දය පාවිච්චි කිරීම අදින් අවසන් වීමට නියමිතය. සාපේක්ෂක වශයෙන් මෙවර ජනාධිපතිවරණය සඳහා නාම යෝජනා ක
බස්නාහිර පළාතේ, කළුතර දිස්ත්රික්කයේ බටහිර පස් යොදුන් කෝරලයේ ඉද්දගොඩ පත්තුවේ, මතුගම සුළු නගර සභා සීමාව තුළ “පාන්තිය’’ නමැති සුප්රසිද්ධ ග්රාමවරයෙහ
මේ වසර අපේ රටේ පමණක් නොව ලෝකයේ බොහෝ රටවල මැතිවරණ පැවැත්වෙන වසරක් බවට පත්ව තිබේ. මෙම මස 21 වැනිදා අපේ රටේ ජනාධිපතිවරණය පැවැත්වෙන්නේ සමාජ ආර්ථික දේශපාලන ව
අපවත් වී වදාළ බොරැල්ලේ කෝවිද හිමියන්ගේ ආදාහන පූජෝත්සවය අද (4) සවස 4.00ට කොළොන්නාව පුරාණ රාජමහා විහාරස්ථානයේ දී සිදු කෙරේ.
විවාහ දිවියට එළඹෙන යුවළකගේ බලාපොරොත්තු අතර දරු සුරතල් බැලීම ප්රමුඛස්ථානයෙහි ලා ගැනෙන්නක්. නමුත් වත්මන් සමාජ සංස්ථාව තුළ එලෙස දරු පල ලැබීමට නොහැකිව
ප්රමුඛ පෙළ ශ්රී ලාංකීය මූල්ය සමාගම සියපත ෆිනෑන්ස් පීඑල්සී දීප ව්යාප්ත ශාඛා ජාලයේ 50 වැනි ශාඛාව පසුගියදා මඩකලපුව දිස්ත්රික්කයේ ස්වභාවික සෞන්දර්ය
ශ්රී ලංකාවේ 2023 වසර සඳහා හලාල් සහතිකය සහිත නිෂ්පාදන අපනයනය ඇමෙරිකානු ඩොලර් බිලියන 1.7ක් ලෙස ඇස්තමේන්තු කර ඇත.
හොරිවිල වෙද පරපුරේ අලුත් පුරුක
දිල්රුක් Thursday, 12 January 2012 01:39 PM
අපිට සතුටුයි ඔබ ගැන
නයනා Wednesday, 18 January 2012 10:32 PM
ඇදෙන් වැටීමෙන් ඔත්පල වූ මගේ මවුට නැවතත් ඇවිදීමට හැකිවූයේ ඔබතුමා නිසයි. ඔබතුමාට දීර්ඝායුෂ ලැබේවා
ගංගා Thursday, 19 January 2012 01:23 AM
ඔබට දීර්ඝායුෂ පතමි!
ශ්යාමලී Friday, 06 July 2012 03:19 PM
අපේ වෙද කම ලොවටම කියාපාන ඔබ රටට ආඩම්බරයක්.....
madu Thursday, 19 January 2012 07:47 PM
ඔබ අපට සම්පතක්
උපුල් Sunday, 15 January 2012 07:59 AM
ඔබට වාසනාවන්ත අනාගතයක්
මංජුලා Wednesday, 18 January 2012 06:48 PM
ඔබ ලංකාවට ආඩම්බරයක්. අපි අගයනවා ඔබගේ මෙම සමාජ සේවය