අධිවේගයේ අනතුරකින් වෛද්‍ය පවුලක් තුවාල ලබයි

(බිමල් ශ්‍යාමන් ජයසිංහ)

හම්බන්තොට ,මහ රෝහලේ විශේෂඥ වෛද්‍යවරයකුගේ බිරිඳ සහ සහ දරු දෙදෙනා ගමන්ගත් ,සුඛෝ භෝගී මෝටර් රථයක් දක්ෂිණ අධිවේගී මාර්ගයේ බද්දේගම අධිවේගී පිවිසුම ආසන්නයේ කිලෝමීටර් 80 දශම 9 කණුව අසලදී අනතුරකට ලක්වීමෙන් ඔවුන් තිදෙනාම තුවාල ලබා ඇතැයි අධිවේගී රථවාහන පොලිසිය කියයි.

තුවාල ලැබූවන් අතර වයස අවුරුදු 16-21 පසුවන පුතුන් දෙදෙනා සහ බිරිඳ වන බව රෝහල් ආරංචි මාර්ග සඳහන් කරයි.

අනතුර වන අවස්ථාවේදී 21 හැවිරිදි පුතු මෝටර් රථය පදවා ඇති බව පොලිසිය කියයි.ඔහුගේ තත්ත්වය තරමක් බරපතල බව රෝහල් ආරංචි මාර්ග සඳහන් කරයි.

මාතර දෙස සිට කොළඹ දෙසට පැමිණෙමින් තිබූ මෝටර් රථය මැද ආරක්ෂිත වැටේ ගැටි කැරකී ගොස් මොනරාගල සිට කොළඹ දෙසට ධාවනය වෙමින් තිබූ සුඛෝභෝගී පෞද්ගලික බස් රථයේ තිබූ දකුණු පස බඳ කොටසේ ගැටී අනතුරට ලක්වී තිබූ බව පොලිසිය සඳහන් කරයි.

සිදුවූ අනතුරත් සමගම මෝටර් රථයේ තුවාල ලබා සිරවී සිටි පිරිස මාර්ග සංවර්ධන අධිකාරියේ ගිලන් රථ පැමිණීමට පෙර මාර්ගයේ ගමන් ගත් වාහන රියදුරන් විසින් කරාපිටිය රෝහල වෙත ඇතුලත් කිරීමට පියවර ගෙන තිබිණි.

අදහස් (5)

අධිවේගයේ අනතුරකින් වෛද්‍ය පවුලක් තුවාල ලබයි

Lalla Wednesday, 21 August 2024 08:49 PM

පොඩි එවුන්ට අධිවේගී මාර්ගය භාවිත කරන්න දීම භයානකයි. නුපුහුනු රියදුරන් සමහර අවස්ථාවල යන්න බය හිතෙන විදියට වැඩ පෙන්නන්න යනව.

: 7 120

ආච්චි Thursday, 22 August 2024 08:40 AM

තාත්තගේ මොලේ පුතාට කොයින්ද? එයත් තව එක් තරුණ මදයෙන් පිම්බුණු අපරික්ෂාකාරී රියදුරෙක් විතරයි. ඔන්න ප්‍රතිඵල.

: 9 30

Rohana Thursday, 22 August 2024 11:59 AM

තාත්තා (රියදුරු බලපත්‍රය ඇතැයි සිතමි) වාහනය පැදවූවා නම් මෙවැනි අනතුරක් නොවන්න තිබුණා. කොහොමත් තරණ වයසේ අය වේගයෙන් යන්න කැමති වුණත් ඒක ඕනෑම අවස්ථාවක දී පාලනය කරගන්න දන්නේ නැතිකම මෙවැනි අනතුරුවලට හේතුවයි.

