අභයාරාමයේ දේශපාලන කටයුතුවලට අතුරු තහනමක්

( නිමන්ති රණසිංහ,තිළිණි ද සිල්වා සහ රංජන් කටුගම්පොළ )

නාරාහේන්පිට ශ්‍රී අභයාරාම පුරාණ විහාරස්ථානයට අයත් තෙමහල් ගොඩනැගිල්ල දේශපාලන කටයුතු සඳහා යොදා ගැනීම වළක්වාලමින් කොළඹ දිසා අධිකරණය අද (14) අතුරු තහනම් නියෝගයක් නිකුත් කළේය.

එම ගොඩනැගිල්ලේ දේශපාලන , මාධ්‍ය හා වෘත්තීය සමිති සාකච්ඡා පැවැත්වීම සහ ගොඩනැගිල්ල බදුදීම වළකාලමින් පූජ්‍ය මුරුත්තෙට්ටුවේ ආනන්ද හිමියන්ට එරෙහිව වාරණයක් ඉල්ලා එම විහාරස්ථානයේ විහාරාධිපති හිමියන් විසින් ගොනු කරනු ලැබූ පැමිණිල්ල අද කැඳවූ අවස්ථාවේ කොළඹ ප‍්‍රධාන දිසා විනිසුරු සුජීව නිශ්ශංක මහතා මෙම නියෝගය ලබා දුන්නේය.

ඒ අනුව මෙම අතුරු තහනම් නියෝගය එම පැමිණිල්ල විභාගය අවසන් වන තෙක් බල පැවැත්වේ.

එම විහාරය දේශපාලන කටයුතු හා මාධ්‍ය හමු පැවැත්වීමට යොදා ගැනීමෙන් එම විහාරයේ විනය පිරිහෙන බවත් බෞද්ධ ධර්මය අපකීර්තියට පත්වන බවත් කියමින් කිරුළපන ශ්‍රී පූර්වාරාම විහාරයේ විහාරාධිපති පත්බේරියේ විමලඥාන හිමි විසින් එම පැමිණිල්ල ගොනු කරනු ලැබ තිබිණි.

පූජ්‍ය මුරුත්තෙට්ටුවේ ආනන්ද හිමියෝ මෙම පෙත්සමේ වගඋත්තරකරු ලෙස නම් කරනු ලැබ සිටිති.

වගඋත්තරකාර ස්වාමීන් වහන්සේ එම විහාරස්ථානයේ රැඳී සිටිමින් එකී විහාරස්ථානයට අයිතිවාසිකම් කියන බව ද පැමිණිල්ලේ සඳහන් වේ.

මෙම විහාරස්ථානයට අයත් තෙමහල් ගොඩනැගිල්ලේ වගඋත්තරකාර හිමි නම විසින් දේශපාලන කටයුතු සහ වෘත්තීය සමිති කටයුතු සඳහා භාවිතා කරන බවත් පරිගණක ආයතනයක්ද පවත්වා ගෙන බවත් පෙත්සමේ සඳහන් වෙයි.

එක් මහලක් රජයේ ආයතනයකට බදු දී ඇති බවත් මෙම ව්‍යාපාර වලින් උපයන ලාභය විහාරස්ථානයේ කටයුතු සඳහා නොයොදන බවත් පැමිණිල්ලේ සඳහන්වේ.

මෙය වගඋත්තරකාර ස්වාමීන්වහන්සේ ගේ ඒකමතික තීරණයෙන් සිදුවන බවත් ඉන් උපයන ආදායම අවභාවිත කිරීමක් සිදුවන බවත් පැමිණිලිකාර විමලඥාන හිමියෝ කියා සිටිති.

අදහස් (21)

අභයාරාමයේ දේශපාලන කටයුතුවලට අතුරු තහනමක්

narada Friday, 14 July 2017 07:05 AM

එතකොට ගංගාරාමයට කොහොමද?

: 2719 2053

migidaFriday, 14 July 2017 07:28 AM

ඒකට ඔබතුමා පෙත්සමක් ගොනුකරන්න.

: 130 299

SrimalaFriday, 14 July 2017 08:23 AM

නාරද.. කවදාවත් ගංගාරාමයේ දේශපාලන රැස්වීම් පැවැත්වූයේ නෑනේ... මේ වාරණ නියෝගය ඉතා හොඳයි. පන්සල් තිබිය යුත්තේ ආගමික වතාවත්වලට පමණයි.

