ඌව පළාත් සභා මැතිවරණය ජය ලබන්නේ ආණ්ඩු පක්ෂයද නොවේනම් විපක්ෂයද කිව නොහැකි තරමට මෙවර මැතිවරණය තියුණු වී තිබේ. මේ හේතුවෙන් පළාත තුළ දිනෙන් දින වාර්තාවන මැතිවරණ ප‍්‍රචණ්ඩ කි‍්‍රයාවලද වර්ධනයක් ඇතැයි මැතිවරණ නිරීක්ෂණ කණ්ඩායම් පවසති.

කැෆේ සංවිධානය පවසන්නේ මේ වනවිට ඌව පළාත තුළ මැතිවරණ ප‍්‍රචණ්ඩ කි‍්‍රයා සම්බන්ධව පැමිණිලි 224ක් තම සංවිධානයට ලැබී ඇති බවයි. ඉන් පැමිණිලි 166ක් ලැබී ඇත්තේ මොනරාගල දිස්ති‍්‍රක්කයෙන් බවත් 46 ක් බදුල්ල දිස්ති‍්‍රක්කයෙන් ලැබී ඇති බවත් කැෆේ සංවිධානයේ විධායක අධ්‍යක්ෂ රංජිත් කීර්ති තෙන්නකෝන් මහතා පවසයි.

එසේ නමුත් පොලිසිය පවසන්නේ මැතිවරණ ප‍්‍රචණ්ඩ කි‍්‍රයා පිළිබඳව පොලිසියට පැමිණිලි ලැබී ඇත්තේ 42ක් පමණක් බවයි. ඉන් පැමිණිළි 30ක්ම මොනරාගල දිස්ති‍්‍රක්කයෙන් වාර්තාවන බව පොලිස් මාධ්‍ය ප‍්‍රකාශක කාර්යාලය පවසයි.

ඌව පළාත් සභා මැතිවරණය සම්බන්ධයෙන් උණුසුම ඇත්තේ පළාතේ ජනතාවට නොව පක්ෂxවිපක්ෂ දේශපාලකයන්ට පමණක් බව ඉතා පැහැදිලිය. ඉකුත් මැතිවරණවලට වඩා මෙවර මැතිවරණය සම්බන්ධයෙන් ජනතාව තුළ උනන්දුවක් අවධානයක් ඇතත් එය ඉකුත් මැතිවරණ මෙන් පාරට බැස තම තමන්ගේ පක්ෂවලට දේශපාලනය කිරීමට තරමේ උණුසුමක් නැත. මේ හේතුවෙන් පක්ෂxවිපක්ෂ දේශපාලනඥයන්ට විශේෂත්‍යන් ආණ්ඩු පක්ෂයේ දේශපාලනඥයන්ට තම මැතිවරණ ව්‍යාපාරය සිදු කරගෙන යාමට පිට පළාත්වලින් පිරිස් ඌව පළාත තුළ තම මැතිවරණ ව්‍යාපාරවලට සම්බන්ධ කර ගැනීමට සිදුව ඇති බවක් පෙනේ. විශේෂයෙන් මොවුන් වීරකැටිය, දික්වැල්ල, තංගල්ල, මාතර මෙන්ම කොළඹ ප‍්‍රදේශවලින් පැමිණි පිරිස් බව අනාවරණය වී ඇත. ඌව පළාත තුළ ප‍්‍රචණ්ඩත්වය වපුරන්නේ ඔවුන් බවත් ඒ සඳහා ඔවුන් ප‍්‍රභූ නිලධාරීන් භාවිතයට ගන්නා අංක තහඩු රහිත ඩිෆෙන්ඩර් වර්ගයේ ජීප් රථ යොදාගන්නා බවත් විපක්ෂයේ කණ්ඩායම්වල අදහස වී ඇත. නමුත් ආණ්ඩු පක්ෂයේ පිරිස් එම චෝදනාව ප‍්‍රතික්ෂේප කරති.

ඌව පළාත් සභාව සඳහා නාමයෝජනා භාරදීමෙන් පසු ප‍්‍රථම මැතිවරණ ප‍්‍රචණ්ඩ කි‍්‍රයාව හා මැතිවරණ නීති උල්ලංඝනය කිරීම වාර්තා වූයේ බදුල්ල දිස්ති‍්‍රක්කයේ මහියංගන ප‍්‍රදේශයෙනි. ඒ ඌව පළාත් සභා මන්තී‍්‍ර අනුර විදානගම තම සහෝදර පාර්ලිමේන්තු මන්තී‍්‍ර තේනුක විදානගම සමග මැතිවරණ නීති උල්ලංඝනය කරමින් රථවාහන පෙළපාලියක් පැවැත්වීම හා සහකාර මැතිවරණ කොමසාරිස් නාමල් තලංගම මහතාට තර්ජනය කිරීමේ සිද්ධියයි. ඉන් පසුව එක්සත් ජාතික පක්ෂය යටතේ ඌව පළාත් සභා මැතිවරණය සඳහා අපේක්ෂකයකු ලෙස තරගවදින ප‍්‍රදීප් විජේවර්ධන මහතාගේ මහියංගන පක්ෂ කාර්යාලයට ප‍්‍රහාරයක් එල්ලවූ අතර එම ප‍්‍රහාරය එල්ල කරන ලද්දේ ඩිෆෙන්ඩර් වර්ගයේ වාහනවලින් පැමිණි පිරිසක් විසින් බව ඒ මහතා පොලිසියට කළ පැමිණිල්ලේ සඳහන්වේ.

