කැලනිය විශ්වවිද්‍යාලයේ ශ්‍රී ධර්මාලෝක ශාලාවේදී මෙම මස 05 වැනිදා සවස 3.30 ට සහ 6.30 ට ආණ්ඩුවේ රස්සාවක්, ධාර්මිෂ්ට සමාජයක් ගොඩනගමු, දාහක් දෙනවකෝ, කිරිඅම්මා අවතාරය යන කෙටි නාට්‍ය වේදිකා ගත වෙයි. මේ එම උලෙළ පිළිබඳ ආණ්ඩුවේ රස්සාවක් නාට්‍ය අධ්‍යක්ෂක ප්‍රදීප් ඇරෑගමය..

නාට්‍ය කලාව සඳහා යොමු වීම?

මම 2007 දී ටවර් හෝල් නාට්‍ය හා රංග කලා පාසලට යොමු වුණා. එහි ඩිප්ලෝමාව එක හැදෑරුවා. පසුව විවෘත විශ්වවිදයාලයේ වසර දෙකක කාලයක් නාට්‍ය හා රංග කලාව අධ්‍යාපනයේදී උපාධිය අවසන් කළා. ඒ අතර තුර කාලේ ඩග්ලස් සිරිවර්ධන සර්ගේ නාට්‍ය වල රෝහන දන්දෙණිය සර්ගේ නාට්‍ය වල අජිත් සර්ගේ නාට්‍ය වල වැඩකළා. මුළින්ම සන්තාප දිට්ට කියන ටවර් හෝල් රඟහල පදනමේ නාට්‍යයකට දායකවුණා. රෝහණ දන්දෙණිය සර්ගේ රාස්ස පරාස්ස කියන නාට්‍යයට සම්බන්ධ වුණා. කෑම ලෑස්තියි, සුභ සහ යස, සුදු සහ කළු, පෙම් යුවලක් ඕනැ කර තිබෙයි, මිට නැති කුඩ වැනි නාට්‍ය වලට මේ වනවිට දායක වී සිටිනවා. ඊට අමතරව අපි රාජ්‍ය නාට්‍ය උලෙළ හා යෞවන නාට්‍ය උලෙළට නාට්‍ය සිදුකරනවා.

කෙටි නාට්‍ය උලෙළ?

වසර හතරක පමණ කාලයක් අපි විවිධ වැඩ මුළු කළා. ධර්මිස්ඨ සමාජයක් ගොඩනගමු කියන නාට්‍ය කළා. එයට රාජ්‍ය නාට්‍ය සම්මාන උලෙළේ හා යෞවන සම්මාන හොඳම පිටපත හොඳම අධ්‍යක්ෂණය, වේෂ නිරූපණය. වේදිකා පරිපාලනය වැනි සම්මාන හිමිවුණා. මෙම කෙටි නාට්‍ය ප්‍රදර්ශනයට මෙම නාට්‍යයත්, ආණ්ඩුවේ රස්සාව, දාහක් දෙනවකෝ, කිරි අම්මා අවතාරය වැනි නාට්‍ය වේදිකා ගත වෙනවා.

කෙටි නාට්‍යය වල යථාර්ථය?

මෙවර යෞවන සම්මාන උලෙළේ හොඳම නාට්‍ය බවට පත් වූ දිගු නාට්‍ය නාට්‍ය අවසානයක නළුවා හා නිළියට විදේශීය සංචාරයක් ලැබුණා. ප්‍රවීණයින්ගෙන් ඇහුවත් කියන්නේ කෙටි නාට්‍යයක් කරන්න එපා දිගු නාට්‍යයක් කරන්න කියලා. කෙටි නාට්‍ය සීමා වෙලා තියෙන්නේම සම්මාන උලෙළවල් වලටම පමණක් නිසා සංවිධායකවරු කෙටි නාට්‍ය ගන්නේ නැහැ. ඒ නිසා තමයි අපි එකතු වෙලා කෙටි නාට්‍ය හතරක් පැය දෙකක කාලෙකට ප්‍රදර්ශනයක් ලෙස කරන්නේ. රාජ්‍ය නාට්‍ය උලෙළක් යෞවන සම්මාන උලෙළත් අපගේ නාට්‍ය වලට සම්මාන ලැබුණා. නමුත් ඒවා සීමා වුනේ සෝනියර් වලට විතරයි. අපි මේ කෙටි නාට්‍ය හරහා අපිට දැනුන ප්‍රශ්න කතා කරනවා. ආණ්ඩුවෙ රස්සාවක්, ධාර්මික සමාජයක්, දාහක් දෙනවකෝ.. නාට්‍ය තුනෙන්ම කතා කරන්නේ තරුණයින්ට මුහුණ දෙන්න වෙන ගැටලු.

ඉදිරියේදී

ආණ්ඩුවේ රස්සාව මම නිර්මාණය කල නාට්‍ය. එය ඉදිරියට වේදිකා ගත කරන්න කටයුතු කරනවා. ගුවන් විදුලි නාට්‍යක හඬකැවීමට දායක් වී සිටිනවා. Unnamed theater Grop එක දිගු නාට්‍යක් කිරීමටත් බලාපොරොත්තුවෙන් සිටිනවා. ජූනි මාසයේදී මෙම නාට්‍ය උලෙළ පිළියන්දල ප්‍ර‘දේශයේ පැවැත්වීමටත් බලාපොරොත්තු වෙනවා.

නිදුක් මධුෂික