: 1 4

චන්දිම Thursday, 22 August 2024 04:26 PM

සෑහෙන කාලයක් සාමාන්‍ය පාරවල්වල රිය පදවලා පුරුදු නැතිනම් මේ අධිවේගී මාර්ගයේ යන එක හොඳටම අවදානම්. මොකද වෙන රටවලට වඩා මේ අධිවේගී මාර්ගයේ පළල අඩු වගේ තමයි මට නම් පෙන්නේ. වාහනයක් තව වාහනයක් ඉස්සර කරද්දී වැටට බොහොම ලඟින් වගේ ගමන් කරන්නේ පොඩ්ඩ වැරදුනොත් විනාසයි. මේ සුඛෝපභෝගී බස් රියැදුරන් සාමාන්‍යෙයන් 100 ත් 110 ත් අතර වේගයෙන් යන වෙලාවල් තියෙනවා. ඒක හොඳයි කියනවා නෙමෙයි. හැබැයි ඒ හුඟක් රියැදුරන් අනතුරු කර ගන්නේ නැතුව යන්න දන්නවා. ඒ මිනිස්සුන්ගේ පළපුරුද්දත් එක්ක. මේ ළමයා එවැනි වේගයෙන් යන බසයක් ඊටත් වඩා වේගයෙන් ඉස්සර කරන්නත් ගියා වගේ තමයි මෙතැන පේන්නේ බසයේ දකුණු පැත්තේ වැදුණා කියලා කියන කොට...!

: 1 3

සෙනෙවිරත්න Thursday, 22 August 2024 09:06 PM

සමහර අය මැද ඉර අල්ලගෙන ගාටනවා, ඉස්සර කරන්න ඕන ⁣වාහනය දකුණට ගන්නකොට දකුණු පැත්තෙ වැටේ ගෑවෙනවා.. රෝද ⁣යන්තම් කැපුනොත් වදිනවා. පාර පටු කමත් මැද වම් පැත්ත කොච්චර ඉඩ තිබුණත් මැද ඉර අල්ලගෙන ගාටන ආත්මාර්තකාමි රියැදුරන් තමයි මේකට හේතුව...!

: 0 0

ඔබේ අදහස් එවන්න

එසැණ පුවත්

ඡන්ද මධ්‍යස්ථානයේදී වූ හබයෙන් කතක් රෝහලේ:දෙකක් අත්අඩංගුවට

2024 සැප්තැම්බර් මස 23 1 0

ජනාධිපතිවරණ ඡන්ද ගණන් කිරීමේ මධ්‍යස්ථානය ලෙස පිහිටුවා තිබූ කොළඹ රාජකීය විද්‍යාලයේ මධ්‍යස්ථානය තුළදී බහින්බස්වීමක් දුරදිග යාමෙන් අනතුරුව කාන්තාවක

පහේ පේපරේ අවුලට අධ්‍යාපන ලොක්කෙක් අත්අඩංගුවට

2024 සැප්තැම්බර් මස 23 500 0

2024 වර්ෂයේ පහ ශ්‍රේණිය ශිෂ්‍යත්ව විභාගයේ පළමු ප්‍රශ්න පත්‍රයේ ප්‍රශ්න කීපයක් පිට කිරීම සම්බන්ධයෙන් මහරගම ජාතික අධ්‍යාපන ආයතනයේ අධ්‍යක්ෂවරයෙකු අපරාධ

ප්‍රජාතන්ත්‍රවාදය රකින්න උපරිම කැපවීම කරනවා

2024 සැප්තැම්බර් මස 23 702 0

රටේ ප්‍රජාතන්ත්‍රවාදය රැකීම සඳහා උපරිම කැපකිරීම කරන බව ජනාධිපති අනුර දිසානායක මහතා ජනපති ධුරයේ දිවුරුම් දීමෙන් අනතුරුව ජාතිය අමතමින් ජනාධිපති කාර්

නව ජනපති දිවුරුම් දෙයි

2024 සැප්තැම්බර් මස 23 1585 0

ශ්‍රී ලංකාවේ 09 වැනි විධායක ජනාධිපතිවරයා ලෙස අනුර කුමාර දිසානායක මහතා අද(23) සිය ධුරයේ දිවුරුම් දුන්නේය.

අගමැති ඉල්ලා අස්වෙයි

2024 සැප්තැම්බර් මස 23 1779 1

අග්‍රාමාත්‍ය දිනේෂ් ගුණවර්ධන මහතා අද(23) සිය ධුරයෙන් ඉල්ලා අස් වී තිබේ.

නව ජනපති පත් කිරීම ගැන ගැසට්ටුවක්

2024 සැප්තැම්බර් මස 23 2208 0

2024 ජනාධිපතිවරණය මගින් නව ජනාධිපති ලෙස අනුර කුමාර දිසානායක මහතා තෝරා පත්කර ගැනීම පිළිබඳව වූ අති විශේෂ ගැසට් පත්‍රය මැතිවරණ කොමිෂන් සභාව විසින් ඊයේ( 22) න