මොනරාගල දිස්ති‍්‍රක්කය තුළ නාමයෝජනා භාරදීම මැතිවරණ නීති රීතිවලට යටත්ව ඉතා සාමකාමීව පැවැතියත් ඉන් සතියක පමණ කාලයක් ඉක්මගිය තැන මොනරාගල දිස්ති‍්‍රක්කයම භීතියට පත් කරමින් විපක්ෂයේ දේශපාලන පක්ෂ කි‍්‍රයාකාරිකයින් හා විපක්ෂයේ පක්ෂ කාර්යාල ඉලක්ක කරගෙන ප‍්‍රහාර මාලාවක් කි‍්‍රයාත්මක විය. මෙම හැම ප‍්‍රහාරයක්ම සිදුකර තිබුණේ අංක තහඩු රහිත ඩිෆෙන්ඩර් වර්ගයේ ජීප් රථ හා වෙනත් වාහනවලින් පැමිණි නාඳුනන කණ්ඩායම් විසින් බව ඔවුන් මැතිවරණ නිරීක්ෂණ කණ්ඩායම්වලට හා පොලීසියට කළ පැමිණිලිවල සඳහන්වේ. රාති‍්‍ර කාලයට කළඑළි බහින මෙම මැර කණ්ඩායම් රිසිසේ දිස්ති‍්‍රක්කය පුරා සැරි සරමින් විපක්ෂයේ පක්ෂ කාර්යාල කඩාබිඳ දමමින් විපක්ෂ කි‍්‍රයාකාරින් බිය වද්දමින් සිටින බව විපක්ෂ කි‍්‍රයාකාරීහු පෙන්වා දෙති. මේ වනවිට මෙම නාඳුනන මැර පිරිස් එක්සත් ජාතික පක්ෂයේ පක්ෂ කාර්යාල 40ක් පමණක්, ජනතා විමුක්ති පෙරමුණෙ පක්ෂ කාර්යාල 20 කට වැඩි ප‍්‍රමාණයකටත් වඩා කඩා බිඳ දමමින් හානිකර තිබෙන බව කැෆේ සංවිධානය පෙන්වා දෙයි. ඔවුන් පවසන්නේ මේ වනවිට ඌව පළාත තුළ පහරදීම් හා දේපළ හානි කිරීම් පිළිබඳව පැමිණිලි 57ක් වාර්තාවී ඇති බවයි.

”දකුණෙන් සහ කොළඹින් ආව මැර කණ්ඩායම් පළාතේ හෝටල බුක්කරලා. රජයේ සියලූම සර්කිට් බංගලා බුක් කරලා. නතර කරලා තියෙනවා. මේ අය තමයි ජනතාව බිය වද්දමින් මැර වැඩ කරන්නේ. දවල් කාලයට නිශ්ශබ්ද වෙලා ඉන්න මේ පිරිස් රාති‍්‍ර අටෙන් නමයෙන් පස්සේ අංක තහඩු නැති වාහන යොදාගෙන විශේෂයෙන් මොනරාගල දිස්ති‍්‍රක්කය පුරා සැරි සරමින් විපක්ෂයේ කි‍්‍රයාකාරින් හා ප‍්‍රදේශයේ ජනතාව බිය වද්දනවා. මේ පිරිස කවුද කියලා පොලීසියත් හොඳට දන්නවා. ඒත් නොදන්නවා වගේ ඉන්නවා. මේ අයට  ඕනෑ ජනතාව බිය වද්දලා විපක්ෂයේ අය බිය වද්දලා ඔවුන් ඡුන්ද පොළට යන එක වළක්වන්න. අපිට ආරංචි විදියට මේ මැර කණ්ඩායම් අතර ඇතැම් ආරක්ෂක අංශවල අයත් ඉන්නවා. නම කීමට අකමැතිවූ විපක්ෂ කි‍්‍රයාකාරිකයකු අප සමග පැවසීය.

