kap Tuesday, 18 July 2017 01:00 PM

සම්පුර්ණයෙන්ම එකඟ වෙන්න වෙනවා මේ කතාවට. හැබැයි ඇයි ඉතින් ආණ්ඩුවෙන් මේ අයව හරියට පුහුණු කරන පාඨමාලා පටන් ගන්නෙ නැත්තේ.. අපේ අයට තියෙන්නේ මුලික දැනුම විතරයි.. කිසිම ප්‍රායෝගිකතාවයක් නැහැ.

shan saudi Tuesday, 18 July 2017 01:15 PM

ඇමතිතුමියනි, පළමුවෙන්ම මම ඔබතුමියට ස්තුති කරනවා මේ තත්වය තේරුම් ගත්තට... අපේ රටේ කිසිම ආණ්ඩුවක් පුහුණු ශ්‍රමිකයන් ඇති කරන්න කිසිම වැඩපිළිවලක් සකස් කරලා නෑ. එහෙම නොකරන්න හේතුවක් තියනවා මොකද? රටේ ජනතාව උගත් හා විරැකියාවෙන් මිදුනදාට දේශපාලකයාට පැවැත්මක් නෑ.. හිඟන්නන් හා නූගතුන් වැඩි වන්න,.. වැඩි වන්න දේශපාලකයා සැමදා රජ වනවා. ඕක තමයි හේතුව... උදාහරණයක් ලෙස අපි පිලිපීනය ගත්තොත් උසස්පෙළ සමත් අසමත් සැමට ඊළඟට ඉගෙනීමට විශ්ව විද්‍යාල මෙන්ම කාර්මික විද්‍යාල තිබෙනවා. ඒවායේ නිසි ඉගෙනුම ලැබූ සැමට ලෝකයේ කොතැනක් හෝ රැකියාව අනිවාර්යෙන්ම ලැබෙනවා ඒ කොහොමද? ඒ ආයතන පවත්වන්නේ ජාත්‍යන්තර ඉදිකිරීම් හා උපකරණ නිෂ්පාදන ආයතන (සීමන්ස්/ඒ බී බී) වගේ ආයතනවලට අනුබද්ධව මේ කාර්මික විද්‍යාල වලින් පිටවන අයට එම ආයතනයේ ලෝකේ කොහේ හරි තිබෙන වැඩබිමක රැකියාව ලැබෙනවා. ඒත් අපි තාමත් උසස් පෙළ පාස් නොවුණොත් අනාථ වෙනවා.

de silva berlin Tuesday, 18 July 2017 01:39 PM

ලස්සන ගොඩනැගිලි හදලා රටපුරාම වෘත්තීය පුහුණු පාසල් තිබෙනවා. නමුත් බොහෝ පාසල්වල උගන්වන දේවල් වල කිසිම ප්‍රමිතියක් නැහැ. තවත් පාසල්වල සිසුන් නැහැ. බොහෝ පාසල්වල අධ්‍යක්ෂකවරයා දේශපාලන හෙන්චයියෙක්ම තමයි. ඔවුන්ට තමන් දරන ධුරය ගැන කිසිම දැනුමක් නැත.

Anton - America Tuesday, 18 July 2017 01:42 PM

ලංකාවේ ව්ශ්ව විද්‍යාල වල දෙන්නේ ලෝකේ පිළිගත් හොඳම උපාධියක් කියල හිතන් ඉන්න ළිඳේ මැඩියන්ට හොඳම උදාහරණය තමයි මේක. අපේ කට්ටිය ලංකාවෙන් ගත්තු උපාධිය හරි ලොකුයි කියල හිත උදුම්මාගෙන පිටරට රස්සාවල් හොය හොයා ඉන්නවා. කරුණාකර ලෝකයත් එක්ක සංසන්දනය කරන්න. ලොව පිළිගත් විදෙස් ආයතනයක අධ්‍යාපන සුදුසුකමක් ගන්න... ඔය අරන් තියෙන ලංකාවේ සුදුසුකම පදනම් කරගෙන...

Prse Tuesday, 18 July 2017 02:05 PM

අපේ අධ්‍යාපන රටාව මීට වඩා ක්‍රමවත් සහ නිවැරැදි විය යුතුයි.

