ලෝකයේ රටවල් 28ක සහභාගිත්වයෙන් චීනයේ පැවැති ජනගී කණ්ඩායම් තරගාවලියේ දී හොඳම ප්රාසාංගික කණ්ඩායමට පිදෙන සම්මානය දිනාගැනීමට රන්වල පදනමේ කේවල ජනගී කණ්ඩායම සමත්වූ බව එහි නායක සහන් රන්වල රසවින්දනට පැවසීය. මෙම තරගාවලිය පසුගිය 11 සිට 15 වැනිදා දක්වා පවත්වා තිබේ. ලෝකයේ රටවල් 28 කින් ජනගී කණ්ඩායම් 39ක් මේ සඳහා සහභාගි වී ඇති අතර චීන රාජ්යයෙන් පමණක් කණ්ඩායම් 21ක් එම තරගාවලියට ඉදිරිපත්ව ඇති අතර එහි අවසන් වටයට ඇමරිකාව, රුසියාව, කැනඩාව, ජෝර්ජියාව, ද. අප්රිකාව සහ ශ්රී ලංකාව තෝරාගෙන ඇත. ශ්රී ලංකාව අවසන් වටය සඳහා තෝරාගෙන ඇත්තේ ඉතා ඉහළ ප්රතිචාරයක් හිමිවීම නිසා බව ද සහන් රන්වල කියා සිටී. මේ ඒ තරගාවලිය පැවැති ආකාරය සහ එහිදී රන්වල කණ්ඩායමට ඉහළම ප්රතිචාර ලැබුණු ආකාරය ගැන සහන් රන්වල කියන කතාව. ”ඒ දින පහ ඇතුළත පෙරවරුවේ සහ පස්වරුවේ විනාඩි පහළොවක කාලයකට ජනගී අංගයක් ඉදිරිපත් කිරීමට නියමිතව තිබුණා. සමහර රටවල ඒ විනාඩි පහළොවක කාලයම ඉදිරිපත් කළේ එක අංගයක් පමණයි. සමහර කණ්ඩායම් වරක් ඉදිරිපත් කළ අංගය ඊට පසුවත් ඉදිරිපත් කළා. නමුත් රන්වල ජන ගී කණ්ඩායම ඒ විනාඩි පහළොව ඇතුළත නෙළුම් කවි ගායනයක් සහ ඊට අදාළ පාරම්පරික නර්තනයක් ඉදිරිපත් කළා. මේ ආකාරයට ඒ කෙටි කාලය තුළ අංග කිහිපයක් බැගින් ඉදිරිපත් කරන්නට අපේ කණ්ඩායමට හැකිවුණා. මේ හැම ගායනයකදීම සහ නර්තන සඳහා තිබුණෙ අපේ පාරම්පරිකව පැවතුණ ඇඳුම් පැළඳුම්. අපේ නාදරටා සහ නර්තන විවිධයි. නෙළුම් කවියට උචිත නැටුමක් අපට තියෙනවා. අප එය ඉදිරිපත් කළා. සමහර විදේශ රටවලට ගායනය නාද රටා තියෙනවා. නමුත් ඒ හා බැඳුණු පාරම්පරික නර්තනයක් ඔවුනට උරුම වෙලා තිබුණේ නැහැ. මෙන්න මෙතනදී තමයි ශ්රී ලංකාව කැපී පෙනුණේ. වෙස්සන්තර ප්රසාංගය ඉදිරිපත් කළ දා ඒ නරඹන්නන්ගේ ඇස්වල කඳුළු ආ බව අපට කීවා. භාෂාව නොතේරුණත් නාද රටා ඔවුන්ව හඬවන්නට සමත් වුණා. නුඹලාගේ රටේ මේ තරමටම ජනගී සංඛ්යාවක් තියෙනවද කියා එහි ප්රධානියා අපෙන් ප්රශ්න කළා. තරගය අවසානයේ දී හොඳම ප්රාසාංගික කණ්ඩායම වගේම හොඳම ප්රසාංගික ජන ගී කණ්ඩායම හැටියටත් අපව තෝරා ගත්තා. මෙය රන්වල පදනමේ වගේම අපේ මව්බිමේ ජයග්රහණයක් හැටියටයි අප සලකන්නේ. අපේ රටේ ජන ගීය ජනකවි ජන සාහිත්ය එම නාද රටා මෙතෙක් කලක් පවත්වා ගන්නට එය සුරක්ෂිත කළ ඩබ්ලිව්.