IMG-LOGO

2024 නොවැම්බර් මස 24 වන ඉරිදා


ළමා දිනය - වැඩිහිටි දිනය දින දර්ශනයට සීමා නොකරමු

ජාත්‍යන්තර ළමා දිනය හා ජාත්‍යන්තර වැඩිහිටි දිනය අදට යෙදී තිබේ. සමාජයේ පොදු ආදරයත් රැකවරණයත් විශේෂයෙන්ම හිමි විය යුතු දෙපිරිසක් ලෙස ළමයා සහ වැඩිහිටියා හැඳින්විය හැකිය. ඒ වෙනුවෙන් මිනිස් සමාජයේ පොදු අවධානය යොමු කිරීම සඳහා වෙන් වූ ඔක්තෝබර් 1 වැනි දිනය එම දිනයේ අරුත වඩාත් ඉහළින් ඔප් නැංවීමට සමත් වූ දිනයක් බවට පරිවර්තනය කර ගැනීමේ වැදගත්කම අප ඉදිරිපිට තිබේ.

දුරාතීතයේ ජාත්‍යන්තර ළමා දින හෝ ජාත්‍යන්තර වැඩිහිටි දින නොවීය. ආසියාතික ගුණගරුක භාවයේ ශික්‍ෂණය සහිත ශ්‍රී ලාංකේය සමාජය තුළ දරුවාට හැමදාමත් ආදරය ලැබුණේය. රැකවරණය ලැබුණේය. ‘‘පුත්තා වස්තු මනුස්සානං’’ හෙවත් ‘‘දරුවන් යනු මිනිසුන් සතු වස්තුවකි’’ යැයි ඇදහූ සමාජය තුළ දරුවා වෙනුවෙන් විශේෂිත දිනයක් වෙන් කිරීමේ අවශ්‍යතාවක් නොවීය.

‘‘කතඤ්ඤ කතවේදී පුග්ගලෝ දුල්ලභෝ ලෝකස්මිං’’ යනුවෙන් බුදු වදනෙහි සඳහන්ය. එයින් කියවෙන්නේ කෙළෙහිගුණ දන්නා, කෙළෙහිගුණ සලකන මිනිසුන් ඉතා දුර්ලභ බවය. එහෙත් සම්බුදු සිරිපා පහසින් පූජනීයත්වයට පත් බිමෙහි ‘‘පන් දහසක් කල් සස්න රක්නා රට’’ යැයි පින්සිරිබර බුදු මුව කමලින් නියත විවරණ ලද බිමෙහි ජීවත් වූ මිනිසා කෙළෙහි ගුණ ඇතුළු සියලු උත්තර සාර ධර්මවලින් සුපික්‍ෂිත ජීවිතයක් ගත කළේය.

කරුණු කාරණා එපරිදි වුවද නූතන පරිභෝජනවාදී සංකීර්ණ සමාජ පරිසරය තුළ සියලු උත්තර මානව ධර්ම සැළුම් වෙවුළුම් කා ගොස් තිබේ. මිනිස් ජීවිතයක අගය පිච්චියට ගොස් තිබේ. සාම්ප්‍රදායික සංස්කෘතික සමාජය පිටතින් හැමූ ව්‍යාජ සංස්කෘතික සැඩ සුළං ප්‍රහාරයකට ගොදුරු වී තිබේ. රුපියල් ශතවලින් දෑස් ගිනිකණ වැටුණු මිනිසාට දරුවා නොපෙනී ගියේය. වැඩිහිටියා අමතක වී ගියේය.

අප දවස් ගෙවා දමමින් සිටින්නේ එබඳු සමාජයකය. මෙම පරිසරය තුළ දරුවා අනාරක්‍ෂිත වී තිබේ. ලොව හොඳම දේ දරුවන්ට යැයි ශිෂ්ට සම්පන්න ජන සමාජ මගින් මහත් උත්කර්ෂයට නැංවූ නමුදු අප සමාජයේ දරුවා ලොව නරකම දෙයෙහි පහසු ගොදුරු බවට පත්ව තිබේ. ඉකුත් දිනෙක අප පුවත්පත වාර්තා කළ පුවතකින් කියවුණේ අසල්වැසි නිවෙසක බාලවයස්කාර දැරියකගේ නිරුවත් ඡායාරූප ගත් බාලවයස්කාර දෙදෙනකු පොලිස් අත්අඩංගුවට ගත් බවය. ළමයා තුළ ළමයා අතුරුදන් වී විකෘති වැඩිහිටියකු නිර්මාණය වී තිබේ. එම සිදුවීම වූ කලී අප සමාජයේ ඇත්ත අභ්‍යන්තරය සම්බන්ධ සාම්පලයකි.

