2025 පෙබරවාරි මස 05 වන බදාදා
(නිමල කොඩිතුවක්කු)
අවුරුදු 13 ක අධ්‍යාපනය සහතික කිරිම ඇතුලූ වත්මන් රජය ගෙන යන අධ්‍යාපනික ප්රතිසංස්කරණ වැඩපිළිවෙළට එරෙහිව ඇතැම් මාධ්‍ය කටයුතු කිරිම සම්බන්ධයෙන් තමා කණගාටුවන බව අග‍්‍රාමාත්‍ය රනිල් වික‍්‍රමසිංහ මහතා කොළඹ දී අද (20) පැවසීය.
අධ්‍යාපනය නවීණ කිරිමේ වැඩසටහනට එරෙහිව කටයුතු කරන ඇතැම් මාධ්‍යවේදීන්ගේ අරමුණ කුමක්ද කියා තමන් නොදන්නා බවත් මෙම වැඩසටහන් සම්බන්ධයෙන් ඉදිරියේදි ඒ අයගේ සහයෝගය බලාපොරොත්තු වන බවත් අග‍්‍රාමාත්‍ය රනිල් වික‍්‍රමසිංහ මහතා සඳහන් කළේය.
අග‍්‍රාමාත්‍ය රනිල් වික‍්‍රමසිංහ මහතා මේ බව පැවසුවේ අරලියගහ මන්දිරයේ පැවති උපාධිධාරීන් ශ්‍රී ලංකා ගුරු සේවයට බඳවා ගැනීමේ පත්වීම් ලිපි ප‍්‍රදානය කිරීමේ උත්සවයේ ප‍්‍රධාන ආරාධිතයා ලෙස එක්වෙමිණි.
එහිදී අදහස් දැක්වූ අග‍්‍රාමාත්‍ය රනිල් වික‍්‍රමසිංහ මහතා වැඩිදුරටත් මෙසේද කීවේය.
‘‘අධ්‍යාපන අමාත්‍යාංශය යටතේ අපි විශාල වැඩපිළිවෙළක් ක‍්‍රියාත්මක කරනවා. මේ සියලූ කාර්යන් එක්ක මේ රටේ අධ්‍යාපන ප‍්‍රමිතිය ඉහළ නැංවීම සදහා අපි කටයුතු කළ යුතුයි. අධ්‍යාපන ප‍්‍රමිති පනත මගේ ජාතික ප‍්‍රතිපත්ති අමාත්‍යාංශය සහ අධ්‍යාපන අමාත්‍යාංශය හා එක්ව ඉදිරිපත් කරනවා.
ඒ සමගම ගුරුවරු බඳවා ගැනීම, ගුරුවරු පුහුණු කිරීම, නුපුහුණු ගුරුවරුන් බඳවාගැනිම තහනම් කිරිම, අවුරුදු 13 ක අධ්‍යාපනය සහතික කිරිම ඇතුලූ වැඩසටහන් සියල්ලම අපි නිතියෙන් ඉදිරිපත් කරනවා.
මම සාමාන්‍යයෙන් මාධ්‍යයට දොස් කියනවා. ඒත් මෙම අවස්ථාවේ මාධ්‍යයේ සම්පූර්ණ සහයෝගය අපිට ලැබිලා තියෙනවා. හැම මාධ්‍යයෙන්ම කියලත් කියන්න බැහැ. ඒත් ප‍්‍රධාන මාධ්‍ය ගණනාවකින් මේකට සහයෝගය ලැබිලා තියෙනවා.
මෙම අධ්‍යාපන ප‍්‍රමිති පනත ගැනත් අවුරුදු 13ක අනිවාර්ය අධ්‍යාපනය ලබා දෙන එක ගැනත් සන්ඬේ ටයිම්ස් පුවත්පතේ ඉක්බාල් ලතාස් විරුද්ධව ලියපු එක ගැන මම කණගාටු වෙනවා.
(ඡායාරූප -ජයමාල් චන්ද්‍රසිරි)
පාර්ලිමේන්තුවේත් ඉන්පිටතත් සාමූහිකව කටයුතු කිරීම වෙනුවෙන් විපක්ෂයේ පක්ෂ අතර එකඟතාවක් ඇති කර ගැනීම සඳහා විපක්ෂ නායක සජිත් ප්‍රේමදාස මහතාගේ ප්‍රධානත
ලසන්ත වික්‍රමතුංග ඝාතනයට සම්බන්ධ සැකකරුවන් සම්බන්ධයෙන් නීතිපතිවරයා දී ඇති තීන්දුව සම්බන්ධයෙන් අධ්‍යයනය කරමින් සිටින බව කැබිනට් ප්‍රකාශක අමාත්‍ය
ජාත්‍යන්තර සංවර්ධනය සඳහා වූ එක්සත් ජනපද නියෝජිතායතනයේ ශ්‍රී ලංකා කාර්යාලයට කොන්ත්‍රාත් පදනම මත බඳවා ගනු ලැබූ සේවකයන් හෙට (07) රාත්‍රී 11.59 සිට පඩි සහිත අන
ඒකාබද්ධ ග්‍රාම - නගර සංවර්ධන සහ දේශගුණික තත්ත්වයන්ට ඔරොත්තු දීමේ ව්‍යාපෘතිය සඳහා කැබිනට් අනුමැතිය ලැබී ඇත.
