2025 අප්‍රේල් මස 24 වන බ්‍රහස්පතින්දා
2025 අප්‍රේල් මස 24 වන බ්‍රහස්පතින්දා
කොළඹ කොටුව හා බදුල්ල දක්වා වැටී ඇති දුම්රිය මාර්ගය ඔස්සේ එදා මෙදාතුර ලක්ෂ ගණනක මගී පිරිසක් දුම්රියේ ගමන් කරන්නට ඇත. එම මගීන් පමණක් නොව දෙමෝදර හා ඇල්ල දුම්රිය ස්ථාන දෙක අතර ආරුක්කු නමයේ පාලම බ්‍රිතාන්‍ය පාලන යුගයේ ඉදිකළ විස්කම් නිර්මාණ බව බොහෝ දෙනා කියන වසර 103 ක් පැරණි මේ පාලමේ කොන්ක්‍රීට් බිංදුවක් නැත.
නමුත් මෙම ආරුක්කු නමයේ දුම්රිය මාර්ග විස්මිත පාලම ඉදිකිරීමට දායක වී ඇත්තේ ඉංජිනේරු තාක්ෂණය නොදත් වැලිමඩ කැප්පෙටිපොළ පෙල්ලවින්නේ උපන් පී.කේ. අප්පුහාමි නම් ගැමියෙකි.
ඇල්ල සිට දෙමෝදර අතර දුම්රිය මාර්ගය සැකසීමේ දී සැතපුම් 169 කණුව අසල කඳු දෙකක් අතර යකඩ පාලමක් ඔස්සේ සම්බන්ධ කිරීමට එංගලන්ත ජාතික ඉංජිනේරුවරයා සැලසුම් කර ඇත.
මෙසේ රැගෙන ආ යකඩ පාලම දිගින් අඩුවීම නිසා ඉංජිනේරුවරයා දැඩි අසීරුවකට පත්ව ජීවිතය පවා නැතිකර ගැනීමට උත්සාහ දරා ඇතැයි පැවැසේ. එම අවස්ථාවේ මේ පී.කේ. අප්පුහාමි මැදිහත්ව මේ අන්දමට පාලම මඩ වගුරක් කළු ගල් වලින් පුරවා සකසන ලද අත්තිවාරමක් මත ආරුක්කු නමයකින් යුක්තව ඉදිකිරීමට කටයුතු කර ඇත. පාලමේ සාමාන්‍ය උස අඩි 300 ක් බව පැවැසේ.
පී.කේ. අප්පුහාමි කිසිදාක පාසල් ගොස් නැත. ඔහු ගොවියකි. යාග හෝම පවත්වන තොවිල් පොළවලට ගොස් නැටීමටත් බෙර වාදනය කිරීමටත් පුදුම හැකියාවක් හා දක්ෂකමක් ඇත්තෙකි.
පී.කේ. අප්පුහාමි සමඟ දුම්රිය මාර්ගය ඉදිකළ සිංහල කම්කරුවන් එංගලන්ත ජාතික ඉංජිනේරුවරයා සමඟ එක්ව බිංගෙවල් සකසමින් අනාරක්ෂිත ස්ථාන විශාල කළුගල් බැමි වලින් ශක්තිමත් කළ බව කියති.
‘අන්තිමට ඉංජිනේරුවරයා පී.කේ. අප්පුහාමි ගෙන් අහලා තියෙනවා. පී.කේ. බාස් මේකට විසඳුමක් නැද්ද කියා. ඔහු කියා තිබෙනවා සේවකයන් දෙනවානම් පාලමක් හදන්න පුළුවන් කියලා. සුදු ජාතිකයා මේ ගැන සැක පහළ කරලා. ඔහු කියා තිබෙනවා මෙම පාලම හදන එකට වැටුප් ගෙවන්න එපා කියලා.
ඉංජිනේරුවරයා ඔහුට සේවකයන් කඳු දෙක මුදුනේ ඇති කළු ගල් කුට්ටි පිටින් පහතට පෙරළා තියෙනවා. අධික වේගයෙන් කන්ද පහළට පෙරලී එන විශාල ගල් මඩ වගුරේ පතුල දක්වා ගිලා බැහැලා. අන්තිමට කළුගල් වලින් මඩ වගුර පිරී හොඳ ශක්තිමත් අත්තිවාරමක් නිර්මාණය කර තිබෙනවා. මඩ හා කළුගල් කුට්ටි මිශ්‍රවීම නිසා සැකසුණු අත්තිවාරම උඩ මෙසේ ආරුක්කු නමයකින් අලංකාර ලෙස ඉදිකර එම පාලම මතින් දුම්රිය රේල් පාර සකසා ඇත.‘
දැන් 1913 දී විතර තමයි මෙම පාලම ඉදිකර ඇත්තේ දුම්රිය මාර්ගය ඉදි කළත් සුදු ජාතික ඉංජිනේරුවරයාට දුම්රියක් එහි ධාවනය කිරීමට බයක් දැනී තිබෙනවා. පාලමේ (දුම්රිය මාර්ගයේ ) ශක්තිය ගැන සැකයක් ඇති බව ඉංජිනේරුවරයා ඔහු පවසා ඇත.