විපක්ෂයේ පිරිස් පොලිසිය රාජකාරිය නිසි ලෙස ඉටු නොකරන බවට කරන චෝදනාව සම්බන්ධයෙන් අප ඌව පළාත් භාර නියෝජ්‍ය පොලිස්පති රෝෂාන් ප‍්‍රනාන්දු මහතාගෙන් විමසීමක් කළෙමු. එහිදී ඒ මහතා පැවැසුවේ පොලිසියට වාර්තාවූ සෑම සිද්ධියක් සම්බන්ධයෙන්ම අවශ්‍ය රාජකාරි සිදුකර ඇති බවයි.
ඔය චෝදනාව මම ප‍්‍රතික්ෂේප කරනවා. අපිට ලැබිලා තියෙන හැම පැමිණිල්ලකටම අපි කි‍්‍රයාත්මක වෙලා තියෙනවා. එක්සත් ජාතික පක්ෂයේ දෙපිරිසක් අතර මේ මෑතක ඇති වෙච්චි සිද්ධිය සම්බන්ධයෙනුත් සැකකරුවන් 06ක් අපි අත්අඩංගුවට ගත්තා.” ඌව පළාත් නියෝජ්‍ය පොලිස්පතිවරයා පවසයි.
ඌව පළාත් සභා මැතිවරණයේ ඡුන්ද විමසීමට ඇත්තේ තවත් සති 02ක් වැනි කාලයකි. ආණ්ඩු පක්ෂයේ හා විපක්ෂයේ ජාතික මට්ටමේ දේශපාලකයන් ඌව පළාත තුළ පදිංචිවී මැතිවරණ ව්‍යාපාරය මෙහෙයවීම ආරම්භ කර තිබේ. මේ තත්්ත්වය මත ඌව පළාත තුළ මැතිවරණ ප‍්‍රචණ්ඩ කි‍්‍රයා ඉදිරි සති 02ක කාලය තුළ විශාල ලෙස වර්ධනය විය හැකි බව දේශපාලන විචාරකයන්ගේ අදහස වී ඇත. මොනරාගල දිස්ති‍්‍රක්කය තුළ බහුල වශයෙන් වාර්තාවූ ගැටුම් මේ වනවිට බදුල්ල දිස්ති‍්‍රක්කයෙන්ද වාර්තාවී තිබේ. බදුල්ල දිස්ති‍්‍රක්කය තුළ මෙම ගැටුම් වර්ධනයවීමට හේතුව පළාතේ ඇතැම් මැති ඇමැතිවරුන් තමන්ට හිතවත් අපේක්ෂකයන් දිනවීමට කි‍්‍රයා කිරීම බව මැතිවරණ නිරීක්ෂණ කණ්ඩායම්වල අදහස වී ඇත. ඉකුත් දිනක එක්සත් ජාතික පක්ෂයේ ඌව පළාත් මහ ඇමැති අපේක්ෂක හරින් ප‍්‍රනාන්දු හා එජාප හාලි ඇළ සංවිධායක ජයන්ත කන්නන්ගර මහතාගේ ආධාරකරුවන්ටද අංක තහඩු රහිත වාහනවලින් පැමිණි පිරිසක් පහරදී තිබේ. මෙම ප‍්‍රහාරයකින් තුවාල ලැබූ හාලිඇල මොහොමඞ් අජ්මාල් නමැත්තකු මේ වනවිට බදුල්ල මහ රෝහලේ නේවාසිකව ප‍්‍රතිකාර ලබන බව කැෆේ සංවිධානය පවසයි.

මේ අතර ජාතික නිදහස් පෙරමුණේ ඌව පළාත් සභා මන්තී‍්‍රවරයකුව සිට පසුව ශ්‍රී ලංකා නිදහස් පක්ෂයේ සාමාජිකත්වය ලබා මෙවර ඌව පළාත් සභා මැතිවරණය සඳහා නාමයෝජනා නොලැබීමෙන් පසු ස්වාධීන කණ්ඩායමක් යටතේ තරගවදින හිටපු පළාත් සභා මන්තී‍්‍ර වෙන්නප්පුලිගේ උදය කුමාර මහතාගේ බුත්තල, යුදගනාව, ලූනුගල කොළණිය ප‍්‍රදේශයේ පවත්වාගෙන ගිය කාර්යාලයකටද නාඳුනන පිරිසක් පසුගියදා ප‍්‍රහාරයක් එල්ල කර තිබුණි. එමෙන්ම එක්සත් ජාතික පක්ෂයේ බුත්තල ප‍්‍රදේශයේ අපේක්ෂකයකුවන විජේසිංහ හේරත් මුදියන්සේලාගේ ධර්මසේන මහතාගේ බුත්තලxකතරගම මාර්ගයේ පවත්වාගෙන ගිය කාර්යාලයකට ඩිෆෙන්ඩර් වර්ගයේ ජීප් රථයකින් පැමිණි පිරිසක් ප‍්‍රහාරයක් එල්ල කර එම පක්ෂ කාර්යාලය කඩා බිඳ දමා ඇත. නාඳුනන ඇතැම් මැර කණ්ඩායම් මගින් මෙසේ විපක්ෂයේ පිරිසට එළව එළවා පහර දෙද්දී එක්සත් ජාතික පක්ෂයේ හිටපු පළාත් සභා මන්තී‍්‍රවරුන් දෙපළක් වන ජානක තිස්සකුට්ටි ආරච්චි මහතාගේ සහ සම්පත් ජයසූරිය මහතාගේ ආධාරකරුවන් අතරද පසුගිය 04 වැනිදා ගැටුමක් ඇතිවිය. මෙම ගැටුමෙන් සම්පත් ජයසූරිය මහතාගේ වැඩිමහල් දරුවා තුවාල ලැබීය.

