මහවැසි හේතුවෙන් ජලාශ පිරී ඉතිරී ගොස් ජල විදුලිය නිපැයුම ශීඝ්රයෙන් ඉහළ යමින් තිබුණත් විදුලිය බිල අඩුවීම තවදුරටත් කල්යාම මෙරට විදුලිය පාරිභෝගිකයන්ගේ දැඩි කනස්සල්ලට හේතුවී තිබේ. වඩාත්ම ඉවසිය නොහැක්කේ විදුලි බිල අඩුකෙරෙන බවට සති ගණනාවක් තිස්සේ කියන කතා ක්රියාවට නැංවීමට කිසිදු නිලධාරියකු උනන්දුවක් නොදැක්වීමය. උද්ධමනය බින්දුවට බැස්ස බවට වැනි කතාවලට තටු ලැබී තිබේ. එහෙත් විදුලි බිල අතට ලැබුණු පසු විදුලි පාරිභෝගිකයාගේ ඉහ මොළ රත්වීම වැළැක්වීමට නම් එවැනි පුරසාරම් කතාවලට හැකියාවක් නැත.
පසුගිය වසරේ අග භාගය වන විට විදුලිය ගාස්තුව සෑහෙන ප්රතිශතයකින් අඩු කරන බව විදුලි බල අමාත්යවරයා ප්රකාශ කළේය. එම කතාවට පදනම වැටුෙණත් එම කාලය වනවිට එක දිගට ලැබුණු වර්ෂාව හේතුවෙන් විදුලිය නිපැයුම ඉහළ මට්ටමකට පැමිණ තිබීමයි. ඒ අනුව කිසියම් ප්රතිශතයකින් මිල අඩු වුවද එය පාරිභෝගිකයාගේ ඇඟට දැනුණේවත් නැත. ගාස්තු වැඩි කිරීම දැරිය නොහැකි මට්ටමකින් සිදුකර තිබීම එයට හේතුව විය. මෙහි බලපෑම් කොතරම් බරපතළදැයි කිවහොත් ඉතිහාසයේ කෙටි කාලයක් තුළ විදුලි පාරිභෝගිකයන්ගෙන් වැඩිම පිරිසකගේ නිවෙස්වලට විදුලිබලය අහිමි වූයේ මේ කාලයේය. විදුලිය අත්හිටවූ නිවෙස් ලක්ෂ ගණනක් දක්වා ඉහළ නැංගේය. එය රටේ ජනතාවගේ ජීවන තත්වය බින්දුවට බැස්සවීමක් විය. විදුලිය බිල අඩු වැඩි කිරීම සම්බන්ධයෙන් පාරිභෝගිකයන්ට වග කියන ආයතනය වන මහජන උපයෝගීතා කොමිසමේ සභාපති මහාචාර්ය මංජුල ප්රනාන්දු ප්රකාශ කර තිබුණේ විදුලිය ගාස්තු අඩු කිරීම පිළිබඳ යෝජනාව ඉදිරි සති දෙක තුළදී ලබා දුනහොත් ජුලි මාසයේ මැද සිට ගාස්තු සංශෝධන ක්රියාත්මක කළ හැකිවනු ඇති බවය. මැයි මාසයේ එම යෝජනා ලබාදීමට නියමිතව තිබුණත් පසුගිය 27 වැනිදා සිට තව සති දෙකක කාලයක් විදුලි බල මණ්ඩලය ඉල්ලූ බවත් එම යෝජනා ලැබීමෙන් පසුව මහජන අදහස් විමසා ගාස්තු සංශෝධනය ක්රියාත්මක කළ හැකි බවත් සභාපතිවරයාගේ ප්රකාශයේ සඳහන් විය.
