(මෙහි පළමු කොටස පාසලේ පිට්ටනිය බස් පොළකට ලෙසත් දෙවැනි කොටස ඉඩම අයිති කුණ්ඩසාලෙටද? පාතදුම්බරටද? ලෙසත් මීට පෙර පළවිය )
(තරිඳූ ජයවර්ධන සහ බිඟුන් මේනක ගමගේ)
පාසල් පිට්ටනිය කුණ්ඩසාලේ ප්රාදේශීය සභාවට පවරා ගැනීමට කුණ්ඩසාලේ ප්රාදේශීය ලේකම් අත්සන් තැබූව ද මෙම ඉඩම සැබෑ ලෙසම අයිති කුණ්ඩසාලේ ප්රාදේශීය ලේකම් කාර්යාලයයටද යන්න ප්රශ්න සහගත බව මීට පෙර වාර්තා කළේය.
මේම ගැටලූව නිරාකරණය කර ගැනීමට මේ වන තෙක් නිසි විමර්ශනයක් පවත්වා නැත.
මුඩු ඉඩමක්ද?
ප්රශ්නය මෙසේ තිබිය දී මෙම බස්නැවතුම්පොළ ආරම්භ කිරීමේ මූලික පියවර ගැනුණේ පසුගිය මාසයේය. ඒ මධ්යම පළාත් ආණ්ඩුකාරවරියගේ ප්රධානත්වයෙනි. ඒ පාසල් ප්රජාවගේ විරෝධතාවය මධ්යයේය. මෙය මුඩු ඉඩමක් බවත්, එනිසා පවරා ගැනීම සාධාරණ බවත් පිරිසක් කීහ.
මෙය වසර ගණනාවක් තිස්සේ ප්රයෝජනයට ගත් ක්රීඩා පිටියකි. දැන් බස් නවත්වා ඇත්තේ ක්රීඩා පිටියේ වොලිබෝල් සෙල්ලම් කරන ප්රදේශයේය. මෙම ක්රීඩා පිටිය කෙතරම් වැදගත්ද කියතොත් අවට පාසල්වල සිසුන් පවා ක්රීඩා පුහුණුවට සහ ක්රීඩා තරඟවලට මෙම පිට්ටනියට එති. 2016 වත්තේගම කලාප අධ්යාපන තරඟවලියේ එල්ලේ, ක්රිකට්, පාපන්දු ආදී තරඟ පැවැත්වූයේ තෙන්නකෝන් විමලානන්ද මහා විද්යාලයයේ මේ කියන ක්රීඩා පිටියේය. වත්තේගම අධ්යාපන කලාපයේ 2015 කණ්ඩායම් ක්රීඩා තරඟයේ පාපන්දු තරඟ මෙන්ම එල්ලේ තරඟද පැවැතියේ මේ කියන ක්රීඩා පිටියේය. මේ උදාහරණ වසර දෙකක පමණි. මෙවැනි උදාහරණ ඕනෑ තරම් ඇත. විශේෂයෙන්ම මෙම ක්රීඩා පිටියේ එක් කොටසක ස්වභාවික ධාවන පතයක් ඇති අතර සෑම සිකුරාදාවකම සියලූම සිසුන් එහි දිවීමට එක් වෙති. මෙම ක්රීඩා පිටිය මුඩු ඉඩමක් බවට පතුරන ආරංචිවල කිසිදු සත්යතාවක් නැති බව පාසල් සංවර්ධන සමිතිය උදාහරණ සහිතව පෙන්වා දෙයි.
බස් නැවතුම්පොළක් අවශ්ය නම් එය සෑදීමට වෙනත් ඉඩමක් වෙන් කර ගත හැකිය. පාසලක ක්රීඩා පිටියක කොටසක් බස් නැවතුමකට ගැනීම ‘පාසල් ගිය’ කිසිවකු අනුමත නොකරන බව නොඅනුමානය. මේ ගැන ජනපතිගේ අවධානය යොමු වන තුරු මෙම විද්යාලයේ සිසුහු සහ දෙමාපියෝ බලා සිටිති.
‘අවුරුදු ගණනක් පැරණි ක්රීඩා පිටියේ දැන් බස් නවත්වනවා’යයි හිටපු ගුරුවරයකු වන අසංක කුලතුංග මහතා කියයි.
‘ආණ්ඩුකාරවරිය විදුහල්පතිට අවවාද කළා’යයි කුණ්ඩසාලේ ප්රාදේශීය සභාවේ හිටපු සභාපති අසේල ඒකනායක මහතා කියයි.
