2025 අප්‍රේල් මස 23 වන බදාදා
2025 අප්‍රේල් මස 23 වන බදාදා
ශ්රී ලංකා මහ බැංකුවේ හිටපු අධිපති ලක්ෂ්මන් අර්ජුන් මහේන්ද්‍රන් මහතා තමාට එරෙහිව ඇති චෝදනාවලට අදාළ සාක්ෂිවල සහ ශ්රී ලංකා අධිකරණයෙන් නිකුත් කර ඇති වරෙන්තුවේ පිටපත් ලබා දෙන ලෙස ජාත්‍යන්තර පොලිස් මූලස්ථානයෙන් ඉල්ලීමක් කර ඇතැයි නීතිපතිවරයා නියෝජනය කරමින් අධිකරණයේ පෙනී සිටි රජයේ ජ්‍යෙෂ්ඨ නියෝජ්‍ය සොලිසිටර් ජනරාල් හරිප්‍රියා ජයසුන්දර මහත්මිය කොළඹ කොටුව මහේස්ත්‍රාත් ලංකා ජයරත්න මෙනවියට අද දැනුම් දුන්නාය.
ශ්රී ලංකා අධිකරණයෙන් අර්ජුන් මහේන්ද්‍රන් මහතාට එරෙහිව නිකුත් කර ඇති රතු නිවේදනය සහිත වරෙන්තුවේ සහ ඊට අදාළ සවිස්තර වාර්තාවල පිටපත් එම සැකකරු සිංගප්පූරුවේ ජාත්‍යන්තර පොලිස් ශාඛාව හරහා ඉල්ලා ඇති බවත් ඒවා ඔහු වෙත ලබාදීම සුදුසුදැයි ජාත්‍යන්තර පොලිසිය අපරාධ පරීක්ෂණ දෙපාර්තමේන්තුවෙන් විමසා ඇති බවත් ජ්‍යෙෂ්ඨ නියෝජ්‍ය සොලිස්ටර් ජනරාල් හරිප්‍රියා ජයසුන්දර මහත්මිය සඳහන් කළාය.
ජ්‍යෙෂ්ඨ නියෝජ්‍ය සොලිස්ටර් ජනරාල්වරිය මෙසේ පැවුසවේ පළමුවැනි සැකකරු වන හිටපු මහ බැංකු අධිපති අර්ජුන් මහේන්ද්‍රන් මහතාට එරෙහිව වරෙන්තුව ක්‍රියාත්මක කිරීම පිළිබඳව මහේස්ත්‍රාත්වරිය කළ විමසුමකට පිළිතුරු දෙමිනි.
මේ සම්බන්ධයෙන් සවිස්තර වාර්තාවක් ඉදිරි නඩු දිනයේ දී අධිකරණයට ලබා දෙන ලෙස මහේස්ත්‍රාත්වරිය අපරාධ පරීක්ෂණ දෙපාර්තමේන්තුවට නියෝග කළාය.
මෙම සැකකරු උදර්පන නීතිය යටතේ මෙරටට ගෙන්වා ගැනීම සඳහා අධිකරණයේ පවතින නඩු ගොනුවේ සහතික කළ සම්පූර්ණ පිටපතක් ගාස්තු රහිතව අපරාධ පරීක්ෂණ දෙපාර්තමේන්තුව වෙත නිකුත් කිරීමට මහේස්ත්‍රාත්වරිය ඉකුත් අප්‍රේල් මස 27 වැනි දා අධිකරණයේ රෙජිස්ටාර්ට නියෝග කර තිබිණි.
අර්ජුන් මහේන්ද්‍රන් මහතා සිංගප්පූරුවේ සිටිනා බවට නිරීක්ෂණය කරන බව ද නීතිපති දෙපාර්තමේන්තුව පැවසීය.
මහ ගත්කරු මාර්ටින් වික්‍රමසිංහ මහතාගේ පුතා ජීවත් වූ කොළඹ 07 නිවසේ තිබූ රන් ආලේපිත මිල කළ නොහැකි කෞතුක භාණ්ඩයක් වූ රුවල් නැවක් සොරකම් කළේ යැයි කියන සැකකර
ලෝක වෙළෙඳපොලේ රත්තරන් මිල ඉහළ යෑමත් සමඟ කොළඹ හෙට්ටිවීදිය රත්තරන් වෙළෙඳපොලේ කැරට් 22 ක රත්තරන් පවුමක මිල අද (22) පස්වරුව වන විට රුපියල් 255,000 ක් දක්වා ඉහළ ගිය
අමාත්‍යවරයකුට පාවිච්චි කළ හැකි රජයේ වාහන සංඛ්‍යාව දෙකකට සීමා කරමින් ජනාධිපති ලේකම්වරයා විසින් චක්‍රලේඛයක් නිකුත් කර ඇතැයි ජනාධිපති කාර්යාල ආරංචි ම
පූජාවකට සහභාගි වී සිටි සිසුවකු කඩිහාගම ප්‍රදේශයට රැගෙන ගොස් පහරදීමෙන් බරපත තුවාල ලබා කුරුණෑගල රෝහලේ ප්‍රතිකාර ලැබූ සිසුවා අද දහවල් මියගිය බව පොලිසිය
පාස්කු ප්‍රහාරය සම්බන්ධව විමර්ශනවලදී නිරාකරණය කරගත යුතු ප්‍රධාන ගැටලු හයෙන් දෙකක් මේ වන විට නිරාකරණය කරගෙන තිබෙන බව ජනාධිපති අනුර කුමාර දිසානායක මහත
සමාජ ක්‍රියාකරුවකු වන ඩෑන් ප්‍රියසාද් නමැත්තාට මීට සුළු වේලාවකට පෙර නාඳුනන තුවක්කුකරුවකු එල්ල කළ වෙඩි ප්‍රහාරයකින් තුවාල ලබා කොළඹ ජාතික රෝහලේ දැඩි
2025 අප්‍රේල් මස 18
597
0
2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 බ්ලූ ප්ලැනට් ත්‍යාගලාභී මොහාන් මුණසිංහ මහතා, 2025 අප්‍රේල් 13-14 දිනවල ඩුබායි හි පැවති ගෝලීය නොබෙල් ස
හේලීස් ෆෙන්ටන්ස් ලිමිටඩ් හි කළමනාකාර අධ්‍යක්ෂක හසිත් ප්‍රේමතිලක මහතා සහ හේලීස් සෝලාහි අධ්‍යක්ෂක/ප්‍රධාන විධායක නිලධාරී රොෂේන් පෙරේරා මහතා සමඟ කතාබ
2025 අප්‍රේල් මස 10
462
0
අප්‍රේල් 01, 2025 කොළඹ දීග ශ්රී ලංකා ඉන්ෂුවරන්ස් ලයිෆ් 2024 වසර විශිෂ්ට ලෙස නිමා කළ අතර, රුපියල් බිලියන 30.7 ක බදු ගෙවීමට පෙර ලාභයක් වාර්තා කරන ලදී.