මේ කාරණය සම්බන්ධයෙන් කල් මැරීමේ ප්රතිපත්තියක් බලධාරීන් විසින් අනුගමනය කරනු ලබන බවට අදහසක් ඒ අනුව පාරිභෝගික ජනතාව තුළ ඇතිවෙයි. ගාස්තු සංශෝධනය එක තැන පල්වෙමින් තිබීමට තවත් හේතුවක් වශයෙන් සඳහන් වන්නේ නිල වාර්ෂික ගාස්තු සංශෝධනය ජුලි මස 1 වැනිදාට යෙදී තිබීම බවද කියැවෙයි. එහෙත් ගාස්තු වැඩිකිරීමේදී මෙම නිල වාර්ෂික කතාවක් නොතිබිණි. ඔළුවට පොල්ලෙන් ගැසුවා සේ විදුලි ගාස්තුව මාස කීපයක් තුළ සියයට 300කින් පමණ ඉහළ දමන විට නිල වාර්ෂික සංශෝධන කතා වාෂ්ප වී ගියේය.
විදුලි බල මණ්ඩලය මහජන උපයෝගීතා කොමිසමේ සිහි කැඳවීම් දෙකකටම කිසිදු ප්රතිචාරයක් නොදැක් වූ බව ද සඳහන්ය. මණ්ඩලය නිහඬව සිටීනම් එහි වගකීම බාරගත යුත්තේ විදුලි බල අමාත්යවරයාය. විදුලි ගාස්තු සම්බන්ධයෙන් මණ්ඩලයට තනි තීරණයක් ගත නොහැකි බැවිනි. එය රජයේ ප්රතිපත්ති පිළිබඳව ගැටලුවකි. එහෙත් මහජන උපයෝගිතා කොමිසම පාරිභෝගික ජනතාවට වගකිව යුතුය. මණ්ඩලයත් කොමිසමත් අතරේ සිදුවන මේ කඹ ඇදිල්ලේ මැදටම පාරිභෝගිකයෝ හසුවී සිටිති. ඔහු ගලවා ගත හැක්කේ රජයේ මැදිහත්වීමකින් පමණි. එහෙත් අමාත්යවරයාත් රජයේ බලධාරිනුත් මුනිවත රැකීමෙන් පෙනෙන්නේ පාරිභෝගිකයා තවදුරටත් අසරණ වන බවය.
ලොවේ වැඩිම විදුලි ගාස්තුවක් ගෙවන පාරිභෝගිකයන්ගේ තත්වයට ශ්රී ලංකාව ඇද වැටුණේ ආර්ථික අර්බුදයේ ඍජු ප්රතිඵලයක් වශයෙනි. එම අර්බුදයෙන් රටේ ආර්ථිකය ගොඩ එමින් සිටින බව දවස ගාණේ රජයේ ප්රකාශවලින් කියැවේ. එසේම අධික ගාස්තු අය කිරීමේ ප්රතිපත්තියක් වශයෙන් විදුලිබල මණ්ඩලය ද 2023 සහ 2024 වර්ෂවල දී අධික ලෙස ලාබ ලබාගෙන සිටින බව ද සඳහන්ය. සැබෑ තත්වය එසේනම් තවදුරටත් විදුලි පාරිභෝකයා මේ දුක විඳිය යුතුද?
(***)
අගනුවර පුරෝගාමී කතෝලික පාඨශාලාවක් වන කොළඹ 13, ශාන්ත බෙනදික්ත විද්යාලයේ ‘වාර්ෂික සිංහල සාහිත්ය කලා උළෙල අද (27) පස්වරු 2.30 ට විද්යාලයීය රංග ශාලාවේදී පැවැ
මෙවර කිවිදා දැක්ම ලියන්නේ ජනාධිපතිවරණය නිමාවට පත් වී තිබෙන මොහොතකය. අනුර කුමාර දිසානායක මහතා රටේ ජනාධිපති ධුරයට පත්වීම හරහා ජාතික ජනබලවේගයේ ප්රතිපත
හාරඹ වලව්ව බලපිටියේ පිහිටි වලව් අතරින් පැරැණිතම වලව්වකි. සිංහල, පාළි, සංස්කෘත, ඉංග්රීසී හා ලතින් භාෂා මැනැවින් දැන සිටි ලුවී ද සොයිසා විජයසේකර ජයතිල
මෙවර ජනාධිපතිවරණය මෙරට මැතිවරණ ඉතිහාසයෙහි පැවැති ඉතාම සාමකාමී මැතිවරණයකි. ඒ නිසාම එම සාමකාමී පරිසරය ජාත්යන්තර මැතිවරණ නිරීක්ෂකයන්ගේ ප්රසාදයට ලක්
විචිත්ර ධර්ම දේශකයාණන් වහන්සේ නමක වන තලල්ලේ චන්දකිත්ති හිමියන්ගේ පැවිදි දිවියට අදට (25) වසර 36ක් සම්පූර්ණ වේ. මේ ලිපිය ඒ නිමිත්තෙනි.
