අජිත්ලාල් ශාන්තඋදය සහ  ප‍්‍රින්ස් රත්නායක
 
සබරගමු විශ්ව විද්‍යාලයේ අලූතින් ස්ථාපිත කරන වෛද්‍ය පීඨය සහ තාක්‍ෂණ පීඨය  මේ වසරේ නොවැම්බර් මාසයේ විවෘත  කරන බව ශ‍්‍රී ලංකා සබරගමුව විශ්ව විද්‍යාලයේ උපකුලපති මහාචාර්ය සුනිල් ශාන්ත මහතා අද  කුරුවිට බටුහේනේ පිහිටි එම වෛද්‍ය පීඨ පරිශ‍්‍රයේ පැවති මාධ්‍ය හමුවකදී පැවසීය.
 
කුරුවිට බටුහේනේ පිහිටා තිබූ විගණන දෙපාර්තමේන්තුවට අයත් රාජ්‍ය විගණන පුහුණු සහ සංවර්ධන මධ්‍යස්ථානයේ මෙම වෛද්‍ය පීඨය ස්ථාපිත කර ඇත. තාක්‍ෂණ පීඨය බෙලිහුල්ඔය විශ්ව විද්‍යාල පරිශ‍්‍රයේ ස්ථාපිත කෙරේ.
 
මාධ්‍ය හමුවේ දී අදහස් දැක්වූ ශ‍්‍රී ලංකා සබරගමුව විශ්ව විද්‍යාලයේ උපකුලපති මහාචාර්ය සුනිල් ශාන්ත මහතා මෙසේ ද පැවසීය.
 
‘සබරමුව විශ්ව විද්‍යාලයේ  ස්ථාපිත කරන මේ නව පීඨ දෙක නිසා වෙනදාට ඇතුලූවන ශිෂ්‍ය සංඛ්‍යාවට වැඩියෙන් සිසුන් 225 දෙනෙකුට සබරගමු විශ්ව විද්‍යාලයට ඇතුළත් වීමට අවස්ථාව ලැබෙනවා.   වෛද්‍ය පීඨයට අවශ්‍ය සියලූ පහසුකම් බටුහේනේ වෛද්‍ය පීඨයේ තිබෙනවා. දේශන ශාලා මෙන්ම අංග සම්පර්ණ ශ‍්‍රවනාගාරයක් දැනටමත් එහි ස්ථාපිතයි. රසායනාගාර තුනක් ඉදිරි මාස දෙක තුල ස්ථාපිත කරනවා.
 
විගණකාධිපති දෙපාර්තමේන්තුවේ පුහුණු මධ්‍යස්ථානයක් ලෙස ස්ථාපිත කළ මේ ස්ථානය වෛi පීඨය ස`දහා අවශ්‍ය සියලූ මූලික පහසුකම් තියනවා. වෛද්‍ය පීඨය පුහුණු කටයුතු ස`දහා රජයේ මහ රෝහලක් අවශ්‍යයි. ඒ ස`දහා රත්නපුර මහ රෝහල ශීක්‍ෂණ රෝහලක් ලෙස සංවර්ධනය කිරීමට සෞඛ්‍ය අමාත්‍ය රාජිත සේනාරත්න මහතා කටයුතු කරන බව දන්වා තිබෙනවා.
 
තාක්‍ෂණ පීඨය බෙලිහුල්ඔය පරිශ‍්‍රයේ පිහිටුවන්නේ. ඒ ස`දහා ආසියානු සංවර්ධන බැංකුවේ සහන ණය ආධාර ලෙස රුපියල් මිලියන 4900ක් ලැබී තිබෙනවා. තාක්‍ෂණ පීඨය ස්ථාපිත කරන ගමන් බෙලිහුල්ඔය පිහිටි සබරගමු විශ්ව විද්‍යාල පරිශ‍්‍රයම සුර්ය බලයෙන් විදුලිය නිපදවන විකල්ප බලශක්ති ඒකකයක් බවට පරිවර්ථනය කරනවා. විකල්ප බලශක්ති සම්බන්‍ධයෙන් උපාධි පාඨමාලාවක් ලංකාවේ පළමුවරට හ`දුන්වලා දීලා තියෙන්නේ සබරගමු විශ්ව විද්‍යාලයේ බවත් කිව යුතුයි. ‘‘