(සුජිත් හේවාජුලිගේ සහ අංජුල මහික වීරරත්න)
අධිවේගී මාර්ග විකුණන්නේ හෝ බදු දෙන්නේ හෝ නැතැයි ප්රවාහන සහ මහාමාර්ග අමාත්ය ආචාර්ය බන්දුල ගුණවර්ධන මහතා පාර්ලිමේන්තුවේදී අද (22) පැවසීය.
එසේම සේවකයන් කිසිවකුගේ රැකියා අහිමි නොවන බවද ඔහු සඳහන් කළේය.
අධිවේගී මාර්ගවල සේවකයන්ගේ වැඩවර්ජනය හරහා රටේ ආදායම අහිමි කිරීමේ කඩාකප්පල්කාරී ක්රියාවක් සිදු වන්නේ නම් ඒ සඳහා නීතිය ක්රියාත්මක කරන බව පැවසූ අමාත්යවරයා රාජ්ය ආදායම අහිමි කිරීම සහ මේ සේවකයන් කරන තර්ජන පිළිබඳව පොලිසියට පැමිණිලි කර ඇතැයිද ප්රකාශ කළේය.
අමාත්යවරයා මෙසේ පැවසුවේ අමාත්යාංශ නිවේදන ඉදිරිපත් කරමිනි.
ආචාර්ය බන්දුල ගුණවර්ධන මහතා මෙසේද පැවසීය.
මාර්ග සංවර්ධන අධිකාරියේ සේවක කාරකාදීන් වර්ජනයක යෙදිලා ඉන්නවා. අධිවේගී මාර්ගයේ ප්රවේශ පත්ර නිකුත් කරන යන්ත්ර සූත්ර ක්රියාත්මක කිරීමට පවා ඉඩ දීලා නැහැ. ඒවා ඔවුන් බාරයට ගෙන තිබෙනවා.මේවා රාජ්ය දේපළ. මේ දේවල් නොකරන ලෙසට අපි දැනුම් දීලා තියෙනවා. ඒ රාජ්ය දේපළ ආපසු බාර දීල හමුදාවට අවශ්ය සහාය දෙන්න කියලා ඉල්ලා සිටියා. රාජ්ය ආදායම අහිමි වීම සහ මේ අය කරන තර්ජනය පිළිබඳව අපි පොලිසියට පැමිණිලි කළා. මෙතන මොනවා හරි කඩාකප්පල්කාරී ක්රියාවක් සිද්ධ වුණහොත් රාජ්ය ආදායමක් මැඩපැවැත්වීම සඳහා ක්රියාවක් සිදු වෙනවා නම් ඊට විරුද්ධව අපි ක්රියා කරනවා.
පොලීසියට සහ හමුදාවට යන්ත්ර යන්ත්රසූත්ර නැතුව ටිකට් පත්ර නිකුත් කිරීමට ක්රමයක් හඳුන්වලා දීලා තියෙනවා. රට ආර්ථික වශයෙන් පවතින තත්වය යටතේ ආදායමක් මේ විදිහට අහිමි කිරීම බරපතළ අපරාධයක්.
විපක්ෂයේ ප්රධාන සංවිධායක ලක්ෂ්මන් කිරිඇල්ල මහතා
අධිවේගී මාර්ග වල සේවය කරන දරුවන්ට විශාල බයක් තියෙනවා. මේ අධිවේගී මාර්ග විකුණන්න යනවා.ඒ අයගේ රැකියා නැති වෙයි කියලා මේකයි ප්රශ්නේ. අධිවේගී මාර්ග බදු දෙනවාද විකුණනවද කියලා මම ඇමතිතුමාගෙන් අහනවා.
ගුණවර්ධන මහතා
මාර්ග සංවර්ධන අධිකාරියේ එකම සේවකයෙකුගේ වත් රැකියා හිමි වන්නේ නැහැ. ස්ති ප්රතිඥාවක් දුන්නත් පිළිගන්නේ නැත්නම් කරන්න දෙයක් නෑ. අධිවේගී මාර්ග විකුනන්නෙ බදු දෙන්නේ නැහැ.