ඔහු පවසා ඇත්තේ ප‍්‍රථම දුම්රිය පාලම මතින් ධාවනය වන විට ආරුක්කුව යට තමන් නිදා ගන්නා බවයි. ඒ වගේම දුම්රිය ධාවනය වෙද්දී ඔහු සරමක් බිමට අතුරාගෙන නිදාගෙන තිබෙනවා. දුම්රිය පාලම මතින් ධාවනය වීමත් සමඟ ඉංජිනේරුවරයා ඔහු බදාගෙන සිය සතුට ප‍්‍රකාශ කර ඇත.
අප්පුහාමි මැදිහත්වීම මත දෙමෝදර අලංකාර ආරුක්කු නමයේ පාලම ඉදිවීමෙන් සතුටට පත් ඉංජිනේරුවරයා එම පාලම ඉදිකිරීමට වැඩ කළ කාලයට වැටුප් ලබාදී තිබේ. මීට අමතරව කොළඹ දුම්රිය දෙපාර්තමේන්තුවටත් දැනුම් දීලාඇත.
‘දුම්රිය දෙපාර්තමේන්තුව කළ සේවයට පී.කේ. අප්පුහාමිට රිදී කාසි පුරවන ලද මලු අටක් තෑගි කර තිබෙනවා. එම මුදලින් කොටසක් වැයකර තම හිතවත් ඉංජිනේරුවරයාට මෝටර් රථයක් මිලදී ගෙන තෑගි කර ඇත. එසේම එම මෝටර් රථයෙන් උපන්ගම වන පෙල්ලවින්නට පැමිණ එරබද්ද යන ගම්මාන දෙකට අයත් ගැමියන්ට ආහාර වේලක් සමඟ රිදී කාසියක් ද තෑගි කර තිබෙනවා.‘
සුරාබදු ආඥා පනත මෙරටට හඳුන්වා දෙන්නේ 1913 ජනවාරි 01 වැනිදාය. එහි සඳහන් වෙන්නේ “මෙය මත්පැන් සහ මත් ඖෂධ ආනයනය, අපනයනය, ප්‍රවාහනය, නිෂ්පාදනය, විකිණීම හා සන්තකය
ඇමෙරිකානු ජනාධිපති ඩොනල්ඩ් ට්‍රම්ප් මහතා පසුගිය දින තීරු බදු යුද්ධයක් ආරම්භ කළේය. බැලූ බැල්මට මෙය සාමාන්‍ය තත්වයක් නොවේ. ට්‍රම්ප් මෙම තීරුබදු පැනවීම
කොළඹ මහ නගර සභාවේ පළිබෝධ පාලන ඒකකය ඉදිරිපස ඇති මෙම ස්ථානය නාගරික සංවර්ධන අධිකාරියට අයත් අතහැර දැමූ දේපළකි. එසේම මෙම ස්ථානය සර්පයන්ගේ සිට මීයන්, කලවැද්
ශුද්ධෝත්තම ෆ්‍රැන්සිස් පාප්තුමන්ගේ ස්වර්ගස්ථ වීම සම්බන්ධයෙන්, ආගම් භේදයකින් තොරව මුළු ලොවම කම්පා වෙයි. ඊට හේතුව ෆ්‍රැන්සිස් පාප්තුමන්, අනෙකුත් පාප්
ශ්රී ලංකා මහබැංකුව විසින් 2024 වසරට අදාළ ආර්ථික විවරණය ජනාධිපති සහ මුදල් අමාත්‍ය අනුර කුමාර දිසානායක මහතා වෙත පසුගියදා ඉදිරිපත් කරනු ලැබීය. සෑම වසරක්ම
මුද්‍රිත හා විද්‍යුත් මාධ්‍ය වාර්තා කරන ආකාරයට ඉන්දීය අග්‍රාමාත්‍ය නරේන්ද්‍ර මෝදිගේ ශ්රී ලංකා සංචාරය බෙහෙවින් සාර්ථක එකක් විය. අප්‍රේල් 4 වැනි සිකු
2025 අප්‍රේල් මස 18
707
0
2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 බ්ලූ ප්ලැනට් ත්‍යාගලාභී මොහාන් මුණසිංහ මහතා, 2025 අප්‍රේල් 13-14 දිනවල ඩුබායි හි පැවති ගෝලීය නොබෙල් ස
හේලීස් ෆෙන්ටන්ස් ලිමිටඩ් හි කළමනාකාර අධ්‍යක්ෂක හසිත් ප්‍රේමතිලක මහතා සහ හේලීස් සෝලාහි අධ්‍යක්ෂක/ප්‍රධාන විධායක නිලධාරී රොෂේන් පෙරේරා මහතා සමඟ කතාබ
2025 අප්‍රේල් මස 10
498
2
අප්‍රේල් 01, 2025 කොළඹ දීග ශ්රී ලංකා ඉන්ෂුවරන්ස් ලයිෆ් 2024 වසර විශිෂ්ට ලෙස නිමා කළ අතර, රුපියල් බිලියන 30.7 ක බදු ගෙවීමට පෙර ලාභයක් වාර්තා කරන ලදී.
