(ඩී.ජී.සුගතපාල)

රත්ගමදී ව්‍යාපාරිකයින් දෙදෙනෙකු පැහැරගෙන ගොස් ඝාතනය කිරිමේ සිද්ධිය සම්බන්ධයෙන් අපරාධ පරික්ෂණ  දෙපාර්ත‍මේන්තුවට අවශ්‍යව සිටි තවත් පොලිස් නිලධාරින් දෙදෙනෙකු අද (27) පස්වරුවේ ගාල්ල මහේස්ත්‍රාත් අධිකරණයට බාරවූහ.
 
මෙසේ බාරවුයේ දකුණු පළාත් විශේෂ අපරාධ විමර්ශන ඒකකයේ හිටපු කොස්තාපල්වරුන් වන අනිල් කුමාර සහ රාගමුණිගේ විජිත කුමාර යන දෙදෙනාය.
 
එම නඩුව අද පස්වරුවේ ගාල්ල ප්‍රධාන මහේස්ත්‍රාත් හර්ෂණ කැකුණවෙල මහතා හමුවේ විභාගයට ගත් අවස්ථාවේ නිතිඥයෙකු     මාර්ගයෙන් සැකකරුවන් දෙදෙනා මෙසේ බාරවූහ.
 
ඒ අනුව මෙම ඝාතනය සම්බන්ධයෙන් මේ වනවිට අත් අඩංගුවට ගෙන ඇති සැකකරුවන් සංඛ්‍යාව 17කි.එයින් 15ක්ම දකුණු පළාත් විශේෂ අපරාධ විමර්ශණ ඒකකයේ පොලිස් නිලධාරින් වන අතර දෙදෙනක් වන සංරක්ෂන දෙපාර්තමේන්තුවේ නිලධාරිහු වෙති.
 
සැකකරුවන් වෙනුවෙන් කරන ලද ඇප ඉල්ලිම් ප්‍රතික්ෂේප කළ මහෙස්ත්‍රාත්වරයා සැකකරුවන් සියලු දෙනාම අප්‍රියල් 8වනදින දක්වා රක්ෂිත බන්ධනාගාර ගත කිරිමට මහේස්ත්‍රාත්වරයා නියෝග කළේය. 
 
ඉකුත් ජනවාරි 23 දින රත්ගම බූස්ස රත්නඋදාගම පදිංචිව සිටි ගොනාපිනුවලගේ අසේල මංජුල කුමාර සහ කොස්ම රසික් චින්තක නමැති දෙදෙනා පැහැරගෙන යාම ඝාතනය කිරිම කුමන්ත්‍රණය කිරිම එම අපරාධයට ආධාර අනුබලදිම යන චෝදනා යටතේ මෙම සැකකරුවන් අත් අඩංගුවට ගෙන අධිකරණයට ඉදිරිපත් කිරිමෙන් පසු මෙසේ රිමාන්ඩ් බන්ධනාගාර ගත කරන ලදී