විගණකාධිපතිගෙන් මහ බැංකු නිලධාරීන්ට චෝදනා

(මනෝප‍්‍රිය ගුණසේකර සහ රන්ජන් කටුගම්පොළ)

මහ බැංකුව මේ වන විටත් සෘජු ස්ථානගත කිරීමේ ක‍්‍රමයෙන් භාණ්ඩාගාර බැඳුම්කර මිලදී ගැනීම් සිදු නොකරන හෙයින් ඉන් ඇති වන ප‍්‍රතිවිපාක වලට මහ බැංකු නිලධාරින් වගකිවයුතු යැයි බැඳුම්කර කොමිසම හමුවේ සාක්කි දෙමින් රජයේ විගණකාධිපති ගාමිණි විජේසිංහ මහතා අද(14) පැවසීය.

මහ බැංකුවේ නිලධාරීන් දිගින් දිගටම පවත්වාගෙන යන මේ ක‍්‍රමය ප‍්‍රතික්ෂේප නොකිරීම හේතුවෙන් මුදල් මණ්ඩලයත් ඊට වගකිය යුතු යැයි විජේසිංහ මහතා කීවේය.

පර්පචුවල් ටෙ‍්‍රෂරීස් සමාගම වෙනුවෙන් පෙනී සිටින ජනාධිපති නීතීඥ නිහාල් ප‍්‍රනාන්දු මහතාගේ හරස් ප‍්‍රශ්නවලට පිළිතුරු දෙමින් විගණකාධිපතිවරයා මේ බව හෙළි කළේය.

ප‍්‍රශ්නය- අදත් සෘජු ස්ථාන ගත කිරීමේ ක‍්‍රමය කි‍්‍රයාත්මවන්නේ නැහැ නේද?

පිළිතුර-නැහැ.

ප‍්‍රශ්නය-අදත් සෘජු ස්ථාන ගත කිරීමේ ක‍්‍රමය කි‍්‍රයාත්මක වන්නේ නැතුව වෙනත් ක‍්‍රමයක් ක‍්‍රියාත්මක වනවා නම් එයට වගකිවයුත්තේ මහා බැංකුවේ නිලධාරීන්ද?

පිළිතුර- ඔව්.

ප‍්‍රශ්නය-මහ බැංකුවේ නිලධාරීන් දිගින් දිගටම ක‍්‍රියාත්මක කරන ක‍්‍රමය මුදල් මණ්ඩලය ප්‍රතික්ෂේප කර නැහැ නේද?

පිළිතුර-එහෙනම් මුදල් මණ්ඩලය ඊට වගකිව යුතුයි.

අදහස් (3)

විගණකාධිපතිගෙන් මහ බැංකු නිලධාරීන්ට චෝදනා

jayampathi Wednesday, 14 June 2017 10:30 AM

විගණකාධිපතිගේ සිහිනය යළිත් මහින්ද මහතාගේ ආණ්ඩුවක් සහ මහ බැංකුවේ අධිපති තනතුර.... ද? හොඳට පේනවා කඩේ යන එක නම් ....

: 28 8

himal Wednesday, 14 June 2017 10:55 AM

මේක හරියට අර කේවල ක්‍රමය එපා සමානුපාතික ක්‍රමය ගේන්න, ඒක එපා කේවල ක්‍රමය ගේන්න කියනවා වගේ දෙයක්. සෘජු ක්‍රමයට බැඳුම්කර වෙන්දේසි කරද්දි වෙන වැරදිවලට එතකොට විගණකාධිපතිතුමා වග කියනවාද?

: 1 0

sachith Wednesday, 14 June 2017 11:44 AM

රාජ්‍ය සේවකයෙක් හරියට තමන්ගේ රාජකාරිය කළා නම් එය අනිවාර්යෙන් විපක්ෂයට සහය දෙන කෙනෙක්. ඔන්න ඕක තමයි අපේ මිනිස්සුන්ගේ සිඟිති මනසිකත්වය..

: 0 14