ආණ්ඩු පක්ෂය හා විපක්ෂය අතර ගැටුම් දිනෙන් දින උග‍්‍රවෙත්ම ඌව පළාතේ ඡුන්ද දායකයන් තුළ මෙම මැතිවරණය සාධාරණ හා සාමකාමි මැතිවරණයක් වේදැයි සැක සංකා මතුව ඇත. එහෙයින් ඌව පළාත තුළ නිදැල්ලේ සැරිසරමින් විපක්ෂයේ කි‍්‍රයාකාරකයින් දඩයම් කරති. නාඳුනන මැර කණ්ඩායම් පාලනය කර පළාතේ ඡුන්ද දායකයන්ට නිදහසේ තම ඡුන්ද අයිතිය ප‍්‍රකාශ කිරීමට අවශ්‍ය වටපිටාව සලසාදීම අදාළ බලධාරීන්ගේ යුතුකමක් හා වගකීමක් වන්නේය. එසේ නොවුණහොත් මෙවර ඌව පළාත් සභා මැතිවරණය වයඹට නොදෙවෙනි අන්ත ¥ෂිත මැතිවරණයක් විය හැකි බව දේශපාලන විචාරකයන්ගේ අදහස වී ඇත.

රංජිත් කීර්ති තෙන්නකෝන් මහතා විධායක අධ්‍යක්ෂ කැෆේ සංවිධානය
”ඌව පළාත තුළ මැතිවරණ ප‍්‍රචණ්ඩ කි‍්‍රයා වැඩිවීමට ප‍්‍රධාන හේතුව අංක තහඩු රහිත වාහනවලින් නාඳුනන කණ්ඩායම් පැමිණ කරන පහරදීම් පාලනයට කටයුතු නොකිරීමයි. මීට පොලිසිය වගකිවයුතුයි. පොලිසියට මෙම මැර කණ්ඩායම් පාලනයට  ඕනෑහැටියට පහසුකම් තියෙනවා. ඔවුන්ට අලූතින් 600 සී. සී. වර්ගයේ යතුරු පැදි ලැබුණා. අලූත් ජීප් රථ තියෙනවා. නමුත් ඒ තියෙද්දිත් පළාතේ විපක්ෂ කාර්යාලවලට ප‍්‍රහාර එල්ල කළ විපක්ෂයේ කි‍්‍රයාකාරීන් බිය කළ කිසිම පුද්ගලයකු අත් අඩංගුවට ගන්න පොලිසියට නොහැකි වෙල තියෙනවා. අංක තහඩු රහිත වාහනවලින් යන, මේ නාඳුනන කණ්ඩායම් පැය හය, හත පළාතේ විශේෂයෙන් මොනරාගල දිස්ති‍්‍රක්කය තුළ සැරසරමින් විපක්ෂයේ කි‍්‍රයාකාරකයින් දඩයම් කරනවා. කෝ පොලිසිය මේ එක්කෙනෙක්වත් අත්අඩංගුවට ගත්තද? අනික මෙවැනි ප‍්‍රහාරයක් එල්ලවෙලා පොලිසියට පැමිණිලි කරලා පැය කීපයකට පස්සෙයි පොලිසිය ඒ සිද්ධිය වෙච්ච තැනට යන්නේ. ඒ අනුව ඔවුන්ට මේ ප‍්‍රචණ්ඩ කි‍්‍රයා පාලනයට අවශ්‍යතාවක් තියෙන බවත් පෙනෙන්න නැහැ. මේ හැම ප‍්‍රචණ්ඩ කි‍්‍රයාවක්ම කරන්නේ මොනරාගල හෝ බදුල්ලේ පිරිස් නෙමෙයි. මේ ප‍්‍රචණ්ඩ කි‍්‍රයාසිදුකරන පිරිස් දකුණෙන් පැමිණි පිරිස් බවට අපට තොරතුරු අනාවරණය වෙලා තියෙනවා.