ආරුක්කු නමයේ අප්පුහාමි වික්‍රමය
ජයාත් Tuesday, 20 September 2016 01:37 AM
නියම ඉංජිනේරු ශිල්පියෙක්. මෙවැනිම ආරුක්කු පාලමක් මාවනැල්ලේද තිබෙනවා. (නි)
ශෂිකා Wednesday, 21 September 2016 03:26 PM
මේ ලිපිය පලකලාට ලංකාදීපයට අනේ කවාරයක් තුති.(අ)
මදුශාන් Monday, 26 September 2016 01:28 PM
ඔය නිර්මාණ දෙකම හදන්න තමුන්ගේ දැනුම දුන්නු අපේ දේශීය ඉංජිනේරුවෙක් වෙච්චි ඩි.ජේ. විමලසුරේන්ද්‍ර මහත්තය ගැනත් කියන්න. මේ පාලම හෙන්රි කුක්බත් මාවුඩ් කියන බ්‍රිතාන්‍ය ජාතික ඉන්ජිනේරුවා සැලසුම් කරලා හදපු එකක්. සම්පූර්ණ සැලැස්ම, වියහියදම්, හදද්දී ගත්තු පින්තූරු ඔක්කොම ඇතුලත් වාර්තා ලංකා ඉංජිනේරු සංගමයේ වගේම අන්තර්ජාලයේත් තියෙනවා. (බ)
සෙනරත් Tuesday, 27 September 2016 03:27 AM
අද අපේ සමහර උදවිය කියනවා "සුද්දා නැත්නම් අපිට මේ ටිකත් නැහැ කියලා". ඔවුන් හිතන්නේ නැහැ සුද්දා අපිට කරපු හානිය ගැන. (නි)
ඉලේපෙරුම Wednesday, 21 September 2016 03:49 PM
වැඩි වැඩියෙන් අද්භූත දේ විශ්වාස කරන්න වැඩි වැඩියෙන් සාක්ෂි අවශ්‍ය වෙනවා. පළමුවෙන් කාරණය තමා බ්‍රිතාන්‍ය ඉංජිනේරුවන්ට මෙවැනි පාලමක් හදන්න නොහැකිවුණා කීම. දුම්රිය මගක් (හෝ වෙනයම් ඉදිකිරීමක්) ඉදි කරන විට කලින් මැනුම් කටයුතු කර ඇස්තමේන්තු කිරීම අනිවාර්යයෙන්ම කරන දෙයක්. යකඩ පාලමක් ගෙනවිත් සවිකරන්න බලන විට දිග මදි බව දැනගත්තා කීම කොහෙත්ම පිළිගන්න පුළුවන් දෙයක් නොවෙයි. (කෙක්කක් අරන් ගහකින් ගෙඩියක් කඩන්න යන අපට නම් මේ වගේ දෙයක් වෙන්න පුළුවන්). වැඩි දෙනෙක් නොදන්නවා වුණාට දුම්රිය එන්ජිම නිපදවූ ජෝර්ජ් ස්ටීවන්සන් හා ඔහුගේ පුතා රොබට් ස්ටීවන්සන් දුම්රිය මාර්ග ඉන්ජිනේරුවන් ද ලෙස කටයුතු කළා. ඔවුන් එංගලන්තයේ සන්කී ගඟට ඉහළින් මෙවැනි ආරුක්කු පාලමක් හැදුවේ 1828-1830 කාලයේ දි. ඉතින් ඊට අවුරුදු 83කට පසු ලංකාවේ මෙවැනි පාලමක් ඉදි කරන්න බ්‍රිතාන්‍ය ඉංජිනේරුවන්ට නොහැකිවුණා කීම කොහෙත්ම පිළිගන් පුළුවන් දෙයක් නොවේයි. රොබට් ස්ටීවන්සන් අඩි 10,380ක් (මීටර් 3164ක්) දිග කැනඩාවේ මොන්ට්‍රියෙල් නගරයේ වික්ටෝරියා පාලම හැදුවේ 1854 දි. අප්පුහාමි කෙනෙක් මෙවැනි පාලමක් හැදූ බවට කිසිම සාක්කියක් ලංකා දුම්රිය ඉතිහාසයේ නැහැ. (අ)
සුසන්ත Tuesday, 20 September 2016 03:31 AM
ඔහු නම් සැබෑම දක්ෂයෙක් (නි)
