අපේක්ෂකයෝ මහ රොත්තක් විනෝදයට ඡන්ද බිමේ

(සුජිත් හේවාජුලිගේ)

ජනාධිපතිවරණයට තරඟ වදින අපේක්ෂකයන්ගෙන් සියයට අනූවක්ම ඉදිරිපත්ව සිටින්නේ ජයග්‍රහණය නොව වෙනත් වෙනත් පෞද්ගලික අරමුණු සහ බලාපොරොත්තු ඉටුකර ගැනීමට බව පෙනී යන්නේ යැයි මැතිවරණ නිරීක්ෂණ සංවිධාන පවසයි.

තානාපති තනතුරු ඇතුළු රාජ්‍යතාන්ත්‍රික තනතුරු ලබාගැනීම, විදේශ සංචාරවලදී ඉහළ පිළිගැනීම් ලබා ගැනීම, ආණ්ඩුකාර ධූර, සංස්ථා සභාපතිකම් ඇතුළු විවිධ තනතුරු ලබා ගැනීම, මීළඟ මහ මැතිවරණයේදී තරග වැදීමට ජන පදනම සකස් කර ගැනීම, පිළිගත් දේශපාලන පක්ෂවලට සූක්ෂම ලෙස ඇතුළුවීම සහ ඒවායේ නිලතල ලබා ගැනීම, මාධ්‍යයන්හි වෙන් කෙරෙන ගුවන් කාලය පාවිච්චි කරමින් ප්‍රධාන අපේක්ෂකයන්ට කෙලින්ම හෝ අනියමින් සහාය දැක්වීම සහ මාධ්‍ය හරහා ප්‍රසිද්ධියක් ලබා ගැනීම යනාදී කාරණා
මෙම අපේක්ෂකයන් ජනාධිපතිවරණයට ඉදිරිපත් වීමේ අරමුණු අතර වන බව නිරීක්ෂණ සංවිධාන ප්‍රකාශකයෙක් පැවසීය.

පළාත් පාලන ආයතනයක මන්ත්‍රී ධූරයක් ලබා ගැනීම සඳහා හයිය ලබා ගැනීම මීට පෙර ජනාධිපතිවරණයකට ඉදිරිපත් වූ අපේක්ෂකයකුගේ අරමුණ වූ බව ඔහුගේම ප්‍රකාශයකින් තහවුරු වූයේ යැයිද හෙතෙම සඳහන් කළේය.

මෙවර ජනාධිපතිවරණයට අපේක්ෂකයෝ 39 දෙනෙක් ඉදිරිපත්ව සිටිති.

මින් වැඩි පිරිසක් ව්‍යවසායකයෝ, දැනට පාර්ලිමේන්තුවේ සිටින මන්ත්‍රීවරු සහ හිටපු මන්ත්‍රීවරු වෙති.

මේ සම්බන්ධයෙන් අදහස් දක්වන මැතිවරණ කොමසාරිස් ජනරාල් සමන් ශ්‍රී රත්නායක මහතා පවසන්නේ අපේක්ෂකයන් විශාල වශයෙන් ඉදිරිපත්වීමෙන් වැඩිවන සෑම අපේක්ෂකයකු වෙනුවෙන්ම කෝටි දෙකකට ආසන්න මුදලක් වැය කිරීමට සිදුවන බවයි.

අදහස් (6)

අපේක්ෂකයෝ මහ රොත්තක් විනෝදයට ඡන්ද බිමේ

පිටරැටියා Monday, 19 August 2024 04:36 PM

ජනාධිපති වෙන්න ඉල්ලන අය මෙතරම්ම ඉන්න එකම රටත් ලන්කාව වෙන්න ඇති...

: 0 0

දසත Monday, 19 August 2024 05:46 PM

මම කිව්වේ මෙයාලා ඡන්ද කඩන වැඩේට බැහැලා ඉන්නේ කියලා...!

: 0 0

Dharmatileke Monday, 19 August 2024 05:56 PM

කිසිම ස්වාධීන අපේක්ෂකයෙකුටවත් ඡන්දය දෙන්න එපා...

: 0 0

m. saman perera Monday, 19 August 2024 07:12 PM

හරිම විනෝද කාමී රටක්, ජනාධිපති කම එච්චර පහතට වැටිලා...