අර්ජුන් මහේන්ද්‍රන් සිංගප්පූරුවේ සිට රතු වරෙන්තුවේ පිටපතක් ඉල්ලයි
K Perera Thursday, 23 August 2018 07:02 PM
අගමැති තමා මේ සේරටමට වගකියන්න ඕනේ !
Raveendra Friday, 24 August 2018 03:32 AM
මෙය තව වතාවක් මහජනතාව රැවටීමක් ද ???
සනත් Friday, 24 August 2018 04:11 AM
මහේන්ද්‍රන් හිර කූඩුවේ හිටියෙ නැතිවුනාට මානසිකව ඉන්නෙ අපායක. තමන්ගෙ වරදින් දුවගෙ කසාද මනුස්සයා මාස හයක් හිරේ දුක්විදිනව ඒක නිසා දුවගෙනුයි පවුලෙනුයි බැනුම් අහනව. ජ්‍යාතියන්තර ත්‍රස්තවාදියෙකුටවගේ රතු වරෙන්තු නිකුත්වෙනව. මට මෙහෙම වුනනම් හාර්ට් ඇටෑක් එකකින් වලකජ්ජ ගහනව.
CiscoFriday, 24 August 2018 06:46 AM
ඒ මොනවා වුනත් මේ සිදු වුනු පාඩුවට අපි බදු ගෙවනවා නේද? ඒවා අඩු වෙනවනම් අපිට කමක් නැහැ ඕනි ඇටක් එකකක්.
nuwan Friday, 24 August 2018 05:35 AM
යාළුවා ලගදි සින්ගප්පුර් ආවනේ ඉල්ලා ගත්තේ නැද්ද?
KANDEPOLA Friday, 24 August 2018 07:31 AM
ඇලෝසියස් රක්ෂිත බන්දගාරගතවීම, අර්ජුන් සිංගප්පුරුවට පලා යාම, මේ සේරම ඔය කුමන්ත්‍රණයේ කොටස්. මේ සියල්ල කෙසේ අහවර වුවත් පාඩු වුන සල්ලි ආයේ මේ රටේ ජනතාවට ලැබෙන්නේ නෑ. ඇලෝසියස් රක්ෂිත බන්ධනාගාර ගත වීම මායාවක්. අනාගතයේ කුමන රජයක් බලයට පත් වුනත් මේ අය බේරෙනවා. කොහොමත් මේ බැදුම්කර මගඩියේ කුමන්ත්‍රණකාරයා අර්ජුන් මහේන්ද්‍රන් නෙවෙයි.
RaveendraFriday, 24 August 2018 09:45 AM
කන්දෙපොළ මයා වෙත, ඔබ පවසා ඇත්තේ සහතික ඇත්තයි. සූත්තර පුංචා ඇතුළු නඩය මෙම හොරකමේ ඔස්තාර්ලාය.
sirimal Friday, 24 August 2018 08:39 AM
යාළුවා 2020 ඡන්දෙ ඉල්ලුවොත් දිනලා හමාරයි...
Bamunuarachchi Friday, 24 August 2018 09:58 AM
ඔයාගේ මිත්‍රයා රතු වරෙන්තුවේ පිටපතක් රිදී බන්දේසියක තියලා දේවි. මෙහාට එන්න අපි ඔබව ආරක්ෂා කරන්න සැදී පැහැදී ඉන්නවා...
Nandalal DE SILVA - France Sunday, 26 August 2018 05:54 PM
ස්වයං කැමැත්තෙන් හෝ නීතිය මගින් මෙයාව කුදලාගෙන ශ්රී ලංකාවට රැගෙන එමට පෙර එයා තමාගේ නඩුවේම "හොර පෙරකදෝරුවෙක්" හෝ "ගොඩ පෙරකදෝරුවෙක්" වීමට දඟලනවා, එයාගේ සංදර්ශන මගින් ! ඔච්චර මහන්සිවෙන්නේ නැතුව ඊළඟ ෆ්ලයිට් එකෙන් කොළඹට ගොඩ බැහැල එයාගේ අබ්බගාත් එක්කම ඔය නඩු විස්තර බලගත්තානම් මීට වඩා හොඳ නැද්ද ????