රටපුරා පැතිරි යමින් ඇති සූකර ඌණට ලක්ව ඌරන් 1600 ක් මේ වන විට මිය ගොස් ඇති බව සත්ව නිෂ්පාදන හා සෞඛ්‍ය දෙපාර්තුමේන්තුවේ පුත්තලම දිස්ත්‍රික් සහකාර අධ්‍යක්ෂ
බදුල්ල නගරය ආශ්‍රිත ප්‍රදේශයේ වායුගෝලයේ මීදුම මෙන් පවතින විස දුම මිනිස් සිරුරට අහිතකර තත්ත්වයක් උදාකර දී.ඇති හෙයින් මුඛ ආවරණ පළදින ලෙසට ආපදා කළමනාකර
මෙවර උසස් පෙළ අවසන් කළ සිසුන්ට නිවැරදි මග පෙන්වීමක් ඇතිව තම අනාගතය සැලසුම් කිරීමට අවස්ථාව ලබාදෙමින් මෙරට ප්‍රමුඛතම විශ්වවිද්‍යාලයක් වන NSBM
2025 ජනවාරි මස 08
769
0
NSBM හරිත සරසවියේ 2025 ජනවාරි නව බඳවා ගැනීම සඳහා පැවැත්වූ “NSBM Open Day” ප්‍රදර්ශනය අති සාර්ථක ලෙස ඉකුත් සතිඅන්තයේ විශ්වවිද්‍යාල පරිශ්‍රයේදී පැවැත්විණි.
2024 දෙසැම්බර් මස 24
738
2
අසිරිමත් නත්තල් සිරියෙන් රටම ආලෝකමත් වූ මොහොතේ මෙරට ප්‍රමුඛතම ජංගම දුරකථන සේවා සම්පාදන සමාගමක් වන HUTCH විසින් ශ්‍රී ලංකාවේ උසම නත්තල් කුළුණ නිර්මාණය කළ
‘රජයේ අධ්‍යාපන ප්රතිසංස්කරණ වැඩපිළිවෙළට එරෙහිවන ඇතැම් මාධ්‍ය ගැන කණගාටුයි‘
td Friday, 20 July 2018 11:00 AM
රජය ගෙන යන අධ්‍යාපනික ප්රතිසංස්කරණ වැඩපිළිවෙළට එරෙහිව මාධ්‍ය මගින් ප්‍රචාරය වුවත්, ශ්‍රී ලංකා පාර්ලිමේන්තුව තුළදීම ඇතැම් මන්ත්‍රීවරුන් කරන අවිනීත වැඩ ගැන මාධ්‍ය විවේචනය නොකරන්නේ මන්ද? උගතුන්, බුද්ධිමතුන් නිදිද? ස්වාධීන මාධ්‍ය සම්බන්ධව කොතරම් හඬ නැගුවත් එය වචනයට පමණක් සීමාවී ඇත. බොහෝ මාධ්‍ය ආයතන සහ හිමිකරුවන් පක්ෂග්‍රාහීය.
kalani Friday, 20 July 2018 11:06 AM
දැනුම තමයි ලෝකය වෙනස් කරන්නේ. ජීවිතයට අලුත් දැනුම ඉතා වැදගත්. එහෙත් අලුත් දැනුමෙන් පමණක් ජීවිතය ජයගන්න පුළුවන්ද? සතුට, ජයග්‍රහණ ලබාගන්න හැකිද? මිනිසාට අවශ්‍ය වෙන්නේ දියුණු වීමද, සිතට සතුටක් ලබා ගැනීමද කියලා. බොහෝ දේ රැස්කර ගෙන දියුණු වූ මිනිසාට ජීවිතයේ නියම සතුට අහිමි වෙන බව ඔහු කියනවා. අධ්‍යාපනය සාධනීය ආකල්ප සහ මානව ධර්මතා පිළිබඳ අවබෝධය සමඟ එකට බද්ධ විය යුතුය. දරුවන් උදෙසා වූ සමස්ත අධ්‍යාපන ක්‍රියාවලිය සැබෑ සහකම්පනයෙන් පිරී ඉතිරී යා යුතුය. අද අධ්‍යාපන බිමට පෞද්ගලික අංශය වේගයෙන් අතුල්වෙනවා. නිවැරදිව අධ්‍යාපනය නොලත් අය අධ්‍යාපනය මුදලට විකුණනවා. මේ යථාර්ථය නිවැරැදිව වටහා ගන්න සියලුම රජයන් සමත් වෙලා නැහැ. මේක අවාසනාවක්. ඊටත් වඩා නරක දේ තමයි දේශපාලනය ඇතුල් වීම. මෙහි අනිවාර්ය පිළිතුර තමයි විභාග මානසිකත්වය... මේ සම්බන්ධයෙන් රට තුළ විද්වතුන්ගේ සාකච්ජාවක් අවශ්‍යයි.
නිමල් Friday, 20 July 2018 11:18 AM
නාටාමි ක්‍රමය වෙනස් කරන්න. විෂයයන් ගණන අඩු කර ළමයින්ට පීඩාව අඩු කරනු මැනවි.
sanath Friday, 20 July 2018 05:57 PM
සෑම ශිෂ්‍යයෙකුටම වසර 13 තෙක් අධ්‍යාපනය ලබා දීම ඉතාමත් හොඳ ක්‍රියාවකි. එසේම වසර 13 තෙක්ම දෙවන භාෂාව මෙන්ම ආගම විෂයද අනිවාර්ය කලයුතුයි.
nuwan Sunday, 22 July 2018 03:38 AM
ජාති ආගම් වලින් නොබෙදුණු විවෘත මනසකින් හිතන චින්තනයක් සහිත අධ්‍යාපන ක්‍රමයක් අවශ්‍යයි