: 767 762

සෙනෙවි Friday, 14 July 2017 07:19 AM

සුද්දො පාලනය කරන කාලෙත් මේ වගේ දේවල් කලා

: 62 303

sumasnaseela Friday, 14 July 2017 07:36 AM

විශේෂයෙන් බෞද්ධ භික්ෂුන් වෘත්තීය සමිති වල නායකත්වය නොදැරිය යුතු වන්නේය. එතුමන්ගේ කාර්යය විය යුතුවන්නේ අපගේ භාග්‍යවත් වූ බුදුරදුන්ගේ ඒ අගනා දහම සකල ජනතාවට පැහැදිලි කර ඔවුන්ට නිවන සාක්ෂාත් කරලීම මිස මිනිසුන් අසරණ තත්වයට ඇද දැමීම නොවන බව ගිහියෙක් වුවද මේ බව ඉතා කලකිරීමෙන් හෝ පැවසීම පවක් සේ නොදැනේ.

: 255 218

Chanak Los angeles Friday, 14 July 2017 07:38 AM

නියමයි .. පන්සල් තිබෙන්නේ ඕවා කරන්න නොවෙයි.

: 135 144

Matara Friday, 14 July 2017 07:54 AM

නාරද මහත්තයෝ, ගංගාරාමයේ ඕනෑම දේශපාලුවෙකුට ගිහිල්ලා ආගමික කටයුතු කරන්නත් ආශීර්වාද ලබන්නත් පුළුවන්. ඔබවහන්සේ නොදන්නවාට පහු ගිය දිනවල ඉන්දියාවේ මෝඩි මහත්තයත් ගියා. කතා කිරීමේ නිදහස තිබුණට මෙහෙම කතා කියන්න එපා.

: 216 197

duminda Friday, 14 July 2017 08:30 AM

පන්සල් තියෙන්නේ වඳින්න පුදන්න මිසක් දේශපාලන තිප්පොළවල් වලට නෙමෙයිනේ...

: 210 128

ලුම්බිණි Friday, 14 July 2017 08:40 AM

මොන ආරාමයක්වත් පක්ෂ කාර්යාලයක් වගේ වැඩ කරගෙන යනවා නම් එම ආරාමයේ නම වෙනස් කල යුතුයි. එහෙම නැතුව සාකච්ඡා සඳහා ඉඳහිට රැස්වීම් තියනවා නම් එකේ ඇති වැරැද්ද කුමක්ද? මාදුළුවාවේ සෝභිත හාමුදුරුවෝ පවා වරින් වර දේශපාලන කටයුතු වලට ආරාමය යොදා ගත්තනේ...

: 96 103

මංගල Friday, 14 July 2017 10:09 AM

හොඳ වෙලාවට වළගම්බා රජතුමා, තිස්ස කුමරු, ගැමුණු මහරජතුමාගේ කාලේ පන්සල් වලට විරුද්ධව කවුරුවත් තහනම් නියෝග ගත්තේ නැත්තේ. ගත්තා නම් අපි සිංහල උරුමය හොයාගන්න පුළුවන් මෙගතිලික සුසාන භූමිවලින් තමා.

: 115 1520

සමන්තFriday, 14 July 2017 11:41 AM

ඒ අය නම් වාරණ නියෝග ගත්තේ නෑ. හැබැයි සමහර අවස්ථා තිබුණා පෙරලා පහර දෙන. ඒ වගේම ඕනෙනැති විදිහට ගිහියන්ගේ පාලන කටයුතු වලට අැඟිලි ගහන්න ගිහින් ළජ්ජිතිස්ස රජු (තිස්ස ගෙ ලොකු පුත් ක්‍රි.පු.140-104) මහා විහාරය සමතලා කරලා, සංඝයා සමුල ඝාතනය කලා. ඒ නිසා නොදන්න ඉතිහාසය කතා කරන්න එපා.

: 241 9

නුමා Friday, 14 July 2017 10:14 AM

අභයාරාමය පමණක් නොවෙයි, සියළුම ආගමික සිද්ධස්ථාන වලට මෙම තහනම බල පැවැත්විය යුතුයි. ආගමික සිද්ධස්ථාන සියළුම පහසුකම් (සාමාන්‍ය ජනයාට නොලැබෙන, විදුලි බිල්පත්, ජල බිල්පත් ආදී...) ලබාගන්නවා නම් තමන් සිදුකලයුතු රාජකාරිය සිදුකලයුතුයි. එසේ නොමැතිව දේශපාලන පක්ෂ එම කාර්යාලවල සිදුකරන කාර්යයන් කරන්නේ නම්, පළමුව කියූ වරප්‍රසාද ඉවත් කළයුතුයි. දැන්වත් ආගම පසෙකලා, මනුෂ්‍යයින් ලෙස කල්පනා කරමු.

: 310 193

Sugathapala Friday, 14 July 2017 10:28 AM

බුද්ධාගමත් දැන් දේශපාලන පක්ෂයක් වෙලා. මේ සංඝරත්නය නිසා බෞද්ධයින් සීඝ්‍රයෙන් ආගම අතහරින බව ඔබලා දන්නවාද ?

