ශ්රී ලංකාවේ ආර්ථිකය සම්බන්ධයෙන් සුබදායි පණිවුඩ දෙකක් ජනාධිපති රනිල් වික්රමසිංහ මහතාට සති අන්තයේ දී දැනගන්නට ලැබී තිබූ බව මාධ්ය ඔස්සේ අනාවරණය විය. ඉන්දියාවේ විදේශ කටයුතු ඇමැති සුබ්රමනියම් ජයිශංකර් මහතා ඇතුළු දූත පිරිස ශ්රී ලංකාවේ සිදුකළ දෙදින සංචාරයේ දී ණය ප්රතිව්යුහගත කිරීම සම්බන්ධයෙන් ශ්රී ලංකාව කර තිබූ ඉල්ලීමට සුබදායි ප්රතිචාර දක්වමින් ඉන්දීය ආණ්ඩුව ඒ සඳහා කැමැත්ත පළකළ බව දන්වා ඇතැයි සඳහන්ය.
පසුගිය 16 වැනිදා සඳුදා දිනයේ දී ඉන්දියාව ජාත්යන්තර මූල්ය අරමුදලට නිල වශයෙන් දන්වා තිබුණේ ශ්රී ලංකාවට දිගටම ආර්ථික සහාය ලබාදීමට කැමැත්ත පළකරන බවය. එය ජනාධිපති රනිල් වික්රමසිංහ මහතාගේ විශිෂ්ට රාජ්යතාන්ත්රික නිපුණත්වය හේතුවෙන් රට ලබාගත් ජයග්රහණයකි.
ඉන්දියාව විසින් මූල්ය අරමුදලේ කළමනාකාර අධ්යක්ෂ ක්රිස්ටලිනා ජෝර්ජිවා වෙත අදාළ කාරණය දැනුම් දෙමින් යවා තිබූ ලිපිය ඉන්දීය විදේශ අමාත්යවරයාගේ ශ්රී ලංකා සංචාරයට පෙර මාධ්යයට නිකුත් කර තිබිණි.
ඉන්දියාවේ එම කැමැත්ත ලැබීම ශ්රී ලංකාව මහත් බලාපොරොත්තු රඳවාගෙන සිටින මූල්ය අරමුදලේ ඩොලර් බිලියන 2.9ක ණය මුදල ලබා ගැනීම පිළිබඳ අපේක්ෂාව විශාල ලෙස ඉහළ නැංවීමකි. ශ්රී ලංකාවට ණය ආධාර ලබාදුන් තවත් රටක් වන චීනය ද ඉදිරි දෙවසරක කාලයක් සඳහා ශ්රී ලංකාවේ ණය ප්රතිව්යුහගත කිරීමට කැමැත්ත පළකරන බවට මූල්ය අරමුදලට සෘජුවම පසුගිය දා දන්වා තිබිණි. එය ද ශ්රී ලංකාවේ මූල්ය අරමුදලේ ණය ආධාර ලබා ගැනීම තවදුරටත් තහවුරු කිරීමක් බව ද සඳහන් කළ යුතුය. ඒ අනුව චීනයෙන් ලබාගෙන ඇති ණය ආපසු ගෙවීමට ශ්රී ලංකාවට වසර දෙකක සහන කාලයක් ලැබෙනු ඇත.
කෙසේ වුවද ණය ලබාගැනීමට දොරක් විවෘත වූ පමණින් ඒ සම්බන්ධයෙන් උදම් ඇනීම සුදුසු නැත. ලබාගන්නා ණය කොහෙන් ගත්තත් ගෙවිය යුතුය. මූල්ය අරමුදලින් ලබාගන්නා ණය ආධාරයේ එක් පැහැදිලි වෙනසක් වන්නේ ඒ සඳහා ගෙවිය යුතු වන පොලිය අඩු අගයක් ගැනීමය. එසේම ලොවේ අඩු පොලියට එක් එක් රටවලට ණය ආධාර සපයන ලෝක බැංකුව, ආසියානු සංවර්ධන බැංකුව වැනි ආයතනවලින් ණය පහසුකම් ලබා ගැනීමට ද මුල්ය අරමුදලේ සහතිකය වැදගත් වෙයි. ශ්රී ලංකාවට මහත් ගැටලුවක්ව පවතින විදෙස් සංචිතයේ ඩොලර් නියඟයට ද එය වැහි පොදක් වන බවත් පෙන්වා දිය යුතුය.
ලබාගන්නා ණය ගෙවීමට නොහැකි බව ප්රකාශයට පත් කිරීම හේතුවෙන් ශ්රී ලංකාව ආර්ථික වශයෙන් බංකොලොත් රාජ්යයක් බවට විදෙස් ණය ශ්රේණිගත කිරීමේ ආයතනය මගින් හඳුන්වා දෙනු ලැබීය. එය රටට මහත් අවාසියක් වූ බවත් එම අවාසියේ ප්රතිඵල රටේ සියලු මූල්ය කටයුතු බලාපොරොත්තු කඩවන තත්ත්වයට තල්ලු කර දමා ඇති බවත් යථාර්ථයයි. මේ යථාර්ථය හඳුනාගෙන රටේ ආර්ථිකය ඉදිරියට මෙහෙයවීම ජනාධිපති ඇතුළු රජයේත් මහ බැංකු අධිපති ඇතුළු සියලු ජ්යෙෂ්ඨ රාජ්ය නිලධාරීන්ගේත් වගකීම වෙයි.
