ඩයලොග් ආසිආටා පී.එල්.සී හි ව්‍යාපාර විසඳුම් අංශය වන ඩයලොග් එන්ටප්‍රයිස් Google Cloud ආයතනය සමඟ නව සහයෝගීතාවකට එළඹ තිබේ.

ඒ අනුව මෙරට සියලු පරිමාණවල ව්‍යාපාරවලට අවශ්‍ය ව්‍යාපාරික ප්‍රගතිය සාධනය කරගැනීමට මෙන්ම සේවක ඵලදායීතාවය ඉහළ නංවාගැනීමට අවස්ථාව හිමිකර දෙමින්, ඔවුන් අතර පවතින සබැඳියාව තවදුරටත් වර්ධනය කරගනිමින්, එම ව්‍යාපාර සමඟ කටයුතු කරන ගනුදෙනුකාර භවතුන්ට විශිෂ්ට සේවාවක් ලබාදීමට අවශ්‍ය තාක්ෂණික සහයෝගීතා මෙවලම් (Collaboration Tools) මේල් ස්ටොරේජ් යනාදී සේවා, ඩයලොග් එන්ටප්‍රයිස් හි සහායෙන් මෙරට තුළ පහසුවෙන් ලබාගැනීමට මෙම සහයෝගීතාව මනා පිටිවහලක් වනු ඇති බව එම සමාගම් සඳහන් කරයි.

මෙම නවතම හඳුන්වාදීම පිළිබඳව අදහස් දැක්වූ ඩයලොග් ආසිආටා පී.එල්.සී. හි වාණිජ ව්‍යාපාර සහ මහ පරිමාණ ව්‍යාපාර අලෙවි පිළිබඳ උප සභාපති නවීන් පීරිස් මහතා මෙසේ පැවසීය. “නිරන්තරයෙන් වෙනස් වන අපගේ පාරිභෝගිකයන්ගේ අවශ්‍යතා ඉටුකිරීම වෙනුවෙන් උසස්ම තත්ත්වයෙන් යුත් හොඳම ඩිජිටල් සේවා සහ Cloud තාක්ෂණය මත පදනම් වූ විසඳුම් ලබාදීමේ අපගේ දැක්මට අනුකූලව කටයුතු කරමින්, Google Cloud ආයතනය සමඟ අපි ඇතිකරගත් මේ සහයෝගීතාව හරහා අපේ Cloud උපායමාර්ග වැඩි දියුණු කළ කාර්යක්ෂමතාවකින් සහ සුළු හා මධ්‍ය පරිමාණ ව්‍යාපාරිකයන්ට වැඩි ඵලදායීතාවක් අත්කරදී, නව මානයකට ගෙන යනු ඇතැයි අපි විශ්වාස කරනවා. Google Workspace සමගින් ඒකාබද්ධ වූ ඵලදායිතාව ඉහළ නැංවෙන මෙවලම් සහ ඩයලොග් එන්ටප්‍රයිස් ආයතනයේ සේවා ඔස්සේ සුළු හා මධ්‍ය පරිමාණ ව්‍යාපාරවල තාක්ෂණය මත පදනම් වූ අනාගත ගමන සාර්ථකත්වයේ ඵල අත්කරගනු ඇති බව අපේ ඒකායන විශ්වාසයයි.”

සුළු හා මධ්‍ය පරිමාණ පාරිභෝගිකයන්ට ප්‍රයෝජනවත් වන සේවා සහ ඉතා හොඳින් කළමනාකරණය කරන ලද සේවා ක්‍රියාමාර්ග පිළිබඳව වැඩි අවධානයක් යොමු කරමින්, ඩයලොග් එන්ටප්‍රයිස් ආයතනය සිය පහසුකම් හරහා සමාගම්වලට නව ව්‍යාපාරික අවස්ථා උදාකරදීමට දායකවී ඇත. Google Workspace සමඟ එක්වූ Gmail, Calendar, Drive, Docs, Sheets සහ Meet වැනි ජනප්‍රිය යෙදුම් හේතුවෙන් වැඩි ක්‍රියාකාරීත්වයක් හරහා එකම අවකාශයක් තුළ සෑම ක්‍රියාවලියක්ම කාර්යක්ෂමව ඉටුකරගැනීමේ හැකියාව ඇත. මේ නිසා පරිශීලකයන් දැනටමත් භාවිත කිරීමට හුරුවී සිටින සෑම යෙදුමක්ම මෙම සමස්ත යෙදවුම් පැස තුළ එකිනෙක සමග මැනවින් (Collaboration) ක්‍රියාත්මක වන බැවින් ව්‍යාපාරවල සේවය කරන පිරිසගේ ඵලදායිතාව වැඩිකර ගනිමින් කවර හෝ ස්ථානයක සිට පහසුවෙන් සිය කාර්යාල කටයුතු බාධාවකින් තොරව කරගෙනයාමට අවස්ථාව සලසනු ලබයි.

“වර්තමානයේ එකවර ව්‍යාපාර ක්‍රියාවලි ක්‍රියාත්මක කිරීමේ නවතම තාක්ෂණික මුහුණුවරට ප්‍රමුඛත්වයක් හිමිවී තිබෙන වටපිටාවක් තුළ Workspace පහසුකම තුළ අන්තර්ගත යෙදුම් සෑම ව්‍යාපාරයකටම සුවිශේෂී වැදගත්කමකින් යුතුවන අතර, මෙමගින් ඔවුන්ගේ සේවකයන්ට ව්‍යාපාරික ස්ථානයේ රාජකාරි කටයුතු අනාගතයට ගැලපෙන පරිදි සැලසුම් කර, එම කටයුතු සම්බන්ධීකරණය කර ඒ පිළිබඳව නිසි ආකාරයට සන්නිවේදනය කිරීමටත් හැකියාව සලසනු ඇත.” යනුවෙන් Google Cloud හි ආසියා පැසිෆික් කලාපීය කළමනාකාර අධ්‍යක්ෂ - හවුල්කාරීත්ව සහ සන්ධාන - ඈෂ් විලිස් මහතා සඳහන් කළේය.