කිරිඇල්ල මහතා
සේවකයන්ට ඇත්ත කිව්වා නම් ඉවරනේ. එයාලට බයක් තියෙනවා. මමත් මහ මාර්ග ඇමැතිවරයා විදිහට වැඩ කළා ..ඒ අය මට කතා කළා.අහන ප්රශ්නෙට උත්තර දෙන්නැතුව වංගු ගහනවා.
ගුණවර්ධන මහතා
මහා මාර්ග අධිවේගී මාර්ග මුදල් අමාත්යාංශය යටතට පවරාගෙන තියෙනවා. හැබැයි පරිපාලනය කරන්නේ අපි. කාගෙවත් රැකියා අහිමිවන්නේ නැහැ.
ජනප්රිය රංගන ශිල්පිනි දමිතා අබේරත්න මහත්මිය මහ මැතිවරණයේදී සමගි ජන බලවේගයෙන් රත්නපුර දිස්ත්රික්කයට තරඟ වදින්නීය.
යාපනය වඩමාරච්චි මුහුදු ප්රදේශයේදී ධිවර යාත්රාවක් පෙරැළී යාමෙන් පුද්ගලයෙකු මියගොස් ඇතැයි වඩමාරච්චි පොලිසිය සදහන් කරයි.
ඊශ්රායල - හමාස් යුද්ධය හේතුවෙන් මේ වනවිට සෑම පලස්තීනුවන් 55 දෙනෙකුට එක් අයෙක් ඊශ්රායල ආරක්ෂක හමුදාව අතින් ඝාතනය වී ඇති බවත් සෑම දිනකම පලස්තීන ළමයින් 10
මීට දශකයකට පමණ පෙර ඕස්ට්රේලියාවට පැමිණි ශ්රී ලංකාවේ විනුල් කරුණාරත්න මේ වනවිට මිලියනපතියකු වී ඇතැයි එරට මාධ්ය වාර්තා කළේය.
බස්නාහිර, සබරගමුව, සහ වයඹ පළාත්වලත් ගාල්ල සහ මාතර දිස්ත්රික්කවලත් විටින් විට වැසි හෝ ගිගුරුම් සහිත වැසි ඇති වන බව කාලගුණ විද්යා දෙපාර්තමේන්තුව කියය
ව්යාජ උප්පැන්න සහතිකයක් ඉදිරිපත් කර අවිධිමත් රාජතාන්ත්රික විදේශ ගමන් බලපත්රයක් ලබා ගත්තේ යැයි කියන හිටපු අමාත්ය වරයකුගේ බිරිඳ වන ශෂී වීරවංශ මහත
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
අධිවේගී මාර්ග විකුණන්නේ බදු දෙන්නේ නැහැ
රංබොඩ Wednesday, 22 November 2023 02:21 PM
අප්පට බොල කිරිඇල්ලගෙ දරුවොනෙ ඒකෙ වැඩ කරන්නෙ ? හරිම හුරතල් තාත්ති කෙනෙක් තමයි එයා නම්.
Amal Wednesday, 22 November 2023 02:27 PM
වැඩවර්ජනය පිළිබඳව පොලිසියට පැමිණිලි කළා. හැබැයි ශ්රී ලංකාවේ ක්රිකට් වංචා සහ දූෂණ පිළිබඳව නීතිය ක්රියාත්මක කරන්න බැරියාව...!!!
wedage Wednesday, 22 November 2023 03:01 PM
පවරා දෙන්න පුළුවන්නෙ
Dayan Wednesday, 22 November 2023 08:03 PM
නීතියක් නැති රටක ඕවා සාමාන්ය දේවල්...!
රුචිර Thursday, 23 November 2023 08:36 AM
මෙයාට තවම ඔය ඇමතිකම තියෙනවද. අනේ රටකට ගිය කල.
Ruwan Niriella Thursday, 23 November 2023 11:57 AM
බන්දුල කියන්නේ කොහොමද විකුණන්නෙ නෑ කියලා. බන්දුල මහාමාර්ග ඇමති වුණාට රනිල් මහාමාර්ග විෂය රනිල්ගෙ යටතට අරගෙන ඉවරයි. ලංකාවේ විකුණන්න ඕනේ මොනවාද කියලා තීරණය කරන්නේ රනිල් මිසක් බන්දුල නෙමෙයි