‘‘ආනයනික ආහාර ගැන පරීක්ෂණයක් කරන්න‘‘

(අංජුල මහික වීරරත්න සහ සුජිත් හේවාජුලිගේ)

පොල්තෙල් ඇතුළු මෙරටට ආනයනය කරන ආහාරවල හානිකර ද්‍රව්‍ය තිබෙිදැයි වහාම පුළුල් පරීක්ෂණයක් පවත්වන ලෙස රජයේ ගිණුම් කාරක සභාව සෞඛ්‍ය අමාත්‍යාංශයට අද (16) දැනුම් දුන්නේය.

ආහාර පරීක්ෂා කිරීමේ බලය පවතින්නේ සෞඛ්‍ය අමාත්‍යාංශයට බැවින් ඒ සඳහා රසායනාගාර පහසුකම් වැඩිදියුණු කරන ලෙසත් ආහාර සුරක්ෂිතතාවයට අදාළ නීති කඩිනමින් සංශෝධනය කළ යුතු බවත් රජයේ ගිණුම් කාරක සභාවේ සභාපති මහාචාර්ය තිස්ස විතාරණ මහතා සෞඛ්‍ය අමාත්‍යාංශ නිලධාරීන්ට මෙහිදී දැනුම් දුන්නේය. ආහාර පරීක්ෂා කරන රසායනාගාර අතර නිසි සම්බන්ධීකරණයක් නොමැතිවීම හේතුවෙන් පවතින ගැටලුකාරී තත්ත්වය උග්‍රවී ඇති බව ගිණුම් කාරක සභාවේ හිටපු සභාපති රාජ්‍ය අමාත්‍ය ලසන්ත අලගියවන්න මහතා මෙහිදී පෙන්වා දුන්නේය.

2017සහ2018 වසරවල සෞඛ්‍ය අමාත්‍යාංශයේ විගණකාධිපති වාර්තා සහ වර්තමාන කාර්‍ය සාධනය පිළිබඳ සොයා බැලීමට පාර්ලිමේන්තු සංකීරණයේදී පැවැති රජයේ ගිණුම් පිළිබඳ කාරක සභාව රැස්වූ අවස්ථාවේදී මෙි පිළිබඳව අවධානය යොමු විය.

පාර්ලිමේන්තු මන්ත්‍රී ආචාර්ය හරිනි අමරසූරිය මහත්මිය මෙහිදී පැවසූයේ ආනයනය කරන රූපලාවන්‍ය ද්‍රව්‍ය වල ශරීරයට ඉතාම අහිතකර රසායනික ද්‍රව්‍ය අඩංගු බව තහවුරු වී ඇති බවයි . රූපලාවන්‍ය ද්‍රව්‍ය ආනයනය කිරීමේ දී නිසි නියාමන ක්‍රමවේදයක් සැකසීම ඉතා වැදගත් බව කාරක සභාවේ මතය වූ අතර, ඒ සඳහා කඩිනමින් කටයුතු කරන ලෙස ද සෞඛ්‍ය අමාත්‍යාංශයේ නිලධාරින්ට උපදෙස් දුන්නේය.

ආහාර සඳහා බලාත්මක වන්නේ සෞඛ්‍ය අමාත්‍යාංශයේ නීති රීති බැවින් ආහාර වල ප්‍රමිතිය පරීක්ෂා කිරීම සඳහා කඩිනමින් ක්‍රියාත්මක වීමේ අවශ්‍යතාව කාරක සභාවේ සභාපති පාර්ලිමේන්තු මන්ත්‍රී මහාචාර්‍ය තිස්ස විතාරණ මහතා මෙහිදි අවධාරණය කළේය.

මෙම කාරක සභාවට තිස්ස අත්තනායක, නිරෝෂන් පෙරේරා, වෛද්‍ය උපුල් ගලප්පත්ති, වීරසුමන වීරසිංහ යන පාර්ලිමේන්තු මන්ත්‍රීවරු ද සහභාගී වූහ.

