(බී.ජී. චතුරංග)
නිවෙසක් නොමැතිකම හේතුවෙන් වන අලින්ගෙන් තම ජීවිත බේරා ගැනීමට කාලයක සිට ගසක් උඩ ඉදි කළ පැලක වාසය කරමින් ඉතා දුෂ්කර ජීවිතයක් ගත කරන දරු පවුලක් පිළිබඳව අනුරාධපුර මහවිලච්චිය ප්රාදේශීය ලේකම් කොට්ඨාසයෙන් වාර්තාවේ.
නිවෙසක් නොමැතිකම හේතුවෙන් ගසක් මත ඉදිකර ගත් පැලක ජීවත්වීමට තමන්ට සිදුව ඇති බවත්, ස්ථීර ආදායම් මාර්ගයක් නොමැතිකම හේතුවෙන් දැඩි දුෂ්කරතාවකින් යුතුව දිවි ගෙවීමට සිදුව ඇති බවත් එම දරු තිදෙනාගේ පියා වන එස්. එච්. සුසන්ත කුමාර මහතා පවසයි.
මෙම ප්රදේශය වන අලි බහුලව සැරිසරන ප්රදේශයක් බැවින් තාවකාලික ඉදිකිරීමක් හෝ කර ජීවත් වීමට නොහැකි නිසා ගසක් මත පැලක් ඉදිකර එහි වාසය කිරීමට සිදුව ඇති බවත් ආහාර පාන සකසා ගැනීම සඳහා පමණක් එම පැලයට කටු මැටි ගසා තාවකාලික මුළුතැන් ගෙයක් ඉදිකර කරුවල වැටීමට පෙර ආහාර ගෙන පැල තුළට වී රාත්රිය ගත කරන බව සුසන්ත කුමාර මහතා පවසයි.
වැඩිදුරටත් අදහස් දක්වමින් ඔහු මෙසේ ද පැවැසීය.
"මට වයස අවුරුදු 18ක පිරිමි දරුවෙක්, 11ක ගැහැනු දරුවෙක් සහ අවුරුදු 5 ක පිරිමි දරුවකු සිටිනවා. මගේ බිරිඳ රැකියාවක් කරන්නේ නැහැ. සතියකට දෙකකට පමණ වරක් මේ අවට පැපොල් , පේර වගා කරලා තියෙන ගොවිබිම්වලට ගිහින් කුලී වැඩක් කරලා තමයි දරුවන්ට කන්න දෙන්නේ.
මීට දවස් හතරකට පෙර කලාපේ අධ්යාපන මැඩම් කෙනකුගේ මැදිහත්වීම මත වැඩි මහල් පිරිමි දරුවාව කාර්මික අධ්යාපන ආයතනයකට යොමු කළා නේවාසිකව. අවුරුදු 11 පමණ වයසේ පසුවන දැරිය පාසල් යනවා. චූටි පුතා පෙර පාසල් යන්න බලාගෙන ආශාවෙන් ඉන්නේ. "
එහිදී එම දරුවන්ගේ මව වන එස්.එච්. සෝමා චාන්දනී මහත්මිය මෙසේ පැවැසුවාය.
"අපි මීට පෙර හිටියේ රත්නපුර ප්රදේශයේ පවුලේ ප්රශ්න ඇතිවුණ හින්දා අපි වසරකට පමණ පෙර මේ පළාතට ආවා. අපි පිට ගමකින් ආපු හින්දා මෙහේ බොහෝ ප්රශ්න ඇති වුණා. මේ ගමේ ඉන්න අඳුරන මහත්තයෙක් සල්ලිවලට ගත්ත ඉඩමක් අපට දුන්නා. ඒක වැවේ ඉඩමක් කියලා ප්රශ්න ගොඩක් ආවා. ඊට පස්සේ මහවිලච්චිය ප්රාදේශීය ලේකම්තුමිය මැදිහත් වෙලා එය අපට නීත්යනුකූලව පවරලා දුන්නා.
ඊට පස්සේ කීප දෙනෙකුගෙන් ලැබුණු ආධාර මත කාමරයකට අත්තිවාරමක් දැම්මා. ඒක ඉදි කරගන්න විදිහක් නෑ. හරි හැටි රස්සාවක් නැති හින්දා. මේ ප්රදේශයට හවස, හය හත වෙන කොට වන අලි රංචු එනවා. දැන් කාලෙක ඉඳලා මේ පැල තුළ තමයි දිවා රෑ ජීවත් වෙන්නේ. පෙරේදා මහ වැස්සක් වැහැලා පැල හොඳටම තෙමුණා. පාසල් ඇඳුම් පොත්පත් තෙමිලා දරුවා ඉස්කෝලේ ගියෙත් නැහැ.
අපි ලොකු දෙයක් ඉල්ලන්නේ නැහැ. කුලී වැඩක් හරි කරලා දරුවන් එක්ක ජීවත් වෙන්න පොඩි කාමර දෙකක් හදලා දෙන්න කියලා තමයි ඉල්ලා සිටින්නේ. එහෙම දෙයක් කරල දෙන්න කවුරු හරි ඉදිරිපත් වුණොත් බොහොම පින්.
ඉන්දීය විදේශ කටයුතු පිළිබඳ අමාත්ය ආචාර්ය සුබ්රමනියම් ජයශංකර් මහතා එක් දින ශ්රී ලංකා නිල සංචාරයක් සදහා (04 ) උදෑසන කටුනායක ගුවන් තොටුපොළ වෙත පැමිණියේ
විදේශීය රටක නිෂ්පාදිත ජීව අත්බෝම්බයක් අත් බෑගයේ දමාගෙන සිය සැමියා සමඟ තීරෝද රථයේ යමින් සිටි කාන්තාවක් අත්අඩංගුවට ගෙන සිදුකළ ප්රශ්න කිරීමේදී රහස් ප
එක්සත් ජාතීන්ගේ සංවර්ධන වැඩසටහනේ (UNDP) නිත්ය නේවාසික නියෝජිත අසූසා කුබෝටා (Azusa Kubota) මහත්මිය ජනාධිපති කාර්යාලයේ දී ජනාධිපති ලේකම් ආචාර්ය නන්දික සනත් කුමා
වාද්දුව පොහද්දරමුල්ල වෙරලේ පිරිමි නිරුවත් මළසිරුරක් පාවෙමින් තිබෙන බව වාද්දුව පොලිසිය පවසයි .
ඉරානය පසුගියදා ඊශ්රායලයට එල්ල කළ බැලස්ටික් මිසයිල ප්රහාරයට පිළිතුරු ලෙස ඉරාන තෙල් පිරිපහදුවලට පහර දීම පිළිබඳව සාකච්ඡා කළ බවත් කෙසේ වෙතත් එම ප්රහා
ප්රබල සූර්ය ගිනිදැල්ලක් හේතුවෙන් අප්රිකාවේත් යුරෝපයේත් සන්නිවේදන කටයුතුවලට බාධා එල්ල විය.
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
අලින්ට බයේ මුළු පවුලම ගහක් උඩ
Rangana Peiris Friday, 04 October 2024 05:52 AM
මට සම්බන්ධ විය හැකි සම්බන්ධතා අංකයක් තිබේද?
Ananda Friday, 04 October 2024 08:54 AM
කරුණාකර විස්තර, සම්බන්ධතා අංකය එවන්න
Bandara Friday, 04 October 2024 09:43 AM
හන්තානේ සඳගිරිසෑයේ හාමුදුරුවන්ට කියන්න. උන්නාන්සේ මේ වගේ අසරන අයට ගෙවල් හදලා දෙන උතුමෙක්.