අනුරාධ Monday, 19 September 2016 01:05 PM
අප්පුහාමි මහතා ගේ දක්ෂතාවය ඉතා අගය කරමි.ඒ වගේම සේවකයාගේ අදහසට ගරු කිරීම හා ඊට තැන දීම,ඔහුගේ කාර්යය අගය කිරීම හා ඊට නිසි ගරුත්වය ලබා දීම,ඔහුට ඊට සාධාරණය ඉෂ්ට කිරීම,ඉංජිනේරු මහතා විසින් ඒ කාර්යය තමා කළ දෙයක් කියා දෙපාර්තමේන්තුවෙන් ලකුණු දාගන්නේ නැතුව අප්පුහාමි මහතාව හා ඔහුගේ ගේ හැකියාව හා කල විශ්මය දෙපාර්තමේන්තුවට දැනුම් දී ඔහුට නිසි ගරුත්වය ලබා දීම,අප්පුහාමි මහතා විසින් තමාට ලැබුණු ත්‍යාගය බෙදාගනිමින් බුක්ති විදීම,මොන තරම් ලස්සන ද මේ සිදුවීම.කොයි තරම ලස්සන හදවත් හා හිත් ඇති මිනිස්සුද මේ.අපේ රට ඒ කාලේ කොයි තරම් ලස්සන සමාජයකින් පිරිලා තිබිලා තියෙනවාද කියලා හැඟෙනවා මේ දේවල් කියවනකොට.ලංකාදීප ටත් බොහොම ස්තුති මේ ලිපිය පළ කළාට.අද කාලේ අයටත් හොඳ ආදර්ශ ගොඩක් ගත හැකි ලිපියක් මේ (හේ)
සමන් Monday, 26 September 2016 06:40 AM
ඉලේපෙරුමගේ කතාවේ ඇත්තක් තියෙනවා, කතන්දර හදල ඇත්ත කරපු බොරු ගොඩක් ලංකා ඉතිහාසයේත් තියෙනවා. (බ)
කුමාර Monday, 19 September 2016 03:45 PM
ආඩම්බරයි අපෙ මුතුන් මිත්තන් ගැන. ඉතා හොද ලිපියක් නොදන්න දෙවල් ගොඩක් දැනගත්තා ස්තුතියි ලංකාදීප (හේ)
ඉසුරු Monday, 26 September 2016 07:10 PM
හොඳ ලිපියක්
දර්ශන Tuesday, 20 September 2016 06:54 AM
හොඳ ලිපියක් ඉතිහාසය ගැන ආඩම්බර විය හැකියි ලියු ඔබට ස්තුතියි. (ර)
ධම්ම Monday, 19 September 2016 05:02 PM
දුප්පත් අප්පුහාමීලා මෙහෙම කරනකොට පොහොසත් රදළයෝ සුද්දා ළඟ දණින් වැටී තාන්නමාන්න සම්මාන ලබාගැනීමට තම සිංහල/දෙමළ නමත් වෙනස් කල අමිහිරි ඉතිහාසයකුත් අපට තියෙනවා. (රේ)
ඉමේශ් Monday, 19 September 2016 05:29 PM
මේක නම් විශ්මිතයි (නි)
ධම්ම Thursday, 22 September 2016 02:50 PM
අප මේ කතාව මේ කියනා ලෙසින්ම පිළිගතයුතු නැහැ. ඉංජිනේරුවන් මොන විදියට සැලසුම් කළත් එය භූමියේ ප්‍රායෝගිකව ඉදිකරන විට කාර්මික ශිල්පීන් සමග සාකච්ඡා කිරීම හොඳ දෙයක්. බොහෝ විට මා අත්දැකීමෙන් දන්නා දෙයක් තමයි බාස් උන්නැහැ ළඟ කෙටි ප්‍රායෝගික ක්‍රම තියෙනවා යමක් කිරීමේදී උපයෝගී කරගත හැකි. මේ එවන් අවස්තාවක් විය හැකියි. (බ)
දමයන්ති Monday, 19 September 2016 09:28 PM
ආඩම්බරයි. මුළු කතාවම ලස්සන සිදුවීම් පෙළක් වගෙයි (නි)