ඇමෙරිකානු ජනාධිපති ඩොනල්ඞ් ට්රම්ප් මහතාට ජයග්රහණයක් අත්පත් කරදෙමින් මුස්ලිම් රටවල් හයක සංචාරකයන්ට පැනවූ සංචාරක තහනම සහ සියලු සරණාගතයන්ට ඇමෙරිකාවෙන් පිටවන්නැයි සඳහන් කරමින් දුන් විධායක නියෝගය නැවත ක්රියාත්මක කිරීමට එරට ශ්රේෂ්ඨාධිකරණය අවසර දී තිබේ.
කෙසේ නමුත් ට්රම්ප් මහතාගේ විධායක නියෝගය පූර්ණ වශයෙන් ක්රියාත්මක කිරීමට ශ්රේෂ්ඨාධිකරණය අවසර දී නැත.
මෙම නඩු විභාගය ඇමෙරිකා ජනාධිපතිවරයාගේ බලතල සම්බන්ධයෙන් අවධානය යොමු වූ අවස්ථාවක් විය. ඇමෙරිකානු ශ්රේෂ්ඨාධිකරණය ට්රම්ප් මහතාගේ විධායක නියෝගය පූර්ණ වශයෙන් ක්රියාත්මක කිරීමට අවසර දී නොතිබූ අතර විධායක නියෝගය ක්රියාත්මක කරන්නැයි ට්රම්ප් පරිපාලනය කර තිබූ ඉල්ලීම සලකා බලමින් මෙම අවසරය දී තිබේ. කෙසේ නමුත් තවමත් නෛතික සටන පවතියි.
ඇමෙරිකා ජනාධිපතිවරයා මාර්තු 6 වැනිදා රටවල් හයක සංචාරකයන්ට එරටට ඇතුළුවීම තහනම් කරමින් දුන් විධායක නියෝගය අත්හිටුවමින් එරට පහළ අධිකරණ රැසක් අතුරු නියෝග ලබා දුන්නේය. එම අතුරු නියෝග ලිහිල් කරමින් ඇමෙරිකා එක්සත් ජනපද ශ්රේෂ්ඨාධිකරණය අදාළ අවසරය දුන්න ද ට්රම්ප් මහතා ජනාධිපතිධුරයට පත්ව ගෙවීගිය මුල් මාස කිහිපයේදී අත්සන් තැබූ විධායක නියෝග සහ ප්රතිපත්තිවල නෛතිකභාවය සම්බන්ධයෙන් ලබන ඔක්තෝබර් මාසයේදී විවාදයක් පැවැත්වීමට නියමිත බව වාර්තා විය.
ඉරානය, ලිබියාව, සුඩානය, සිරියාව, සෝමාලියාව සහ යේමානය යන රටවල සංචාරකයන්ට දින 90ක සංචාරක තහනමක් ද ඇමෙරිකාවේ සිටින සියලු සරණාගතයන්ට දින 120ක තහනමක් ද පනවමින් ඉකුත් මාර්තු 6 වැනිදා ට්රම්ප් මහතා විධායක නියෝගයකට අත්සන් තැබීය. සැලැසුම් කළ අයුරින් මෙම විධායක නියෝගය මාර්තු 16 වැනිදා සිට ක්රියාත්මක වීමට නියමිතව තිබූ අතර එය වළක්වාලමින් ඇමෙරිකා එක්සත් ජනපදයේ ෆෙඩරල් අධිකරණ කිහිපයක් අතුරු නියෝග නිකුත් කළේය.
මෙම නියෝගය ලබා දී ඇත්තේ සඳුඳා (26) වන අතර නියෝගය දුන් මොහොතේ සිට පැය 72කින් එය ක්රියාත්මක වනු ඇත. එසේ නමුත් ට්රම්ප් මහතාගේ සංචාරකයන් සහ සරණාගතයන් සඳහා පැනවූ තහනම වලංගු වන්නේ නව වීසා අයඳුම්කරුවන්ට පමණි. දැනටමත් වීසා සහිත සහ ඇමෙරිකාවේ එක්සත් ජනපදයේ ස්ථාවර පදිංචිකරුවන්ට (හරිත කාඞ්පත් හිමියන්) අදාළ නොවේ.
රොයිටර් 055
ඇමෙරිකන් ඩොලර් මිලියන 1.4 ක බදු ගෙවීම පැහැර හැරීම සහ ඊට අදාල චෝදනා නවයකට තමන් වරදකරු බව ඇමෙරිකන් ජනාධිපති ජෝ බයිඩන් ගේ පුතු හන්ටර් බයිඩන් පුතු පිළිගත්තේ
ප්රංශ භාරකාර රජයේ නව අග්රාමාත්ය ධුරයට, ප්රවීණ දේශපාලනඥයකු වන මිකෙල් බානියේ නම් කිරීමට ප්රංශ ජනාධිපති ඉමැනුවෙල් මැක්රොන් තීරණය කර තිබේ.
නවසීලන්තයේ මුල් පදිංචිකරුවන් වන මෞරි ආදිවාසීන්ගේ රජ කිරුළ, නැසී ගිය මෞරි රජුගේ බාල දරුවා මෙන්ම එකම දියණිය ද වන 27 හැවිරිදි නා වයි හෝනෝ ට හිමිවිය.
ජපාන අග්රාමාත්ය ෆුමියෝ කිෂිඩා දෙදින සංචාරයක් සඳහා දකුණු කොරියාවේ සෝල් අගනුවරට පැමිණියේය. දකුණු කොරියා ජනාධිපති යූන් සුක් යෝල්ගෙන් ජපාන අග්රාමාත
විශ්ව විද්යාල ශිෂ්ය අරගලය හමුවේ, ධුරයෙන් නෙරපා දැමුණු හිටපු අගමැතිනී ෂෙයික් හසීනා, බංග්ලාදේශ නව අන්තර්වාර රජය විවේචනය කිරීමෙන් වැළැකී සිටින්නේ නම්
නොවැම්බර් 5 වැනිදා පැවැත්වෙන, ඇමෙරිකන් ජනාධිපතිවරණයට, ඩිමොක්රටික් පක්ෂයෙන් ඉදිරිපත් වන ජනාධිපති ධුර අපේක්ෂිකා වත්මන් උප ජනාධිපතිනී කමලා හැරිස්ගේ හ
විවාහ දිවියට එළඹෙන යුවළකගේ බලාපොරොත්තු අතර දරු සුරතල් බැලීම ප්රමුඛස්ථානයෙහි ලා ගැනෙන්නක්. නමුත් වත්මන් සමාජ සංස්ථාව තුළ එලෙස දරු පල ලැබීමට නොහැකිව
ප්රමුඛ පෙළ ශ්රී ලාංකීය මූල්ය සමාගම සියපත ෆිනෑන්ස් පීඑල්සී දීප ව්යාප්ත ශාඛා ජාලයේ 50 වැනි ශාඛාව පසුගියදා මඩකලපුව දිස්ත්රික්කයේ ස්වභාවික සෞන්දර්ය
ශ්රී ලංකාවේ 2023 වසර සඳහා හලාල් සහතිකය සහිත නිෂ්පාදන අපනයනය ඇමෙරිකානු ඩොලර් බිලියන 1.7ක් ලෙස ඇස්තමේන්තු කර ඇත.
ට්රම්ප් නිකුත් කළ සංචාරක තහනමට ශ්රේෂ්ඨාධිකරණයේ අවසරය