(ඩබ්. ඒ. පියතිලක )

පොළොන්නරුවේ වකුගඩු රෝගින් සංඛ්‍යාව 5578ක් වී ඇති බවත් පසුගිය දෙසැම්බර් 31 වන විට වකුගඩු රෝගින්ගේ සංඛ්‍යාව 5377 ක් වූ බවත් ඉන් පෙනි යන්නේ මසකට සිය දෙනෙකු ඊට ගොදුරුවන බවත් යැයි පොළොන්නරුව මහ රෝහලේ  වකුගඩු රෝග නිවාරණ අංශයේ වෛද්‍ය මලින් මෙත්තසුරිය මහතා පවසයි.
එයින් වැඩිම සංඛ්‍යාවක් වර්තා වන්නේ මැදිරිගිරිය ප‍්‍රාදේශිය ලේකම් කොට්ඨාසයෙන් බවත් එහි රෝගින්  1626ක් ද දිඹුලාගල 1040ක් ලෙස ද තමන්කඩුව 985ක් සහ ඇළහැර 569ක් ලෙසත් රෝගීන් වාර්තා වන බව ඒ මහතා කියයි.
පාලනයක් නොමැති දියවැඩියාව සහ අධික රුධිර පිඩනය සදහා වෛද්‍ය නිර්දේශ අනුව ප‍්‍රතිකාර ලබා නොගැනිම සහ මුත‍්‍රා මාර්ග ආශි‍්‍රත ගල් මුත‍්‍රා අසාදන තත්වයන් ද වකුගඩු රෝගයට බලපාන බවත් වල් නාශක කෘමි නාශක සහ රසායනික පොහොර භාවිතය ද මේ සඳහා බලපාන බවත් මෙත්තසූරිය මහතා පෙන්වා දෙයි.
තවද වැඩුණු වැඩිහිටියකු විසින් සෞඛ්‍ය නිර්දේශ අනුව අවම දිනකට පානය කළයුතු ජල ලිටර් 3 පානය නොකිරිමත් ප‍්‍රධාන ලෙස මීට බලපාන බව ඒ මහතා කියයි.