: 1 23

G. B. S. හේවාරාළ Tuesday, 20 August 2024 12:48 AM

එතකොට ඒ වැඩිවෙන අපේක්ෂකයෙකුට යන වියදම ඇප තැම්පතුවක් ලෙස අර ගන්න, 5%ක් වත් ඡන්ද ලබා ගන්න බැරි නම් ඒ ඇප තැම්පත් රාජසන්තක කරන්න. රුපියල් කෝටි දෙකක් කියන්නේ දැන් කාලේ මහ ගාණක් නොවේ... විදේශ රටක කම්කරු මට්ටමේ නොවන සාමාන්‍යයෙන් හොඳ රැකියාවක් අවුරුදු දෙකක් කෙරුවා නම් ඔය මුදල ඉතිරි කර ගන්න පුළුවන්... ඉතින් ව්‍යාපාරිකයින්ට ඕක කොහොමත් කජ්ජක් නොවේ. ඒ නිසා ඒ මුදල අය කර ගන්න විනෝදකාමී සියලු අපේක්ෂකයින්ගෙන්...!!!

: 0 0

Rohana Tuesday, 20 August 2024 10:00 AM

සෑම අපේක්ෂකයෙකුටම මැතිවරණය සඳහා රජයට දැරීමට වන වියදමට සමාන මුදලක් ඇපමුදලට එකතුකර අපේක්ෂකත්වය අනුමත කළොත් අනවශ්‍ය අපේක්ෂකයින් ඉදිරිපත්වීම වැළැක්විය හැකියි. එසේම ඡන්දයෙන් පසුව ප්‍රකාශිත වලංගු ඡන්දවලින් 25% ට වැඩියෙන් ගන්නා අපේක්ෂකයින්ගේ ඇප මුදල ආපසු ලබාදිය හැකියි...!

: 0 0

ඔබේ අදහස් එවන්න

එසැණ පුවත්

ඌව - සබරගමු ආණ්ඩුකාරවරුත් ඉල්ලා අස්වෙ

2024 සැප්තැම්බර් මස 23 3 0

ඌව ආණ්ඩුකාරය අනුර විදානගමගේ සහ සබරගමුව ආණ්ඩුකාර නවීන් දිසානයක මහත්වරු සිය ධූරවලින් ඉල්ලා අස්වීමේ ලිපි බාරදුන්හ.

මධ්‍යම ආණ්ඩුකාර ඉල්ලා අස්වේ

2024 සැප්තැම්බර් මස 23 466 0

මධ්‍යම පලාත් ආණ්ඩුකාර නීතීඥ ලලිත් යූ ගමගෙ මහතා ආණ්ඩුකාර ධූරයෙන් ඉල්ලා අස්වීමේ ලිපිය බාරදී ඇත් බව මධ්‍යම පළාත් ආණ්ඩුකාර කාර්යාලයේ ප්‍රකාශකයෙක් පැවසී

මිරිහානේ පහරදීමකින් අයෙක් මරුට

2024 සැප්තැම්බර් මස 23 467 0

නුගේගොඩ, උඩහමුල්ල දුම්රියපොළ මාර්ගයේ දී දියණියගේ පෙම්වතාගේ ඥාතියකු විසින් තියුණු ආයුධයකින් කළ පහරදීමකින් පුද්ගලයකු මියගොස් ඇති බව මිරිහාන පොලිසිය

ජනපති ලේකම් ධූරයට සනත් කුමානායක

2024 සැප්තැම්බර් මස 23 3901 0

සනත් නන්දික කුමානායක මහතා ජනාධිපති ලේකම් ධූරයට පත්කර තිබේ. කුමානායක මහතා කැළණිය විශ්වි විද්‍යාලයේ උපාධිධාරියෙකි.

සතුට සමරා රතිඤ්ඤා දැල්වූ පුද්ගලයෙක් රෝහලේ

2024 සැප්තැම්බර් මස 23 946 0

ජාතික ජන බලවේගයේ නායක අනුර කුමාර දිසානායක මහතා ජනපති වීමේ සතුට සමරා රතිඤ්ඤා දල්වමින් සිටි පුද්ගලයකු බරපතල තුවාල ලබා රෝහල් ගත කර ඇතැයි හොරණ මූලස්ථාන ප

මිලියන 120,000 ක භාණ්ඩාගාර බිල්පත් වෙන්දේසියක්

2024 සැප්තැම්බර් මස 23 2329 1

රුපියල් මිලියන එක්ලක්ෂ විසි දහසක් වටිනා භාණ්ඩාගාර බිල්පත් වෙන්දේසියක් අනිද්දා (25 ) දා පවත්වන බව ශ්‍රී ලංකා මහ බැංකුව පවසයි.