( තිළිණි ද සිල්වා සහ රංජන් කටුගම්පොළ )
2011 වසරේ මැයි 30 වැනිදා කටුනායක නිදහස් වෙළඳ කලාපය තුළ පැවති සේවක විශ්රාම වැටුප් කෙටුම්පතට එරෙහිව පැවති උද්ඝෝෂණයේදී ආරක්ෂක අංශ වලින් පහරකෑමට ලක්වී තුවාල ලැබූ සේවකයින් 16 දෙනෙකු ගොනු කළ මූලික අයිතිවාසිකම් පෙත්සමක් විභාගයට ගැනීමෙන් පසු ඔවුන්ගේ නිදහස් අදහස් ප්රකාශ කිරීමේ අයිතිය උල්ලංඝණය වී ඇතැයි තීන්දු කළ ශ්රේෂ්ඨාධිකරණය එලෙස පහර කෑමට ලක්වූ සේවකයින්ට වන්දි ගෙවන ලෙස රජයට අද (5) නියෝග කළේය.
ඒ අනුව වෙඩි වැදී බරපතල තුවාල ලැබූ පළමු පෙත්සම්කරුට රුපියල් දෙලක්ෂ පනස් දහසක වන්දි මුදලක් ද , ඉතිරි සෙසු පෙත්සම්කරුවන්ට රුපියල් 50,000 සිට රුපියල් 75,000 දක්වා වන්දි මුදල් ගෙවීමට ද ශ්රේෂ්ඨාධිකරණ නියෝග කෙරිණි.
මෙලෙස වන්දි හිමි වූයේ අදාළ මූලික අයිතිවාසිකම් පෙත්සම් ඉදිරිපත් කර තිබූ මංගල සම්පත් (කම්කරු) , රෝහිත (ට්රාන්ස්ෆෝමර් කාර්මික) , බුද්ධික අතපත්තු (යන්ත්ර ක්රියාකරු) , දනුෂ්ක සංජීව (කම්කරු) අනිෂ් ඉමල්කා (ට්රාන්ස්ෆෝමර් කාර්මික ) , නිශ්ශංක වනිගසේකර ( සුපරීක්ෂක ) , ජයතිස්ස රාජකරුණා (රියදුරු ) , ලසන්ත පෙරේරා ( ඇගළුම් කැපුම්කරු ) , ලලින්ද හේරත් (උදව්කරු) ප්රදීප් කුමාර , නලින් සංජය ජයතිලක සහ සඳරුවන් හෙට්ටිආරච්චි යන නැමැත්තන් ඇතුළු 16 දෙනෙකුටය.
මෙම පෙත්සමේ වගඋත්තරකරුවන් ලෙස සීදුව සහ කටුනායක පොලිස් ස්ථානාධිපතිවරුන් ,මීගමුව නියෝජ්ය පොලිස්පති , පොලිස්පති , ආයෝජන මණ්ඩලය , හමුදාපති සහ නීතිපති නම් කරනු ලැබ සිටිති. මෙම නඩුවේ තීන්දුව විනිසුරු විජිත් මළල්ගොඩ මහතා විසින් ප්රකාශයට පත් කරන ලදී.
2011 මැයි 30 වැනිදින සේවක විශ්රාම වැටුප් අරමුදල් පනත් කෙටුම්පතට එරෙහිව සේවකයින් 600ක් පමණ කටුනායක නිදහස් වෙළඳ කලාපයේ උද්ඝෝෂණය කළ අතර ඊට පෙත්සම්කරුවන් සහභාගී වී ඇත.
කිසිදු පූර්ව දැනුම් දීමකින් තොරව එම ස්ථානයට කඩා වැදුණු පොලීසිය උද්ඝෝෂකයින් කඳුළු ගෑස් එල්ල කරමින් පහර දෙන්නට වූ බව ඉදිරිපත් වූ කරුණු වලින් පැහැදිලි වේ.සමහර පොලිස් නිලධාරීහු ගල් වලින්ද පහරදී ඇත.මෙහිදී පෙත්සම්කරුවන් ඇතුළු සෑහෙන පිරිසකට තුවාල සිදු වූහ.
ඒ අනුව වෙඩි වැදී බරපතල ලෙස තුවාල ලැබූ පළමු පෙත්සම්කරුට රුපියල් 2,50,000 ක වන්දි මුදලක්ද , ඉතිරි පෙත්සම්කරුවන්ට රුපියල් 50000 සිට 75,000 දක්වා වන්දි මුදල් ගෙවන ලෙසද රජයට නියෝග කරන බවද තීන්දුවේ වැඩිදුරටත් සඳහන් වේ.