: 3005 1677

ගිහාන් ප්‍රනාන්දුSunday, 16 July 2017 01:07 AM

එතකොට අද බහුතර ක්‍රිස්තියානි, හින්දු අය කිසිඳු ආගමක් නොඅදහන්නන් බවට පත්වුනේ කොහොමද කියලා පොඩ්ඩක් විස්තර කරනවද? මුස්ලිම් අය දඬුවම් කරන බව දැන දැනත් ඉස්ලාම් හැරගිය සංවිධාන හදා ගෙන ඉන්නේ ඇයි කියලා විස්තර කරනවද?

: 0 1

රවීන්ද්‍රSunday, 16 July 2017 03:53 AM

ඔබ අනිවාර්යයෙන්ම අන්‍ය ජාතිකයෙක් වන අතර බෞද්ධ ජනතාව ඉතා සූක්ෂම අයුරින් නොමඟ යවමින් සිටින්නෙකි. මිතුරනි මෙවැනි අයගෙන් ප්‍රවේශම් වන්න. තෙරුවන් සරණයි.!!!

: 0 126

thilina Friday, 14 July 2017 10:58 AM

කට්ටියට අමතක වෙලා මේ ආණ්ඩුව ගෙන්න දේශපාලන සාකච්චා, මාධ්‍ය සාකච්චා, රහස් සාකච්චා , සියල්ලම තිබ්බේ කෝට්ටේ නාග විහාරයේ කියල..

: 55 317

Sobitha Friday, 14 July 2017 12:01 PM

මගේ පන්සලේ නම් ඕවා කළේ නැහැ...

: 0 5

ජයන්ත මිලානෝ Friday, 14 July 2017 12:20 PM

බෞද්ධ භික්ෂූන් ධර්මය පසෙකලා දේශපාලනය කරන නිසා තමයි අද ධර්මය පිරිහීගොස් මිනිස්සු හොරු, මංකොල්ලකරුවන්, මිනීමරණ තත්ත්වයට පත්වී ඇත්තේ...

: 212 8

දිනේෂ් Friday, 14 July 2017 12:21 PM

පන්සලක් තුළ දේශපාළනික ක්‍රියා සිදු කිරීම වරදක් ලෙස සිතන්න අමාරුයි. මොකද අපේ රටේ ඉතිහාසයේ පවා බෞද්ධ භික්‍ෂුන් දේශපාලනයේ නිරත වෙලා රට ආරක්‍ෂාකර ගත් අවස්ථා මොනතරම් තියෙනවද? අනික දැන් භික්‍ෂුන් වහන්සේලා පාර්ලිමේන්තුවෙත් ඉන්න එකේ පන්සල්වල ඉන්න භික්‍ෂූන් වහන්සේලාට තමන්ගේ මතය අනුව බෞද්ධ රටක් ආරක්‍ෂා කිරීමට කටයුතු කරනවානම් ඒකේ වරදක් නෑ. හැබැයි නීති විරෝධී ක්‍රියාවක් සිදුවන්නේනම් ඒ සදහා නිසි විමර්ශනයක් සිදු කර නීතිමය රාමුව තුළ හරියාකාරව කටයුතු කිරීම රජයේ වගකීම නේද?

: 1 16

සමන්ත Sunday, 16 July 2017 07:32 PM

"මේ බුදු හාමුදුරුවන්ටත් පටහැනිව යාමක්. ආගමත් දේශපාලනයත් කියන්නේ එකක් නෙමේ දෙකක්. අතීත රාජ්‍ය නායකයන් බුදු රජාණන් වහන්සේට ඇති ගෞරවය උදෙසා රාජ්‍ය පාලනයේදී මහා සංගයා ගේ අවවාද උපදෙස් විමසුවා. ඒවා පිළිගත්තා. ඒ කාලේ අද වාගේ නොවේ. ඒ උසස් ගුණ සහිත, ධර්මධර , විනයධර, කෙලෙස් අවම කල භික්ෂුන් වහන්සේලා ගෙන්. එත් අද සිද්ධ වෙන්නේ කෙලෙසුන්ගෙන් පිරුණු , තන්හාව නිසාම රාග, ද්වේශ , මෝහ සහිත පුද්ගලයන් පාලන තන්ත්‍රය ට ඇඟිලි ගසමින් තමන්ට අවශ්‍ය දේ කරගන්න පාලකයන්ටත් උඩින් උත්සහ ගැනීමක්. එක අපට අනුමැත කරන්න බැහ. ඔය ජාතිවාදී , ආගම්වාදී ,බයිලා කියන්න ඕනේ නොදන්නා හුදී ජනයට අපිට නම් නෙමේ..

: 0 0

Upul Friday, 14 July 2017 01:10 PM

මොන පන්සලේද? දැන් ඉන්න එකේ වෙන්න ඇති.

: 0 1