අදහස් (10)

‘‘ආනයනික ආහාර ගැන පරීක්ෂණයක් කරන්න‘‘

සමිත සේනක අලුත්ගමගේ. Saturday, 17 April 2021 03:35 AM

මෙපමණ කල් පිටරටින් ගෙනා වස විස කෑවා. දැන්වත් එය නැවැත්වීමට පියවර ගැනීම වැදගත් දෙයක්... තවත් කෙවිටිලි කරනකන් ඉන්නේ නැතිව රට ඇතුළේ කෑම බීමවලට වස විස දමන එකත් නවත්වා දැමීමට වහාම පියවර ගන්න. කහකුඩු වලට ඩයි හා පාන්පිටි, කිතුල්පැණි වලට පැණි ටිකක් හා දහ ජරාව, මස් මාළු වලට ෆෝමලින්, හාල් වලට ඩයි, රස කැවිලි වලට හා පැණිබීම වලට සැකරින්, බයිට් වලට ප්ලාස්ටික් දමා බැදීම, ආප්ප වලට ප්ලාස්ට් ඔෆ් පැරිස් (පැරිස් බදාම), ආදාහනාගාරවල කරෝල වේලීම ආදී බොහෝ දේ සඳහා වහාම නිසි පියවර ගත යුතුයි...

: 1 118

janahitha Saturday, 17 April 2021 04:42 AM

ඇමැතිවරු නැතිද? වහාම පියවර ගන්න... ඔවුන්ට දැනුමක් නැතිද? එසේ නම් ඔවුන් වහාම ඉවත්විය යුතුය.

: 1 30

gamageSaturday, 17 April 2021 09:53 AM

ඒ ගොල්ලන් ඉන්නේ රට බේරගන්නනේ... ඒ ගොල්ලන්ට ගොඩක් වැඩ තියෙනවා..

: 6 7

mathi amathi B G Saturday, 17 April 2021 07:01 AM

ආදාහනාගාරවල කරෝල ඉතා රසයිලු.. අලු කවලම් නැතිනම් අවුලක් නැහැ.

: 2 24

Rata Perata Saturday, 17 April 2021 07:16 AM

අද වෙනකම් නන්දසේන ඉක්මණට කරපු එකම වැඩේ 20වැනි සංශෝධනය සම්මත කරගත්ත එක විතරයි.

: 31 19

සෝමදාස Saturday, 17 April 2021 08:03 AM

ඉතාමත් හොඳ වැඩක්... මේවා කරන්න තිබුනේ බොහොම ඉස්සර...

: 0 21

විපරමා Saturday, 17 April 2021 10:36 AM

කියන්න නම් ලේසියි. කෙරුවාවල් කෙසේ වෙතත්.... බල්ලෝ මරලා හරි කමක් නැහැ.. තමුන්ගේ මඩිය තරකර ගන්න හදන අය ගැන අපි නොදන්නවා නෙවෙයිනේ...

: 0 6

Sriyal Saturday, 17 April 2021 10:37 AM

නීති වෙනස් කරලා PHIට බලය දෙන්න වගකීම දෙන්න වෙනත් රටවල් ආදර්ශයට ගන්න.

: 7 1

Vipula Saturday, 17 April 2021 11:26 AM

ආනයනය කරන ආහාර පමණක් නොවේ.. සැකසුම් හා බහාළුම් ආයතන වලින් වෙළඳපලට පිටවෙන ආහාරයි පර්‍රික්‍ෂා කළයුත්තේ...

: 0 3

mathi amathi BG Sunday, 18 April 2021 05:28 PM

ආනයනික ආහාර ගැන පරීක්ෂණයක් කරන්න?

: 0 0

ඔබේ අදහස් එවන්න

එසැණ පුවත්

ඉදිරි පැය 12 ගැන කාලගුණය අනතුරු අඟවයි

2024 නොවැම්බර් මස 26 214 0

නිරිත දිග බෙංගාල බොක්ක මුහුදු ප්‍රදේශය ආශ්‍රිතව පැවති පීඩන අවපාතය ඉදිරි පැය 12 තුළදී වයඹ දෙසට ගමන් කර ගැඹුරු පීඩන අවපාතයක් දක්වා වර්ධනය වෙමින් දිවයිනේ