“ආණ්ඩුකාරවරියගේ ක්රියාකලාපය ගැන ජනපතිට ලිව්වා“යයි ලංකා ගුරු සංගමයේ ලේකම් ජෝසප් ස්ටාලින් මහතා කියයි
“අපි වැඩ කළේ නීත්යනුකූල රාමුව තුළයි“යයි මධ්යම පළාත් ආණ්ඩුකාර නිලූකා ඒකනායක මහත්මිය කියයි
ඉරානය ඊශ්රායලයට පහර දුන්නේය. ලොව විශාලතම ෂියා මුස්ලිම් රාජ්යය වන ඉරානයත්, ලොව එකම යුදෙව් රාජ්යය වන ඊශ්රායලයත් පිහිටා ඇත්තේ කිලෝ මීටර් 1,700 ක පමණ දුරක
ජන්දදායකයා මැතිවරණ ක්රියාවලියට සම්බන්ධ වීම ප්රජාතන්ත්රවාදයේ ඉතාමත්ම උසස් ගුණාංගයකි. එය නියෝජන ප්රජාතන්ත්රවාදය ක්රියාත්මක වීමට අත්යවශ්ය ක
ප්රවීණ කවියකු, තීරු ලිපි රචකයකු, නවකතාකරුවකු, කෙටිකතාකරුවකු, මෙන්ම ප්රකට විචාරකයකුද වන බුද්ධදාස ගලප්පත්ති මහතාගේ නවතම කෘති දෙකක් වන සමුදුර අසා සිටී
ජනාධිපති තරගයෙන් රනිල් වික්රමසිංහ මහතා පරාජයට පත්විය. 2022 රට මුහුණදුන් ආර්ථික අර්බුදය අවස්ථාවේදී රට භාර ගැනීමට කිසිවකු නොසිටිය ද ඔහු එම අභියෝගය භාරගෙ
ශ්රී ලංකාව මෙවර ළමා දිනය සමරන්නේ, රට තීරණාත්මක සන්ධිස්ථානයකට එළඹ සිටියදීයි. 9 වැනි විධායක ජනාධිපතිවරයා පත්කර ගත් ජනාධිපතිවරණය සහ පාර් ලිමේන්තුව තෝරා
2024 ජනාධිපතිවරණය සැමගේම අවධානයට ලක්වීමට හේතු ගණනාවක් තිබුණි. රට බංකොලොත් වීමෙන් පසු පැවැත්වූ ප්රථම ජනාධිපතිවරණය වීම ඉන් එක් හේතුවකි. නව ජනාධිපතිවරයක
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
ක්රීඩා පිටිය රැකගන්න ගිය විදුහල්පතිට ආණ්ඩුකාරවරියගෙන් අවවාද
sam Friday, 14 July 2017 07:39 AM
ලංකාවේ "නීතිය" කියන එක අර්ථ දැක්වෙන්නේ තමන් දරන තනතුර අනුවයි. මෙතන ප්රශ්නය විදුහල්පති හා ආණ්ඩුකාරවරිය අතර නිසා "නීතිය" ආණ්ඩුකාරවරියගේ පැත්තේ වන අතර අවනීතිය ඇයට සාපේක්ෂව පහළ තනතුරක් දරන විදුහල්පතිතුමාට නිතරඟයෙන් හිමි වෙනවා.
kumari Friday, 14 July 2017 09:51 AM
මේ ආණ්ඩුකාරතුමිය සහ අධ්යාපන දෙපාර්තමේන්තුව ඇතුළු සියලුම රාජ්ය නිලධාරීන් කටයුතු නොකිරීම ගැන කණගාටුවට කරුණකි. පිනට ඉගෙනගෙන පස්සේ මුල අමතක වීම සාමාන්ය දෙයක්... දරුවන්ගේ අයිතිය කොල්ලකෑමක්... ඡන්දෙ දීපු අපිටත් මේ අයගේ කෙරුවාවල් බලලා හොඳටම ඇතිවෙලා. ජනාධිපතිතුමාගේ දැන්වත් ඇස්, කන් අැරුණොත් අඩුගානේ අපේ ඡන්දෙටවත් අඩුගානේ අපේ ඡන්දෙටවත් අගයක් එකතුවුණා කියලා හිත හදාගන්න පුළුවන්.
banda Saturday, 15 July 2017 02:00 PM
මේ ඉඩම අයිති කුණ්ඩසාලෙටද, පාතදුම්බරටද කියලා කියන්න අමාරු ඇති.. අනේ මොකද එතුමා ආණ්ඩුකාරතුමාද? තුමියද? කියන එකත් හරියට කියන්න අමාරු නිසා...
kamal Saturday, 15 July 2017 04:14 PM
මුළු කුණ්ඩසාලේටම බස් නවත්තන්නයි තියෙන්නේ... පාසැලේ ළමුන්ට ක්රීඩා කරන්නට තිබෙන මෙම ඉඩම පමණක්මද කියායි. දේශපාලකයන් බොහෝදෙනෙක් නූගත් අය බැවින් (එවැනි අයට අපහාස කරනවා නොවේ) ඒ අයට දරුවන්ගේ අනාගතයට ක්රීඩා පිටියක ඇති ආයෝජනය නොපෙණුනත් ආණ්ඩුකාරවරියට මෙතන තිබෙන්නාවූ මානුෂීය ප්රශ්නය ගැන සිතා බලා කටයුතු කල යුතුව තිබුණා..
Dileepa Sunday, 16 July 2017 03:23 AM
බණ්ඩා... මෙතෙන්ට අනවශය දේවල් ගාවගන්න එපා. ඉඩමේ ප්රශ්නෙට තුමාද තුමියද කියන එකේ මොකද්ද අදාලත්වය?
sarath Sunday, 16 July 2017 08:46 AM
ඉඩම අයත්වන්නේ කුමන ප්රාදේශීය සභාවටද කියා විමසිය යුත්තේ මිනින්දෝරු දෙපාර්තමේන්තුවෙන් නේද?