ජනාධිපති රනිල් වික්රමසිංහ මහතා සහ ඉලංකෙයි තමිල් අරසුකච්චි පක්ෂයේ නායක මාවෙයි සේනාධිරාජා මහතා අතර හමුවක් යාපනය තෙලිප්පලෙයි හි සේනාධිරාජා මහතාගේ නි
රටේ සංස්කෘතියට හානියක් වන කිසිඳු දේශපාලනික හෝ සමාජීය තීන්දුවක් ක්රියාත්මක කිරීමට ඉඩ නොදෙන බව ශ්රී ලංකා පොදුජන පෙරමුණේ ජනාධිපතිධූර අපේක්ෂක, පාර්ලි
මෙවර ජනාධිපතිවරණයේදී ,විදුලි හා පුනර්ජනනී බලශක්ති පාරිභෝගික සංගමයේ සහාය ජාතික ජන බලවේගයේ අපේක්ෂක අනුර කුමාර දිසානායක මහතාට ලබාදීමට තීරණය කර ඇතැයි එ
පොලොන්නරුව කදුරුවෙල නගරයේ වෙලද සංකීර්ණය වෙළෙඳහලක ගින්නක් හට ගෙන ඇති බව කදුරුවෙල පොලිසිය කියයි.
ශ්රී ලංකා පොදුජන පෙරමුණ ජනාධිපති අපේක්ෂක නාමල් රාජපක්ෂ මහතාගේ ප්රධානත්වයෙන් වැලිමඩ නගරයේ ඉන්ද්රානී සිනමා ශලාවේ පැවති ජනහමුවට සෙල්ලම් පිස්තෝලයක
ආණ්ඩුක්රම ව්යවස්ථාවට අනුකූලවම මෙරට සියලු ආගම්වල අයිතීන් සුරක්ෂිත කිරීම සඳහා රජය කැපවී සිටින බව ජනාධිපති රනිල් වික්රමසිංහ මහතා පැවසීය.
විවාහ දිවියට එළඹෙන යුවළකගේ බලාපොරොත්තු අතර දරු සුරතල් බැලීම ප්රමුඛස්ථානයෙහි ලා ගැනෙන්නක්. නමුත් වත්මන් සමාජ සංස්ථාව තුළ එලෙස දරු පල ලැබීමට නොහැකිව
ප්රමුඛ පෙළ ශ්රී ලාංකීය මූල්ය සමාගම සියපත ෆිනෑන්ස් පීඑල්සී දීප ව්යාප්ත ශාඛා ජාලයේ 50 වැනි ශාඛාව පසුගියදා මඩකලපුව දිස්ත්රික්කයේ ස්වභාවික සෞන්දර්ය
ශ්රී ලංකාවේ 2023 වසර සඳහා හලාල් සහතිකය සහිත නිෂ්පාදන අපනයනය ඇමෙරිකානු ඩොලර් බිලියන 1.7ක් ලෙස ඇස්තමේන්තු කර ඇත.
නිදහස් වෙළෙඳ කලාපයේ වෙඩි තැබීමෙන් අගතියට පත්වූවන්ට වන්දි ගෙවන්න නියෝග
sirimal Friday, 05 April 2019 01:01 PM
මේ වෙඩි තැබීම සිදුකළ සහ එයට අණ දුන් උදවියට නීතිය ක්රියාත්මක වෙන්නේ කවදාද? තව තියෙන්නේ මාස පහයි.
Sanath KandyFriday, 05 April 2019 03:48 PM
නීතිවිරෝධී අණ දුන් පුද්ගලයාගෙන් මේ වන්දි මුදල් අය කරගත යුතුයි. ජනතාවගේ බදු මුදලින් ගෙවන්නේ නැතුව රටේ මහජනයාගේ ප්රශ්නවලට තුවක්කුවෙන් උත්තර දෙන මිනිස්සු ජනාධිපති පුටුවට පත් වුනොත් කොහොම තියෙයිද?
Chanak Los angelesFriday, 05 April 2019 04:23 PM
මැදමුලනයෙන් මේ වන්දි ගෙවන්න අණ කල යුතුයි.
MaheeSaturday, 06 April 2019 04:52 AM
සිරිමල්, "මේ වෙඩිතැබීම සිදුකළ සහ එයට අණ දුන් උදවියට නීතිය ක්රියාත්මක වෙන්නේ කවදාද?" උත්තරය, කවදාවත් නෑ.
athura Saturday, 06 April 2019 05:07 AM
ඔන්න බලන්න බමුණු මේ නිවුස් එක දැකල නැහැ.
Chanak Los angeles Saturday, 06 April 2019 07:16 AM
එදා මේ සිද්ධියට අදාලව නොනවතින සටනක් කරපු නිසා ජනාධිපති කොමිසමක් ලබා ගත්තා. නමුත් ඒ ජනපති එම කොමිසමේ වාර්තාව රටට හෙළි කලේම නැහැ. යහපාලත් කීවා අපි ආපු ගමන් ඔය වාර්තාව රටට හෙළිකරලා දඬුවම් දෙනවා කියා... කෝ? කෙසේ හෝ අධිකරණය විසින් වන්දි ලබාදීමට තීන්දුවක් දීලා. ඒ කියන්නේ රාජපක්ෂලා ඊට වැරදි කාරයෝ කියන එක නොවේද? එහෙනම් වහාම ඔවුන්ව චෝදනා ගොනුකොට අත්අඩංගුවට ගත යුතුයි. කම්කරුවන් වෙනුවෙන් දිවිපිදූ ඒ රොෂේන් චානක ඓතිහාසික වීරයෙක්...