පාසැල් නිවාඩු කාලේ නිසා රන්වල බළකායේ පුදුම ඉස්කෝලෙන් අලුත් වැඩක් කරන්න යනවා කියලා ආරංචි වුණා. ඉතින් ඒ ගැන හදසර අපි සහන් රන්වල එක්ක කතා කළා. මේ ඒ කතා බහ.
කොහොමද මේ දවස්වල වැඩ කටයුතු?
මේ පාසල් නිවාඩු කාලේ නිසා ටිකක් කාර්ය බහුලයි. මොකද අපි සංදර්ශන මාලාවක් කරගෙන යනවා. ඉදිරියේදී විදෙස් සංචාර කිහිපයකුත් ඇවිල්ලා තියෙනවා මැද පෙරදිග ඔස්ට්රේලියාව, නවසීලන්තය, සහ යුරෝපයේ. ඉතින් ඒ සඳහාත් සුදානම් වෙනවා. ඒ වගේම වැඩ මුළු දේශන පවත්වනවා. රන්වල පදනමේ ජන ගී ප්රාසාංගික පාඨමාලාවේ ගාල්ල සහ ගම්පහ පාඨමාලා ආරම්භ කළා. කොළඹ පාඨමාලාට අලුත් අය බඳවා ගැනීම සිදුවෙනවා සැප්තැම්බර් 17, 18 දිනවල. ඒ අතර තමා මේ විශේෂ වැඩෙත් අපි කරන්නේ.
අපි කියමු මොකක්ද මේ විශේෂ වැඩේ කියලත්?
ඔව් අගෝස්තු 27 වැනිදා තමයි මේ විශේෂ කාර්යය සිදුවෙන්නේ. චිත්ර ශිල්පය කෙරෙහි කුසලතාව ඇති අය වෙනුවෙන්. අපි කරන පුදුම ඉස්කෝලේ කියන ක්රියාකාරකම් සහිත පාසැල හරහා තමයි මෙය සංවිධාන කරන්නේ. සිත්තර සූත්තර කියලා තමයි අපි නම් කරලා තියෙන්නේ.
කොහොමද මේ සඳහා සම්බන්ධ වෙන්නේ?
ඔව් විශේෂයෙන්ම කියන්න ඕනේ මේ සඳහා ඕනෑම කෙනෙක්ට සම්බන්ධ වෙන්න පුළුවන්. 072 9333666 දුරකථන අංකයට කතා කරලා ඔබේ පැමිණීම පමණක් දන්වන්න. වයස් සීමාවක් නැහැ. චිත්ර ශිල්පයට ඇළුම් කරන ලොකු කුඩා ඕනෑම කෙනෙක්ට මේ සඳහා සම්බන්ධ වෙන්න පුළුවන්. සම්පුර්ණයෙන්ම නොමිලේ තියෙන්නේ බත්තරමුල්ල පැලවත්ත අපේ ගම පරිශ්රයේ දී උදෑසන 8 සිට දහවල් 12 දක්වා. මේ සිත්තර සූත්තර චිත්ර වැඩසටහන මෙහෙයවන්නේ ප්රවීණ චිත්ර ශිල්පී සුදත් අබේසේකර මහතා.
පුංචි අයත් එක්ක ඔබ වැඩියෙන් වැඩ කරනවා. කොහොමද ඒ අත්දැකීම?
මම පොඩි අය දකින්නේ පොඩි අය විදියට. එයාලට අපිට කලින් තාක්ෂණය ළංවුණාට මදි. ළමා මනසට අවශ්ය කරන ළමා මනස වර්ධනය කරන දේවල් ලැබෙන්න ඕනේ. අපිට ඕනේ නූතන යුගයට මුහුණ දිය හැකි රටට ආදරය කරන නිර්මාණශීලි තාර්කිකව හිතන ක්රියාශීලි දරුවෙක් බිහි කරන්න. ඒ සඳහා තමා අපි පුදුම ඉස්කෝලේ පටන් ගත්තේ. ඒ හරහා තමා මේ සිත්තර සූත්තර වැඩ සටහන කරන්න හිතුවේ.
කොහොමද ඔබේ ඉදිරි වැඩ කටයුතු?
ඔව් ඉදිරියේදී වැඩ සටහන් ගොඩක් තියෙනවා. දැන් 27 මේ සිත්තර සූත්තර වැඩ සටහන වගේම 28 වැනිදා හොරණ ශ්රීපාලියේදී සවස 3.00 ට සහ 6.30 ට පැවැත්වෙනවා රන්වල බළකායේ ත්රි සිංහලේ ත්රිවිධ සම්ප්රදායේ තුන්කල් යාකෙරන හෙවත්, රන්වල බළකායේ ත්රී, කියන සංදර්ශනය. ඒ වගේම පොඩි, අයට ජන ගී, කියන ප්රසංගය පැවැත්වෙනවා සැප්තැම්බර් 4 සහ 11 ආනන්ද විද්යාලීය කුලරත්න ශාලාවේදී.
