අසරණ රෝගියෙක් Thursday, 29 April 2021 01:04 PM

අපගේ නිවසට ආසන්නව තිබෙන සිද්ධස්ථානයෙන් අළුයම 5 සිට 6.30 දක්වා උදෑසන කාලයේ අධික ශබ්දයෙන් ලවුඩ්ස්පීකර් ක්‍රියාත්මක කරනවා. නැවත සවස 5.30 සිට 7.00 පමණ වෙනතුරු. අවට ගෙවල්වල ඉන්න කුඩා දරුවන්ට , මා වැනි මැදිවියේ රෝගීන්ට , වියපත් අයට , වෙහෙස වෙලා රැකියා කර ඇවිත් ඉන්න අයට ඒ මහා ශබ්දය හිරිහැරයක් කරදරයක්. ගියවර ලොක්ඩවුන් කල අවස්ථාවේදී අපි වින්දේ මහා කරදරයක්. ඉරිදා දහම්පාසල් දවසට උදේටත් සවසටත් එහෙමයි. පොහොය දිනයේ දවසම. මේ ශබ්දය එම ස්ථානයට පැමිණෙන බාල, තරුණ, මහළු කාටත් හොඳ නැහැ. පොලිස්පතිතුමනි, මුළු රටේම ආගමික ස්ථාන අසල ජීවත් වෙන මිනිසුන් බොහොම පීඩා විඳින මේ ලවුඩ්ස්පීකර් කරදරයට විසඳුමක් ලබාදෙන්න.

RanjithFriday, 30 April 2021 02:19 AM

මම වැඩ කරන්නේ දෙමටගොඩ පොලීසියේ. ඔය වගේ චෝදනා ගණනාවක් ඇවිත් අපි විමර්ශනය කරා. ඇත්තෙන්ම බලාගෙන යද්දි ඇත්ත කතාව වෙනම දෙයක්. බොහෝ විට මෙවන් චෝදනා එල්ල කරල තිබුනේ අන්‍යාගමිකයන්. අපි ඔය කියන වෙලාවල් වලට අදාල ස්ථාන වලට පෙර දැනුම්දීමකින් තොරව ගියා. සමහර පන්සල් වල පිරිත් දාල තිබුනෙම නෑ. අපි එපාර වෙන වැඩකට ගියා වගේ පන්සලට ගියා. එතකොට පොඩි රේඩියොවක හාමුදුරුවොන්ට විතරක් ඇහෙන්න පිරිත් දාල තිබුනා. අපි ඇහුවා ඇයි අද ගමේ අය වෙනුවෙන් පිරිත් දාන්නෙ නැද්ද කියලා. එතකොට හාමුදුරුවො කිව්වා මේ ගමේ අයට තමයි කියලා. අපිට ඒ වෙලාවෙම විස්තරේ තේරුනා. තව විස්තර අහනකොට අපේ රටේ මිනිස්සු ගැන පුදුම කලකිරීමක් දැනුනා.