Noyel. P. Jayakodi Tuesday, 18 July 2017 02:24 PM

ඔව් විදේශ රැකියා වෙළඳපළට හෝ ලාංකීය වෙළඳපලට සරිලන සුදුසුකම් ලබන්න පවතින ආයතන ගැන සමාලෝචනයක් කල යුතුයි. සුදුසුකම් ලැබූවත් මැදපෙරදිග වගේ අඩු වැටුපකට යන්නේ නැහැ.

menna Tuesday, 18 July 2017 02:24 PM

විදේශවලට විකිණෙන සුදුසුකම් මොකටද? ඇමරිකාවෙන් හෙදියන් 5000ක් ඉල්ලුවා කියලා 5000 ටම රැකියා දෙන්න ඇමරිකාවට පිස්සුද? රැකියා 5000ක් පෙන්නනවා විතරයි. ඇමරිකාව ගැන හිනා මව මව ඉන්න කියලා. අපේ අයටත් පිටරටක් කිවුවොත් ඇති. රට ඇතුලේ භාණ්ඩ හා සේවාවන්ගේ ඉල්ලුම සැපයුම සමතුලිතව තියා ගත්තානම් හරි. රවි මහත්තයට කියන්න, ලංකාවේ ශ්‍රමය (වහල් සේවය) විකුණනවට වඩා, ඕනෑම රටකට ඕනෑම අවස්ථාවකට සාමාන්‍ය ජනයාටත් ගිහිල්ලා එන්න පුළුවන් විදියේ ක්‍රමවේදයක් සාකච්ඡා කරල දෙන්න කියලා. බොරුවට ලොතරැයි මණ්ඩලයට අත නොතියා...

Dusara Tuesday, 18 July 2017 02:27 PM

දේශපාලකයෝ රට විනාශකරලා තියෙන තරම... අවශ්‍යතාව දැනගෙන පාඨමාලාව සැදිය යුතුයි. රටේ පාලකයන්ටත් සුදුසුකම් නෑ.

aravinda Tuesday, 18 July 2017 02:34 PM

හෙදියන් සඳහා අවම වශයෙන් වසර 4 ක පිළිගත හැකි විශ්ව විද්‍යාල මට්ටමේ උපාධියක් ඇති කළ යුතුයි. එ්ත් ඉතින් අපේ රටේ ඒවාගේ දෙයක් කරන්න අර ජී.එම්.ඕ.ඒ. කට්ටිය ඉඩ දෙන්නේ නෑනේ....

රජින්ද Tuesday, 18 July 2017 02:47 PM

ඔය තත්වයේ වරද පැවති සහ පවතින සියලුම ආණ්ඩු පිට පැටවේ. ශ්‍රී ලාංකිකයින්ට ලෝකයේ දියුණු රටවලට සේවය සදහා යාමට සුදුසුකම් ඇති කිරීමේ ක්‍රමවත් වැඩපිළිවෙලක් නැහැ. කොටින්ම මැදපෙරදිග රටවලට ලංකාව අඩු පඩියකට තමන්ගේ ලේ-මස් වලින් වන්දි ගෙවන්න කාන්තාවන් පටවනකොට, පිලිපීනයට හෙදියන් යවනවා සාමාන්‍ය රු. 150,000 ක පඩියකට. ඉන්දියාව ගුරුවරියන් යවනවා රු. 90,000-200,000ක පඩියකට ඔන්න ඕකයි තත්වේ. හරිහමන් ඉලක්කයකට යන අධ්‍යාපන ක්‍රමයක් නැති නිසා, ආණ්ඩුවක් බලයට එන වාරයක් ගානේ අලුත් අධ්‍යාපන රටාවක් ගේනවා. ඉතින් කොහෙද රටක් බුද්ධිමත් වෙන්නේ...

Aruna Tuesday, 18 July 2017 02:55 PM

ගරු අමතිතුමියනි, ගෘහ සෙවිකාවන් විදියට ගැහැණු රට යැවීම නවත්වන්න තිබෙන හොඳම විකල්පය තමයි,.. විවිධ ක්ෂේත්‍ර වලට අවශ්‍ය පුහුණු කාර්මිකයන් පිට රටවලට යැවීම. ආණ්ඩුවේ ලොකු වගකීමක්. අපේ රටේ ප්‍රධානම විදේශ විනිමය විදෙස් ශ්‍රමිකයින්. මමත් ඒ වගේ කටාර් රාජ්‍යයේ සේවය කරන කෙනෙක් තමයි.

lalith Tuesday, 18 July 2017 03:11 PM

දැන් තේරුණා නේද රටේ තත්වේ? "ලෝකේ වටේ ගිහින් උපාධි ලොරි ගණන් අරන් ආවත් වැඩක් නැහැ. රටේ මිනිස්සුන්ට උගන්වන්නේ නැතුව" කියල ලොක්කට වැඳලා එකත්පස්ව ඉඳගෙන කියන්න.