බී. මකුලොළුව, සී. ද එස්. කුලතිලක සහ මගේ පියාණන් වූ ලයනල් රන්වල යන ශ්රේෂ්ඨ ශිල්පීන් මේ අවස්ථාවේ ඉතා කෘතවේදීව සිහිපත් කර සිටිනවා.” අමරදාස සිල්වා
නිවිතිගල, දෑල ප්රදේශයේ එක්සත් ජාතික පක්ෂ ආධාරකාරිනියකගේ නිවෙසට ඇතුළු වූ නාදුනන පුද්ගලයන් 6 දෙනකු නිවෙසේ තිබූ ඡන්ද කාඩ් පත් 3 ක් බලෙන් රැගෙන ගොස් ඇති බව
මොනරාගල ළමා නිවාසයක දැරියන් දෙදෙනෙකු ළමා නිවාසයෙන් පැනගොස් ඇතැයි මොනරාගල පොලීසිය පවසයි.
2024 ජනාධිපතිවරණය සඳහා මේ වන විට සියලු කටයුතු සූදානම් වෙමින් පවතී.
මිදිගම ගොවියාපාන පාලම අසල දි පුද්ගලයකුට වෙඩි තබා මාළු ව්යාපාරිකයකු ඝාතනය කළ බව කියන වෙඩික්කරුවන් දෙදෙනා මිදිගම අහංගම ප්රදේශයේදී හෙරොයින් සමග අත්අ
පොලිස් වාර්තාවක් ලබාදීම සඳහා රුපියල් 5000ක අල්ලසක් ගත් බව කියන පොතුහැර පොලිසියේ සැරයන් වරයෙක් අල්ලස් හෝ දූෂණ චෝදනා විමර්ශන කොමිෂන් සභාවේ නිලධාරීන් විස
ශ්රී ලංකා පොදු ජන පෙරමුණේ නිර්මාතෘ , හිටපු අමාත්ය බැසිල් රාජපක්ෂ මහතා අද අලුයම ඩුබායි බලා පිටත්ව ගිය බව ගුවන් තොටුපොළ කාර්යය භාර නිලධාරීවරයා සනාථ කළ
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
(2024 සැප්තැම්බර් 09) ලොව විශාලතම Luxury Ayurveda Wellness Brand වන Spa Ceylon, අන්තර්ජාතික සම්මාන උළෙලක් වන 2024 Global Green Beauty Awards හිදී ජාත්යන්තර වශයෙන් ලොව ඉදිරියෙන්ම සිටින රූපලාවන්ය සන්න
අපේ රටට කීර්තියක් දුන් රන්වල ජන ගී කණ්ඩායම
හිමාලි Monday, 10 October 2011 10:16 AM
ලයනල් රන්ටලයන් තනිටම කරපු ප්රසංග තාමත් මතකයි.එය තට දූරටත් ඉදිරියට ගෙන යාම ගැන රන්වල පදනමට ප්රසංසා කරනවාග
ලෙස්ලි Monday, 03 October 2011 07:55 AM
මම කවදත් ජන ගී වලට ගොඩක් කැමති
P,D.Y.Gunatilake Thursday, 13 October 2011 03:11 PM
චිරාත් කාලයක් අපේ නැටුම් පවතීවා
නිත්යා Wednesday, 09 January 2013 10:37 AM
අපේ උරුමය රැක ගන්නා අපේ තරුණ පරපුර (ස)