ජංගම දුරකථන බ්‍රෝඩ්බෑන්ඩ් සේවා සඳහා පාරිභෝගිකයන් අතර ජනප්‍රිය හච්, කාලීන අවශ්‍යතාවලට ප්‍රමුඛස්ථානය ලබා දෙමින් නිවසේ සිට අධ්‍යාපන හා කාර්යාල කටයුතු කර ගැනීමට අවශ්‍ය ඩෙටා සැලසුම් රැසක් පසුගියදා හඳුන්වා දුන්නේය. වැඩිවෙමින් පවතින අවශ්‍යතාවක් වන ඔන්ලයින් පන්ති සහ දේශනවලට ප්‍රවේශ වීමට අවශ්‍ය අන්තර්ජාල පහසුකම් දැරිය හැකි මුදලකට මෙලෙස හඳුන්වා දී ඇතැයි හච් සමාගම සඳහන් කරයි.

මෙමගින් නිවසේ සිට අධ්‍යාපන කටයුතු කිරීමට රු.29ක් හා රු.69ක් වැනි සුළු මුදලකටData සැලසුම් දෙකක් හඳුන්වා දී ඇති අතර රු. 29 පැකේජය ඩෙටා 2 GB කින් සහ දින දෙකක වලංගු කාලයකින් ද රු. 69 පැකේජය ඩේටා 7 GBකින් සහ දින හතක වලංගු කාලයකින් ද සමන්විත වේ. මෙම සැලසුම් ද්විත්වය මගින්ම ZOOM, Microsoft Teams, Google Meet, Google Classroom  වැනි අධ්‍යාපනික කටයුතු සඳහා යොදා ගන්නා App සඳහාද web browsing  සඳහාද ප්‍රවේශය ලබා දෙයි.

හච් රු 551 කට Zoom App  සඳහා විශේෂිත වූ  පැකේජයක්, අධ්‍යාපන හා කාර්යාල කටයුතු වෙනුවෙන් දැනටමත් හඳුන්වා දී ඇති අතර එය Anytime data 20GB  කින් හා දින තිහක වලංගු කාලයකින් සමන්විත වේ. මෙය පෙරගෙවුම් හා පසුගෙවුම් යන පාරිභෝගිකයන් ද්විත්වයටම සක්‍රීය කරගත හැකි අතර අතර අනෙකුත් අධ්‍යාපනික කටයුතු සඳහා යොදා ගන්නා App සඳහා ප්‍රවේශයද, You Tube සඳහා අසීමිත ප්‍රවේශයක් ද හිමිවීම අමතර ප්‍රතිලාභයකි.