බණ්ඩාර-කැකිරාව Tuesday, 18 July 2017 04:24 PM

ගරු ඇමතිතුමියනි ඔබතුමියගේ අදහස නිවැරදි සහ හොද පුර්ව ආරම්බයක්. එය යථාර්තයක් කරගැනීමට, මම මේ යෝජනා කිහිපයක් ඉදිරිපත් කරමි. මැදපෙරදිගට රටවල වලට ගෘහ සේවයට කාන්තාවන් යවන්න එපා. ඒ වෙනුවට වෘත්තිය පාඨමාලා නිසි ලෙස හදාරපු ,ඉංග්‍රීසි කතාකළ හැකි, පළපුරුද පිරිමි ශ්‍රමිකයන් පමණක් යවන්න. තාක්ෂණික පාසල්වලට රැකියා වෙළද පොලේ ඉහල ඉල්ලුමක් පවතින නවීන පාඨමාලා හදුන්වා දෙන්න, ඒවා ඉංග්‍රීසි මාධ්‍යයෙන් උගන්වන්න, වෘර්තිකයන්ට ගැලපෙන ඉංග්‍රීසි දැනුම එම පාසල් තුලදීම ලබා දෙන්න, මෙම ක්‍රියාවලියට දිර්ගකාලින සැලසුමක් සහිතව අඛණ්ඩව අවුරුදු 10ක් කරගෙන ගියොත් අපේ ලංකාවේ කොල්ලො ටික ගොඩ , එවිට වෙළදපලට සරිලන කුසලතා වලින් පිරිපුන් පුහුණු ශ්‍රමිකයන් පිරිසක් අපිට ලැබෙනවා. ලංකාවේ මිනිස්සු හරිම දක්ෂයි ,එහෙත් ඔවුනට නිසි ඉංග්‍රීසි දැනුම නැතිකමින් ඉදිරියට යාමට නොහැකිවී සිටිනවා . පිලිපීන ශ්‍රමිකයන්ට ලෝකයේ ඉහල ඉල්ලුමක් පවතින්නේ ඔවුන් වැඩ හොදට දැනගත්තේ නැතත් ඉංග්‍රීසි භාෂාව චතුර ලෙස කතා කරන නිසයි..

minipe Tuesday, 18 July 2017 04:39 PM

පුදුමය නම්, රජයේ නිලදාරියෙක් පොල්,රබර් හා තේ වගේ මිනිසුන් රට පටවන ගැන කතා කිරීම. නෝනේ තම රටේ කර්මාන්ත ඇති කර රැකියා සපයන්න උත්සහ ගන්න.

sanath Tuesday, 18 July 2017 05:05 PM

දැන් ඇවිල්ල මොනතරම් කාලයක්ද? නිසි වැඩපිළිවෙලක් තිබුනානම් මේ වෙනකොට දෑවුරුදු පුහුණුවක් හමාරකරපු පුහුණු ශ්‍රමිකයෝ විදේශ වලට යවන්නත් කාලේ තිබුන.

Saman Tuesday, 18 July 2017 08:42 PM

සතියකට දෙකකට වතාවක් ඇමති මණ්ඩලේ රැස්වීමට යනවා නේද? මිට අවුරුද්දකට එකකට එතැනදී කට ඇරලා අද්යාපන දෙපතමෙන්තුවට හරි උසස් අද්යාපන දෙපාර්තමේන්තුවට හරි කියල අනාගතයේ ලෝක වෙළඳපොලේ වැඩි ඉල්ලුමක් ඇති රැකියා වලට අපේ ශ්‍රම බලකාය පුහුණු කලානම් ? ඉන්දියාව කරන්නේ එහෙමයි. හොර උපාධි හරි දීල ඉල්ලපු ගමන් රට පටවන්න කට්ටිය සෙට් කරගෙන ඉන්නවා. එක්තරා කාලයක ඇමෙරිකාවේ වැල්ඩින් කාර්මිකයන් සඳහා ඉල්ලුමක් තිබුන. ඒ කාලයේ ඇමෙරිකානු විශ්වවිද්‍යාලවල වැල්ඩින් ශිල්පයට උපාධි පාඨමාලා වලට අනුරූපව ඉන්දියානු පුද්ගලික විශ්වවිද්‍යාල වැල්ඩින් පාඨමාලා ආරම්භ කලා. අවසානයේ උපාධියක් ඇති අයවලුන් විදියට ඒ පිරිස ඇමෙරිකාවේ H1 විස යටතේ රැකියා වලට‍ ඒවව. ඇමෙරිකානු කම්කරු දෙපාර්තමේන්තුව ඉදිරි අවුරුදුවල ඇතිවන ශ්‍රමිකයන්ගේ ඌනතාව සිය OCCUPATIONAL OUTLOOK වෙබ් අඩවියේ කල් ඇතිව ප්‍රසිද්ද කරනවා. ඇමෙරිකානු සිසුන් පවා තමා හැදෑරීමට අදහස් කරන උපාදිය නිගමනය කරන්නට මෙම දත්ත උපයෝගී කරගන්නවා. මින් මතු අර ඇමතිමණ්ඩල රැස්වීමට ගියවිට කාල බිල සප්පායම් වෙලා ඩියුටි ෆ්‍රී කාරෙකේ ගෙදර ගිහින් නිදාගන්නේ නැතුව රටට වැදගත් යමක් සැලසුම් සහගතව කරන්න බලන්න.