දෙක වසරේ හා තුන වසරේ ඉගෙනගන්නා මල් කැකුළු බඳු දියණියන් අපහරණය කළ ටියුෂන් ගුරුවරයකුට පහර දී පුටුවකට බැඳ පොලීසියට බාරදීමේ පුවතක් අප පුවත්පත වාර්තා කළේ මෙයට දෙසතියකට ඉහත දී ය. එම අමන ටියුෂන් ගුරුවරයා දෙදරු පියකු බව ද අප ප්‍රවෘත්තියෙහි සඳහන් ය. නිවෙසටම පැමිණ උගන්වන අතරතුර දරුවා අපහරණය කළ ගුරුවරයකු පිළිබඳව මෙන්ම තම නිවෙසට දරුවන් ගෙන්වා උගන්වමින් එම දරුවන් අපහරණය කර ඒවා වීඩියෝ කර අන්තර්ජාලයට මුදාහැර මුදල් ඉපැයූ පාපතරයකු සම්බන්ධ පුවතට තවමත් දෙතුන් සතියකි.

දරුවන් හත් අට දෙනකු මෙලොවට බිහිකර උස් මහත් කර සමාජයට දායාද කළ අම්මා කෙනකුට වියපත් වූ කල්හි මහ මග දමා ගිය පුවතට දෙතුන් සතියකි. එබඳු පුවත් පසුගිය සමයේ එකක් පසුපස එකක් වශයෙන් වාර්තා කෙරිණි. කාමරයක දමා දොරගුළු දමා මළමුත්‍ර සමග වැතිරී නිදන්නට බල කරමින් අම්මලා තාත්තලාට සලකන දරුවන් සම්බන්ධ පුවත් මෙන්ම අම්මලා තාත්තලා යකඩ දම්වැල්වලින් ගැට ගසා තබන, බලු කූඩුවට දමා සිටින දූ පුතුන් සම්බන්ධ පුවත් ද සුලභ ය.

සියල්ලෙන් පැහැදිලිවෙමින් තිබෙන්නේ අපගේ සංස්කෘතික ජීවිතය මහා කුණාටුවකට ලක් වී ඇති බව ය. එම පරිසරය තුළ ළමා නිවාස, අනාථ නිවාස මෙන්ම වැඩිහිටි නිවාස ද සුලභ වෙමින් තිබේ. මහා සංස්කෘතික ගුණවත් ජීවිතයකට උරුමකම් කී ශ්‍රී ලාංකිකයාට සිදුවී ඇති විලම්බැසිය එළැඹගත් සිහියෙන් යුතුව නිවැරැදිව විග්‍රහ කර ගත යුතු ය.

ජාත්‍යන්තර ළමා දිනයේදී හා වැඩිහිටි දිනයේ දී පමණක් ඔවුන් පිළිබඳ අවධානය යොමු කර මෙම සැහැසි ඉරණම වෙනස් කළ නොහැක. දරුවා සම්පතකි. වැඩිහිටියා සම්පතකි. ඔවුන් රැකගැනීම අප සතු පූජනීය වගකීමකි. එම වගකීම මගහැරුණු හෝ අත්හැරුණු ගමනක් අප කිසිවකුට නැත.

(***)



අදහස් (2)

ළමා දිනය - වැඩිහිටි දිනය දින දර්ශනයට සීමා නොකරමු

බද්රානි Thursday, 01 October 2020 01:07 PM

අනේ අපේ රටේ මහා ලොකුවට සමරන ළමා දිනේ? ඒකත් මහලු දේශපාලකයින්ගේ තවත් එක සංදර්ශනයක්. ලංකාවේ කොඳු නොමැති, අඥාන දෙමව්පියන් සහ පාසල් විදුහල්පතිවරු, ගුරුවරුන් ඇතුළු සමහරක් පූජකයින් එකට එකතු වෙලා, කුඩා දරුවන්ව දක්කන්නේත්, ඔවුන් ගිය අමනෝඥ දිශාවටම තමයි. ඉතින් කොහොමද මේ රටේ අනාගතයේදී එඩිතර ගෞරවනීය පුරවැසියන් බිහිවන්නේ?

:       0       4

Raveendra Friday, 02 October 2020 03:28 AM

ඉතාමත්ම හොද විග්‍රහයක්. මෙරට දේශපාලන ඉතිහාසයේ වැඩිහිටියන් හා ළමුන් පිලිබදව කතාකිරීමේදී මෙන්ම ඒ ඒ කරුණු කාරනා වලදී බලයට පැමිණි සෑම පක්ෂයක්ම අඩුවැඩි නැතිව අදාළ දිනට පමණක් නරිනාටක පෙන්වමින් මාධ්‍ය ඉදිරියේ තම තමන්ගේ මුණු පෙන්නුවා පමණකි. අද රටේ තිබෙන සියලුම පක්ෂවලින් එකකට හෝ ගැති නොවුණු සමබරව සිතිය හැකි සියලුම පුරවැසියන්ට මෙය ඉතාම පැහැදිලිව පෙනෙන කරුණකි. රටක දරුවන් යනු එරටේ තිබෙන අගනාම සම්පත්වලින් ඉහලින්ම තිබෙන සම්පතකි. දශක 6 ක් 7 ක් වැනි ඉතාමත්ම කෙටි කාලයකදිවත් එම සම්පතෙහි වටිනාකම තේරුම් ගැනුමටවත් ඥාණය අප රටේ දේශපාලුවන්ට නොතිබීම ඉතාම කනගාටුය.

