2025 ජනවාරි මස 11 වන සෙනසුරාදා
(රංජන් කස්තුරි)
තොරතුරු හා සන්නිවේදන තාක්ෂණ නියෝජතායතනය ඩිජිටල් තාක්ෂණ ප්‍රවර්ධනය කිරීම සඳහා දින දෙකක සමුළුවක් පැවැත්වීමට කටයුතු යොදා ඇත.
මධ්‍යම කලාපයේ ඩිජිටල් තාක්ෂණය ප්‍රවර්ධන කිරීමේ එම සමුළුවට මේ මස 5 සහ 6 වැනි දින මාර්ග ගත ක්‍රමය ඔස්සේ පැවැත්වෙන බව ද තොරතුරු හා සන්නිවේදන තාක්ෂණ නියෝජිතායතනය සඳහන් කරයි.
දිවයිනේ ඩිජිටල් තාක්ෂණික දැනුවත්භාවය සහ ප්‍රවර්ධනය කලාපීය මට්ටමින් සංවර්ධනය කිරීම සඳහා කලාපීය තාක්ෂණ පොකුරු ජිතික වාඩපිළිවෙළක් යටතේ එම සමුළුව පැවැත්වේ.
කොළඹ තොරතුරු හා සන්නිවේදන තාක්ෂණ නියෝජිතායතනය මාර්ගගත ක්‍රමය ඔස්සේ මෙම වැඩමුළුව පවත්වන අතර මධ්‍යම, උතුරුමැද, සහ සබරගමුව යන පළාත්වල දිස්ත්‍රික් ලේකම් කාර්යල ඊට සම්බන්ධ කර ගැනීමට නියමිතය.
තාක්ෂණ අමාත්‍යංශය විදුලි සංදේශ නියාමන කොමිෂන් සභාව විදුලි සංදේශ හවුල්කරුවන් සහ කර්මාන්ත හවුල්කරුවන් එම සම්ළුවට එක්වන බව ද තොරතුරු හා සන්නිවේදන තාක්ෂණ නියෝජිතායතනය කියයි.
ඩිජිටල් තාක්ෂණ මධ්‍යම පළාත් සමුළුව 5 සහ 6 වැනි දා