මෙවර ශිෂ්යත්ව විභාගයට පෙනී සිටි ළමයි වෙනුවෙන් විශේෂ වැඩසටහන් කරනවා කොළඹ, ගම්පහ සහ ගාල්ලේදී. ඒ වගේම අවුරුදු 4 සිට දරුවන් අපි අපේ පුදුම ඉස්කෝලෙට ගන්නවා ඒ සඳහා අලුත් ළමයි බඳවා ගැනීමේ කටයුතු සිදුවෙනවා සැප්තැම්බර් 3 අපේ ගම පරිශ්රයේ දී. ඔය දේවල් නිසා කාර්යබහුල වෙලා ඉන්නේ. විශේෂයෙන්ම කියන්න ඕනේ මගේ පියාගේ උපන් දිනය යෙදෙන නොවැම්බර් මාසේ 27 වැනිදා රන් සලකුණ කියලා දැවැන්ත ප්රසංගයක් පවත්වන්න දැනටමත් කටයුතු කරගෙන යනවා.
ඒ සඳහා රන්වල පදනමේ පැරුණි, වර්තමාන සහ අනාගත කියන සියලු දෙනා සහභාගි කරගන්නවා. එය අලුත් අත්දැකීමක් වේවී.
ලොකු කුඩා සැවොම එක්ක වැඩ කරන්න ලැබීම ගැන මොකද හිතෙන්නේ?
මිනිස්සු එක්ක වැඩ කරන්න ලැබීම ගැන මම ගොඩක් තෘප්තිමත්. මොකද විවිධ සිතුම් පැතුම් තියෙන පිරිස් එක්ක වැඩ කරන්න ලැබෙන්නේ. ඒ වගේම අරමුණක් නැති අයට අරමුණක් දෙන්න බලාපොරොත්තුවක් නැති අයට බලාපොරොත්තුවක් ඇති කරන්න. වටිනාකමක් නැති අයට වටිනාකමක් දෙන්න මට පුළුවන්වෙලා තියෙනවා. මට ඒ ගැන නිහතමානී සතුටක් තියෙනවා.
ඔබේ අනාගත බලාපොරොත්තුව මොකක්ද?
මමත් බලාපොරොත්තුවක් හිතේ තියාගෙන ජීවත් වෙනවා. මගේ බලාපොරොත්තුව තමයි මම මැරෙන දවස වෙනකොට ලංකාවේ ජාතික සංගීතය බවට ජන සංගීතය පත්කිරීම.
නීශා රන්සිත්
ප්රභූවරුන්ගේ ආරක්ෂාව සඳහා දී තිබු නිලධාරීන් 1145 දෙනෙකු වහාම ක්රියාත්මක වන පරිදි ප්රභූ ආරක්ෂක සේවයෙන් ඉවත් කර සාමාන්ය රාජකාරී සඳහා ඊයේ (06) සිට පොලි
ඌරන්ට ඇටවූ විදුලි රැහැනක පැටලී බෙලිඅත්ත දෙද්දුවාවෙල දඹේආර ප්රදේශයේ පදිංචි 74 හැවිරිදි විශ්රාමික පාසැල් ගුරුවරියක් ජීවිතක්ෂයට පත්ව ඇතැයි බෙලිඅත්ත
පොළොන්නරුව ගිරිතලේ - බකමූණ ප්රධාන මාර්ගයේ යාය 19 සෝමියෙල් ප්රදේශයේදී අද(07), මාර්ගය හරහා ගමන් කරමින් සිටි වන අලියෙකුගේ වෑන් රථයක් ගැටී සිදු වු අනතුරකින
ඊශ්රායලයට ආයුධ ලබා දීම නැවැත්විය යුතු යැයි ප්රංශ ජනාධිපති ඉමැනුවෙල් මැක්රොන් ඇමෙරිකාව, බි්රතාන්යය ඇතුළු සෙසු ලෝක බලවතුන්ගෙන් ඉල්ලා ඇත.
1981 අංක 01 දරණ පාර්ලිමේන්තු මැතිවරණ පනතේ සඳහන් මැතිවරණ කාර්යන් සඳහාවූ සංශෝධිත අනුමත ලකුණු ප්රකාශයට පත් කරමින් මැතිවරණ කොමිෂන් සභාව මගින් අති විශේෂ ගැ
ඉන්දියාවේ ආරක්ෂාවට තර්ජනයක් වන ආකාරයේ කිසිදු තීන්දු තීරණයක් නොගන්නා බවත්, ඉන්දියාව සමඟ ද්වී පාර්ශ්වික සබඳතා තරකර ගැනීමට පියවර ගන්නා බවත් නවදිල්ලියට
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
අපිට ඕනේ රටට ආදරය කරන තාර්කිකව හිතන ක්රියාශීලි දරුවෙක් බිහි කරන්න