නැවතත් පකිස්ථාන කණ්ඩායමට එක් වූ ප‍්‍රවීණ තුන් ඉරියව් කි‍්‍රකට් කී‍්‍රඩක සහීඞ් අෆ්රිඩි, තමන්ගේ ඉලක්කය 2015 කි‍්‍රකට් ලෝක කුසලාන තරගාවලිය නමුත් කිසියම් මොහොතක තමන් කණ්ඩායමට බරක් ලෙස දැනුණ හොත් කී‍්‍රඩාවෙන් සමුගන්නා බවත් පවසයි. කරච්චි හිදී පැවති මාධ්‍ය සාකච්ඡවක දී අෆ්රීඩි මේ බව අද (11 වැනිදා) කියා සිටියේ ය.

ඉන්දියාවට එරෙහිව පසුගිය දෙසැම්බර් මාසයේ පැවති එක් දින කි‍්‍රකට් තරගාවලියේ දී ඔහු පකිස්ථාන සංචිතයෙන් ඉවත් කරන ලද නමුත් ඔහුගේ දුර්වල ක‍්‍රීඩා විලාසය තිබියදීම දකුණු අප‍්‍රිකා සංචාරය සඳහා එක් විය.

එහිදී ජොහැන්නස්බර්ග් නුවර දී පැවති තුන් වෙනි එක් දින තරගයේ දී ඔහු ලබා ගත් ලකුණු 88 පසුගිය මාස 12 තුල දී ඔහු ලබා ගත් පළමු අර්ධ ශතකය විය. අෆ්රිඩි, එක් දින තරග 354කදී ලකුණු 7201ක් ලබා ඇති අතර කඩුලූ 348ක් දවා ගෙන තිබේ.

”මාගේ ශාරීරික යෝග්‍යතාව ඉහල මට්ටමක තිබෙන නිසා මට දිගටම ඉහල තලයේ ක‍්‍රීඩා කිරීමට අවශ්‍යයි. 2015 කි‍්‍රකට් ලෝක කුසලාන තරගාවලිය මාගේ ඉලක්කය වන නමුත් එය රඳා පවතින්නේ ශාරීරික යෝග්‍යතාව හා දස්කම් මතයි” යයි අෆ්රීඩි පැවසීය.

එළඹෙන ජුනි මාසයේදී පැවැත්වීමට නියමිත ශූරයන්ගේ කුසලාන තරගාවලිය සඳහා නම් කරන ලද කී‍්‍රඩකයන් 30 දෙනෙකුගෙන් යුත් පකිස්ථාන සංචිතයට අෆ්රිඩිව නම් කර තිබුණ ද ලබන මාසයේ ප‍්‍රකාශයට පත් කරන අවසන් 15 දෙනාගේ සංචිතය සඳහා එක් වීමට නම් දැන් පැවැත්වෙන පකිස්ථාන ජාතික එක් දින තරගාවලියේ දී දක්ෂතා දැක්විය යුතු ය.

”මම දක්ෂතා දක්වන්නේ නැතිනම් තරුණ කී‍්‍රඩකයන්ට අවස්ථාව දීමට මම අයින් වෙනවා. මම කාගෙවත් බලපෑම් මත ක‍්‍රීඩා කරන්නේ නෑ. මගේ දක්ෂතා නැත්නම් තේරීම් කමිටුව විසින් මාව තේරීමට වත් අවශ්‍ය නෑ” යයි 2010 වසරේ දී ටෙස්ට් කි‍්‍රකට් කී‍්‍රඩාවෙන් සමුගත් අෆ්රිඩි පැවසීය.