:       0       3

ඔබේ අදහස් එවන්න

විශේෂාංග

මාලිමාවේ ජයෙන් ඔබ්බට
2024 නොවැම්බර් මස 22 630 1

මහ මැතිවරණය නිමා වී ඇත. නව පාර්ලිමේන්තුව ද පළමු වතාවට ඊයේ රැස්වූයේය. ජාතික ජන බලවේගයේ දේශපාලන වැඩසටහන විධායකය සහ ව්‍යවස්ථාදායකය යන ක්ෂේත්‍ර දෙකේම ශක්


එලොව පොල් පෙන්වන පොල් මිලේ රහස
2024 නොවැම්බර් මස 21 1035 0

බ්‍රිතාන්‍ය යටත්විජිත සමයේ සිට මෙරට භාණ්ඩ අපනයනය සිදු වුණි. එදා සිට අද දක්වාම මෙරට ප්‍රධාන අපනයනික බෝග ලෙස හඳුනාගන්නේ තේ, පොල්, රබර් ය. එහෙත් එම පිළිගැන


ජයග්‍රහණ ජනසතුවේ අභියෝග
2024 නොවැම්බර් මස 21 143 0

ජනාධිපති අනුර කුමාර දිසානායක ප්‍රමුඛ ජාතික ජන බලවේගය මෙවර මහ මැතිවරණයේ දී ජනතාවගෙන් ඉල්ලා සිටියේ ‘පොහොසත් රටක් ලස්සන ජීවිතයක්’ ජනතාවට උරුම කර දීම සඳ


පෙරදිග ධාන්‍යාගාරයේ සහල් අර්බුදය
2024 නොවැම්බර් මස 20 392 1

පෙරදිග ධාන්‍යාගාරය යන්න ඇසූ සැණින් කාගේත් මතකයට නැගෙන්නේ මහා පරාක්‍රමබාහු සමයේ අප රට හැදින් වූ නමයි. වචනයේ අර්ථය අනුව ගතහොත් පෙරදිග ලෝකයටම අවශ්‍ය තරම


ආණ්ඩුවට භාරදූර වගකීමක්
2024 නොවැම්බර් මස 19 558 0

ජාතික ජන බලවේගයට පාර්ලිමේන්තුවේ තුනෙන් දෙකක් ඉක්මවා යන ආසන 159ක අද්විතීය ජයග්‍රහණයක් ලබා දෙමින් 2024 පාර්ලිමේන්තු මැතිවරණය නිමාවට පත්විය. එහිදී සමඟි ජන බ


ජයග්‍රහණය අබියස අභියෝගය
2024 නොවැම්බර් මස 18 927 0

ජ.වි.පෙ මූලිකත්වය ගත් මේ 2024 පාර්ලිමේන්තු මැතිවරණයේ ජා.ජ.බ නැතිනම් “මාලිමා” ජයග්‍රහණය සැබවින්ම ඓතිහාසික ජයග්‍රහණයකි. ඔවුන්ගේ දේශපාලනය මා නොපිළිගත්තද, ඔ


මේවාටත් කැමතිවනු ඇති

BMS Campus උසස් අධ්‍යාපනයේ 25 වසරක උරුමයේ රිදී ජුබිලිය සමරයි 2024 නොවැම්බර් මස 05 500 0
BMS Campus උසස් අධ්‍යාපනයේ 25 වසරක උරුමයේ රිදී ජුබිලිය සමරයි

වසර විසිපහක විශිෂ්ට ඉතිහාසයක් සහිත BMS කැම්පස් ආයතනය නවෝත්පාදනයන් පෝෂණය කරමින් අනාගත නායකයින් නිර්මාණය කරමින් සහ හැඩගස්වමින් විශිෂ්ට ආයතනයක් බවට මේ ව

සියපත ෆිනෑන්ස් පීඑල්සී මතුගම ශාඛාව දැන් විවෘතයි 2024 ඔක්තෝබර් මස 18 716 0
සියපත ෆිනෑන්ස් පීඑල්සී මතුගම ශාඛාව දැන් විවෘතයි

සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 51 වැනි ශාඛාව කලූතර දිස්ත‍්‍රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.

දැරිය හැකි මිලක e-Bike මිලදී ගන්න බැරි වෙයිද? 2024 ඔක්තෝබර් මස 10 2012 0
දැරිය හැකි මිලක e-Bike මිලදී ගන්න බැරි වෙයිද?

ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප‍්‍රධාන අංගයකි. වාහනයක් කරදර වලින් තොරව සිත්සේ භාවිත කර

Our Group Site