මම1 Tuesday, 18 July 2017 10:54 PM

පාසැල් අධ්‍යාපනයෙන් පසු සිසුන්ට හැලෙන්න දෙන්න එපා. පාසැල් ගොඩනැඟිලි යොදාගෙන උසස් පෙලින් පසුව ගණකාධිකරණය, මාකටිං, මානව සම්පත් කළමණාකරණය, සැපයුම් කළමණාකරණය, බැංකු ලීසිං/රක්ෂණ වැනි අංශ සහ හෙදි, මෝටර් රථ කාර්මික, නාවික ශිල්පී වැනි අංශ වල තියරි කොටස සදහා පාඨමාලා පවත්වන්න. තියරි කොටස සමත් වන අයව රජයේ සහ පෞද්ගලික අංශයට ප්‍රායෝගික පුහුණුව සඳහා යොමුකරන්න. ඉන්පසුව ලොව පිළිගත් සහතික කිරීම් විභාග වලට යොමු කරන්න,

දිනේෂ් Wednesday, 19 July 2017 04:53 AM

අපේ රටේ සහජ හැකියාව තියෙන අය ඕන තරම් ඉන්නවා ඒ අයට එයාලගේ හැකියාව තේරුම් අරගෙන ඉදිරියට යන්න මග පෙන්වන අය නෑ. කළාවට දක්‍ෂ එක්කෙනා ව්‍යාපාර අංශයට නැඹුරු වුනොත් ඒකෙන් පලක් වෙන්නේ නෑ. මෙයාලට මෙහෙම වෙන්න මූලික හේතුව නිසි මග පෙන්වන්නෙක් නොමැකි කමයි. අපේ රටේ පාසලෙන් මතු වන හැකියාවන් ඇති අය පාසල් කාලය අවසන් උනාට පස්සේ එයාලගෙන් වැඩ ගන්න දන්නේ නෑ.ඒ අය නිකම්ම ගෙදරට වෙලා ඉන්නවා. මේක අපේ රටේ තියෙන ලොකු අඩුපාඩුවක්. මොන මොන ව්‍යාපෘති ක්‍රියාත්මක උනත් ඒවා සාර්ථක නෑ. රටේ කිසිම බලධාරියෙන් මේවනකම් රටේ බුද්ධිමය දේපල ගැන නිසි අවධානයක් යොමු කරලත් නෑ.. මේකට මොකක් හරි නිසි වැඩලිපිවෙත් ගෙනල්ලා අපේ මොලකාරයන්ගෙන් වැඩ ගන්න ඕන. එහෙම නැතිව අපිට කවදාවක් දියුනු වෙන්න වෙන්නෙත් නෑ

Padmini Wednesday, 19 July 2017 05:05 AM

හෙදියක් වෙන්ට හොද සුදුසුකමක් තියෙන්න ඕන. මෙතැනදී මම හිතන්නේ ඉංග්‍රීසි භාෂාව දැනුම නැතිකමයි අඩු වෙලා තියෙන්නේ. මොකද මේ අය මෙඩිසින් වලදී භාවිත වන විශේෂ ශබ්ද කෝෂය දැනුවත් වෙන්ට ඕන රෝහලක සේවයට.

Rex Hatton Wednesday, 19 July 2017 06:24 AM

පද්මිණි ගේ අදහස හරියට හරි, ලංකාවේ හෙදියන්ගේ පමණක් නොව දොස්තර වරුන්ගේ පවා ඉංග්‍රීසි දැනුම බොහොම පහත මට්ටමක තිබෙන්නේ. පශ්චාත් උපාධියට සුදුසුකම් ලැබූ බොහෝ වෛද්‍යවරු IELTS විභාගය සමත් නොවීම නිසා ඔස්ට්‍රේලියාවට යාමට නොහැකිව සිටිනවා.

d.upul Wednesday, 19 July 2017 07:09 AM

අපිට මොකටද විදේශ රැකියා? කිසිම සුදුසුකමක් නැතිව රජ සැප විඳින්න පුළුවන් "දේශපාලන" රැකියාව තියෙද්දී.

arunalu Wednesday, 19 July 2017 08:56 AM

අැමැතිතුමියනි, කරුණාකර ඉහත සඳහන් පාඨක අදහස් හොදින් කියවා බලන්න. ඔබ තුමියට අවංකවම ඇමැතිකමින් රටට සේවයක් කරන්න අවශ්‍යනම්, කලයුතු සියල්ලම මෙහි සැකවින් අන්තර්ගත වෙනවා.