(අංජුල මහික වීරරත්න සහ සුජිත් හේවාජුලිගේ)

 ජාත්‍යන්තර මූල්‍ය අරමුදල සමග ලංකා රජය එළැඹි එකඟත්වය සම්බන්ධයෙන් අවසන් තීරණය පෙර ඒ සම්බන්ධයෙන් කැබිනට් මණ්ඩලය දැනුවත් කරන බව අධිපති රනිල් වික්‍රමසිංහ මහතා තමාට පැවසී යැයි කතානායක මහින්ද යාපා අබේවර්ධන මහතා පාර්ලිමේන්තුවට දැනුම් දුන්නේය.

එම ගිවිසුම පිළිබඳව පාර්ලිමේන්තුව දැනුවත්  කරන බව ජනාධිපති රනිල් වික්‍රමසිංහ මහතා  දැනුම් දී ඇතැයි   කථානායක මහින්ද යාපා අබේවර්ධන මහතා පාර්ලිමේන්තුවේ දී  පැවසීය.

අදාල ගිවිසුම සම්බන්ධයෙන් මෙතෙක් කැබිනට් මණ්ඩලය හෝ වෙනත් රාජ්‍ය නිලධාරියකු දැනුවත් කිරීමට කටයුතු කර නොමැති බවද ජනාධිපතිවරයා සඳහන් කළ බව කථානායකවරයා කීය .

ජාත්‍යන්තර මූල්‍ය අරමුදල සමග පැමිණි එකඟතාවයට තවදුරටත් සංශෝධන ඇතුලත් කරමින් තිබෙන බව  ජනාධිපතිවරයා සඳහන් කළ බව ද කථානායක මහින්ද යාපා අබේවර්ධන මහතා කීය.

රජය සහ ජාත්‍යන්තර මූල්‍ය අරමුදල පැමිණි එකඟතා අයි.එම්.එෆ් මණ්ඩලය මගින් සම්මත විය යුතුව තිබෙන බවත් ඒ නිසා අනෙක්  ණය හිමියන් සහ රටවල් සමග සාකච්ඡා කර අවසන් වනතුරු අවසන් එකඟත්වයක් දෙන්නේ නැති බවත් ජනාධිපතිවරයා පැවසූ බවද කතානායක මහින්ද යාපා අබේවර්ධන මහතා කීය.