සිය පියා මෙන්ම තමාටද ලොවපුරා රසික පිරිසක් සිටින බව අභිෂේක් බච්චන් මේ වනවිට පෙන්වා දී ඇත. ඒ ඔහුගේ ‘ට්විටර්’ ගිණුමට පසුගිය සති අන්තය වනවිට මිලියන 10ක රසික පිරිසක් එකතු වීමත් සමගය. මේ වනවිට බොලිවුඩයේ වැඩිම ‘ට්විටර්’ රසික පිරිසක් සිටින ජනප්‍රියතම පුද්ගලයා බවට පත්ව ඇත්තේ අමිතාබ් බච්චන් වන අතර, වර්තමාන දත්තවලට අනුව ඔහුට සිටින ‘ට්විටර්’ රසික ප්‍රමාණය මිලියන 18කි.

බොලිවුඩයේ වැඩිම ‘ට්විටර්’ රසික ප්‍රමාණයක් සිටින ජනප්‍රියතම පුද්ගලයන් අතර අභිෂේක් බච්චන් රැඳී සිටින්නේ 12 වැනි ස්ථානයයි. මොහුට වඩා වැඩි ‘ට්විටර්’ රසික පිරිසක්, ෂාරුක් ඛාන්, රිතික් රෝෂන්, දීපිකා පදුකෝන්, සල්මාන් ඛාන් හා අමීර් ඛාන් රැඳී සිටිති.

අභිෂේක්ගේ ‘ට්විටර්’ ගිණුමට මිලියන 10ක් එක්වූ දිනයේ ඔහුගේ දියණිය ආරාධ්‍යාට අවුරුදු 5ක් සපිරි තිබීමද විශේෂත්වයක්වී තිබුණි. අභිෂේක් පවසන්නේ එය තමාට ඉතා සතුටුට පත් දිනයක් වු බවයි.