ඉන්දියාව සහ චීනය ශ්රී ලංකාවට ලබාදුන් ණය ප්රතිව්යුහගත කිරීමට එකඟ වීමේ සතුට සැබෑ ලෙස භුක්ති විඳිය හැක්කේ ඒ ගැන උදම් ඇනීමෙන් නොව ඒ හරහා ලබා දී ඇති කාලසීමාව ලංකාවට වාසිදායක තත්ත්වයට හරවා ගැනීමෙන් සහ ඒ සඳහා සැලසුම් සහගතව ක්රියාකර ලබාගන්නා ප්රතිඵලයෙන් පමණි. මේ කාලසීමාව ඉදිරි මාස 12 සිට 18 දක්වා පමණ දීර්ඝ වනු ඇති බවද සඳහන්ය. ඉන්දියාවේත් චිනයේත් කැමැත්ත පළවීම හේතුවෙන් මූල්ය අරමුදලේ යෝජිත ණය ආධාර පහසුකමේ ප්රථම කොටස ඉදිරි සති කිහිපය තුළ දී ලබා ගැනීමට හැකිවනු ඇතැයිද අපේක්ෂිතය.
ඉන්දියාව, චීනය හෝ අපේ රටට හිතවත් වෙනත් රටවල් හෝ හැමදාමත් ආධාර දීමට ඉදිරිපත් වන්නේ නැති බව සියලු දේශපාලන පක්ෂ නායකයන් තරයේ සිතට ගත යුතුය. රූපවාහිනී නාළිකාවල, ජනහමු වේදිකාවල ගිරිය පුප්පාගෙන උගුර ලේ රහවනතුරු කෑගැසුවත් රටක ආර්ථික දියුණුව රැඳී තිබෙන්නේ ඒ ඒ රටට ගැළපෙන සේ බුද්ධිමත්ව ලොවේ ප්රවණතා හඳුනා ගැනීමෙන් බිහිකර ගන්නා ජාතික ආර්ථික ප්රතිපත්ති මත පමණි.
ඡන්දයෙන් ඡන්දෙට වෙනස් වන ආර්ථික ප්රතිපත්තිවල ප්රතිඵලයක් හැටියට අද දුක් විඳින්නේ මේ රටේ පොදු මහජනතාව මිස රට කරවූ පාලකයන් නොවන බවත් පෙන්වා දීම අවශ්යය. ආර්ථික ආගාධයෙන් ගොඩ ඒමට ඉන්දියාවත් චීනයත් විසිකළ අත්වැල ශක්තිමත්ව අල්ලා ගැනීමට ශ්රී ලංකාවට හැකි විය යුතුය. එම අත්වැලත් දේශපාලනීකරණය කිරීමෙන් වළකින්නැයි සියලු දේශපාලන නායකයන්ට දැනුම් දෙනු කැමැත්තෙමු.
(***)
පසුගිය ජනාධිපතිවරණ සමයේදී ඉදිරිපත් වූ ඉතාමත් ප්රබල තර්කය වූයේ 2019 ජනාධිපතිවරණයේ දී සියට 3.16ක ඡන්ද සංඛ්යාවක් ලැබූ ජාතික ජනබලවේගයේ නායක අනුර කුමාර දිස
අගනුවර පුරෝගාමී කතෝලික පාඨශාලාවක් වන කොළඹ 13, ශාන්ත බෙනදික්ත විද්යාලයේ ‘වාර්ෂික සිංහල සාහිත්ය කලා උළෙල අද (27) පස්වරු 2.30 ට විද්යාලයීය රංග ශාලාවේදී පැවැ
මෙවර කිවිදා දැක්ම ලියන්නේ ජනාධිපතිවරණය නිමාවට පත් වී තිබෙන මොහොතකය. අනුර කුමාර දිසානායක මහතා රටේ ජනාධිපති ධුරයට පත්වීම හරහා ජාතික ජනබලවේගයේ ප්රතිපත
හාරඹ වලව්ව බලපිටියේ පිහිටි වලව් අතරින් පැරැණිතම වලව්වකි. සිංහල, පාළි, සංස්කෘත, ඉංග්රීසී හා ලතින් භාෂා මැනැවින් දැන සිටි ලුවී ද සොයිසා විජයසේකර ජයතිල
මෙවර ජනාධිපතිවරණය මෙරට මැතිවරණ ඉතිහාසයෙහි පැවැති ඉතාම සාමකාමී මැතිවරණයකි. ඒ නිසාම එම සාමකාමී පරිසරය ජාත්යන්තර මැතිවරණ නිරීක්ෂකයන්ගේ ප්රසාදයට ලක්
විචිත්ර ධර්ම දේශකයාණන් වහන්සේ නමක වන තලල්ලේ චන්දකිත්ති හිමියන්ගේ පැවිදි දිවියට අදට (25) වසර 36ක් සම්පූර්ණ වේ. මේ ලිපිය ඒ නිමිත්තෙනි.
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
චීනයේ හා ඉන්දියාවේ සහාය ශ්රී ලංකා වාසී සැමට සතුටක්