ජගත් නර්තන කලාව හා සමසුන් ගත හැකි විශිෂ්ට නර්තන කලාවක් බිහිකළ අසහාය බැලරිනාව - වජිරා චිත්රසේන අද (25) ජාතියෙන් සමුගෙන යන්නීය. ඇය පුරා වසර හැටකට අධික කාලය
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
ලාබ ලබද්දීත් විදුලිය ගාස්තු අඩු කරන්න බැරි ඇයි?
AB Monday, 03 June 2024 08:44 AM
විදුලිබිල වැඩිනම් විදුලිය, ජලය සඳහා පාරිභෝගිකයින් අය කිරීම පාරිභෝගිකයින් භාවිතා කරන සම්පත් මත පදනම්ව ගාස්තු අය කරන ක්රමවේදය වෙනත් ආකෘතියකින් Pay as you use or "go" ක්රමය හඳුන්වා දීමට හැකියි. එවිට පාරිභෝගිකයින් ගෙවීම සිදුකරනු ලබන්නේ ඔවුන් විසින් භාවිතා කරන ප්රමාණයන් අනුව වේ. එසේ සිදුවීම තුළ පාරිභෝගිකයින් පවා ඔවුන්ගේ ජල සහ විදුලි භාවිතය පාලනය ඔවුන් විසින්ම සිදුකර ගනු ඇත. සමස්ත මිල අඩුකිරීම නැවත සිදුවිය යුතුද නැත. කඩාවැටුණු ආර්ථිකය හමුවේ සියල්ල සිදුවන්නේ රටේ පුරවැසියන්ගේ අවශ්ය තත්වයන් ඉටුකිරීමට නම් රජයට සහයෝගය ලබාදීම පුරවැසියන්ගේ යුතුකමකි. ජනමාධ්ය වුවද සෑම අවස්ථාවකම රජය පමණක් විවෙච්නය කිරීම වෙනුවට දෙපාර්ශවයම ප්රයෝජනවත් අදහස් ඉදිරිපත් කිරීම වැදගත් වනු ඇත...
RasikaMonday, 03 June 2024 06:19 PM
ඉහත ඔල මොට්ටල කොමෙන්ටුව පලකර ඇත්තේ සිහි නුවණින් සිටින මිනිසෙකු නොවේ. ඇමැතිවරුන්ගේ විදුලි බිල ජනතාව විසින් දරන තාක් මෙවන් ඇමැති ඇම්බැට්ටයින්ගේ කොමන්ට්නිතර දක්නට ලැබෙනු ඇත. රජය හොඳ ක්රියාමාර්ග ගන්නා විට ඒ ගැන ජනයාට ගැටළුවක් නැත. නමුත් ඇමැති ඇම්බැට්ටයින් මුදල් වලට රජයට සහයෝගය දෙනවිට මෙවන් රජයක් පැරැදවීම ජනතාවගේ ඒකායන අරමුණ විය යුතුයි.
de silva Thursday, 06 June 2024 12:50 PM
විදුලිබලය අඩුකරන්න නම් ජලාශ පිරිලා ඉතුරුණාට වැඩක් නැහැ ඡන්දයක් එන්න ඕනේ , ඡන්දෙට සතියකට විතර කලින් විදුලිය 50% විතර අඩු කරවී පැට්රොල් 180ට දෙවි ,